This document is an excerpt from the EUR-Lex website
Document 32015R1205
Commission Implementing Regulation (EU) 2015/1205 of 23 July 2015 amending Implementing Regulation (EU) No 743/2013 introducing protective measures on imports of bivalve molluscs from Turkey intended for human consumption, as regards its period of application (Text with EEA relevance)
Regolament ta' Implimentazzjoni tal-Kummissjoni (UE) 2015/1205 tat-23 ta' Lulju 2015 li jemenda r-Regolament ta' Implimentazzjoni (UE) Nru 743/2013 li jintroduċi miżuri ta' protezzjoni dwar l-importazzjonijiet tal-molluski bivalvi mit-Turkija intenzjonati għall-konsum mill-bniedem, b'rabta mal-perjodu tal-applikazzjoni tiegħu (Test b'rilevanza għaż-ŻEE)
Regolament ta' Implimentazzjoni tal-Kummissjoni (UE) 2015/1205 tat-23 ta' Lulju 2015 li jemenda r-Regolament ta' Implimentazzjoni (UE) Nru 743/2013 li jintroduċi miżuri ta' protezzjoni dwar l-importazzjonijiet tal-molluski bivalvi mit-Turkija intenzjonati għall-konsum mill-bniedem, b'rabta mal-perjodu tal-applikazzjoni tiegħu (Test b'rilevanza għaż-ŻEE)
ĠU L 196, 24.7.2015, p. 2–3
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2016
|
24.7.2015 |
MT |
Il-Ġurnal Uffiċjali tal-Unjoni Ewropea |
L 196/2 |
REGOLAMENT TA' IMPLIMENTAZZJONI TAL-KUMMISSJONI (UE) 2015/1205
tat-23 ta' Lulju 2015
li jemenda r-Regolament ta' Implimentazzjoni (UE) Nru 743/2013 li jintroduċi miżuri ta' protezzjoni dwar l-importazzjonijiet tal-molluski bivalvi mit-Turkija intenzjonati għall-konsum mill-bniedem, b'rabta mal-perjodu tal-applikazzjoni tiegħu
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 97/78/KE tat-18 ta' Diċembru 1997 li tistabbilixxi l-prinċipji li jirregolaw l-organizzazzjoni tal-verifiki veterinarji fuq prodotti li jidħlu fil-Komunità minn pajjiżi terzi (1), u b'mod partikolari l-Artikolu 22(6) tagħha,
Billi:
|
(1) |
Ir-Regolament ta' Implimentazzjoni tal-Kummissjoni (UE) Nru 743/2013 (2) ġie adottat minħabba li l-awditi tas-servizz tal-awditjar tal-Kummissjoni, jiġifieri l-Uffiċċju Alimentari u Veterinarju (“FVO”), identifikaw li t-Turkija għandha defiċjenzi fil-mod kif timplimenta l-kontrolli uffiċjali tal-produzzjoni tal-molluski bivalvi maħsuba għall-esportazzjoni lejn l-Unjoni, u minħabba li l-Istati Membri rrappurtaw kunsinni mhux konformi ta' molluski bivalvi li oriġinaw mit-Turkija li ma kinux qed jissodisfaw l-istandards mikrobijoloġiċi tal-Unjoni. |
|
(2) |
L-awtoritajiet kompetenti Torok ippreżentaw l-informazzjoni dwar il-miżuri korrettivi li nbdew biex jiġu indirizzati n-nuqqasijiet identifikati fis-sistema tal-kontroll għall-molluski bivalvi maħsuba għall-esportazzjoni lejn l-Unjoni. Madankollu, minħabba s-serjetà tan-nuqqasijiet identifikati fl-awditi tal-FVO, qabel ma jiġi kkunsidrat li jitneħħew il-miżuri, tenħtieġ verifika ta' segwitu mill-FVO. Barra minn hekk, l-Istati Membri rrappurtaw ċerti każijiet ta' nuqqas ta' konformità mikrobijoloġika tal-molluski bivalvi ppreżentati f'post ta' spezzjoni fil-fruntiera tad-dħul fl-Unjoni. |
|
(3) |
Għalhekk, il-limitu tal-applikazzjoni tar-Regolament (UE) Nru 743/2013 għandu jiġi emendat skont dan. |
|
(4) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Fit-tieni paragrafu tal-Artikolu 5 tar-Regolament (UE) Nru 743/2013, id-data “4 ta' Awwissu 2015” għandha tinbidel u ssir “31 ta' Diċembru 2016”.
Artikolu 2
Dan ir-Regolament jidħol fis-seħħ fit-tielet jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, it-23 ta' Lulju 2015.
Għall-Kummissjoni
Il-President
Jean-Claude JUNCKER
(2) Ir-Regolament ta' Implimentazzjoni tal-Kummissjoni (UE) Nru 743/2013 tal-31 ta' Lulju 2013 li jintroduċi miżuri ta' protezzjoni dwar l-importazzjonijiet tal-molluski bivalvi mit-Turkija intenzjonati għall-konsum mill-bniedem (ĠU L 205, 1.8.2013, p. 1).