This document is an excerpt from the EUR-Lex website
Document 32017R1588
Commission Implementing Regulation (EU) 2017/1588 of 19 September 2017 amending Regulation (EC) No 2535/2001 as regards the concessions on dairy products originating in Canada
Regolament ta' Implimentazzjoni tal-Kummissjoni (UE) 2017/1588 tad-19 ta' Settembru 2017 li jemenda r-Regolament (KE) Nru 2535/2001 f'dak li għandu x'jaqsam mal-konċessjonijiet fuq prodotti tal-ħalib li joriġinaw mill-Kanada
Regolament ta' Implimentazzjoni tal-Kummissjoni (UE) 2017/1588 tad-19 ta' Settembru 2017 li jemenda r-Regolament (KE) Nru 2535/2001 f'dak li għandu x'jaqsam mal-konċessjonijiet fuq prodotti tal-ħalib li joriġinaw mill-Kanada
C/2017/6179
ĠU L 241, 20.9.2017, p. 18–20
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2020; Impliċitament imħassar minn 32020R0760
20.9.2017 |
MT |
Il-Ġurnal Uffiċjali tal-Unjoni Ewropea |
L 241/18 |
REGOLAMENT TA' IMPLIMENTAZZJONI TAL-KUMMISSJONI (UE) 2017/1588
tad-19 ta' Settembru 2017
li jemenda r-Regolament (KE) Nru 2535/2001 f'dak li għandu x'jaqsam mal-konċessjonijiet fuq prodotti tal-ħalib li joriġinaw mill-Kanada
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1), u b'mod partikolari l-Artikolu 187 tiegħu,
Billi:
(1) |
Bid-Deċiżjoni tal-Kunsill (UE) 2017/38 (2), il-Kunsill, f'isem l-Unjoni Ewropea awtorizza l-applikazzjoni provviżorja tal-Ftehim Ekonomiku u Kummerċjali Komprensiv bejn l-Unjoni Ewropea u l-Istati Membri tagħha, minn naħa, u l-Kanada, min-naħa l-oħra (“il-Ftehim”). |
(2) |
L-Artikolu 2.4 tal-Ftehim jipprovdi għat-tnaqqis u l-eliminazzjoni tad-dazji doganali fuq importazzjonijiet ta' oġġetti li joriġinaw fil-Kanada f'konformità mal-Anness 2-A tiegħu. Il-paragrafu 2 ta' dak l-Anness jipprovdi li l-Partijiet tal-Ftehim għandhom jeliminaw id-dazji doganali fuq ċerti prodotti ta' oriġini fid-data tad-dħul fis-seħħ ta' dak il-Ftehim. Din ir-regola jenħtieġ li tapplika għall-ħalib u għall-prodotti tal-ħalib importati fl-Unjoni. |
(3) |
Ir-Regolament tal-Kummissjoni (KE) Nru 2535/2001 (3) jistabbilixxi regoli fir-rigward tal-kwota tat-tariffa Nru 09.4513 fuq l-importazzjoni għall-ġobon Ċeddar (Cheddar) li joriġina fil-Kanada. Billi l-Ftehim jipprovdi għall-eliminazzjoni tad-dazji doganali fuq il-prodotti tal-ħalib, dik il-kwota tat-tariffa fuq l-importazzjoni għandha tiġi abolita. Għalhekk, jenħtieġ li jitħassru d-dispożizzjonijiet tar-Regolament (KE) Nru 2535/2001 li jikkonċernaw l-amministrazzjoni ta' dik il-kwota tat-tariffa. Barra minn hekk, huwa xieraq li jiġu aġġornati ċerti dispożizzjonijiet fl-Anness XI ta' dak ir-Regolament. |
(4) |
Għalhekk jenħtieġ li r-Regolament (KE) Nru 2535/2001 jiġi emendat skont dan. Jenħtieġ li l-emendi proposti japplikaw mid-data tal-applikazzjoni provviżorja tal-Ftehim u għalhekk dan ir-Regolament jenħtieġ li jidħol fis-seħħ malajr kemm jista' jkun. |
(5) |
Il-miżuri previsti f'dan ir-Regolament huma skont l-opinjoni tal-Kumitat għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 2535/2001 huwa emendat kif ġej:
(a) |
fl-Artikolu 29, il-paragrafu 2 huwa sostitwit b'dan li ġej: “2. Il-kaxxa 3 taċ-ċertifikati tal-IMA 1, rigward ix-xerrej, u l-kaxxa 6 rigward il-pajjiż tad-destinazzjoni m'għandhomx jimtlew.” |
(b) |
fil-Parti III.B tal-Anness III, l-annotazzjoni dwar in-numru tal-kwota 09.4513 hija mħassra. |
(c) |
l-Anness XI huwa emendat skont l-Anness ta' dan ir-Regolament. |
(d) |
fl-Anness XII, l-annotazzjoni dwar il-Kanada hija mħassra. |
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu jibda japplika mill-21 ta' Settembru 2017.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-19 ta' Settembru 2017.
Għall-Kummissjoni
Il-President
Jean-Claude JUNCKER
(1) ĠU L 347, 20.12.2013, p. 671.
(2) Id-Deċiżjoni tal-Kunsill (UE) 2017/38, tat-28 ta' Ottubru 2016 dwar l-applikazzjoni provviżorja tal-Ftehim Ekonomiku u Kummerċjali Komprensiv (CETA) bejn il-Kanada, minn naħa waħda, u l-Unjoni Ewropea u l-Istati Membri tagħha, min-naħa l-oħra (ĠU L 11, 14.1.2017, p. 1080).
(3) Ir-Regolament tal-Kummissjoni (KE) Nru 2535/2001 tal-14 ta' Diċembru 2001 li jipprovdi regoli dettaljati biex ikun applikat ir-Regolament tal-Kunsill (KE) Nru 1255/1999 rigward l-arranġamenti tal-importazzjoni tal-ħalib u tal-prodotti tal-ħalib u biex jinfetħu kwoti tat-tariffa (ĠU L 341, 22.12.2001, p. 29).
ANNESS
L-Anness XI tar-Regolament (KE) Nru 2535/2001 huwa emendat kif ġej:
(a) |
Il-Parti A hija mħassra; |
(b) |
Il-Partijiet B, C u D huma sostitwiti b'dan li ġej: |
“B. |
Rigward il-ġobon Ċeddar li jaqa' fi ħdan il-kodiċi tan-NM bin-numru ex 0406 90 21 u elenkat taħt in-numru tal-kwota 09.4514 fl-Anness I.K u taħt in-numru tal-kwota 09.4521 fl-Anness III.B:
|
C. |
Rigward il-ġobon taċ-Ċeddar maħsub għall-ipproċessar kopert bil-kodiċi NM ex 0406 90 01 u elenkat taħt in-numru tal-kwota 09.4515 fl-Anness I.K u taħt in-numru tal-kwota 09.4522 fl-Anness III.B:
|
D. |
Rigward il-ġobon in ġenerali għajr il-ġobon taċ-Ċeddar maħsub għall-ipproċessar bil-kodiċi NM ex 0406 90 01 elenkat taħt in-numru tal-kwota 09.4515 fl-Anness I.K u taħt in-numru tal-kwota 09.4522 fl-Anness III.B:
|