This document is an excerpt from the EUR-Lex website
Document 32014R0266
Commission Implementing Regulation (EU) No 266/2014 of 14 March 2014 on the division between deliveries and direct sales of national milk quotas fixed for 2013/2014 in Annex IX to Council Regulation (EC) No 1234/2007
Regolament ta’ Implimentazzjoni tal-Kummissjoni (UE) Nru 266/2014 tal- 14 ta’ Marzu 2014 dwar it-tqassim tal-kwoti nazzjonali tal-ħalib stabbiliti għall-2013/2014 fl-Anness IX tar-Regolament tal-Kunsill (KE) Nru 1234/2007 bejn il-kunsinni u l-bejgħ dirett
Regolament ta’ Implimentazzjoni tal-Kummissjoni (UE) Nru 266/2014 tal- 14 ta’ Marzu 2014 dwar it-tqassim tal-kwoti nazzjonali tal-ħalib stabbiliti għall-2013/2014 fl-Anness IX tar-Regolament tal-Kunsill (KE) Nru 1234/2007 bejn il-kunsinni u l-bejgħ dirett
ĠU L 76, 15.3.2014, pp. 31–33
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 30/09/2015
|
15.3.2014 |
MT |
Il-Ġurnal Uffiċjali tal-Unjoni Ewropea |
L 76/31 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 266/2014
tal-14 ta’ Marzu 2014
dwar it-tqassim tal-kwoti nazzjonali tal-ħalib stabbiliti għall-2013/2014 fl-Anness IX tar-Regolament tal-Kunsill (KE) Nru 1234/2007 bejn il-kunsinni u l-bejgħ dirett
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1), u b'mod partikolari l-Artikolu 69(1) tiegħu, flimkien mal-Artikolu 4 tiegħu,
Billi:
|
(1) |
Ir-Regolament (UE) Nru 1308/2013 tal-Parlament Ewropew u tal-Kunsill (2) ħassar u ssostitwixxa r-Regolament (KE) Nru 1234/2007 mill-1 ta’ Jannar 2014. Madankollu, l-Artikolu 230(1)(a) tar-Regolament (UE) Nru 1308/2013 jipprevedi li, fir-rigward tas-sistema tal-limitazzjoni tal-produzzjoni tal-ħalib, it-Taqsima III tal-Kapitolu III tat-Titolu I tal-Parti II tar-Regolament (KE) Nru 1234/2007 kif ukoll l-Artikolu 55, l-Artikolu 85 tiegħu u l-Annessi IX u X tiegħu jkomplu japplikaw sal-31 ta’ Marzu 2015. |
|
(2) |
L-Artikolu 67(2) tar-Regolament (KE) Nru 1234/2007 jipprevedi li l-produtturi jista’ jkollhom kwota individwali waħda jew żewġ kwoti individwali, waħda għall-kunsinni u l-oħra għall-bejgħ dirett, u li l-kwantitajiet jistgħu jinbidlu minn kwota waħda għall-oħra mill-awtorità kompetenti tal-Istat Membru biss, fuq talba ġġustifikata kif xieraq min-naħa tal-produttur. |
|
(3) |
Ir-Regolament ta' Implimentazzjoni tal-Kummissjoni (UE) Nru 341/2013 (3) jistipula t-tqassim bejn il-kunsinni u l-bejgħ dirett għall-perjodu mill-1 ta' April 2012 sal-31 ta' Marzu 2013 għall-Istati Membri kollha. |
|
(4) |
Skont l-Artikolu 25(2) tar-Regolament tal-Kummissjoni (KE) Nru 595/2004 (4), l-Istati Membri nnotifikaw lill-Kummissjoni l-kwantitajiet li kienu mibdula b’mod definittiv fuq talba tal-produtturi bejn il-kwoti individwali għall-kunsinni u dawk għall-bejgħ dirett. |
|
(5) |
Il-kwoti nazzjonali totali għall-Istati Membri kollha stabbiliti fil-punt 1 tal-Anness IX tar-Regolament (KE) Nru 1234/2007 żdiedu b’1 %, b’effett mill-1 ta’ April 2013, minbarra dawk għall-Italja, li l-kwota tagħha diġà kienet żdiedet b’5 %, b’effett mill-1 ta’ April 2009. L-Istati Membri, minbarra l-Italja, innotifikaw lill-Kummissjoni dwar it-tqassim tal-kwota addizzjonali bejn il-kunsinni u l-bejgħ dirett. |
|
(6) |
Għaldaqstant huwa xieraq li jiġi stabbilit it-tqassim bejn il-kunsinni u l-bejgħ dirett tal-kwoti nazzjonali applikabbli għall-perjodu mill-1 ta’ April 2013 sal-31 ta’ Marzu 2014 stabbiliti fil-punt 1 tal-Anness IX tar-Regolament (KE) Nru 1234/2007. |
|
(7) |
Skont l-Artikolu 69(1) flimkien mal-Artikolu 4 tar-Regolament (KE) Nru 1234/2007, il-Kummissjoni kellha taġixxi skont il-proċedura msemmija fl-Artikolu 195(2) ta’ dak ir-Regolament, il-proċedura korrispondenti skont ir-Regolament (UE) Nru 1308/2013 hija l-proċedura ta’ eżami msemmija fl-Artikolu 229(2) ta’ dak ir-Regolament. |
|
(8) |
Billi t-tqassim bejn il-bejgħ dirett u l-kunsinni jintuża bħala l-bażi ta’ referenza għall-kontrolli mwettqa skont l-Artikoli 19 sa 22 tar-Regolament (KE) Nru 595/2004 u għall-ħolqien tal-kwestjonarju annwali mogħti fl-Anness I ta’ dak ir-Regolament, huwa xieraq li tiġi stabbilita data ta’ skadenza għal dan ir-Regolament wara l-aħħar data possibbli għal dawn il-kontrolli. |
|
(9) |
Il-miżuri previsti f’dan ir-Regolament huma konformi mal-opinjoni tal-Kumitat għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
It-tqassim tal-kwoti nazzjonali stabbiliti fl-Anness IX tar-Regolament (KE) Nru 1234/2007 bejn il-kunsinni u l-bejgħ dirett, applikabbli għall-perjodu mill-1 ta’ April 2013 sal-31 ta’ Marzu 2014, huwa stabbilit fl-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu jiskadi fit-30 ta’ Settembru 2015.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-14 ta’ Marzu 2014.
Għall-Kummissjoni
Il-President
José Manuel BARROSO
(1) ĠU L 299, 16.11.2007, p. 1.
(2) Ir-Regolament (UE) Nru 1308/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (ĠU L 347, 20.12.2013, p. 671).
(3) Ir-Regolament ta’ Implimentazzjoni tal-Kummissjoni (UE) Nru 341/2013 tas-16 ta’ April 2013 dwar it-tqassim tal-kwoti nazzjonali tal-ħalib stabbiliti għall-2012/l-2013 fl-Anness IX tar-Regolament tal-Kunsill (KE) Nru 1234/2007 bejn il-“kunsinni” u l-“bejgħ dirett” (ĠU L 107, 17.4.2013, p. 1).
(4) Ir-Regolament tal-Kummissjoni (KE) Nru 595/2004 tat-30 ta’ Marzu 2004 li jniżżel regoli dettaljati biex japplika r-Regolament tal-Kunsill (KE) Nru 1788/2003 li jistabbilixxi imposta fis-settur tal-ħalib u tal-prodotti tal-ħalib (ĠU L 94, 31.3.2004, p. 22).
ANNESS
|
Stati Membri |
Kunsinni (tunnellati) |
Bejgħ dirett (tunnellati) |
|
Il-Belġju |
3 563 518,754 |
38 596,156 |
|
Il-Bulgarija |
980 634,534 |
68 883,082 |
|
Ir-Repubblika Ċeka |
2 906 440,166 |
28 704,691 |
|
Id-Danimarka |
4 847 745,007 |
164,466 |
|
Il-Ġermanja |
30 228 356,043 |
90 572,707 |
|
L-Estonja |
686 868,079 |
6 057,970 |
|
L-Irlanda |
5 782 432,252 |
1 989,984 |
|
Il-Greċja |
878 297,757 |
1 317,000 |
|
Spanja |
6 492 010,746 |
65 544,699 |
|
Franza |
26 027 402,340 |
343 828,937 |
|
Il-Kroazja |
698 513,437 |
66 486,563 |
|
L-Italja |
10 923 133,189 |
365 409,677 |
|
Ċipru |
154 996,181 |
662,611 |
|
Il-Latvja |
767 328,466 |
13 804,232 |
|
Il-Litwanja |
1 753 484,887 |
74 154,094 |
|
Il-Lussemburgu |
292 146,310 |
608,000 |
|
L-Ungerija |
1 967 812,833 |
165 591,689 |
|
Malta |
52 205,729 |
0,000 |
|
L-Olanda |
11 971 575,644 |
78 917,011 |
|
L-Awstrija |
2 908 728,694 |
83 999,794 |
|
Il-Polonja |
9 909 800,752 |
145 996,304 |
|
Il-Portugall (1) |
2 080 100,794 |
8 803,752 |
|
Ir-Rumanija |
1 567 149,958 |
1 710 046,520 |
|
Is-Slovenja |
597 475,443 |
20 697,937 |
|
Is-Slovakkja |
1 075 921,492 |
39 834,729 |
|
Il-Finlandja (2) |
2 615 010,522 |
4 818,381 |
|
L-Isvezja |
3 589 229,658 |
4 800,000 |
|
Ir-Renju Unit |
15 749 697,318 |
147 007,248 |
(1) Minbarra Madeira;
(2) Il-kwota nazzjonali Finlandiża kif imsemmija fl-Anness IX tar-Regolament (KE) Nru 1234/2007 u l-ammont totali tal-kwota nazzjonali Finlandiża kif indikata fl-Anness ta’ dan ir-Regolament ivarjaw minħabba żieda fil-kwota ta' 784,683 tunnellata biex jiġu kkumpensati l-produtturi SLOM Finlandiżi skont l-Artikolu 67(4) tar-Regolament (KE) Nru 1234/2007.