1.4.2016   

MT

Il-Ġurnal Uffiċjali tal-Unjoni Ewropea

L 85/6

(1)

Il-Pjan ta' Investiment għall-Ewropa, adottat mill-Kummissjoni f'Novembru 2014, jiffoka fuq it-tneħħija tal-ostakoli kollha għall-investiment, jipprovdi viżibbiltà u assistenza teknika għal proġetti ta' investiment u jagħmel użu iktar intelliġenti ta' riżorsi finanzjarji ġodda u eżistenti. Bħala parti minn dan il-pjan, it-twaqqif ta' Fond Ewropew għal Investimenti Strateġiċi (EFSI) permezz tar-Regolament (UE) 2015/1017 tal-Parlament Ewropew u tal-Kunsill (2), għandu l-għan li jissupera n-nuqqas ta' investiment fl-UE billi jimmobilizza l-finanzjament privat għal investimenti strateġiċi li s-suq ma jistax jiffinanzja waħdu. Huwa ser jappoġġa investimenti strateġiċi fl-infrastruttura kif ukoll finanzjament ta' riskju għan-negozji ż-żgħar. Fl-istess ħin, il-ħidma fuq l-istabbiliment ta' Unjoni tas-Swieq Kapitali se tintensifika l-integrazzjoni finanzjarja u tgħin iżżid it-tkabbir u l-kompetittività fl-UE

(2)

Sabiex ikun hemm kontribuzzjoni għal dawn l-għanijiet, kif ukoll għall-objettiv tal-Unjoni ta' tkabbir sostenibbli fit-tul, l-investimenti mill-assiguraturi, li huma investituri istituzzjonali kbar, fl-infrastruttura jew permezz tal-EFSI, għandhom jiġu ffaċilitati. Sabiex investiment bħal dawn jiġu ffaċilitati, klassi ġdida ta' assi għall-investimenti fl-infrastruttura għandhom jiġu stabbiliti fi ħdan il-qafas stabbilit bid-Direttiva 2009/138/KE. L-implimentazzjoni parallela ta' din it-tip ta' inizjattiva flimkien mal-EFSI, għandha żżid l-impatt globali għat-tkabbir u l-impjiegi fl-Unjoni.

(3)

Il-Kummissjoni talbet u rċeviet parir tekniku mill-Awtorità Ewropea tal-Assigurazzjoni u l-Pensjonijiet tax-Xogħol fir-rigward tal-kriterji u l-kalibrar ta' klassi ġdida ta' assi għall-investimenti fl-infrastruttura.

(4)

F'konformità mal-objettiv tal-Pjan ta' Investiment għall-Ewropa biex jappoġġa investiment li jgħin biex tissaħħaħ l-infrastruttura tal-Ewropa, b'enfasi partikolari fuq il-bini ta' suq uniku iktar interkonness, il-klassi ta' assi ta' infrastruttura ġdida m'għandhiex tkun limitata għal setturi speċifiċi jew strutturi fiżiċi, iżda tinkludi s-sistemi kollha u netwerks li jipprovdu u jappoġġjaw servizzi pubbliċi essenzjali.

(5)

Biex jiġi żgurat li l-infrastruttura ta' klassi tal-assi hija effettivament delimitata għal investimenti fl-infrastruttura, l-assi tal-infrastruttura kwalifikanti għandhom ikunu proprjetà, finanzjati, żviluppati jew operati minn entità għall-proġett infrastrutturali li ma twettaq ebda funzjoni oħra.

(6)

Klassi ta' assi ta' infrastruttura ġdida għandha tkun inkwadrata minn kriterji li jiżguraw li l-investimenti fl-infrastruttura juru profil tar-riskju sod fir-rigward tar-reżiljenza tal-istress, il-prevedibbiltà ta' flussi ta' flus u l-ħarsien li jipprovdi qafas kuntrattwali. Fejn jista' jiġi ppruvat li investimenti fl-infrastruttura juru profil aħjar tar-riskju minn investimenti korporattivi oħra, l-allokazzjoni tar-riskju fil-firxa u s-submoduli tar-riskju ta' ekwità tal-formula standard għandhom jitnaqqsu.

(7)

L-entità għall-proġett infrastrutturali għandha tipprovdi qafas kuntrattwali li jassigura livell għoli ta' protezzjoni lill-investituri tagħha, inklużi dispożizzjonijiet kontra telf minn tmiem il-proġett mill-parti li tkun ftiehmet li tixtri prodotti u servizzi, kif jista' jsir bil-konklużjoni ta' ftehim ta' xiri. Arranġamenti finanzjarji suffiċjenti għandhom jiġu stabbiliti biex ikopru r-rekwiżiti tal-kapital tax-xogħol u ta' finanzjament ta' kontinġenza.

(8)

Sabiex jitnaqqas ir-riskju għal min isellef, grad suffiċjenti ta' kontroll fuq entità għall-proġett infrastrutturali, għandu jiġi stabbilit, inklużi s-sigurtà f'assi u l-ekwità, kif ukoll li jillimita l-użu ta' flussi ta' flus u attivitajiet.

(9)

Fejn il-kalibrar għal investimenti f'bonds u self huwa mnaqqas ibbażat fuq is-suppożizzjoni li ħafna investimenti fl-infrastruttura huma miżmuma sal-maturità, l-impriża tal-assigurazzjoni jew ir-riassigurazzjoni għandha tkun tista' turi li hija kapaċi tagħmel dan.

(10)

Sabiex jiġu inċentivati investimenti fl-infrastruttura b'rati għolja ta' rkupru, klassi ġdida ta' assi għandha tkun limitata għal grad ta' investiment ta' dejn, u biss għal dejn ta' grd ogħla fejn ma tkunx disponibbli valutazzjoni esterna. Madankollu, biex jibqa' konsistenti mal-qafas għall-ekwitajiet stabbilit bid-Direttiva 2009/138/KE, l-inklużjoni ta' ekwità tal-infrastruttura f'din il-klassi ta' assi ġdida m'għandhiex tiddependi fuq l-eżistenza jew il-livell ta' kwalunkwe valutazzjoni esterna tal-entità tal-infrastruttura.

(11)

Fejn ma tkun disponibbli l-ebda valutazzjoni esterna minn istituzzjoni esterna tal-valutazzjoni tal-kreditu nominata (ECAI) għal investiment f'infrastruttura kwalifikanti, kriterji addizzjonali għandhom japplikaw sabiex jiġi żgurat li l-investiment huwa suġġett għal riskju limitat. Dawk il-kriterji għandhom jipprovdu għal ġestjoni professjonali tal-proġett fil-fażi ta' kostruzzjoni, jiżguraw mitigazzjoni adegwata ta' riskju tal-kostruzzjoni, jillimitaw ir-riskju tal-operat u ta' finanzjament mill-ġdid, u jipprojbixxu lill-proġett milli jidħol f'pożizzjonijiet derivattivi spekulattivi.

(12)

Fejn l-ebda evalwazzjoni esterna minn ECAI nominata għal investiment f'infrastruttura kwalifikanti ma hija disponibbli, għandu jiġi żgurat li proġett ta' infrastruttura jkun soġġett għal ambjent politiku stabbli.

(13)

Proġetti bbażati fuq teknoloġija jew disinn innovattiv għandhom ikunu eliġibbli li jaqgħu fi ħdan l-ambitu ta' din il-klassi ġdida ta' assi, biex jiġi żgurat li l-UE tkun tista' tkompli tistinka biex tkun fuq quddiem nett tal-iżviluppi teknoloġiċi hekk kif jevolvu. Sabiex jiġi żgurat li l-proġetti bbażati fuq innovazzjonijiet huma sikuri, l-assiguraturi għandhom iwettqu diliġenza dovuta xierqa biex jivverifikaw li t-teknoloġija hija ttestjata. Dan jista' jinkludi l-ittestjar ta' prototipi, ittestjar pilota u forom oħra ta' ttestjar biex juru li l-proġett għandu teknoloġija u disinn sodi.

(14)

B'mod ġenerali, il-kombinazzjoni ta' dawn il-kriterji, ibbażata fuq il-parir tekniku tal-EIOPA, tiżgura li jkun hemm fis-seħħ sistema prudenzjalment soda, peress li dawk l-assi infrastrutturali li jibbenefikaw minn tnaqqis fir-rekwiżiti kapitali huma aktar sikuri u inqas volatili minn investimenti korporattivi kumparabbli.

(15)

L-EIOPA analizzat dejta dwar l-indiċi tal-ekwità infrastrutturali, l-ekwitajiet infrastrutturali elenkati u l-kumpaniji ta' inizjattivi ta' finanzjament privat. Fl-aħħar nett, ingħata parir dwar firxa ta' 30 % — 39 % għall-istress infrastrutturali. F'konformità mal-objettiv tal-Pjan ta' Investiment għall-Ewropa biex jitrawwem investiment fl-ekonomija reali, intagħżel l-ikkalibrar ta' 30 % għal klassi ġdida ta' assi infrastrutturali, peress li dan l-ikkalibrar jipprovdi l-aktar inċentivi effettivi għall-investiment fl-infrastruttura.

(16)

Skont il-parir tal-EIOPA, l-aġġustament simmetriku tal-imposta tal-kapital ta' ekwità għandu jiġi applikat għall-fattur tal-istress fuq ekwitajiet tal-infrastruttura fuq bażi ta' prorata.

(17)

It-tnaqqis ta' allokazzjoni għar-riskju fis-submodulu tar-riskju ta' firxa għandu jieħu inkonsiderazzjoni tal-fatt li hemm evidenza li turi li l-investimenti infrastrutturali juru rati ta' rkupru aħjar mid-dejn korporattiv, u huma inqas sensittivi għal fatturi ekonomiċi usa'. Konsegwentement, għal klassi ġdida ta' assi, l-istress għall-komponent tal-kreditu tal-firxa għandu jitnaqqas f'konformità mal-ikkalibrar pprovdut mill-EIOPA. Sabiex jittieħed inkonsiderazzjoni l-kriterju kwalifikanti li l-investimenti infrastrutturali jistgħu jinżammu sal-maturità, għandu jitnaqqas ukoll l-istress għall-komponent ta' likwidità tal-firxa.

(18)

Fejn l-istress tal-komponent ta' likwidità tal-firxa huwa mnaqqas għal investimenti infrastrutturali kwalifikanti, dan it-tnaqqis għandu japplika wkoll għal assi f'portafoll ta' aġġustament ta' korrispondenza, madankollu mingħajr l-ebda kkalkolar doppju għar-riskju ta' likwidità mnaqqas. Għal din ir-raġuni, il-firxa tal-istress applikabbli għall-assi ta' infrastruttura kwalifikanti f'portafoll tal-aġġustament ta' korrispondenza għandha tkun jew l-istress imnaqqas applikabbli għal assi ta' aġġustament ta' korrispondenza jew il-firxa tal-istress għall-assi ta' infrastruttura kwalifikanti, skont liema waħda minnhom tkun l-iktar baxxa.

(19)

Għandu jiġi żgurat trattament aktar adegwat għall-investiment tal-impriżi tal-assigurazzjoni u tar-riassigurazzjoni f'fondi stabbiliti bir-Regolament (UE) 2015/760 tal-Parlament Ewropew u tal-Kunsill (3), f'konformità mat-trattament tal-investimenti f'Fondi Ewropej ta' Kapital ta' Riskju u Fondi ta' Intraprenditorija Soċjali Ewropej li diġà huwa previst fl-Artikolu 168 tar-Regolament Delegat tal-Kummissjoni (UE) 2015/35 (4).

(20)

Fis-snin riċenti l-istrumenti finanzjarji kienu nnegozjati dejjem aktar fuq faċilitajiet multilaterali ta' negozjar (MTFs). Id-Direttiva 2014/65/UE tal-Parlament Ewropew u tal-Kunsill (5) tiżgura li l-MTFs ikunu suġġetti għall-istess rekwiżiti bħal tas-swieq irregolati f'dak li għandu x'jaqsam ma' min jistgħu jaċċettaw bħala membru jew parteċipant. Ir-Regolament (UE) Nru 600/2014 tal-Parlament Ewropew u tal-Kunsill (6) jimponi wkoll rekwiżiti simili ta' trasparenza fuq l-MTFs u s-swieq regolati. Sabiex titqies ir-rilevanza akbar tal-MTFs u l-konverġenza tat-regoli applikabbli kemm għall-MTFs kif ukoll għas-swieq irregolati, esponimenti nnegozjati fuq MTF għandhom jitqiesu bħala ekwità tat-tip 1 fis-submodulu tar-riskju tal-ekwitajiet.

(21)

Id-Direttiva 2014/51/UE tal-Parlament Ewropew u tal-Kunsill (7) introduċiet miżura tranżitorja applikabbli għall-investimenti ta' ekwità mixtrija qabel l-1 ta' Jannar 2016. Sabiex jiġi evitat li jkun hemm inċentivi għal diżinvestiment sinifikanti minn ekwitajiet mhux elenkati qabel mal-qafas stabbilit mid-Direttiva 2009/138/KE issir applikabbli, il-kamp ta' applikazzjoni tal-miżura tranżitorja ma għandux ikun limitat għall-ekwitajiet elenkati.

(22)

Biex ikun hemm trattament proporzjonat tal-ekwitajiet miżmumin f'impriżi ta' investiment kollettivi jew tal-investimenti aggregati bħala fondi, meta l-approċċ ta' trasparenza ma jkunx possibbli, dan ir-Regolament jispeċifika wkoll li l-miżura ta' tranżizzjoni stipulata fl-Artikolu 308b(13) tad-Direttiva 2009/138/KE għandha tapplika għal proporzjon ta' ishma azzjonarji miżmumin fl-impriża ta' investiment kollettiv jew fl-investimenti aggregati bħala fondi skont l-allokazzjoni fil-mira tal-assi sottostanti fl-1 ta' Jannar 2016, dejjem jekk l-allokazzjoni fil-mira tkun disponibbli għall-impriża. Dan jippermetti lill-impriżi biex jagħmlu stima tal-proporzjon ta' ekwitajiet mixtrija mill-maniġer tal-fond qabel l-1 ta' Jannar 2016, meta mhux possibbli li dawn ix-xirjiet jiġu rintraċċati minħabba l-limitazzjonijiet imposti minn regoli ta' divulgazzjoni, jew minħabba l-ispiża ferm għolja. Minn hemm 'il quddiem, il-proporzjon tal-ekwitajiet li għalihom tiġi applikata l-miżura tranżitorja għandhom jitnaqqsu ta' kull sena b'mod proporzjonat għall-proporzjon tal-fatturat tal-assi tal-impriża ta' investiment kollettiv jew għall-investimenti aggregati bħala fondi.

(23)

Ir-Regolament Delegat (UE) 2015/35 jinkludi diversi żbalji żgħar ta' abbozzar li għandhom jiġu emendati skont dan.

(24)

B'mod partikolari, ir-Regolament Delegat (UE) 2015/35 jistipula metodu ta' valutazzjoni għall-parteċipazzjonijiet f'impriżi relatati li huma esklużi mill-ambitu tas-superviżjoni tal-grupp jew huma mnaqqsa mill-fondi proprji eliġibbli għas-solvenza tal-grupp. Il-konsegwenzi f'termini ta' valutazzjoni għal parteċipazzjonijiet f'impriżi relatati għandhom ikunu l-istess, tkun xi tkun ir-raġuni għall-esklużjoni ta' impriża relatata partikolari mill-ambitu tas-superviżjoni tal-grupp u bħala riżultat, is-sitwazzjonijiet kollha fejn impriża relatata tista' tiġi eskluża mill-ambitu tas-superviżjoni tal-grupp għandhom jiġu koperti. Għaldaqstant, l-Artikolu 13 għandu jiġi emendat.

(25)

Fir-rigward ta' parteċipazzjonijiet strateġiċi f'istituzzjonijiet finanzjarji u ta' kreditu, fejn issir referenza għal metodu 1 tad-Direttiva 2002/87/KE tal-Parlament Ewropew u tal-Kunsill (8), dan ma għandux ifisser li l-grupp irid jiġi kkunsidrat ukoll bħala konglomerat u jkun suġġett għas-superviżjoni supplimentari skont din id-Direttiva. Sabiex tiġi applikata l-eżenzjoni, huwa biżżejjed li l-istituzzjoni finanzjarja jew ta' kreditu tkun inkluża fil-kalkolu tas-solvenza tal-grupp skont id-Direttiva 2009/138/KE. Iż-żewġ metodi ta' konsolidazzjoni fid-Direttiva 2002/87/KE u fid-Direttiva 2009/138/KE huma meqjusa ekwivalenti, kif stipulat fl-Artikolu 8 tar-Regolament Delegat tal-Kummissjoni (UE) Nru 342/2014 (9). Għaldaqstant, l-Artikolu 68(3) tar-Regolament Delegat (UE) 2015/35 għandu jiġi emendat.

(26)

Fir-rigward ta' dejta statistika aggregata, il-perjodi ta' żmien għar-rappurtar għandhom ikunu allinjati u għalhekk divulgazzjonijiet qabel il-31 ta' Diċembru 2020 għandhom jinkludu dejta mis-snin kollha ta' qabel li jibdew mill-1 ta' Jannar 2016. Għaldaqstant, l-Artikolu 316(2) tar-Regolament Delegat (UE) 2015/35 għandu jiġi emendat.

(27)

Ir-Regolament Delegat (UE) 2015/35 fih ukoll għadd ta' żbalji tipografiċi, bħal kontroreferenzi żbaljati, li għandhom jiġu kkoreġuti.

(28)

Meta jiġu applikati r-rekwiżiti stipulati f'dan ir-Regoalment, għandhom jitqiesu l-għamla, l-iskala u l-kumplessità tar-riskji inerenti fl-attivitajiet ta' impriża tal-assigurazzjoni jew tar-riassigurazzjoni. Il-piż u l-kumplessità imposti fuq l-impriżi tal-assigurazzjoni għandhom ikunu proporzjonati għall-profil tar-riskju tagħhom. Meta jiġu applikati r-rekwiżiti stipulati f'dan ir-Regolament, l-informazzjoni għandha titqies materjali jekk din l-istess informazzjoni jista' jkollha influwenza fuq it-teħid ta' deċiżjonijiet jew il-ġudizzju tal-utenti previsti ta' din l-informazzjoni.

(29)

Sabiex titjieb iċ-ċertezza legali dwar ir-reġim superviżorju qabel mar-reġim ta' Solvibbiltà II jiġi kompletament applikabbli fl-1 ta' Jannar 2016, huwa importanti li jiġi żgurat li dan ir-Regolament jidħol fis-seħħ malajr kemm jista' jkun.

1.

fl-Artikolu 1, jiddaħħlu l-punti segwenti 55a u 55b:

2.

L-Artikolu 13 huwa emendat kif ġej:

3.

Fl-Artikolu 68, il-paragrafu 3 jinbidel b'dan li ġej:

“3.   Minkejja l-paragrafi 1 u 2, l-impriżi tal-assigurazzjoni u tar-riassigurazzjoni ma għandhomx inaqqsu il-parteċipazzjonijiet strateġiċi kif imsemmi fl-Artikolu 171 li huma inklużi fil-kalkolu tas-solvenza tal-grupp abbażi tal-metodu 1 kif stipulat fl-Anness I għad-Direttiva 2002/87/KE jew abbażi tal-metodu 1 kif stipulat fl-Artikolu 230 tad-Direttiva 2009/138/KE.”;

4.

fit-Titolu I, il-Kapitolu V, it-Sezzjoni 5, tiddaħħal Subsezzjoni 1a li ġejja:

“Subsezzjoni 1a

Investimenti infrastrutturali kwalifikanti

Artikolu 164a

Investimenti infrastrutturali kwalifikanti

1.   Għall-finijiet ta' dan ir-Regolament, investiment infrastrutturali kwalifikanti għandu jinkludi investiment f'entità għall-proġett infrastrutturali li tissodisfa l-kriterji li ġejjin:

2.   Għall-finijiet tal-paragrafu 1(b), il-flussi ta' flus iġġenerati għal fornituri tas-self u l-investituri azzjonarji ma għandhomx jitqiesu prevedibbli, dment li r-rikavati kollha, ħlief xi parti irrelevanti minnhom, jissodisfaw il-kundizzjonijiet li ġejjin:

5.

L-Artikolu 168 huwa emendat kif ġej:

6.

fl-Artikolu 169, għandu jiżdied il-paragrafu 3 li ġej:

“3.   Ir-rekwiżit kapitali għall-ekwitajiet tal-infrastruttura li jikkwalifikaw imsemmijin fl-Artikolu 168 ta' dan ir-Regolament għandhom ikunu daqs it-telf fil-fondi proprji bażiċi li jirriżulta mit-tnaqqis f'daqqa li ġej:

7.

fl-Artikolu 170, jiżdied il-paragrafu 3 li ġej:

“3.   Meta impriża tal-assigurazzjoni jew tar-riassigurazzjoni tkun irċeviet approvazzjoni superviżorja biex tapplika d-dispożizzjonijiet stipulati fl-Artikolu 304 tad-Direttiva 2009/138/KE, ir-rekwiżit kapitali għal ekwitajiet tal-infrastruttura li jikkwalifikaw ikun daqs it-telf fil-fondi proprji bażiċi li jirriżulta minn tnaqqis f'daqqa ta':

8.

fl-Artikolu 171, is-sentenza introduttorja tinbidel b'dan li ġej:

“Għall-finijiet tal-Artikolu 169(1)(a) u (2)(a) u (3)(a) u tal-Artikolu 170(1)(b), (2)(b) u (3)(b), l-investimenti ta' ekwità ta' għamla strateġika jfissru investimenti ta' ekwità li għalihom l-impriża tal-assigurazzjoni jew ir-riassigurazzjoni parteċipanti turi dan li ġej:”;

9.

L-Artikolu 173 jinbidel b'dan li ġej:

“Artikolu 173

Kriterji għall-użu ta' miżura tranżitorja għar-riskju ta' ekwità standard

1.   Il-miżura ta' tranżizzjoni għar-riskju ta' ekwità standard stipulata fl-Artikolu 308b(13) tad-Direttiva 2009/138/KE tapplika biss għal ekwitajiet li nxtraw fl-1 ta' Jannar 2016 u li mhumiex suġġetti għar-riskju ta' ekwità bbażat fuq id-durata skont l-Artikolu 304 ta' dik id-Direttiva.

2.   Meta l-ekwitajiet jinżammu f'impriża tal-investiment kollettiv jew f'investimenti oħra aggregati bħala fondi, meta l-approċċ ta' trasparenza ma jkunx possibbli, il-miżura ta' tranżizzjoni stipulata fl-Artikolu 308b(13) tad-Direttiva 2009/138/KE għandha tapplika għal proporzjon tal-ekwitajiet miżmumin fl-impriża ta' investiment kollettiv jew fl-investimenti aggregati bħala fondi skont l-allokazzjoni fil-mira tal-assi sottostanti fl-1 ta' Jannar 2016, dejjem jekk l-allokazzjoni fil-mira tkun disponibbli għall-impriża. Il-proporzjon tal-ekwitajiet li għalihom tiġi applikata l-miżura tranżitorja għandhom jitnaqqsu ta' kull sena b'mod proporzjonat għall-proporzjon tal-fatturat tal-assi tal-impriża ta' investiment kollettiv jew għall-investimenti aggregati bħala fondi. Meta l-allokazzjoni fil-mira tal-investimenti tal-ekwità ta' impriża tal-investiment kollettiv jew tal-investimenti aggregati bħala fondi tiżdied, il-proporzjon tal-ekwitajiet li għalihom hija applikata l-miżura tranżitorja ma jiżdiedx.”;

10.

fl-Artikolu 180, il-paragrafi 11, 12, u 13 li ġejjin huma miżjuda:

“11.   Esponimenti fil-forma ta' bonds u self li jissodisfa l-kriterji stabbiliti fil-paragrafu 12 għandhom jiġu assenjati il-fattur ta' riskju stressi skont l-iskala tal-kwalità kreditizja u d-durata tal-esponiment skont it-tabella li ġejja:

12.   Il-kriterji għall-esponimenti li jiġu assenjati fattur ta' riskju skont il-paragrafu 11 ikunu li:

13.   Esponimenti fil-forma ta' bonds u self li jissodisfaw il-kriterji stabbiliti fil-paragrafu 12(a) u (b), li iżda ma jissodisfawx il-kriterji stabbiliti fil-paragrafu 12(c), għandhom jiġu assenjati fattur ta' riskju stressi ekwivalenti għall-iskala 3 tal-kwalità kreditizja u durata tal-esponiment konformi mat-tabella li tidher fil-paragrafu 11.”;

11.

L-aħħar sentenza tal-Artikolu 181(b) tinbidel b'dan li ġej:

“Għall-assi fil-portofoll assenjat li għalihom ma hemmx disponibbli valutazzjoni tal-kreditu minn ECAI nominata, u għal assi ta' infrastruttura kwalifikanti li jkunu ġew assenjati skala tal-kwalità kreditizja 3, il-fattur ta' tnaqqis għandu jkun ta' 100 %.”

12.

għandu jiddaħħal l-Artikolu 261a li ġej:

“Artikolu 261a

Immaniġjar tar-riskju għall-investimenti infrastrutturali kwalifikanti

1.   L-impriżi tal-assigurazzjoni u tar-riassigurazzjoni għandhom joperaw bid-diliġenza dovuta qabel ma jagħmlu investiment infrastrutturali kwalifikanti, inklużi dawn kollha li ġejjin:

2.   L-impriżi tal-assigurazzjoni u tar-riassigurazzjoni b'investiment infrastrutturali kwalifikanti għandhom regolarment jimmonitorjaw u jwettqu testijiet tal-istress fuq il-flussi tal-flus u l-valuri tal-kollateral li jappoġġjaw l-entità għall-proġett infrastrutturali. Kwalunkwe test tal-istress ikun proporzjonat għall-għamla, l-iskala u l-kumplessità tar-riskju inerenti fil-proġett infrastrutturali.

3.   Meta l-impriżi tal-assigurazzjoni jew tar-riassigurazzjoni jkollhom investimenti infrastrutturali materjali li jikkwalifikaw, huma għandhom, meta jiġu stabbiliti l-proċeduri bil-miktub msemmija fl-Artikolu 41(3) tad-Direttiva 2009/138/KE, jinkludu d-dispożizzjonijiet għall-monitoraġġ attiv ta' dawn l-investimenti matul il-fażi ta' kostruzzjoni, u sabiex jiġi mmassimizzat l-ammont irkuprat minn dawn l-investimenti f'xenarju ta' twettiq ta' ħidma.

4.   L-impriżi tal-assigurazzjoni jew tar-riassigurazzjoni b'investiment infrastrutturali li jikkwalifika f'bonds jew f'self għandhom jistabbilixxu l-ġestjoni tal-attiv u tal-passiv sabiex jiżguraw, li fuq bażi kontinwa għandhom il-kapaċità li jżommu l-investiment sal-maturità.”;

13.

fl-Artikolu 316, il-paragrafu 2 jinbidel b'dan li ġej:

“2.   Mill-31 ta' Diċembru 2020, id-divulgazzjoni tinkludi dejta tal-erba' snin ta' qabel. Fir-rigward tad-divulgazzjoni ta' qabel il-31 ta' Diċembru 2020, din għandha tinkludi d-dejta tas-snin kollha ta' qabel li jibdew mill-1 ta' Jannar 2016.”.

1.

fl-Artikolu 73(1), l-ewwel sentenza hi sostitwita bit-test li ġej:

“Il-karatteristiċi msemmija fl-Artikolu 72 għandhom ikunu dawk stabbiliti fil-punti minn (a) sa (i) jew dawk stabbiliti fil-punt (j):”;

2.

L-Artikolu 170 jiġi kkoreġut kif ġej:

3.

L-Artikolu 176 jiġi kkoreġut kif ġej:

4.

fl-Artikolu 179, il-paragrafu 1 jiġi kkoreġut kif ġej:

5.

fl-Artikolu 192, fil-paragrafu 2 fis-sottoparagrafu 5, il-formula tinbidel b'dan li ġej:

“LGD = max(90 % · (Recoverables + 50 % · RMre ) – F′ · Collateral;0)”;.

6.

fl-Artikolu 218, il-paragrafu 3 jinbidel b'dan li ġej:

“3.   Meta l-impriżi tal-assigurazzjoni jew tar-riassigurazzjoni jkunu kkonkludew bosta kuntratti tar-riassigurazzjoni għall-eċċess tat-telf u kull wieħed minn dawn jissodisfa r-rekwiżiti stipulati fil-punt (d) tal-paragrafu 2, u li flimkien jissodisfaw ir-rekwiżiti stipulati fil-punti (a), (b) u (c) tal-paragrafu 2, il-kombinament tagħhom jitqies bħala kuntratt rikonoxxibbli wieħed tar-riassigurazzjoni għall-eċċess tat-telf.”;

7.

fl-Artikolu 296, il-paragrafu 4 jinbidel b'dan li ġej:

“4.   Ir-rapport dwar is-solvenza u l-kundizzjoni finanzjarja għandu jinkludi informazzjoni dwar l-oqsma stipulati fl-Artikolu 263 f'konformità mar-rekwiżiti ta' divulgazzjoni tal-impriża tal-assigurazzjoni jew tar-riassigurazzjoni kif stipulat fil-paragrafi 1 u 3 ta' dan l-Artikolu.”;

8.

fl-Artikolu 317, il-paragrafu 3 jinbidel b'dan li ġej:

“3.   Id-dejta statistika aggregata annwali dwar l-impriżi u l-gruppi taħt superviżjoni skont l-Artikolu 316 għandha tiġi ddivulgata fir-rigward ta' kull sena kalendarja fi żmien tliet xhur wara d-data li sa din l-impriżi li jkollhom sena finanzjarja li ntemmet fil-31 ta' Diċembru huma meħtieġa jissottomettu mudelli kwantitattivi annwali skont l-Artikolu 312(1)(c). L-informazzjoni dwar l-awtoritajiet superviżorji għandha titqiegħed għad-dispożizzjoni fi żmien erba' xhur wara l-31 ta' Diċembru ta' kull sena kalendarja.”

9.

fl-Artikolu 330, il-paragrafu 1 jinbidel b'dan li ġej:

“1.   Fil-valutazzjoni ta' jekk ċerti fondi proprji eliġibbli biex ikopru r-Rekwiżit Kapitali tas-Solvenza ta' impriża tal-assigurazzjoni jew tar-riassigurazzjoni relatata, ta' impriża tal-assigurazzjoni jew tar-riassigurazzjoni relatata ta' pajjiż terz, ta' kumpanija b'parteċipazzjoni tal-assigurazzjoni jew ta' kumpanija azzjonarja finanzjarja mħallta jistgħux effettivament jitqiegħdu għad-dispożizzjoni biex ikopru l-grupp tar-Rekwiżit Kapitali tas-Solvenza, l-awtoritajiet superviżorji għandhom jikkunsidraw l-elementi kollha li ġejjin:

10.

fl-Artikolu 375, il-paragrafu 2 jinbidel b'dan li ġej:

“2.   Impriżi tal-assigurazzjoni u tar-riassigurazzjoni, kumpaniji azzjonarji tal-assigurazzjoni jew kumpaniji azzjonarji finanzjarji mħallta parteċipanti għandhom jissottomettu lis-superviżur tal-grupp l-informazzjoni msemmija fil-paragrafu 1 sa mhux aktar tard minn 26 ġimgħa wara d-data ta' referenza tad-dikjrazzjoni finanzjarja tal-bidu kif imsemmi fl-Artikolu 314(1)(a).”;

11.

L-Anness XVII jiġi kkoreġut skont l-Anness I ta' dan ir-Regolament;

12.

L-Anness XVIII jiġi kkoreġut skont l-Anness II ta' dan ir-Regolament;

13.

L-Anness XXI jiġi kkoreġut skont l-Anness III ta' dan ir-Regolament;