7.11.2014   

MT

Il-Ġurnal Uffiċjali tal-Unjoni Ewropea

L 324/1

(1)

Sabiex jiġu identifikati l-iskoperturi kumplessivi għal obbligant partikolari li jirriżulta mill-iskoperturi tal-istituzzjoni għal tranżazzjoni, b’assi sottostanti, huwa meħtieġ li l-ewwel jiġi identifikat il-valur tal-iskopertura b’mod separat għal kull waħda minn dawn l-iskoperturi. Il-valur tal-iskopertura totali għandu mbagħad jiġi ddeterminat mill-aggregat ta’ dawn l-iskoperturi, iżda ma għandux ikun akbar mill-valur tal-iskopertura ffurmat milll-assi sottostanti nnifshom.

(2)

Fejn l-iskoperturi ta’ investituri oħra jikklassifikaw pari passu mal-iskopertura tal-istituzzjoni, il-valur tal-iskopertura tal-istituzzjoni għal assi sottostanti għandu jirrifletti d-distribuzzjoni prorata tat-telf fost l-iskoperturi li jikklassifikaw pari passu. Dan jirriżulta mill-fatt li jekk seħħ avveniment ta’ inadempjenza għal assi sottostanti, it-telf dejjem huwa distribwit fost l-iskoperturi li jikklassifikaw pari passu skont il-proporzjon prorata ta’ kull waħda minn dawn l-iskoperturi u t-telf massimu li l-istituzzjoni ġġarrab f’każ ta’ telf totali fuq assi sottostanti huwa limitat għall-porzjon skont il-proporzjon tal-iskopertura tal-istituzzjoni għat-total tal-iskoperturi kollha li jikklassifikaw pari passu.

(3)

Għandha ssir distinzjoni bejn transazzjonijiet fejn l-investituri kollha jikklassifikaw pari passu bħal impriżi ta’ investiment kollettiv, u tranżazzjonijiet oħra, bħat-titolizzazzjoni, li jistgħu jinvolvu segmentar ta’ titolizzazzjoni fejn l-iskoperturi jistgħu jikklassifikaw b’mod differenti fl-anzjanità. Għal tranżazzjonijiet tal-ewwel tip l-iskopertura li tirriżulta għal assi sottostanti hija dipendenti biss fuq il-proporzjon prorata tal-iskopertura tal-investitur relatata mal-iskoperturi tal-investituri kollha. Għal dawk tat-tieni tip it-telf huwa attribwit l-ewwel għal ċertu segment skont l-anzjanità u mbagħad, fil-każ ta’ aktar minn investitur wieħed fl-istess segment, fost l-investituri fuq bażi prorata. Is-segmenti kollha f’titolizzazzjoni għandhom jiġu ttrattati bl-istess mod minħabba li, fl-agħar sitwazzjoni, segmenti subordinati jistgħu jisparixxu malajr ħafna. B’mod partikolari, it-telf massimu mġarrab mill-investituri kollha f’ċertu segment f’każ ta’ telf totali fuq assi sottostanti għandu jkun rikonoxxut peress li l-ebda mitigazzjoni m’għandha tkun rikonoxxuta mis-segment subordinat. L-iskopertura ta’ istituzzjoni għal assi sottostanti ta’ tranżazzjoni ma għandhiex taqbeż il-valur totali tal-iskopertura ta’ dan is-segment (ladarba it-telf għal investitur f’segment partikolari mill-inadempjenza ta’ assi sottostanti ma jista’ qatt ikun ogħla mill-valur totali tal-iskopertura tas-segment) u l-valur tal-iskopertura ffurmat mill-assi sottostanti (ladarba l-istituzzjonijiet ma jistgħu qatt jitilfu iktar mill-ammont tal-assi sottostanti). Din il-limitazzjoni ta’ telf massimu għandha tiġi riflessa permezz tal-użu tal-inqas miż-żewġ valuri ta’ skopertura u mbagħad għandha tkun applikata l-proċedura għar-rikonoxximent tad-distribuzzjoni prorata tat-telf fost l-iskoperturi kollha li jkunu kklassifikati pari passu f’dan is-segment, f’każ ta’ aktar minn investitur wieħed f’dan is-segment.

(4)

Għalkemm l-istituzzjonijiet huma mistennija li jidentifikaw kull obbligant ta’ assi sottostanti ta’ tranżazzjonijiet li jinvestu fihom, jista’ jkun hemm każijiet fejn dan joħloq kostijiet mhux ġustifikabbli għal istituzzjonijiet jew fejn iċ-ċirkostanzi jipprevjenu istituzzjonijiet milli jidentifikaw debituri partikolari bħala tali, fejn skopertura għal assi sottostanti hija żgħira biżżejjed biex tikkontribwixxi b’mod immaterjali biss għall-iskopertura kumplessiva għal ċertu klijent jew grupp ta’ klijenti relatati, għandu jkun biżżejjed li din l-iskopertura tkun assenjata għat-tranżazzjoni bħala klijent separat. It-total ta’ dawn l-iskoperturi għal assi sottostanti tal-istess tranżazzjoni għandu xorta jkun limitat mil-limitu tal-iskoperturi l-kbar għal din it-tranżazzjoni. L-immaterjalità tal-kontribuzzjoni ta’ assi sottostanti għall-iskoperturi kumplessivi għandha tkun preżunta meta tal-anqas 100 skoperturi għal assi sottostanti ta’ tranżazzjoni huma meħtieġa biex jintlaħaq il-limitu ta’ 25 % tal-kapital eliġibbli tal-istituzzjoni. Dan ikun jeħtieġ li l-valur tal-iskopertura ma jaqbiżx iż-0,25 % tal-kapital eliġibbli tal-istituzzjoni.

(5)

Sabiex jipprevjenu skopertura kumplessiva bla limitu li tirriżulta minn nuqqasijiet tal-informazzjoni, ikun meħtieġ li l-iskoperturi jkunu assenjati — li għalihom il-valur tal-iskopertura jaqbeż iż-0,25 % tal-kapital eliġibbli tal-istituzzjoni u għal liema l-informazzjoni dwar l-obbligant hija nieqsa — għal klijent ipotetiku (“klijent mhux magħruf”) li għalih għandu japplika l-limitu ta’25 % ta’ skoperturi kbar.

(6)

Fejn istituzzjoni ma tkunx kapaċi tiddistingwi bejn assi sottostanti ta’ tranżazzjoni f’termini tal-ammont tagħhom, hemm riskju li l-assi sottostanti tat-tranżazzjoni huma relatati mal-istess obbligant jew grupp ta’ klijenti relatati. F’dan il-każ, sabiex jittaffa r-riskju, l-istituzzjoni għandha tkun meħtieġa tivvaluta l-materjalità tal-valur totali tal-iskoperturi tagħha għat-tranżazzjoni qabel ma tkun tista’ tassenja din it-tranżazzjoni bħala klijent separat minflok “klijent mhux magħruf”.

(7)

L-istruttura ta’ tranżazzjoni ma għandhiex tikkostitwixxi skopertura addizzjonali meta ċ-ċirkostanzi tat-tranżazzjoni jiżguraw li t-telf fuq skopertura għal din it-tranżazzjoni jista’ jirriżulta biss minn avveniment ta’ inadempjenza ta’ assi sottostanti. Skopertura addizzjonali għandha tkun rikonoxxuta fejn it-tranżazzjoni tinvolvi obbligazzjoni tal-ħlas ta’ ċerta persuna flimkien ma’, jew tal-anqas qabel, il-flussi ta’ flus minn assi sottostanti fid-dawl li l-investituri jistgħu jġarrbu telf addizzjonali fil-każ ta’ inadempjenza minn din il-persuna għalkemm l-ebda event ta’ inadempjenza ma jkun seħħ għal assi sottostanti. Skopertura addizzjonali għandha tkun rikonoxxuta wkoll meta ċ-ċirkostanzi tat-tranżazzjoni jippermettu li flussi ta’ flus jiġu diretti mill-ġdid lejn persuna li mhijiex intitolata li tirċevihom minħabba li l-investituri jistgħu jġarrbu telf addizzjonali, għalkemm l-ebda każ ta’ inadempjenza għal assi sottostanti ma jkun seħħ. L-ebda skopertura addizzjonali ma għandha tkun rikonoxxuta għal impriżi ta’ investiment kollettiv f’titoli trasferibbli (UCITS) kif imsemmi fid-Direttiva 2009/65/KE tal-Parlament Ewropew u tal-Kunsill (2), peress li l-flussi ta’ flus ma jistgħux ikunu diretti mill-ġdid lejn persuna li ma tkunx intitolata li tirċievi dawn il-flussi ta’ flus fit-tranżazzjoni. Dan għandu wkoll jiġi preżunt għal entitajiet li huma soġġetti għal rekwiżiti ekwivalenti skont l-atti leġiżlattivi tal-Unjoni jew għal leġiżlazzjoni ta’ pajjiż terz.

(8)

L-eżistenza u l-valur tal-iskopertura għal klijent jew grupp ta’ klijenti relatati li jirriżultaw minn skoperturi għal tranżazzjoni mhumiex dipendenti fuq jekk l-iskopertura għat-tranżazzjoni hix assenjata fil-portafoll tan-negozjar jew fil-portafoll mhux ta’ negozjar. Għalhekk, il-kundizzjonijiet u l-metodoloġiji li għandhom jintużaw għall-identifikazzjoni tal-iskoperturi għall-tranżazzjonijiet li b’assi sottostanti għandhom ikunu l-istess, irrispettivament minn jekk dawn l-iskoperturi humiex assenjati għall-portafoll tan-negozjar jew għall-portafoll mhux ta’ negozjar tal-istituzzjoni.

(9)

Dan ir-Regolament huwa msejjes fuq l-abbozzi tal-istandards tekniċi regolatorji sottomessi mill-Awtorità Bankarja Ewropea (ASE) lill-Kummissjoni.

(10)

L-ASE wettqet konsultazzjonijiet pubbliċi miftuħa dwar l-abbozz tal-istandards tekniċi regolatorji li fuqu huwa bbażat dan ir-Regolament, analizzat il-kosti u l-benefiċċji potenzjali relatati u talbet l-opinjoni tal-Grupp tal-Partijiet Bankarji Konċernati stabbilit skont l-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (3),

(a)

“tranżazzjonijiet” tfisser, it-tranżazzjonijiet imsemmija fil-punti (m) u (o) tal-Artikolu 112 tar-Regolament (UE) Nru 575/2013 u tranżazzjonijiet oħrajn fejn ikun hemm skopertura għal assi sottostanti;

(b)

‘klijent mhux magħruf’ tfisser klijent ipotetiku uniku li għalih l-istituzzjoni tassenja l-iskoperturi kollha li għalihom ma tkun identifikat l-ebda obbligant, sakemm l-Artikolu 6(2)(a) u (b) u l-Artikolu 6(3)(a) ta’ dan ir-Regolament mhumiex applikabbli.

(a)

il-valur tal-iskopertura tal-iskopertura li toħroġ mill-assi sottostanti;

(b)

il-valur tal-iskopertura totali tal-iskoperturi tal-istituzzjoni għall-assi sottostanti li jirriżulta mill-iskoperturi kollha tal-istituzzjoni għat-tranżazzjoni.

(a)

jekk l-iskoperturi tal-investituri kollha f’din it-tranżazzjoni jitqies pari passu, il-valur tal-iskopertura ta’ skopertura għal assi sottostanti huwa proporzjon prorata għall-iskopertura tal-istituzzjoni għat-tranżazzjoni immultiplikata bil-valur tal-iskopertura tal-iskopertura ffurmata mill-assi sottostanti;

(b)

f’każijiet oħra għajr dawk imsemmija fil-punt (a), il-valur tal-iskoperturi tal-iskopertura li tirriżulta għal assi sottostanti jkun proporzjon prorata għall-iskopertura tal-istituzzjoni għat-tranżazzjoni immultiplikata bil-valur l-aktar baxx bejn:

(a)

fejn il-valur tal-iskopertura ma jaqbiżx iż-0,25 % tal-kapital eliġibbli tal-istituzzjoni, hija tassenja din l-iskopertura għat-tranżazzjoni bħala klijent separat;

(b)

Fejn il-valur tal-iskopertura jkun daqs jew jaqbeż iż-0,25 % tal-kapital eliġibbli tal-istituzzjoni u l-istituzzjoni tista’ tiżgura, permezz tal-mandat tat-tranżazzjoni, li l-iskoperturi sottostanti tat-tranżazzjoni mhumiex relatati ma’ kwalunkwe skoperturi oħra fil-portafoll tagħha, inklużi l-iskoperturi sottostanti minn tranżazzjonijiet oħra, hija tassenja din l-iskopertura għat-tranżazzjoni bħala klijent separat;

(c)

F’każijiet oħra barra dawk imsemmija fil-punti (a) u (b), hija tassenja din l-iskopertura lill-klijent mhux magħruf.

(a)

fejn dan il-valur tal-iskopertura totali ma jaqbiżx iż-0,25 % tal-kapital eliġibbli tal-istituzzjoni, hija tassenja dan il-valur tal-iskopertura totali għat-tranżazzjoni bħala klijent separat;

(b)

f’każijiet oħra barra dawk imsemmija fil-punt (a), hija tassenja dan il-valur totali tal-iskopertura lill-klijent mhux magħruf.

(a)

l-istruttura legali u operazzjonali tat-tranżazzjoni hija mfassla biex tipprevjeni lill-maniġer tat-tranżazzjoni jew parti terza milli jindirizzaw mill-ġdid kwalunkwe flussi ta’ flus li jirriżultaw mit-tranżazzjoni lil persuni li altrimenti ma jkollhomx dritt skont il-patti tat-tranżazzjoni li jirċievu dawn il-flussi ta’ flus;

(b)

la l-emittent u lanqas kwalunkwe persuna oħra ma jistgħu jkunu meħtieġa, skont it-tranżazzjoni, li jagħmlu ħlas lill-istituzzjoni flimkien ma’, jew bħala ħlas bil-quddiem ta’, flussi ta’ flus mill-assi sottostanti.

(a)

UCITS kif definiti fl-Artikolu 1(2) tad-Direttiva 2009/65/KE,

(b)

impriża stabbilita f’pajjiż terz, li twettaq attivitajiet simili għal dawk imwettqa minn UCITS u li hija suġġetta għal superviżjoni skont att leġiżlattiv tal-Unjoni jew skont leġiżlazzjoni ta’ pajjiż terz li tapplika rekwiżiti superviżorji u regolatorji li huma talanqas ekwivalenti għal dawk applikati fl-Unjoni għal UCITS.