Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32014R0168

Regolament ta’ Implimentazzjoni tal-Kummissjoni (UE) Nru 168/2014 tal- 21 ta’ Frar 2014 li jemenda r-Regolament (KE) Nru 555/2008 rigward ir-rappurtar u l-evalwazzjoni tal-programmi ta’ appoġġ tal-Istati Membri

ĠU L 54, 22.2.2014, pp. 14–15 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2014/168/oj

22.2.2014   

MT

Il-Ġurnal Uffiċjali tal-Unjoni Ewropea

L 54/14

REGOLAMENT TA’ IMPLIMENTAZZJONI TAL-KUMMISSJONI (UE) Nru 168/2014

tal-21 ta’ Frar 2014

li jemenda r-Regolament (KE) Nru 555/2008 rigward ir-rappurtar u l-evalwazzjoni tal-programmi ta’ appoġġ tal-Istati Membri

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1), u b’mod partikolari l-Artikolu 54(c) tiegħu,

Billi:

(1)

L-Artikolu 35 tar- Regolament tal-Kummissjoni (KE) Nru 555/2008 (2) jistipula regoli dettaljati għall-implimentazzjoni tal-Artikolu 188a(5) u (6) tar-Regolament tal-Kunsill (KE) Nru 1234/2007 (3) dwar ir-rapportar u l-evalwazzjoni tal-programmi ta’ appoġġ tal-Istati Membri fis-settur tal-inbid. Ir-Regolament (KE) Nru 1234/2007 ġie revokat u ħadlu postu r-Regolament (UE) Nru 1308/2013 b’effett mill-1 ta’ Jannar 2014.

(2)

Ir-Regolament (UE) Nru 1308/2013 ma jinkludix dispożizzjoni dwar ir-rappurtar u l-evalwazzjoni tal-programmi ta’ appoġġ tal-Istati Membri, kif previst fl-Artikolu 188a(5) u (6) tar-Regolament (KE) Nru 1234/2007, iżda jagħti s-setgħa lill-Kummissjoni li tadotta miżuri f’dan ir-rigward permezz ta’ atti ta’ implimentazzjoni. Għalhekk, jinħtieġ li jiġi adattat l-Artikolu 35 tar-Regolament (KE) Nru 555/2008.

(3)

Għalhekk, ir-Regolament (KE) Nru 555/2008 għandu jiġi emendat skont dan.

(4)

Il-miżuri stipulati f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,

ADOTTAT DAN IR-REGOLAMENT:

Artikolu 1

L-Artikolu 35 tar-Regolament (KE) Nru 555/2008 huwa emendat kif ġej:

(1)

Il-paragrafu 1 huwa sostitwit b’dan li ġej:

“1.   Sal-1 ta’ Marzu ta’ kull sena, l-Istati Membri għandhom jibagħtu lill-Kummissjoni rapport dwar l-implimentazzjoni tal-miżuri previsti fil-programmi ta’ appoġġ tagħhom imsemmija fit-Taqsima 4 tal-Kapitolu II tat-Titolu I tal-Parti II tar-Regolament (UE) Nru 1308/2013 tal-Parlament Ewropew u tal-Kunsill (*1) matul is-sena finanzjarja ta’ qabel.

Dawk ir-rapporti għandhom jelenkaw u jiddeskrivu l-miżuri li għalihom ingħatat l-għajnuna tal-Unjoni fil-programmi ta’ appoġġ.

Dawk ir-rapporti għandhom jiġu ppreżentati mill-Istati Membri lill-Kummissjoni fil-formola stipulata fl-Annessi V u VI ta’ dan ir-Regolament. L-informazzjoni li hemm fit-tabelli rilevanti għandha tirreferi għal kull sena fir-rigward tal-miżuri tal-programm ta’ appoġġ:

(a)

dikjarazzjoni tal-infiq, skont is-sena finanzjarja, li diġà ġġarrab fil-perjodu ta’ programmar; dan l-infiq fl-ebda każ ma għandu jaqbeż il-limitu baġitarju għall-Istat Membru kif stabbilit fl-Anness VI tar-Regolament (UE) Nru 1308/2013;

(b)

il-previżjonijiet għas-snin finanzjarji sussegwenti sa tmiem il-perjodu ppjanat tal-implimentazzjoni tal-programm ta’ appoġġ, sal-limitu baġitarju tal-Istat Membru kif stabbilit fl-Anness VI tar-Regolament (UE) Nru 1308/2013 u b’koerenza mas-sottomissjoni l-aktar aġġornata mibgħuta skont l-Artikolu 3 ta’ dan ir-Regolament.

(*1)  Regolament (UE) Nru 1308/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (ĠU L 347, 20.12.2013, p. 671).” "

(2)

Il-paragrafu 4 huwa sostitwit b’dan li ġej:

“4.   Sal-1 ta’ Marzu 2014 u, għal darba oħra, sal-1 ta’ Marzu 2017, l-Istati Membri għandhom jippreżentaw lill-Kummissjoni evalwazzjoni tal-ispejjeż u l-benefiċċji tal-programmi ta’ appoġġ kif ukoll indikazzjoni ta’ kif tista’ titjieb l-effiċjenza tagħhom.

Dawk l-evalwazzjonijiet għandhom jiġu ppreżentati mill-Istati Membri lill-Kummissjoni fil-formola stipulata fl-Annessi V u VI. Barra minn hekk, għandhom jiddaħħlu l-punti li ġejjin fil-konklużjonijiet:

—

C1

:

Evalwazzjoni tal-ispejjeż u tal-benefiċċji tal-programm ta’ appoġġ;

—

C2

:

Modi biex tiżdied l-effiċjenza tal-programm ta’ appoġġ.”

Artikolu 2

Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, il-21 ta’ Frar 2014.

Għall-Kummissjoni

Il-President

José Manuel BARROSO

(1)   ĠU L 347, 20.12.2013, p. 671.

(2)  Ir-Regolament tal-Kummissjoni (KE) Nru 555/2008 tas-27 ta’ Ġunju 2008 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 479/2008 dwar l-organizzazzjoni komuni tas-suq tal-inbid fir-rigward ta’ programmi ta’ appoġġ, kummerċ ma’ pajjiżi terzi, potenzjal tal-produzzjoni u kontrolli fis-settur tal-inbid (ĠU L 170, 30.6.2008, p. 1).

(3)  Ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (ĠU L 299, 16.11.2007, p. 1).

Top