ANNESS I

Lista tar-Regolamenti tal ECE applikabbli fuq bażi obbligatorja

Regolament UNECE Nru	Suġġett	Serje ta’ emendi	Ir-referenza tal-ĠU	Applikabbiltà
10	Kompatibilità elettromanjetika (EMC)	04	ĠU L 254, 20.9.2012, p. 1.	L1e, L2e, L3e, L4e, L5e, L6e u L7e
62	Protezzjoni kontra aċċess mhux awtorizzat	00	ĠU L 89, 27.3.2013, p. 37.	L1e, L2e, L3e, L4e, L5e, L6e u L7e

Nota ta’ spjegazzjoni:

Il-fatt li komponent ikun inkluż f’din il-lista ma jagħmilx l-installazzjoni tiegħu obbligatorja. Għal ċerti komponenti, madankollu, huma stabbiliti rekwiżiti ta’ installazzjoni obbligatorja f’Annessi oħra ta’ dan ir-Regolament.

ANNESS II

Rekwiżiti applikabbli għall-miżuri għall-prevenzjoni tat-tbagħbis mal-grupp tal-propulsjoni (kontra t-tbagħbis)

1.   Għan u kamp ta’ applikazzjoni

1.1.   Il-miżuri (kontra t-tbagħbis) għall-prevenzjoni tat-tbagħbis mal-grupp tal-propulsjoni huma mmirati sabiex jassiguraw li jiġi skoraġġit tibdil avvers fil-grupp tal-propulsjoni tal-vettura li jkollu impatti negattivi fuq is-sikurezza funzjonali u/jew fuq l-ambjent.

1.2.   Il-miżuri għandhom jinkludu rekwiżiti speċjali dwar l-immarkar tal-vetturi fir-rigward tal-qawwa massima, il-veloċità massima ddisinjata tal-vetturi u l-livell ta’ ħoss meta ma jkunux ingranati, fuq il-pjanċa statutorja msemmija fl-Artikolu 39(1) tar-Regolament (UE) Nru 168/2013. L-immarkar speċjali ta’ komponenti oriġinali u mhux oriġinali, unitajiet tekniċi separati, partijiet u tagħmir li jaffettwaw il-prestazzjoni ambjentali u l-unità ta' propulsjoni u s-sikurezza funzjonali għandhom jikkonformaw mal-Artikoli 39(2) u 39(3) tar-Regolament (UE) Nru 168/2013 biex l-awtoritajiet tal-infurzar ikunu jistgħu jivverifikaw jekk il-partijiet u t-tagħmir imwaħħla fuq vettura jkunux adattati għall-vettura li għandha approvazzjoni tat-tip.

1.3.   Kamp ta' applikazzjoni

Il-vetturi kollha tal-kategorija L imsemmija fl-Artikolu 2 tar-Regolament (UE) Nru 168/2013, bl-eċċezzjoni tas-(sotto)kategoriji L3e-A3, L4e-A3 u L5e.

2.   Rekwiżiti ġenerali

2.1.   Il-manifattur għandu jassigura li l-awtorità tal-approvazzjoni u s-servizz tekniku jingħataw l-informazzjoni neċessarja u, fejn ikun xieraq, il-vetturi, il-propulsjonijiet, il-komponenti u l-unitajiet tekniċi separati neċessarji sabiex dawn ikunu jistgħu jivverifikaw li ntlaħqu r-rekwiżiti ta’ dan l-Anness.

2.2.   Fl-applikazzjoni għall-approvazzjoni tat-tip il-manifattur għandu jiddikjara l-impenn tiegħu li ma jqigħedx fis-suq komponenti interskambjabbli li jistgħu jippermettu żieda fil-prestazzjoni tal-unità ta' propulsjoni applikabbli għas-(sotto)kategorija rilevanti.

2.3.   Interskambjalità ta’ partijiet mhux identiċi bejn vetturi li għandhom approvazzjoni tat-tip:

2.3.1.   L-interskambjalità tal-partijiet li ġejjin b’mod individwali jew kombinat, ma għandhiex twassal għal żieda fil-prestazzjoni tal-unità ta' propulsjoni li taqbeż il-valuri mkejla u rrapportati fl-approvazzjoni tat-tip li jfisser li fi kwalunkwe każ, il-veloċità massima ddisinjata tal-vettura u/jew il-potenza nominali kontinwa massima u/jew netta tal-magna tal-kategorija rilevanti għandhom jibqgħu fi ħdan il-limiti tal-konformità tal-produzzjoni stabbiliti fil-punt 4.1.4. tal-Anness IV:

2.3.1.1.

għal vetturi mgħammra b’magna two-stroke: kombinazzjoni ta’ ċilindru/pistun, karburatur jew injettatur(i) tal-fjuwil, pajp tad-dħul, sistema tal-egżost;

2.3.1.2.

għal vetturi mgħammra b’magna four-stroke: cylinder head, camshaft, kombinazzjoni ta’ ċilindru/pistun, karburatur jew injettatur(i) tal-fjuwil, pajp tad-dħul, sistema tal-egżost.

2.4.   Il-veloċità massima ddisinjata tal-vettura u/jew il-potenza nominali kontinwa massima u/jew netta tal-magna tas-(sotto)kategorija rilevanti, stipulati fl-Anness I tar-Regolament (UE) Nru 168/2013, ma jistgħu fl-ebda każ jinqabżu, li jfisser li fi kwalunkwe każ, il-prestazzjoni tal-unità ta' propulsjoni tal-vettura għandha tibqa’ fi ħdan il-limiti tal-konformità tal-produzzjoni stabbiliti fil-punt 4.1.4. tal-Anness IV.

2.5.   Fil-każ ta’ ktajjen jew ċineg bis-snien, in-numru tas-snien għandu jintwera fuq il-fusien.

2.6.   Il-manifattur għandu jiddikjara li l-modifiki faċilitati mill-manifattur, tal-karatteristiċi li ġejjin, ma jżidux il-prestazzjoni tal-unità ta' propulsjoni b’mod li taqbeż il-limiti tal-konformità tal-produzzjoni stabbiliti fil-punt 4.1.4. tal-Anness IV: it-twassil tal-ispark tas-sistema tal-ignixin jekk applikabbli, is-sistema tal-alimentazzjoni u t-twassil tal-fjuwil, is-sistema tad-dħul tal-arja inkluż il-filter(s) tal-arja (modifika jew tneħħija), il-konfigurazzjoni tal-batterija tal-propulsjoni jew l-enerġija elettrika lill-mutur(i) elettriku/ċi jekk applikabbli, l-ingranaġġ u l-unità(jiet) ta’ kontroll li jikkontrollaw il-grupp tal-propulsjoni tal-vettura.

2.7.   Jekk il-ħin tal-ignixin ikun jista’ jiġi aġġustat, il-prestazzjoni tal-unità ta' propulsjoni għandha titkejjel bl-ignixin issettjat minn qabel sa ± 5° tal-valur li fih tintlaħaq il-potenza massima tal-magna.

2.8.   Il-manifattur għandu jassigura li l-vettura approvata tikkonforma mad-dispożizzjonijiet li ġejjin dwar is-sikurezza tas-sistema elettronika li tillimita l-prestazzjoni ambjentali u tal-unità ta' propulsjoni tal-vettura.

2.8.1.   Għal vettura mgħammra bi strumenti elettriċi/elettroniċi li jillimitaw il-prestazzjoni tal-unità ta' propulsjoni tagħha, il-manifattur tal-vettura għandu jipprovdi dejta u evidenza lill-awtoritajiet tat-test biex juri li l-modifiki jew l-iskonnettjar tal-istrumenti jew tas-sistema tal-wajers tagħha ma jkunux ser iżidu l-prestazzjoni.

2.8.2.   Kwalunkwe vettura mgħammra b’kontroll elettroniku għandha tinkludi karatteristiċi li jipprevjenu modifiki, għajr dawk permessi mill-manifattur. Il-manifattur għandu jippermetti l-modifiki neċessarji għad-dijanjosi, il-manutenzjoni, l-ispezzjoni, l-aġġornament jew it-tiswija tal-vettura.

2.8.3.   Kull kodiċi tal-kompjuter li jista’ jiġi programmat mill-ġdid jew parametru ta' tħaddim għandu jkun reżistenti għat-tbagħbis u jiflaħ livell ta’ ħarsien għall-inqas tajjeb daqs id-dispożizzjonijiet f'ISO 15031-7:2001 sakemm l-iskambju ta’ sigurtà jitmexxa bl-użu tal-protokolli u tal-konnekter dijanjostiku kif preskritt fil-paragrafu 1 tal-Anness XII

2.8.4.   Sabiex jiġu evitati żidiet fil-prestazzjoni tal-unità ta' propulsjoni, il-parametri operattivi kkodifikati bil-kompjuter m’għandhomx ikunu jistgħu jinbidlu mingħajr l-użu ta’ għodod u proċeduri speċjalizzati, eż. komponenti tal-kompjuter issaldjati jew potted, għeluq issiġillat jew issaldjat għall-kompjuter.

2.8.5.   Kull ċippa ta’ kalibrazzjoni tal-memorja li tista’ titneħħa għandha titqiegħed b’mod sikur, magħluqa ġo kontenitur issiġillat jew protetta permezz ta’ algoritmi elettroniċi u ma għandhomx jinbidlu mingħajr ma jintużaw għodod u proċeduri speċjalizzati.

2.8.6.   Il-manifatturi li jużaw sistemi programmabbli ta’ kodiċijiet tal-kompjuter (eż. memorja li tinqara biss, kanċellabbli u programmabbli bl-elettriku, EEPROM — electrical erasable programmable read-only memory) għandhom jiskoraġġixxu riprogrammazzjoni mhux awtorizzata. Il-manifatturi għandhom jinkludu strateġiji mtejba għal protezzjoni mit-tbagħbis u karatteristiċi għal protezzjoni mill-kitba li jeħtieġu aċċess elettroniku għal kompjuter f’post ieħor li jieħu ħsiebu l-manifattur, li għalih l-operaturi indipendenti wkoll għandu jkollhom aċċess billi jużaw il-protezzjoni li jagħti l-Anness XV. Metodi li jagħtu livell adegwat ta’ protezzjoni kontra t-tbagħbis, bħall-aċċess tas-sigurtà tat-tip ‘seed and key’ skont il-protokoll Keyword 2000, għandhom jiġu approvati mill-awtorità tal-approvazzjoni.

2.8.7.   Il-kodiċijiet maħżuna tal-ħsarat tas-sistema dijanjostika abbord (DTCs - diagnostic trouble codes) fl-unità(jiet) ta’ kontroll tal-grupp tal-propulsjoni jew tal-magna m’għandhomx jitħassru bl-iskonnettjar tal-kompjuter abbord mill-provvista tal-elettriku tal-vettura jew bl-iskonnettjar jew ħsara fil-batterija tal-vettura jew l-ert.

3.   Rekwiżiti speċifiċi addizzjonali għal vetturi tas-(sotto)kategoriji L1e, L2e u L6e

3.1.   It-tolleranza aċċettabbli għall-veloċità massima tal-vettura u/jew il-limitazzjoni tal-potenza tal-vetturi tal-kategoriji L1e, L2e u L6e għandha tkun +/- 5% tal-veloċità massima ddisinjata tal-vettura u/jew il-kriterji ta’ klassifikazzjoni tal-potenza nominali kontinwa msemmija fl-Anness I tar-Regolament (UE) Nru 168/2013.

3.2.   Rekwiżiti għal vetturi tal-kategoriji L1e, L2e u L6e mgħammra b’magna li taħdem bil-kombustjoni

3.2.1.   Is-sistema tad-dħul (dħul tal-arja)

3.2.1.1.

Kull pajp tad-dħul għandu jkun imwaħħal b’bolt ta' sikurezza jew boltijiet li jistgħu jitneħħew biss b’għodod speċjali. Sezzjoni ristretta, indikata fuq in-naħa ta’ barra, għandha tkun pożizzjonata fil-pajpjiet; f’dak il-punt il-ħajt għandu jkollu ħxuna ta’ 4 mm, jew 5 mm jekk ikun magħmul minn materjal flessibbli bħal-lastku.

3.2.1.2.

Kwalunkwe interferenza mal-pajpijiet bil-ħsieb li timmodifika s-sezzjoni ristretta għandha twassal jew għall-qerda tal-pajpijiet jew għall-funzjonament ħażin komplet u permanenti tal-magna sakemm dawn jinġiebu lura fil-kundizzjoni approvata tagħhom.

3.2.1.3.

Marka bl-indikazzjoni tal-kategorija jew il-kategoriji tal-vettura għandha tkun tista’ tinqara fuq il-pajpijiet.

3.2.2.   Il-magna

3.2.2.1.

Jekk magna tkun mgħammra b’valv(s) bil-lametti, dan (dawn) irid/u ikun/u mwaħħal/imwaħħla b’boltijiet ta' sikurezza li jimpedixxu l-użu mill-ġdid tagħhom jew boltijiet li jistgħu jitneħħew biss b’għodod speċjali.

3.2.2.2.

Wara l-immuntar, il-ħxuna massima ta’ gasket tas-cylinder-head, jekk ikun hemm, m’għandhiex taqbeż 1,3 mm.

3.2.2.3.

Pistun għal magni two-stroke. Il-pistun, meta jkun fil-pożizzjoni fit-top dead centre, m’għandux jgħatti l-fetħa tad-dħul. Dan ir-rekwiżit ma japplikax għal dawk il-partijiet tal-fetħa tat-trasferiment / scavenging li jikkoinċidu mal-fetħa tad-dħul fil-każ ta’ vetturi li l-magna tagħhom tkun mgħammra b’sistema tal-induzzjoni li tinkorpora l-valv(s) bil-lametti.

3.2.2.4.

Għal magni two-stroke, it-tidwir tal-pistun b’180° m’għandux iżid il-prestazzjoni tal-magna.

3.2.3.   Is-sistema tal-egżost

3.2.3.1.

Ma hija permessa l-ebda restrizzjoni artifiċjali fis-sistema tal-egżost. Il-gwidi tal-valvi ta’ magna four-stroke m’għandhomx jitqiesu bħala restrizzjonijiet artifiċjali.

3.2.3.2.

It-tneħħija tat-tubu reżonatur, jekk ikun installat, m’għandhiex twassal għal żieda fil-prestazzjoni tal-unità ta' propulsjoni.

3.2.3.3.

Il-parti(jiet) tas-sistema tal-egżost ġewwa s-sajlenser(s) li tiddetermina/jiddeterminaw it-tul effettiv tal-pajp tal-egżost għandha/għandhom tkun/ikunu mwaħħla/imwaħħlin mas-sajlenser(s) jew mal-kaxxa/i tal-espansjoni b’mod li ma tkunx/ikunux tista’/jistgħu titneħħa/jitneħħew.

3.5.   Trasmissjonijiet Kontinwament Varjabbli. (CVT)

3.5.1.   L-għata tat-Trażmissjonijiet CVT, jekk disponibbli, għandu jkun imwaħħal b’minimu ta’ 2 boltijiet ta' sikurezza jew jiġi żarmat biss permezz ta’ għodod speċjali.

3.5.2.   Il-mekkaniżmu tas-CVT, li huwa maħsub biex jillimita l-proporzjon tad-drive billi jillimita d-distanza effettiva bejn żewġ diski, għandu jkun integrat b’mod sħiħ f’diska waħda jew fiż-żewġ diski b’mod li jkun impossibbli li d-distanza effettiva tiġi modifikata lil hinn minn limitu li jwassal għal żieda fil-veloċità massima tal-vettura ta’ aktar minn 10% ta’ din il-veloċità massima permissibbli tal-vettura mingħajr ma tinqered is-sistema tad-diski. Jekk il-manifattur juża ċrieki tal-ispazjar interskambjabbli fis-CVT sabiex jaġġusta l-veloċità massima tal-vettura, it-tneħħija għal kollox ta’ dawn iċ-ċrieki ma għandhiex iżżid il-veloċità massima tal-vettura b’aktar minn 10 %.

4.   Rekwiżiti speċifiċi addizzjonali għas-(sotto)kategoriji L3e-A1 u L4e-A1

4.1.   Il-vetturi tas-sottokategoriji L3e-A1 u L4e-A1 għandhom jikkonformaw mar-rekwiżiti tal-punt jew 3.2.1., 3.2.2.1. jew 3.2.3.1. u jikkonformaw mar-rekwiżiti stipulati fil-punti 3.2.3.2. u 3.2.3.3.

4.2.   Is-sistema tad-dħul (dħul tal-arja)

Għandha tiġi pożizzjonata sleeve li ma tistax titneħħa fil-kondjuwit tad-dħul.

4.2.1.   Jekk din is-sleeve tkun pożizzjonata fil-pajp tad-dħul, dan tal-aħħar għandu jkun imwaħħal mal-blokka tal-magna permezz ta’ boltijiet ta' sikurezza jew boltijiet li jistgħu jitneħħew biss bl-użu ta’ għodod speċjali.

4.2.2.   Is-sleeve għandu jkollha ebusija minima ta’ 60 HRC. Fis-sezzjoni ristretta hija ma għandhiex tkun eħxen minn 4 mm.

4.2.3.   Kwalunkwe interferenza mas-sleeve bil-ħsieb li titneħħa jew tiġi mmodifikata għandha twassal jew għall-qerda tas-sleeve u tal-irfid tagħha jew għall-funzjonament ħażin komplet u permanenti tal-magna sakemm din tinġieb lura fil-kundizzjoni approvata tagħha.

4.2.4.   Marka bl-indikazzjoni tal-kategorija jew kategoriji tal-vettura għandha tkun tista’ tinqara fuq il-wiċċ tas-sleeve jew mhux ’il bogħod minnha.

4.2.5.   Kull pajp tad-dħul għandu jkun imwaħħal b’boltijiet ta' sikurezza jew boltijiet li jistgħu jitneħħew biss bl-użu ta’ għodod speċjali. Sezzjoni ristretta, indikata fuq barra, għandha tkun pożizzjonata ġewwa l-pajpijiet; f’dak il-punt il-ħajt għandu jkollu ħxuna ta’ inqas minn 4 mm, jew 5 mm jekk ikun magħmul minn materjal flessibbli bħal-lastku.

4.2.6.   Kwalunkwe interferenza mal-pajpijiet bil-ħsieb li tiġi modifikata s-sezzjoni ristretta għandha twassal jew għall-qerda tal-pajpijiet jew għall-funzjonament ħażin komplet u permanenti tal-magna sakemm dawn jinġiebu lura fil-kundizzjoni approvata tagħhom.

4.2.7.   Marka bl-indikazzjoni tas-(sotto)kategorija tal-vettura kif definit fl-Artikoli 2 u 4, u l-Anness I tar-Regolament (UE) Nru 168/2013 għandha tkun tista’ tinqara fuq il-pajpijiet.

4.2.8.   Il-parti tal-kondjuwit tad-dħul pożizzjonata fis-cylinder head għandu jkollha sezzjoni ristretta. Fil-passaġġ kollu tad-dħul, m’għandux ikun hemm sezzjoni aktar ristretta (ħlief is-sezzjoni fejn jitpoġġa l-valv).

4.2.9.   Kwalunkwe interferenza mal-kondjuwit bil-ħsieb li tiġi modifikata s-sezzjoni ristretta għandha twassal jew għall-qerda tal-pajp jew għall-funzjonament ħażin komplet u permanenti tal-magna sakemm dan jerġa’ jinġieb fil-kundizzjoni approvata tiegħu.

4.2.10.   Marka bl-indikazzjoni tal-kategorija tal-vettura kif imsemmija fl-Artikolu 39 tar-Regolament (UE) Nru 168/2013 għandha tkun tista’ tinqara fuq is-cylinder head.

4.2.11.   Id-dijametru tas-sezzjonijiet ristretti msemmija fil-punt 4.2. jista’ jvarja skont is-(sotto)kategorija tal-vettura kkonċernata.

4.2.12.   Il-manifattur għandu jipprovdi d-dijametru(i) tas-sezzjoni(jiet) ristretta(i) u juri lill-awtorità tal-approvazzjoni u lis-servizz tekniku li din is-sezzjoni ristretta hija l-iżjed kritika għall-mogħdija tal-gassijiet, u li ma hemm l-ebda sezzjoni oħra li, jekk tiġi modifikata, tista’ żżid il-prestazzjoni tal-unità ta' propulsjoni.

5.   Rekwiżiti speċifiċi addizzjonali għal (sotto)kategoriji oħra ta’ vetturi li jaqgħu fil-kamp ta’ applikazzjoni tal-punt 1.3.

5.1.   Għal vetturi tas-sottokategorija L3e-A2 jew L4e-A2, kwalunkwe varjant jew verżjoni fost l-istess tip m’għandux ikollu potenza massima netta tal-magna u/jew potenza nominali kontinwa massima li taqbeż id-doppju ta’ dik il-qawwa.

5.2.   Il-manifattur għandu jiddikjara li l-modifiki u l-interskambjabbiltà tal-karatteristiċi u l-komponenti elenkati hawn taħt ma għandhomx iwasslu biex:

—	għal vetturi tas-sottokategoriji L3e-A2 u L4e-A2, jaqbżu d-doppju tal-enerġija netta jew il-potenza nominali kontinwa massima tal-magna; jew,

—	għal vetturi tal-kategorija L7e, jaqbżu l-prestazzjoni tal-unità ta' propulsjoni approvata;

5.2.1.   it-twassil tal-ispark tas-sistema tal-ignixin, jekk applikabbli;

5.2.3.   is-sistema tal-alimentazzjoni u t-twassil tal-fjuwil;

5.2.4.   is-sistema tad-dħul tal-arja, inkluż il-filter(s) tal-arja (modifika jew tneħħija);

5.2.5.   l-ingranaġġ;

5.2.6.   l-unità(jiet) ta’ kontroll li tikkontrolla/jikkontrollaw il-prestazzjoni tal-unità ta' propulsjoni tal-grupp tal-propulsjoni;

5.2.7.   it-tneħħija ta’ kwalunkwe komponent (mekkaniku, elettriku, strutturali, eċċ.) li jillimita t-tagħbija sħiħa tal-magna li twassal għal kwalunkwe tibdil fil-prestazzjoni tal-unità ta' propulsjoni approvata skont l-Anness II(A) tar-Regolament (UE) Nru 168/2013.

ANNESS III

Rekwiżiti applikabbli għall-arranġamenti għall-proċeduri tal-approvazzjoni tat-tip

1.   Proċess tal-approvazzjoni tat-tip

1.1.

Meta tirċievi applikazzjoni għall-approvazzjoni tat-tip ta’ vettura, l-awtorità tal-approvazzjoni għandha: 1.1.1. tivverifika li ċ-ċertifikati kollha ta’ approvazzjoni tat-tip tal-UE maħruġa skont l-atti regolatorji li huma applikabbli għall-approvazzjoni tat-tip ta’ vetturi jkopru t-tip ta’ vettura u jikkorrispondu mar-rekwiżiti preskritti; 1.1.2. b’referenza għad-dokumentazzjoni tiżgura li l-ispeċifikazzjonijiet tal-vettura u d-dejta miżmuma fil-Parti I tad-dokument ta’ informazzjoni tal-vettura huma inklużi fid-dejta fil-pakketti ta’ informazzjoni u fiċ-ċertifikati ta’ approvazzjoni tat-tip tal-UE fir-rigward tal-atti regolatorji relevanti; 1.1.3. meta numru ta’ oġġett f’dokument ta’ informazzjoni mhux inkluż fil-pakkett ta’ informazzjoni ta’ kwalunkwe att regolatorju, tikkonferma li l-parti jew il-karatteristika relevanti tikkonforma mad-dettalji fil-pakkett tal-informazzjoni; 1.1.4. fuq kampjun magħżul ta’ vetturi mit-tip li għandu jiġi approvat twettaq jew tirranġa biex jitwettqu spezzjonijiet ta’ partijiet u sistemi tal-vettura biex tivverifika li l-vettura(i) hi/huma mibnija skont id-dejta relevanti miżmuma fil-pakkett ta’ informazzjoni awtorizzat fir-rigward taċ-ċertifikati ta’ approvazzjoni tat-tip tal-UE relevanti; 1.1.5. twettaq jew inkella tagħmel arranġamenti biex jitwettqu kontrolli ta’ installazzjoni relevanti fir-rigward ta’ unitajiet tekniċi separati, fejn applikabbli; 1.1.6. twettaq jew inkella tagħmel arranġamenti sabiex jitwettqu l-kontrolli meħtieġa fir-rigward tal-preżenza tal-istrumenti previsti fl-Anness II tar-Regolament (UE) Nru 168/2013; 1.1.7. twettaq jew inkella tagħmel arranġamenti sabiex jitwettqu l-kontrolli neċessarji sabiex ikun assigurat li r-rekwiżi fir-rigward tas-sistemi li jaħdmu bi fjuwils gassużi jkunu milħuqa, jekk applikabbli.

2.   Kumbinazzjoni ta’ speċifikazzjonijiet tekniċi

2.1.

In-numru ta’ vetturi li jitressqu għandu jkun suffiċjenti biex jippermetti l-kontroll xieraq tat-taħlitiet varji li jitressqu għall-approvazzjoni tat-tip skont il-kriterji li ġejjin: 2.1.1. it-tip, il-varjanti u l-verżjonijiet tal-vettura; 2.1.2. il-familja tal-vettura u tal-propulsjoni; 2.1.3. it-trażmissjoni; 2.1.4. stili ta’ bodi; 2.1.5. numru ta' bibien; 2.1.6. numru ta’ postijiet ta’ bilqiegħda.

3.   Dispożizzjonijiet speċifiċi

3.1.

Fil-każ fejn mhu disponibbli l-ebda ċertifikat ta’ approvazzjoni għal kwalunkwe att regolatorju relevanti, l-awtorità tal-approvazzjoni għandha: 3.1.1. tirranġa għat-testijiet u kontrolli neċessarji kif jitlob kull wieħed mill-atti regolatorji relevanti; 3.1.2. tivverifika li l-vettura tikkonforma mad-dettalji fil-pakkett ta’ informazzjoni tal-vettura u li tissodisfa r-rekwiżiti tekniċi ta’ kull wieħed mill-atti regolatorji relevanti; 3.1.3. twettaq jew inkella tagħmel arranġamenti biex jitwettqu kontrolli ta’ installazzjoni relevanti fir-rigward ta’ unitajiet tekniċi separati, fejn applikabbli; 3.1.4. twettaq jew inkella tagħmel arranġamenti biex jitwettqu kontrolli neċessarji fir-rigward tal-preżenza tat-tagħmir previst fl-Anness II tar-Regolament (UE) Nru 168/2013, fejn applikabbli; 3.1.5. twettaq jew inkella tagħmel arranġamenti sabiex jitwettqu l-kontrolli neċessarji sabiex ikun assigurat li r-rekwiżiti fir-rigward tas-sistemi tal-fjuwils gassużi jkunu milħuqa, jekk applikabbli.

4.   Dispożizzjonijiet li jirrigwardaw il-konverżjoni tal-muturi tas-sottokategoriji (L3e/ L4e)-A2 u (L3e/L4e)-A3

4.1.   Ġenerali

Id-dispożizzjonijiet għall-konverżjoni għandhom japplikaw biss għal muturi tas-sottokategoriji (L3e/ L4e)-A2 u (L3e/L4e)-A3 bi u mingħajr sidecar u viċi versa.

4.2.   Il-konverżjoni speċifikata għal mutur tas-sottokategorija (L3e/ L4e)-A2 għal (L3e/L4e)-A3 u viċi versa għandha tkun permessa fil-kundizzjonijiet ikkontrollati li ġejjin:

4.2.1.   Approvazzjoni tat-tip

Fl-approvazzjoni tat-tip, il-manifattur għandu jwettaq testijiet separati għall-konfigurazzjonijiet tal-muturi (L3e/L4e)-A2 u (L3e/L4e)-A3 u juri lis-servizz tekniku u għas-sodisfazzjon tal-awtorità tal-approvazzjoni l-konformità tal-mutur L3e mad-dispożizzjonijiet tal-punt 4 u jirrapporta separatament dwar ir-rekwiżiti li ġejjin:

4.2.2.   Ir-rekwiżiti tal-prestazzjoni ambjentali u tal-unità ta' propulsjoni stabbiliti fil-Kapitolu III tar-Regolament (UE) Nru 168/2013, u t-testijiet imsemmija fl-Annessi II, V, VI u VII tar-Regolament (UE) Nru 168/2013:

4.2.2.1.

it-testijiet ambjentali tat-tipi I, II, V, VII, VIII u IX imsemmija fl-Anness V tar-Regolament (UE) Nru 168/2013;

4.2.2.2.

ir-rekwiżiti u t-testijiet tal-prestazzjoni tal-unità ta' propulsjoni msemmija fl-Anness II(A2) tar-Regolament (UE) Nru 168/2013;

4.2.2.3.

id-definizzjonijiet tal-familja tal-vettura / propulsjoni għandhom jiġu determinati u rrapportati separatament għall-konfigurazzjonijiet tal-muturi (L3e/L4e)-A2 u (L3e/L4e)-A3.

4.2.3.   Rekwiżiti għas-sikurezza funzjonali: għandhom jitwettqu testijiet u jintlaħqu r-rekwiżiti assoċjati skont il-punti (B2), (B4), (B14), (B17) u (B18) tal-Anness II tar-Regolament (UE) Nru 168/2013;

4.2.4.   Għandhom jitwettqu testijiet dwar il-kostruzzjoni tal-vetturi u għandhom jintlaħqu r-rekwiżiti assoċjati skont il-punti (C1) u (C10) tal-Anness II tar-Regolament (UE) Nru 168/2013 fil-konfigurazzjoni (L3e/ L4e)-A2.

4.2.5.   Ir-rekwiżiti l-oħra kollha tal-approvazzjoni tat-tip għajr dawk elenkati fil-punt 4.1.1.1. li huma stabbiliti fl-Anness II tar-Regolament (UE) Nru 168/2013 għandhom jitqiesu bħala komuni u ndaqs bejn il-konfigurazzjonijiet tal-muturi (L3e/ L4e)-A2 u (L3e/L4e)-A3 u għalhekk għandhom jiġu ttestjati u rrappurtati darba biss għaż-żewġ konfigurazzjonijiet tal-prestazzjoni. Għas-sistemi, il-komponenti, l-unitajiet tekniċi separati, il-partijiet jew it-tagħmir tal-vettura mhux affettwati mill-konverżjoni għandu jkun permess li jintużaw l-istess rapporti tat-test.

4.2.6.   Għandu jinħareġ WVTA għall-mutur tal-kategorija L3e-A2 li jkollu numru tal-approvazzjoni tat-tip uniku tal-UE. Sezzjoni speċjali fid-dokument ta’ informazzjoni u fiċ-ċertifikat tal-approvazzjoni tat-tip għandha tirrifletti l-informazzjoni dwar id-deżinjazzjoni tat-tip, in-numru tal-approvazzjoni tat-tip, id-dejta teknika dwar il-vettura konvertita kif ukoll id-deskrizzjoni tal-partijiet, is-softwer, eċċ. sabiex il-vettura tiġi konvertita fil-konfigurazzjoni L3e-A3.

4.2.7.   Għandu jinħareġ WVTA għall-mutur L3e-A3 li jkollu numru tal-approvazzjoni tat-tip uniku tal-UE. Is-sezzjoni speċjali fid-dokument ta’ informazzjoni kif imsemmija fil-punt 4.1.2. għandha tiżdied fil-fajl tal-approvazzjoni tat-tip tal-vettura L3e-A3.

4.2.8.   Jekk l-informazzjoni sħiħa għall-konverżjoni ma tkunx disponibbli fil-ħin tal-approvazzjoni tat-tip, l-informazzjoni kompletata tista’ tiddaħħal b’estensjoni tal-EU-WVTA. Jekk ikun nieqes biss in-numru tal-EU-WVTA l-ieħor, dan jista’ jiżdied ma’ reviżjoni tal-EU-WVTA.

4.2.9.   Informazzjoni elettronika tal-mutur (L3e/ L4e)-A2 jew A3

Il-manifattur għandu jipprogramma s-sottokategorija tal-mutur applikabbli "L3e-A2" jew "L3e-A3" fil-memorja tal-PCU / ECU tal-mutur meta jikkonvertih mill-konfigurazzjoni (L3e/ L4e)-A2 għal (L3e/L4e)-A3 jew viċi versa.

4.2.9.1.

Din l-informazzjoni elettronika għandha ssir disponibbli f’format li jista’ jinqara fuq talba ta’ għodda ta’ skansjoni ġenerika f’konformità mad-dispożizzjonijiet stabbiliti fl-Anness XII.

4.2.9.2.

Din l-informazzjoni elettronika għandha tkun protetta kontra t-tbagħbis skont il-punt 2.8 tal-Anness II.

4.2.9.3.

Fuq talba tal-manifattur tal-mutur, il-vettura tista’ tiġi eżentata milli tikkonforma mar-rekwiżiti fil-punt 4.2.9.1 u 4.2.9.2. sal-1 ta’ Jannar 2020 bil-kundizzjoni li tiġi miżjuda ġustifikazzjoni teknika komprensiva mal-fajl tal-informazzjoni.

4.2.10.   Iċ-Ċertifikat tal-Konformità (CoC) għandu jkun fih biss id-dejta ta’ konfigurazzjoni waħda tal-vettura (L3e/L4e)-A2 jew (L3e/L4e)-A3, fi tmiem il-linja tal-produzzjoni fil-fabbrika meta finalment jiġi ssettjat għal waħda miż-żewġ konfigurazzjonijiet possibbli.

4.2.11.   Għandu jingħata numru tal-identifikazzjoni tal-vettura (VIN) wieħed biss tat-tip ta’ mutur (L3e/L4e)-A2 u A3 lil muturi li jistgħu jiġu konvertiti mis-sottokategoriji (L3e/ L4e)-A2 għal (L3e/L4e)-A3 jew viċi versa. Il-pjanċa statutorja mwaħħla fuq il-vettura għandu jkollha dan il-VIN u għandu jkollha ż-żewġ numri tal-approvazzjoni tat-tip tal-UE b’indikazzjoni ċara tal-livelli tal-ħoss meta l-mutur ikun wieqaf u l-potenza tal-magna fiż-żewġ konfigurazzjonijiet.

4.3.   Konverżjoni

Il-konverżjoni tal-konfigurazzjoni (L3e/L4e)-A2 għall-konfigurazzjoni (L3e/L4e)-A3 jew viċi versa għandha ssir u tiġi kkontrollata biss mill-manifattur tal-vettura.

4.3.1.

Meta jintalab minn sid il-vettura, il-manifattur għandu joħroġ dikjarazzjoni li jkun fiha l-informazzjoni neċessarja għall-konverżjoni marbuta mill-VIN mas-CoC skont il-mudell fl-Anness taċ-ċertifikat tal-konformità stabbilit fl-Artikolu 38(2) tar-Regolament (UE) Nru 168/2013 u jiddikjara li mill-perspettiva teknika l-mutur L3e approvat jista’ jiġi konvertit għal-livelli tal-prestazzjoni ta’ (L3e/L4e)-A2 jew (L3e/L4e)-A3.

4.3.2.

Din id-dikjarazzjoni tal-manifattur għandha tinkludi: in-numri tal-approvazzjoni tat-tip tal-UE għall-Vettura Sħiħa (‘WVTA’), id-dejta mibdula (b’referenza għan-numri tal-approvazzjoni tat-tip kkonċernati fis-CoC), deskrizzjoni qasira tal-partijiet jew it-tagħmir li jridu jinbidlu u n-numri ta’ verifika tal-identifikazzjoni u l-kalibrazzjoni tas-softwer għaż-żewġ konfigurazzjonijiet. Kampjun tad-dikjarazzjoni mimlija tal-manifattur għandu jiġi inkluż fil-fajl tal-informazzjoni.

4.4.   L-ewwel reġistrazzjoni

Stat Membru m’għandux jirrifjuta l-ewwel reġistrazzjoni u ma għandu jitlob l-ebda ttestjar addizzjonali għall-finijiet tal-ewwel reġistrazzjoni ta’ mutur (L3e/L4e)-A2 jew (L3e/L4e)-A3 ġdid jekk il-mutur il-ġdid (L3e/L4e)-A2 jiġi konvertit għal-livell tal-prestazzjoni ta’ (L3e/L4e)-A3 jew viċi versa taħt il-kondizzjonijiet li ġejjin:

4.4.1.

il-qari tal-għodda ġenerika ta’ skansjoni msemmija fil-punt 4.2.9. jindika l-konfigurazzjoni (L3e/L4e)-A2 jew (L3e/L4e)-A3 u spezzjoni viżwali twassal għall-konklużjoni li l-partijiet kollha tal-mutur neċessarji għall-konverżjoni huma mibdula u/jew immuntati;

4.4.2.

sid il-vettura jippreżenta Ċertifikat tal-Konformità validu bid-dikjarazzjoni annessa tal-manifattur li saret referenza għaliha fil-punt 4.3.1.

5.   Proċeduri li jridu jiġu segwiti waqt approvazzjoni tat-tip tal-UE ta' diversi stadji

5.1.   Ġenerali

5.1.1.

L-operazzjoni sodisfaċenti tal-proċess ta’ approvazzjoni tat-tip tal-UE f’diversi stadji teħtieġ azzjoni konġunta mill-manifatturi kollha kkonċernati. Għal dan l-għan l-awtoritajiet ta' approvazzjoni tat-tip għandhom jiżguraw, qabel jagħtu l-approvazzjoni tal-ewwel stadju u dak sussegwenti, li jeżistu arranġamenti xierqa bejn il-manifatturi rilevanti għall-forniment u l-interskambju ta' dokumenti u informazzjoni tali li t-tip ta' vettura kkompletata tilħaq ir-rekwiżiti tekniċi tal-atti regolatorji separati rilevanti kollha preskritti fir-Regolament (UE) Nru 168/2013 XI. Tali inforamazzjoni għandha tinkludi dettalji tas-sistema rilevanti, l-komponent u l-approvazzjonijiet tal-unità teknika separata u ta' parts ta' vetturi li jagħmlu parti mill-vettura mhux kompluta iżda li għadhom ma gewx approvati.

5.1.2.

L-approvazzjonijiet tat-tip b’punt 5. huma mogħtija abbażi tal-istat attwali tal-ikkompletar tat-tip ta' vettura u għandhom jinkorporaw l-approvazzjonijiet kollha mogħtija fl-istadji ta' qabel.

5.1.3.

Fil-proċess ta' approvazzjoni tat-tip tal-UE f'diversi stadji, kull manifattur hu responsabbli għall-approvazzjoni u l-konformità tal-produzzjoni tas-sistemi, il-komponenti jew l-unitajiet tekniċi separati kollha manifatturati minnu jew miżjuda minnu mal-istadju li nbena qabel. Hu mhux responsabbli għal soġġetti li ġew approvati fi stadju ta' qabel minbarra f'dawk il-każijiet fejn hu jimmodifika parts rilevanti sal-punt li l-approvazzjoni mogħtija qabel issir invalida.

5.2.   Proċessi.

L-awtorità tal-approvazzjoni għandha:

5.2.1.

tivverifika li ċ-ċertifikati ta' approvazzjonijiet tat-tip tal-UE kollha maħruġa skont l-atti regolatorji li huma applikabbli għall-approvazzjoni tat-tip ta' vettura jkopru t-tip ta' vettura fl-istat kompletat tagħha u jikkorrispondu għar-rekwiżiti preskritti:

5.2.2.

tivverifika, skont l-Artikolu 25 (6) tar-Regolament (UE) Nru 168/2013 li l-vettura li jkollha l-approvazzjoni tat-tip fl-istadju finali tissodisfa f’kull ħin ir-rekwiżiti tekniċi applikabbli. Dak għandu jinkludi verifika dokumentali tar-rekwiżiti kollha koperti minn approvazzjoni tat-tip għal vettura mhux lesta mogħtija matul proċedura ta’ diversi stadji, anke meta tkun ingħatat għal kategorija jew sottokategorija differenti ta’ vettura.

5.2.3.

tiżgura, skont l-Artikolu 25 (7) tar-Regolament (UE) Nru 168/2013, li l-għażla tal-proċedura tal-approvazzjoni ma taffettwax ir-rekwiżiti sostantivi applikabbli li trid tikkonforma magħhom it-tip ta’ vettura approvata fil-ħin tal-ħruġ tal-approvazzjoni tat-tip għall-vettura sħiħa.

5.2.4.

tiżgura li d-data kollha rilevanti, b'kont meħud tal-istat ta' ikkompletar tal-vettura, hija inkluża fil-folder ta' informazzjoni;

5.2.5.

b'referenza għad-dokumentazzjoni tiżgura li l-ispeċifikazzjoni(jiet) tal-vettura u d-data miżmuma fil-Parti I tal-folder ta' informazzjoni tal-vettura huma inklużi fid-data fil-pakketti ta' informazzjoni u fiċ-ċertifikati ta' approvazzjoni tat-tip tal-UE fir-rigward tal-atti regolatorji; u fil-każ ta’ vettura kkompletata, fejn numru ta’ punt f’Parti I tal-folder ta’ informazzjoni mhux inkluż fil-pakkett ta’ informazzjoni ta’ kwalunkwe att regolatorju separat, tikkonferma li l-parti jew il-karatteristika rilevanti tikkonforma mad-dettalji fil-folder ta’ informazzjoni;

5.2.6.

fuq kampjun magħżul ta' vetturi mit-tip li għandu jiġi approvat twettaq jew tirranġa biex jitwettqu spezzjonijiet ta' parts u sistemi tal-vettura biex tivverifika li l-vettura/i hi/huma mibnija skont id-data rilevanti miżmuma fil-pakkett ta' informazzjoni awtentikat fir-rigward tal-atti regolatorji rilevanti kollha;

5.2.7.

twettaq jew tirranġa biex jitwettqu kontrolli ta' installazzjoni rilevanti fir-rigward ta' unitajiet tekniċi separati fejn applikabbli.

5.3.   In-numru ta’ vetturi li jridu jiġu spezzjonati għall-finijiet tal-punt 4.2.4 għandu jkun suffiċjenti biex jippermetti l-kontroll tad-diversi kumbinazzjonijiet li għandhom jieħdu approvazzjoni tat-tip tal-UE skont l-istat ta’ kkompletar tal-vettura u l-kriterji stabbiliti fi 2.1.

6.   Kundizzjonijiet speċifiċi mitluba mill-metodi ta’ ttestjar virtwali u mill-atti regolatorji li għalihom jistgħu jintużaw metodi ta’ ttestjar virtwali jew/u intern minn manifattur jew servizz tekniku

6.0.   Għanijiet u kamp ta’ applikazzjoni

6.0.1.

Dan il-punt 6 jistabbilixxi dispożizzjonijiet xierqa rigward l-ittestjar virtwali skont l-Artikolu 32(6) tar-Regolament (UE) Nru 168/2013. Huwa m’għandux japplika għat-tieni sottopunt tal-Artikolu 32(3) ta’ dak ir-Regolament.

6.0.2.

Dan il-punt 6 jistabbilixxi wkoll suġġett għall-ittestjar intern skont ir-rekwiżiti tal-Artikolu 64(1) tar-Regolament (UE) Nru 168/2013.

6.1.   Lista ta’ atti delegati u l-Annessi tagħhom

Tabella 3.1

Ħarsa ġenerali tar-rekwiżiti elenkati fir-Regolament (UE) Nru 168/2013 rigward l-ittestjar virtwali u intern

Rekwiżiti elenkati fir-Regolament (UE) Nru 168/2013	Ittestjar virtwali u/jew intern applikabbli?	Suġġett	Restrizzjonijiet / Kummenti
Taqsima (A2) tal-Anness II	Ittestjar intern	Proċeduri tal-ittestjar dwar il-veloċità massima ddisinjata tal-vettura	Għas-sottokategoriji L3e-A3, L4e-A3 u L5e biss u ma jinkludi l-ebda ttestjar ieħor tal-prestazzjoni tal-unità ta' propulsjoni.
Taqsima (B1) tal-Anness II	Ittestjar intern	L-apparati tat-twissija permezz tal-ħoss	Testijiet ta’ installazzjoni
Taqsima (B7) tal-Anness II	Ittestjar intern	kontrolli mħaddma mis-sewwieq, inkluża identifikazzjoni tal-kontrolli, sinjalaturi u indikaturi	Indikatur tal-veloċità biss
Taqsima (B8) tal-Anness II	Ittestjar Virtwali	Installazzjoni ta’ tagħmir tad-dawl u tas-sinjalazzjoni bid-dawl	Dimensjonijiet [mm]
Taqsima (B9) tal-Anness II	Ittestjar Virtwali	viżibilità għall-wara	Installazzjoni biss; Skont ir-regolament tal-UNECE Nru 81 biss
Taqsima (B14) tal-Anness II	Ittestjar Virtwali	Installazzjoni ta’ tajers	Fejn l-ispazju ħieles jaqbeż 10 mm biss.
Taqsima (C13) tal-Anness II	Ittestjar Intern u Virtwali	spazju tal-pjanċa tar-reġistrazzjoni
Taqsima (C15) tal-Anness II	Ittestjar Intern	Stands	Il-punt 2.5. sistemi għaż-żamma tal-istands.
Artikolu 39 tar-Regolament (UE) Nru 168/2013	Ittestjar Intern	Pjanċa statutorja u marka tal-approvazzjoni tat-tip tal-UE

7.   Kundizzjonijiet ġenerali mitluba minn metodi ta’ ttestjar virtwali

7.1.   Disinn ta’ test virtwali

L-iskema li ġejja għandha tintuża bħala struttura bażika biex jiġi deskritt u jitmexxa l-ittestjar virtwali:

7.1.1.

skop;

7.1.2.

mudell tal-istruttura;

7.1.3.

kundizzjonijiet tal-konfini;

7.1.4.

suppożizzjonijiet ta’ tagħbija;

7.1.5.

kalkolu:

7.1.6.

valutazzjoni;

7.1.7.

dokumentazzjoni.

7.2.   Prinċipji ewlenin ta’ simulazzjoni u kalkolu bil-kompjuter

7.2.1.   Mudell matematiku

Il-mudell matematiku għandu jinħareġ mill-manifattur. għandu jirrifletti l-kumplessità tal-istruttura tal-vettura, is-sistema u l-komponenti li jkunu se jiġu ttestjati b’relazzjoni mar-rekwiżiti tal-att regolatorju u l-kundizzjonijiet tal-konfini. Għandha tirrifletti l-kumplessità tal-istruttura tal-vettura, is-sistema u l-komponenti li għandhom jiġu ttestjati b'relazzjoni mar-rekwiżiti tal-att regolatorju u l-kundizzjonijiet tal-konfini tiegħu.L-istess dispożizzjonijiet gaħndhom japplikaw mutatis mutandis għall-ittestjar ta’ komponenti jew unitajiet tekniċi indipendentement mill-vettura.

7.2.2.   Proċess ta’ validazzjoni tal-mudell matematiku

Il-mudell għandu jiġi vvalidat b’paragun mal-kundizzjonijiet tat-test innifsu. Għal dan il-għan, għandu jsir test fiżiku għall-finijiet li jiġu pparagunati r-riżultati miksuba meta jintuża l-mudell matematiku mar-riżultati tat-test fiżiku. Għandha tingħata xhieda tal-paragun tar-riżultati tat-test. Il-manifattur jew is-servizz tekniku għandu jressaq abbozz tar-rapport tal-validazzjoni lill-awtorità tal-approvazzjoni. Kull bidla li ssir lill-mudell matematiku jew lis-softwer li probabbilment tinvalida r-rapport ta’ validazzjoni għandha titressaq għall-attenzjoni tal-awtorità tal-approvazzjoni li tista’ titlob li jitwettaq proċess ta’ validazzjoni ġdid. Il-grafika tal-istadji tal-proċess tal-validazzjoni qed tingħata fl-Appendiċi 3.

7.2.3.   Id-dokumentazzjoni

Id-dejta u l-għodda awżiljarja użata għas-simulazzjoni u l-kalkolu għndha tkun disponibbli mill-manifattur u tkun dokumentata b’mod xieraq.

7.2.4.   Għodod u sostenn

Fuq talba tas-servizz tekniku, il-manifattur għandu jforni jew jipprovdi aċċess għall-għodod neċessarji, inkluż is-softwer xieraq.

7.2.5.   Barra minn hekk, il-manifattur għandu jipprovdi appoġġ xieraq lis-servizz tekniku.

7.2.6.   Il-provvediment tal-aċċess u s-sostenn lil servizz tekniku ma jneħħix l-obbligu tas-servizz tekniku fejn tidħol il-ħila tal-persunal tiegħu, il-ħlas tad-drittijiet tal-liċenzja u r-rispett tal-kunfidenzjalità.

8.   Proċess ta’ validazzjoni għall-ittestjar virtwali

8.1.

Figura 3.1 Flow chart tal-proċess ta’ validazzjoni tal-ittestjar virtwali

ANNESS IV

Rekwiżiti applikabbli għall-konformità ta' produzzjoni

0.   Objettivi

0.1.

Il-konformità tal-proċedura ta’ produzzjoni (cop) timmira li tiżgura li kull vettura, sistema, komponent u unità teknika separata prodotta tkun f’konformità mat-tip approvat.

0.2.

Il-proċeduri jinkludu, b’mod komplet, il-valutazzjoni ta’ sistemi ta’ ġestjoni tal-kwalità, imsemmija hawn taħt bħala ‘il-valutazzjoni inizjali’ u flimkien mal-verifika tas-suġġett ta’ approvazzjoni u l-kontrolli relatati mal-prodott li hemm referenza għalihom bħala ‘l-arranġamenti tal-konformità tal-prodott’.

1.   Il-valutazzjoni inizjali

1.1.

Qabel ma tagħti l-approvazzjoni tat-tip, l-awtorità tal-approvazzjoni għandha tivverifika l-eżistenza ta’ arranġamenti u proċeduri sodisfaċenti stabbiliti mill-manifattur biex jassigura li l-vetturi, is-sistemi, il-komponenti jew l-unitajiet tekniċi separati meta jkunu fil-produzzjoni jikkonformaw mat-tip approvat.

1.2.

Gwida dwar kif jitwettqu l-valutazzjonijiet tinsab fi Standard EN ISO 19011:2011 – Linjigwida għall-verifiki tas-sistemi ta’ ġestjoni tal-kwalità u/jew dawk ambjentali.

1.3.

Ir-rekwiżiti fil-punt 1.1 għandhom jiġu verifikati għas-sodisfazzjoni tal-awtorità li tkun qed tagħti l-approvazzjoni tat-tip. Dik l-awtorità tal-approvazzjoni għandha tkun sodisfatta bil-valutazzjoni inizjali u l-arranġamenti ta’ konformità tal-prodott inizjali fit-Taqsima 2 hawn taħt, filwaqt li tqis neċessarju wieħed mill-arranġamenti deskritti fil-punti minn 1.3.1 sa 1.3.3, jew kombinazzjoni ta’ dawk l-arranġamenti b’mod sħiħ jew parzjali skont il-każ.

1.3.1.

Il-valutazzjoni inizjali nnifisha u/jew il-verifika tal-arranġamenti ta’ konformità tal-prodott għandhom jitwettqu mill-awtorità tal-approvazzjoni li tkun qed tagħti l-approvazzjoni jew entità maħtura li taġixxi f’isem l-awtorità tal-approvazzjoni.

1.3.1.1.

Filwaqt li tqis sa fejn għandha tasal il-valutazzjoni inizjali, l-awtorità tal-approvazzjoni tista’ tqis l-informazzjoni disponibbli relatata ma’: 1.3.1.1.1. iċ-ċertifikazzjoni tal-manifattur deskritta fil-punt 1.3.3 hawn taħt, li ma ġietx kwalifikata jew rikonoxxuta taħt dak il-punt; 1.3.1.1.2. fil-każ tal-approvazzjoni tat-tip ta’ sistemi, komponenti jew unitajiet tekniċi separati, valutazzjonijiet tas-sistema tal-kwalità mwettqa mill-manifattur(i) tal-vetturi fil-bini tal-manifattur(i) tas-sistema, komponent jew unitajiet tekniċi separati, skont waħda jew aktar mill-ispeċifikazzjonijiet tas-settur tal-industrija li jissodisfaw ir-rekwiżiti tal-istandards EN ISO 9001:2008 jew ISO/TS16949:2009.

1.3.2.

Il-valutazzjoni inizjali nnifisha u/jew il-verifika tal-arranġamenti ta’ konformità tal-prodott jistgħu jitwettqu wkoll mill-awtorità tal-approvazzjoni ta’ Stat Membru ieħor jew mill-entità maħtura nominata għal dan il-għan mill-awtorità tal-approvazzjoni.

1.3.2.1.

F’dak il-każ, l-awtorità tal-approvazzjoni tal-Istat Membru l-ieħor għandha tħejji dikjarazzjoni ta’ konformità li fiha tispjega l-oqsma u l-faċilitajiet ta’ produzzjoni li hi tkun kopriet bħala relevanti għall-prodott(i) li jrid/u jiġi/u approvat/i għat-tip u għar-Regolamenti tal-UE li skonthom iridu jiġu approvati dawn il-prodotti.

1.3.2.2.

Meta tirċievi applikazzjoni għal dikjarazzjoni ta’ konformità mill-awtorità tal-approvazzjoni tat-tip ta’ Stat Membru li tagħti approvazzjoni tat-tip, l-awtorità tal-approvazzjoni ta’ Stat Membru ieħor għandha tibgħat minnufih id-dikjarazzjoni ta’ konformità jew tavża li mhix f’pożizzjoni li tipprovdi tali dikjarazzjoni.

1.3.2.3.

L-applikazzjoni għall-għajnuna għandha tinkludi tal-anqas dan li ġej: 1.3.2.3.1. Grupp jew kumpanija (eż. XYZ Automotive) 1.3.2.3.2. Organizzazzjoni partikolari (eż. Id-Diviżjoni Reġjonali) 1.3.2.3.3. impjanti/siti (eż. impjant tal-magni 1 (fil-pajjiż A) — impjant tal-vetturi 2 (fil-pajjiż B)); 1.3.2.3.4. Il-Kategorija tal-Vettura/Komponent (eż. Il-mudelli kollha tal-kategorija Lxe ) 1.3.2.3.5. Oqsma valutati (eż. l-assemblaġġ tal-magna, ippressar u assemblaġġ tal-body, assemblaġġ tal-vettura) 1.3.2.3.6. Dokumenti eżaminati (eż. Il-manwal u proċeduri ta’ kwalità tal-kumpanija u tas-sit) 1.3.2.3.7. data tal-valutazzjoni (eż. verifika mwettqa minn jj/xx/ssss sa jj/xx/ssss); 1.3.2.3.8. żjara ta’ monitoraġġ ippjanata (eż. xx/ssss);

1.3.3.

L-awtorità tal-approvazzjoni tista’ taċċetta wkoll iċ-ċertifikazzjoni tal-manifattur skont l-istandard internazzjonali EN ISO 9001:2008 jew ISO/TS16949:2009 (f’dak il-każ il-kamp ta’ applikazzjoni ta’ din iċ-ċertifikazzjoni għandu jkopri l-prodott(i) li jrid(u) jiġi/u approvat(i)) jew standard ekwivalenti ta’ ċertifikazzjoni li jissodisfa r-rekwiżiti tal-valutazzjoni inizjali tal-punt 1.1., bil-kundizzjoni li l-konformità tal-produzzjoni tkun fil-fatt koperta mis-sistema ta’ ġestjoni ta’ kwalità. Il-manifattur irid jipprovdi d-dettalji taċ-ċertifikazzjoni u jiggarantixxi li jipprovdi lill-awtorità tal-approvazzjoni b’kull reviżjoni għall-validità jew ambitu li ssirilha.

1.4.

Għall-fini tal-approvazzjoni tat-tal-vettura, il-valutazzjonijiet inizjali mwettqa għall-għoti ta’ approvazzjonijiet ta’ sistemi, komponenti u unitajiet tekniċi tal-vettura ma hemmx għalfejn jiġu ripetuti, iżda għandhom jiġu kkompletati b’valutazzjoni li tkopri l-postijiet u l-attivitajiet relatati mal-assemblaġġ tal-vettura sħiħa mhux koperti mill-valutazzjonijiet preċedenti.

2.   Arranġamenti ta’ konformità tal-prodott

2.1.

Kull vettura, sistema, komponent, unità teknika separata, parti jew oġġett ta’ tagħmir skont ir-regolament tal-UNECE Anness mal-Ftehim rivedut tal-1958 u r-Regolament (UE) Nru 168/2013 għandhom ikunu mmanifatturati b’mod li jikkonformaw mat-tip approvat billi jissodisfaw ir-rekwiżiti ta’ dan l-Anness, l-imsemmi(jin) regolament(i) tal-UNECE u r-Regolament (UE) Nru 168/2013.

2.2.

Qabel tagħti approvazzjoni tat-tip skont ir-Regolament (UE) Nru 168/2013 u regolament tal-UNECE Anness mal-Ftehim rivedut tal-1958, l-awtorità tal-approvazzjoni għandha tivverifika l-eżistenza ta’ arranġamenti adegwati u pjani ta’ kontroll dokumentati, li għandhom jiġu maqbula mal-manifattur għal kull approvazzjoni, biex f’intervalli regolari twettaq dawk it-testijiet jew il-kontrolli assoċjati neċessarji sabiex tiġi verifikata l-konformità kontinwa mat-tip approvat, inkluż, fejn applikabbli, it-testijiet speċifikati fir-Regolament (UE) Nru 168/2013 u l-imsemmi regolament tal-UNECE.

2.3.

Id-detentur tal-approvazzjoni tat-tip għandu, b’mod partikolari: 2.3.1. Jiżgura l-eżistenza u l-applikazzjoni tal-proċeduri għall-kontroll effettiv tal-konformità tal-prodotti (vetturi, sistemi, komponenti jew unitajiet tekniċi separati) mat-tip approvat; 2.3.2. Ikollu aċċess għall-ittestjar jew tagħmir adatt ieħor meħtieġ għall-kontroll tal-konformità ma’ kull tip approvat; 2.3.3. Jiżgura li d-data tar-riżultati ta’ ttestjar u kontrolli huma reġistrati u li dokumenti Annessi jibqgħu disponibbli għal perjodu ta’ mhux aktar minn 10 snin li jrid jiġi determinat bi ftehim mal-awtorità tal-approvazzjoni tat-tip. 2.3.4. Janalizza r-riżultati ta’ kull tip ta’ test jew kontroll, sabiex tkun verifikata u żgurata l-istabbiltà tal-karatteristiċi tal-prodott, filwaqt li jkun hemm allowance għal varjazzjoni ta’ produzzjoni industrijali; 2.3.5. jiżgura li għal kull tip ta’ prodott, jitwettqu tal-anqas il-kontrolli u t-testijiet preskritti fir-Regolament (UE) Nru 168/2013 u l-atti delegati u ta’ implimentazzjoni tiegħu kif ukoll kif stipulati fir-regolament imsemmi u applikabbli tal-UNECE; 2.3.6. jiżgura li kull sett ta' kampjuni jew biċċiet għall-prova li jagħtu evidenza ta' nuqqas ta' konformità fit-tip ta' test partikolari ikun jista' jiġi użat għal aktar kontrolli u testijiet. Għandhom jittieħdu l-passi kollha neċessarji sabiex jiġi restawrat il-proċess tal-produzzjoni biex tkun żgurata l-konformità mat-tip approvat.

2.4.

Fil-każ ta’ approvazzjonijiet tat-tip pass pass, imħallta jew f’ħafna stadji, l-awtorità tal-approvazzjoni li tagħti approvazzjoni tat-tip għal vettura sħiħa tista’ titlob dettalji speċifiċi dwar il-konformità mar-rekwiżiti tal-konformità tal-produzzjoni stabbiliti f’dan l-Anness minn kwalunkwe awtorità tal-approvazzjoni li tkun tat approvazzjoni tat-tip ta’ kwalunkwe sistema, komponent jew unità teknika separata rilevanti.

2.5.

Jekk l-awtorità tal-approvazzjoni li tagħti approvazzjoni tat-tip għal vettura sħiħa ma tkunx sodisfatta bl-informazzjoni rrapportata msemmija fil-punt 2.4. u tkun ikkomunikat dan bil-miktub lill-manifattur inkwistjoni u l-awtorità tal-approvazzjoni li tagħti approvazzjoni tat-tip għas-sistema, komponent jew unità teknika separata, l-awtorità tal-approvazzjoni li tagħti approvazzjoni tat-tip lil vettura sħiħa għandha titlob li jitwettqu verifiki u kontrolli addizzjonali tal-konformità tal-produzzjoni fis-sit tal-manifattur(i) ta’ dawk is-sistemi, komponenti jew unitajiet tekniċi separati u r-riżultati għandhom isiru disponibbli immedjatament għall-awtorità tal-approvazzjoni kkonċernata.

2.6.

Jekk japplikaw il-punti 2.4. u 2.5. u r-riżultati tal-verifiki jew il-kontrolli addizzjonali ma jitqisux bħala sodisfaċenti fl-opinjoni tal-awtorità tal-approvazzjoni li tagħti approvazzjoni tat-tip lil vettura sħiħa, il-manifattur għandu jassigura li terġa’ tiġi stabbilita l-konformità tal-produzzjoni kemm jista’ jkun malajr permezz ta’ azzjonijiet korrettivi għas-sodisfazzjon tal-awtorità tal-approvazzjoni li tagħti approvazzjoni tat-tip tal-vettura sħiħa u għas-sodisfazzjon tal-awtorità tal-approvazzjoni li tagħti approvazzjoni tat-tip tas-sistema, komponent jew unità teknika separata.

3.   Arranġamenti ta’ verifika kontinwi

3.1

L-awtorità li tkun tat approvazzjoni tat-tip tista’ fi kwalunkwe ħin tivverifika l-metodi ta’ kontroll tal-konformità tal-produzzjoni applikati f’kull faċilità tal-produzzjoni permezz ta’ verifiki perjodiċi. Għal dak il-għan il-manifattur għandu jipprovdi aċċess għas-siti tal-manifattura, spezzjoni, ittestjar, ħażna u distribuzzjoni u għandu jipprovdi l-informazzjoni kollha neċessarja fir-rigward tad-dokumentazzjoni u r-rekords tas-sistema ta’ ġestjoni tal-kwalità.

3.1.1.

L-approċċ normali għandu jsir biex tiġi ssorveljata l-effettività kontinwa tal-proċeduri stabbiliti fit-Taqsimiet 1 u 2 (valutazzjoni inizjali u arranġamenti għall-konformità tal-prodott).

3.1.1.1.

Attivitajiet ta’ sorveljanza mwettqa mis-servizzi tekniċi (kwalifikat jew rikonoxxut kif mitlub fil-punt 1.3.3) iridu jkun aċċettati bħala li jissodisfaw ir-rekwiżiti tal-punt 3.1.1 fir-rigward tal-proċeduri stabbiliti fil-valutazzjoni inizjali.

3.1.1.2.

Il-frekwenza normali tal-verifiki mill-awtorità tal-approvazzjoni tat-tip (minbarra dawk li hemm referenza għalihom fil-punt 3.1.1.1) għandha tkun tali li tiżgura li l-kontrolli relevanti applikati skont it-Taqsimiet 1 u 2 ikunu riveduti matul perjodu konsistenti mal-klima ta’ fiduċja stabbilita mill-awtorità tal-approvazzjoni.

3.2.

F’kull reviżjoni, ir-rekords tat-testijiet u l-kontrolli u r-rekords tal-produzzjoni, b’mod partikolari r-rekords ta’ dawk it-testijiet jew kontrolli kif mitluba fil-punt 2.2., għandhom ikunu disponibbli għall-ispettur;

3.3.

L-ispettur jista’ jagħżel kampjuni aleatorji biex jiġu ttestjati fil-laboratorju tal-manifattur jew fil-faċilitajiet tas-servizz tekniku, f’liema każ għandhom jitwettqu biss testijiet fiżiċi. L-għadd minimu ta' kampjuni jista' jiġi stabbilit skont ir-riżultati tal-verifika tal-manifattur stess.

3.4.

Fejn il-livell ta’ kontroll jidher li mhuwiex sodisfaċenti, jew meta jinħass neċessarju li tiġi verifikata l-validità tat-testijiet imwettqa fl-applikazzjoni tal-punt 3.2., l-ispettur għandu jagħżel kampjuni sabiex jintbagħtu lis-servizz tekniku biex iwettaq testijiet fiżiċi skont ir-rekwiżiti rigward il-konformità tal-produzzjoni kif stipulat fil-punt 4 u fir-regolamenti tal-UNECE msemmija fir-Regolament (UE) Nru 168/2013 jew fl-atti delegati tiegħu.

3.5.

F’każijiet fejn, matul spezzjoni jew reviżjoni ta’ monitoraġġ, joħorġu riżultati mhux sodisfaċenti, l-awtorità tal-approvazzjoni għandha tiżgura li jittieħdu l-passi kollha meħtieġa biex tiġi restawrata l-konformità ta’ produzzjoni kemm jista’ jkun malajr.”

3.6.

F’każijiet fejn il-konformità mar-regolamenti tal-UNECE tkun meħtieġa mir-Regolament (UE) Nru 168/2013 jew l-atti delegati tiegħu, il-manifattur jista’ jagħżel li japplika d-dispożizzjonijiet ta’ dan l-Anness bħala alternattiva ekwivalenti għar-rekwiżiti tal-konformità tal-produzzjoni fir-regolamenti rispettivi tal-UNECE. Madankollu, jekk japplikaw il-punti 3.5. jew 3.6., ir-rekwiżiti separati kollha tal-konformità tal-produzzjoni fir-regolamenti tal-UNECE jridu jiġu osservati għas-sodisfazjon tal-awtorità tal-approvazzjoni sakemm din tiddeċiedi li reġgħet ġiet stabbilita l-konformità tal-produzzjoni.

4.   Rekwiżiti fir-rigward tal-ittestjar tal-konformità tal-produzzjoni f’każijiet ta’ livell mhux sodisfaċenti ta’ kontroll tal-konformità tal-prodott kif imsemmi fil-punt 3.4.

4.1.   Ir-rekwiżiti tal-prestazzjoni ambjentali u l-unità ta' propulsjoni;

4.1.1.   Test tat-tip I dwar l-emissjonijiet wara startjar kiesaħ, tat-tip II dwar żieda fl-emissjonijiet bil-magna mhux ingranata u tat-tip VII dwar il-kejl tal-emissjonijiet tas-CO2, il-konsum ta’ fjuwil, il-konsum tal-enerġija elettrika u l-istabbiliment tad-distanza bl-elettriku

4.1.1.1.   Il-vetturi għandhom jiġu mmanifatturati f’konformità mat-tip ta’ vetturi approvati.

4.1.1.2.   Għandhom jitwettqu kontrolli xierqa tal-konformità tal-produzzjoni sabiex tiġi vverifikata l-konformità mal-kundizzjonijiet imsemmija fil-punt 4.1.1.1.

4.1.1.3.   Il-vetturi li jaħdmu b’magna ta’ kombustjoni interna biss:

4.1.1.3.1.   Bħala regola ġenerali, miżuri biex tkun żgurata l-konformità tal-produzzjoni rigward l-emissjonijiet tal-egżost u tas-CO2 mill-vetturi jiġu kkontrollati fuq il-bażi tad-deskrizzjoni fiċ-ċertifikat tal-approvazzjoni tat-tip li jikkonforma mal-mudell fl-Artikolu 30(2) tar-Regolament (UE) Nru 168/2013.

Il-kontroll tal-konformità fil-produzzjoni huwa bbażat fuq valutazzjoni tal-proċedura ta’ verifika tal-manifattur, li ssir mill-awtorità kompetenti, biex tkun żgurata konformità tat-tip tal-vettura rigward l-emissjoni tas-CO2.

Jekk l-awtorità tal-approvazzjoni mhix sodisfatta bl-istandard tal-proċedura ta’ verifika tal-manifattur, għandha teħtieġ li t-testijiet ta’ verifika jitwettqu fuq vetturi li qed jiġu prodotti.

4.1.1.3.1.1.   Jekk kejl tal-emissjonijiet tal-egżost u tas-CO2 irid jitwettaq fuq tip ta’ vettura li għandu estensjoni waħda jew diversi estensjonijiet, it-testijiet se jitwettqu fuq il-vettura/i disponibbli fi żmien it-test (il-vettura/i li ġew deskritti fl-ewwel dokument jew f’estensjonijiet sussegwenti).

4.1.1.3.1.1.1.   Konformità tal-vettura għat-test tat-tip I dwar l-emissjonijiet tal-egżost wara startjar kiesaħ u t-test tat-tip VII dwar l-emissjonijiet tas-CO2

4.1.1.3.1.1.1.1.   Għandhom jintgħażlu b’mod aleatorju tliet vetturi mis-serje u jiġu ttestjati skont ir-rekwiżiti stabbiliti fl-Artikoli 23 u 24 tar-Regolament (UE) Nru 168/2013. Il-fatturi ta’ deterjorament għandhom jiġu applikati lill-medja tar-riżultati tat-test tat-tip I dwar l-emissjonijiet li jniġġsu kif ġej:

4.1.1.3.1.1.1.1.1.

Jekk japplika l-metodu tad-durabilità stabbilit fl-Artikolu 23(3a) tar-Regolament (UE) Nru 168/2013, il-fatturi ta’ deterjorament għandhom jiġu kkalkulati mir-riżultati tat-testijiet tat-tip I dwar l-emissjonijiet sa u inkluż il-kilometraġġ sħiħ imsemmi fl-Anness VII(A) tar-Regolament (UE) Nru 168/2013 u skont il-metodi tal-kalkolazzjoni lineari msemmi fil-punt 4.1.1.3.1.1.1.1.2. li jirriżultaw fil-valuri tal-inklinazzjoni u offset għal kull kostitwent tal-emissjonijiet. Ir-riżultati tal-emissjonijiet ta’ sustanzi li jniġġsu tas-CoP għandhom jiġu kkalkulati bil-formula: Ekwazzjoni 4-1: fejn: a = il-valur tal-inklinazzjoni stabbilit skont it-test tat-tip V skont l-Anness V(A) tar-Regolament (UE) Nru 168/2013; b = il-valur offset stabbilit skont it-test tat-tip V skont l-Anness V(A) tar-Regolament (UE) Nru 168/2013; x = ir-riżultat tat-test tal-emissjonijiet tas-sustanzi li jniġġsu (HC, CO, NOx, NMHC u PM jekk applikabbli) għal kull kostitwent tal-emissjonijiet ta’ vettura degreened (massimu akkumulat 100 km wara l-ewwel startjar fuq il-linja tal-produzzjoni) f’mg/km. y = ir-riżultat tal-emissjonijiet tas-CoP għal kull kostitwent tal-emissjonijiet ta’ sustanzi li jniġġsu f’mg/km. Ir-riżultati medji tas-CoP għandhom ikunu aktar baxxi mil-limiti tal-emissjonijiet ta’ sustanzi li jniġġsu stabbiliti fl-Anness VI(A) tar-Regolament (UE) Nru 168/2013.

4.1.1.3.1.1.1.1.2.

Jekk japplika l-metodu tad-durabilità stabbilit fl-Artikolu 23(3)(b) tar-Regolament (UE) Nru 168/2013, il-fattur ta’ deterjorament għandu jikkonsisti mill-valur tal-inklinazzjoni u l-valur offset għal kull kostitwent tal-emissjonijiet, ikkalkulati sabiex jikkonformaw mat-test tat-tip V skont l-Anness V(A) tar-Regolament (UE) Nru 168/2013. Għandha tintuża l-ekwazzjoni 4-1 sabiex jiġu kkalkulati r-riżultati tal-emissjonijiet tas-CoP għal kull kostitwent tal-emissjonijiet ta’ sustanzi li jniġġsu (y).

4.1.1.3.1.1.1.1.3.

Jekk japplika l-metodu tad-durabilità stabbilit fl-Artikolu 23(3)(c) tar-Regolament (UE) Nru 168/2013, il-fatturi fissi ta’ deterjorament, stipulati fl-Anness VII(A) tar-Regolament (UE) Nru 168/2013, għandhom jintużaw bħala l-valuri tal-inklinazzjoni bil-valur offset issettjat għal 0. Għandha tintuża l-ekwazzjoni 4-1 sabiex jiġu kkalkulati r-riżultati medji tal-emissjonijiet tas-CoP għal kull kostitwent tal-emissjonijiet ta’ sustanzi li jniġġsu (y).

4.1.1.3.1.1.1.1.4.

Ir-riżultati medji tat-test tat-tip VII (emissjonijiet tas-CO2, konsum ta’ fjuwil / enerġija u d-distanza bl-elettriku jekk applikabbli) għandhom ikunu aktar baxxi minn jew daqs il-valuri ddikjarati mill-manifattur fl-approvazzjoni tat-tip.

4.1.1.3.1.1.1.1.5.

Jekk l-emissjonijiet medji tal-ewwel żewġ vetturi jikkonformaw mar-rekwiżiti stabbiliti fil-punt 4.1.1.3.1.1.1.1., f’dak il-każ il-konformità tal-produzzjoni titqies bħala sodisfaċenti.

4.1.1.3.1.1.1.2.   Jekk il-medja tal-ewwel żewġ vetturi ma tikkonformax, il-proċedura tas-CoP tkompli kif ġej:

4.1.1.3.1.1.1.2.1.

Jekk l-awtorità tkun sodisfatta bid-devjazzjoni standard tal-produzzjoni mogħtija mill-manifattur, it-testijiet jitwettqu skont il-punt 4.1.1.3.2

4.1.1.3.1.1.1.2.2.

Jekk l-awtorità mhix sodisfatta bid-devjazzjoni standard tal-produzzjoni mogħtija mill-manifattur, it-testijiet jitwettqu skont il-punt4.1.1.3.3.

4.1.1.3.1.1.1.3.   Il-produzzjoni ta’ serje titqies bħala konformi jew mhux konformi, fuq il-bażi ta’ testijiet fuq tliet vetturi li jittieħdu bħala kampjun, ladarba tintlaħaq deċiżjoni tal-egżost u għas-CO2 li għaddiet mit-test jew li ma għaddietx, skont il-kriterji tat-test fit-tabella xierqa li jiġu applikati.

Jekk ma tintlaħaq l-ebda deċiżjoni li l-vettura għaddiet jew weħlet mit-test għall-emissjonijiet tal-egżost u tas-CO2, jitwettaq test fuq vettura addizzjonali (ara l-Figura 4-1).

4.1.1.3.1.1.1.4.   Fil-każ ta’ sistemi b’riġenerazzjoni perjodika, ir-riżultati għandhom jiġu mmultiplikati bil-fattur Ki miksub meta tkun ingħatat l-approvazzjoni tat-tip.

Fuq it-talba tal-manifattur, l-ittestjar jista’ jitwettaq immedjatament wara li tkun tlestiet ir-riġenerazzjoni.

Figura 4.1

Kriterji għad-deċiżjoni li vettura għaddiet /ma għaddietx mit-test għall-ittestjar tat-tip I, II u VII

4.1.1.3.1.1.2.   Minkejja r-rekwiżiti ambjentali stabbiliti fl-Artikolu 23 u 24 tar-Regolament (UE) Nru 168/2013, it-testijiet se jitwettqu fuq vetturi li jkunu vvjaġġaw distanza massima ta’ 100 km wara l-ewwel startjar fil-linja tal-produzzjoni.

4.1.1.3.1.1.2.1.   Madanakollu, fuq it-talba tal-manifattur, it-testijiet se jitwettqu fuq vetturi li għamlu run-in massimu ta’ 1 000 km.

F’dan il-każ, il-proċedura ta’ running-in se titwettaq mill-manifattur li għandu jimpenja ruħu li ma jagħmel l-ebda aġġustament għal dawk il-vetturi.

4.1.1.3.1.1.2.2.   Jekk il-manifattur jitlob biex iwettaq proċedura ta’ running-in (“x” km, fejn x ≤ 1 000 km), tista’ titwettaq kif ġej:

L-emissjonijiet tal-egżost u tas-CO2 se jitkejlu wara mhux aktar minn 100 km wara l-ewwel startjar fil-linja tal-produzzjoni u wara “x” km fuq l-ewwel vettura ttestjata (li tista’ tkun il-vettura tal-approvazzjoni tat-tip);

Il-koeffiċjent ta’ evoluzzjoni (EC) tal-emissjonijiet bejn 100 km u “x” km se jiġu kkalkulati kif ġej:

Ekwazzjoni 4-2:

Il-valur ta’ EC jista’ jkun inqas minn 1.

Il-vetturi sussegwenti mhux se jkunu soġġetti għall-proċedura tar-running in, iżda l-emissjonijiet tagħhom wara 100 km se jiġu modifikati mill-KE.

F’dan il-każ, il-valuri li jridu jittieħdu għandhom ikunu:

Il-valur f’’x’ km għall-ewwel vettura;

Il-valuri wara massimu ta’ 100 km immultiplikati bil-koeffiċjent ta’ evoluzzjoni (KE) għall-vetturi sussegwenti.

4.1.1.3.1.1.2.3.   Bħala alternattiva għal din il-proċedura, il-manifattur tal-vettura jista’ juża KE fiss ta’ 0,92 u jimmultiplika l-valuri kollha tal-emissjonijiet tal-egżost u tas-CO2 wara żero km b’dan il-fattur.

4.1.1.3.1.1.2.4.   It-testijiet għall-konformità tal-produzzjoni jistgħu jsiru bi fjuwil kummerċjali li l-proporzjon ta’ C3/C4 tiegħu jinsab bejn dawk tal-fjuwils ta’ referenza, riferuti f’Anness II(A1) tar-Regolament (UE) Nru 168/2013 fil-każ tal-LPG, jew li l-indiċi Wobbe tiegħu jinsab bejn dawk tal-fjuwils ta’ referenza estremi fil-każ tal-NG jew tal-H2NG. F’dak il-każ għandha tiġi preżentata analiżi tal-fjuwil lill-awtorità tal-approvazzjoni.

4.1.1.3.2.   Il-konformità tal-produzzjoni meta tkun disponibbli d-dejta statistika tal-manifattur.

4.1.1.3.2.1.   It-taqsimiet li ġejjin jiddeskrivu l-proċedura li għandha tintuża biex tkun ivverifikata l-konformità tal-egżost u tas-CO2 mar-rekwiżiti tal-produzzjoni meta d-devjazzjoni standard tal-produzzjoni tal-manifattur tkun sodisfaċenti.

4.1.1.3.2.2.   B'kampjun b'qies minimu ta' tlieta, il-proċedura ta' kif jittieħdu l-kampjuni għandha titlesta biex il-probabilità ta' lott li jgħaddi minn test b'40 % ta' produzzjoni difettuża tkun ta' 0,95 (ir-riskju tal-produttur = 5 %), waqt li l-probabilità ta' lott li jkun aċċettat b'65 % ta' produzzjoni difettuża tkun ta' 0,1 (ir-riskju tal-konsumatur = 10 %).

4.1.1.3.2.3.   Tintuża l-proċedura li ġejja (ara l-Figura 4-1):

Ħalli L ikun il-logaritmu naturali tal-limiti tal-emissjonijiet tal-egżost stabbiliti fl-Anness VI(A) tar-Regolament (UE) Nru 168/2013 u l-valur iddikjarat tal-emissjonijiet tas-CO2 fl-approvazzjoni tat-tip:

xi	=	il-logaritmu naturali tal-kejl tal-vettura i-th fil-kampjun,
s	=	stima tad-devjazzjoni standard tal-produzzjoni (wara li jiġi kkalkolat il-logaritmu naturali tal-kejlijiet);
n	=	in-numru tal-kampjun preżenti.

4.1.1.3.2.4.   Għall-kampjun ikkalkula l-istatistika tat-test li tikkwantifika s-somma tad-devjazzjonijiet standardizzati sal-limitu u li tiġi ddefinita bħala:

Ekwazzjoni 4-2:

4.1.1.3.2.5.   Imbagħad:

4.1.1.3.2.5.1.

jekk l-istatistika tat-test hija akbar min-numru tad-deċiżjoni li l-vetturi għaddew mit-test għall-kampjun mogħti fit-tabella 4-1, tintlaħaq deċiżjoni li l-vetturi għaddew;

4.1.1.3.2.5.2.

jekk l-istatistika tat-test hija inqas min-numru tad-deċiżjoni li l-vetturi m’għaddewx mit-test għad-daqs tal-kampjun mogħti fit-tabella 4-1, tintlaħaq deċiżjoni li l-vetturi m’għaddewx;

4.1.1.3.2.5.3.

inkella, tiġi ttestjata vettura addizzjonali skont l-Anness II (A) tar-Regolament (UE) Nru 168/2013 u l-proċedura tiġi applikata għall-kampjun b’unità waħda aktar.

4.1.1.3.2.5.4.

Tabella 4.1 Deċiżjoni li l-vettura għaddiet / ma għaddietx skont id-daqs tal-kampjun; Il-konformità tal-produzzjoni meta tkun disponibbli d-dejta statistika tal-manifattur Daqs tal-Kampjun (numru kumulattiv tal-vetturi ttestjati) Nru tad-Deċiżjoni li l-Vetturi Għaddew Nru tad-Deċiżjoni li l-Vetturi M’Għaddewx (a) (b) (c) 3 3,327 –4,724 4 3,261 –4,79 5 3,195 –4,856 6 3,129 –4,922 7 3,063 –4,988 8 2,997 –5,054 9 2,931 –5,12 10 2,865 –5,185 11 2,799 –5,251 12 2,733 –5,317 13 2,667 –5,383 14 2,601 –5,449 15 2,535 –5,515 16 2,469 –5,581 17 2,403 –5,647 18 2,337 –5,713 19 2,271 –5,779 20 2,205 –5,845 21 2,139 –5,911 22 2,073 –5,977 23 2,007 –6,043 24 1,941 –6,109 25 1,875 –6,175 26 1,809 –6,241 27 1,743 –6,307 28 1,677 –6,373 29 1,611 –6,439 30 1,545 –6,505 31 1,479 –6,571 32 –2,112 –2,112

4.1.1.3.3.   Il-konformità tal-produzzjoni meta d-dejta statistika tal-manifattur ma tkunx sodisfaċenti jew disponibbli.

4.1.1.3.3.1.   It-taqsimiet li ġejjin jiddeskrivu l-proċedura li għandha tintuża biex tiġi vverifikata l-konformità tal-egżost u tas-CO2 tar-rekwiżiti tal-produzzjoni meta l-evidenza tad-devjazzjoni standard tal-produzzjoni tal-manifattur hija jew mhux sodisfaċenti jew mhux disponibbli.

4.1.1.3.3.2.   B'kampjun b'qies minimu ta' tlieta, il-proċedura ta' kif jittieħdu l-kampjuni għandha titlesta biex il-probabilità ta' lott li jgħaddi minn test b'40 % ta' produzzjoni difettuża tkun ta' 0,95 (ir-riskju tal-produttur = 5 %), waqt li l-probabilità ta' lott li jkun aċċettat b'65 % ta' produzzjoni difettuża tkun ta' 0,1 (ir-riskju tal-konsumatur = 10 %).

4.1.1.3.3.3.   Il-kejl tal-emissjonijiet tal-egżost u tas-CO2 huwa meqjus li huwa log distribwit b’mod normali u l-ewwel għandu jiġi trasformat billi jittieħdu l-logaritmi naturali. Ħalli li mo u m jiddenotaw id-daqsijiet minimi u massimi tal-kampjun rispettivament (mo = 3 u m = 32) u ħalli li n tiddenota n-numru tal-kampjun kurrenti.

4.1.1.3.3.4.   Jekk il-logaritmi naturali tal-kejl fis-serje jkunu x1, x2, ..., xj u L ikun il-logaritmu naturali tal-limiti tal-emissjonijiet ta’ sustanzi niġġiesa stabbilit fl-Anness VI(A) tar-Regolament (UE) Nru 168/2013 u l-valur iddikjarat tas-CO2 tal-approvazzjoni tat-tip, f’dak il-każ iddefinixxi:

Ekwazzjonijiet 4-3:

4.1.1.3.3.5.   It-tabella 4-2 turi l-valuri tan-numri tad-deċiżjonijiet li jgħaddu (An) u li jeħlu (Bn) meta mqabbla man-numru tal-kampjun attwali. L-istatistika tat-test hija l-proporzjon u għandha tintuża biex ikun iddeterminat jekk is-serje għaddietx mit-test jew le kif ġej:

għal mo ≤ n ≤ m:

4.1.1.3.3.5.1.

għaddi s-serje jekk d–

4.1.1.3.3.5.2.

tgħaddix is-serje jekk d–

4.1.1.3.3.5.3.

ħu kejl ieħor jekk Tabella 4-2 Deċiżjoni li l-vettura għaddiet / ma għaddietx mit-test skont id-daqs tal-kampjun; Il-konformità tal-produzzjoni meta d-dejta statistika tal-manifattur ma tkunx sodisfaċenti jew disponibbli Daqs tal-Kampjun (numru kumulattiv tal-vetturi ttestjati) Nru tad-Deċiżjoni li l-Vetturi Għaddew An Nru tad-Deċiżjoni li l-Vetturi M’Għaddewx Bn (a) (b) (c) 3 –0,80380 16,64743 4 –0,76339 7,68627 5 –0,72982 4,67136 6 –0,69962 3,25573 7 –0,67129 2,45431 8 –0,64406 1,94369 9 –0,61750 1,59105 10 –0,59135 1,33295 11 –0,56542 1,13566 12 –0,53960 0,97970 13 –0,51379 0,85307 14 –0,48791 0,74801 15 –0,46191 0,65928 16 –0,43573 0,58321 17 –0,40933 0,51718 18 –0,38266 0,45922 19 –0,35570 0,40788 20 –0,32840 0,36203 21 –0,30072 0,32078 22 –0,27263 0,28343 23 –0,24410 0,24943 24 –0,21509 0,21831 25 –0,18557 0,18970 26 –0,15550 0,16328 27 –0,12483 0,13880 28 –0,09354 0,11603 29 –0,06159 0,09480 30 –0,02892 0,07493 31 0,00449 0,05629 32 0,03876 0,03876

4.1.1.3.3.6.   Rimarki

Il-formuli ripetuti li ġejjin huma utli sabiex jinħadmu l-valuri wara xulxin tal-istatistika tat-test:

Ekwazzjonijiet 4-4:

(n=2, 3, …; ; v1=0)

4.1.1.3.4.   L-awtoritajiet tal-approvazzjoni tat-tip li joħorġu l-approvazzjoni jistgħu jivverifikaw, fi kwalunkwe ħin, il-metodi li jiġu applikati f’kull unità ta’ produzzjoni.

4.1.1.3.5   F’kull spezzjoni, ir-rekords tat-testijiet u tal-monitoraġġ tal-produzzjoni għandhom jiġu kkomunikati lill-ispettur li jagħmel iż-żjara.

4.1.1.3.6.   L-ispettur jista’ jagħżel bl-addoċċ il-kampjuni li għandhom jiġu ttestjati fil-laboratorju tal-manifattur. In-numru minimu tal-kampjuni jista’ jiġi ddeterminat fuq il-bażi tar-riżultati tal-kontrolli stess tal-manifattur.

4.1.1.3.7.   Meta l-istandard tal-kwalità ma jidhirx li jkun sodisfaċenti jew meta jidher li jkun hemm għalfejn tiġi verifikata l-validità tat-testijiet imwettqa skont it-Taqsima 9.4.2.2, l-ispettur għandu jiġbor kampjuni li għandhom jintbagħtu lis-servizz tekniku li wettaq it-testijiet ta’ approvazzjoni.

4.1.1.3.8.   L-awtoritajiet tal-approvazzjoni tat-tip jistgħu jwettqu t-testijiet kollha li ġew preskritti f’dan l-Anness.

4.1.1.4.   Il-vetturi li jaħdmu bi grupp tal-propulsjoni elettriku ibridu

Bħala regola ġenerali, il-miżuri biex tkun żgurata l-konformità tal-produzzjoni rigward l-emissjonijiet tal-egżost u tas-CO2 u l-konsum tal-enerġija elettrika minn vetturi elettriċi ibridi jiġu kkontrollati fuq il-bażi tad-deskrizzjoni fiċ-ċertifikat tal-approvazzjoni tat-tip li jikkonforma mal-mudell fl-Artikolu 30(2) tar-Regolament (UE) Nru 168/2013.

Il-kontroll tal-konformità tal-produzzjoni hija bbażata fuq valutazzjoni tal-proċedura ta’ verifika tal-manifattur, li saret mill-awtorità tal-approvazzjoni, biex tkun żgurata l-konformità tat-tip ta’ vettura rigward l-emissjoni tal-egżost u tas-CO2 u l-konsum tal-enerġija elettrika.

Jekk l-awtorità mhix sodisfatta bl-istandard tal-proċedura ta’ verifika tal-manifattur, tista' teħtieġ li t-testijiet ta’ verifika jitwettqu fuq vetturi li qed jiġu prodotti.

Il-konformità għall-emissjonijiet tal-egżost u tas-CO2 tiġi kkontrollata billi jintużaw il-proċeduri statistiċi li ġew deskritti fil-paragrafi 4.1.1.3.1 sa 4.1.1.3.3 Il-vetturi jiġu ttestjati skont il-proċedura li ġiet deskritta fl-Anness II(A) tar-Regolament (UE) Nru 168/2013.

4.1.1.5.   Tagħmir sostitut għall-kontroll tat-tniġġis

4.1.1.5.1.   Sabiex tiġi ttestjata l-konformità kif mitlub hawn fuq, għandu jittieħed kampjun tat-tagħmir sostitut għall-kontroll tat-tniġġis mil-linja tal-produzzjoni tal-vettura li jkollha l-approvazzjoni tat-tip.

4.1.1.5.2.   Il-produzzjoni se titqies li hija konformi mad-dispożizzjonijiet ta’ dan l-Anness jekk vettura rappreżentattiva tal-oriġini mgħammra bi strument għall-kontroll tat-tniġġis, magħżula b’mod aleatorju mil-linja tal-produzzjoni, tikkonforma mar-rekwiżiti applikabbli stipulati fl-Artikolu 23 tar-Regolament (UE) Nru 168/2013 dwar il-prestazzjoni ambjentali. Il-prestazzjoni tal-unità ta' propulsjoni mwaħħla fuq il-vettura rappreżentattiva tal-oriġini għandha titkejjel skont l-Anness II(A) tar-Regolament (UE) Nru 168/2013 u m’għandhiex taqbeż il-prestazzjoni tal-propulsjoni tal-istrument għall-kontroll tat-tniġġis oriġinali li tissostitwixxi.

4.1.1.6.   L-azzjonijiet li għandhom jittieħdu f’każ ta’ nuqqas ta’ konformità tal-produzzjoni

Jekk, matul l-ispezzjonijiet, tiġi osservata nuqqas ta’ konformità, l-awtorità tal-approvazzjoni għandha tiżgura li jittieħdu l-passi meħtieġa kollha biex il-konformità tal-produzzjoni tkun stabbilita mill-ġdid mill-aktar fis possibbli.

4.1.1.7.   Penali għal nuqqas ta’ konformità tal-produzzjoni

4.1.1.7.1.   L-approvazzjoni mogħtija fir-rigward ta’ tip ta’ vettura tista’ tiġi rtirata jekk ir-rekwiżiti fil-punt 4.1.1.1. ma jkunux irrispettati.

4.1.1.7.2.   Jekk xi Stat Membru jirtira approvazzjoni li jkun ta qabel, huwa għandu jinforma immedjatament lill-Istati Membri l-oħra.

4.1.2.   Konformità tal-produzzjoni għat-test tat-tip IV, emissjonijiet tal-evaporazzjoni

Għall-ittestjar ta’ rutina fl-aħħar tal-linja tal-produzzjoni, id-detentur tal-approvazzjoni jista’ juri konformità billi jieħu kampjuni ta’ vetturi li għandhom jissodisfaw ir-rekwiżiti li ġejjin: B’mod alternattiv, għandha titwettaq il-proċedura tat-test sħiħa deskritta f’dan l-Anness. Fuq talba tal-manifattur, tista’ tintuża proċedura alternattiva ta’ ttestjar, jekk il-proċedura tkun ġiet ippreżentata lil, u tkun ġiet aċċettata matul il-proċedura tal-approvazzjoni tat-tip, mis-servizz tekniku għas-sodisfazzjon tal-awtorità tal-approvazzjoni.

4.1.2.1.   Test għat-tnixxija

4.1.2.1.1.   Il-fetħiet għall-atmosfera mis-sistema ta’ kontroll tal-emissjonijiet evaporattivi għandhom ikunu iżolati.

4.1.2.1.2.   Pressjoni ta’ 3,7 kPa ± 0,1 kPa (370 ± 10 mm ta’ H2O) għandha tiġi applikata fuq is-sistema tal-fjuwil.

4.1.2.1.3.   Il-pressjoni għandha titħalla tistabbilizza ruħha qabel ma tiġi iżolata s-sistema tal-fjuwil mis-sors tal-pressjoni.

4.1.2.1.4.   Wara l-iżolament tas-sistema tal-fjuwil, il-pressjoni m’għandhiex taqa’ b’aktar minn 0,5 kPa (50 mm ta’ H2O) f’ħames minuti.

4.1.2.2.   Test għall-ventilazzjoni

4.1.2.2.1.   Il-fetħiet għall-atmosfera mill-kontroll tal-emissjonijiet għandhom ikunu iżolati.

4.1.2.2.2.   Pressjoni ta’ 3,7 kPa ± 0,1 kPa (370 ± 10 mm ta’ H2O) għandha tiġi applikata fuq is-sistema tal-fjuwil.

4.1.2.2.3.   Il-pressjoni għandha titħalla tistabbilizza ruħha qabel ma tiġi iżolata s-sistema tal-fjuwil mis-sors tal-pressjoni.

4.1.2.2.4.   L-iżbokki tal-ventilazzjoni mis-sistemi ta’ kontroll tal-emissjonijiet għandhom jitreġġgħu lura fil-kundizzjoni tal-produzzjoni.

4.1.2.2.5.   Il-pressjoni tas-sistema tal-fjuwil għandha tinżel għal taħt 1,0 kPa (100 mm ta’ H2O) fi żmien żewġ minuti.

4.1.2.3.   Test tat-tindif

4.1.2.3.1.   Tagħmir li kapaċi jidentifika rata ta’ fluss tal-arja ta’ 0,25 litru f’minuta għandu jkun imqabbad mad-daħla tat-tindif u kontenitur tal-pressjoni kbir biżżejjed biex ma jkollux effett fuq is-sistema tat-tindif għandu jkun imqabbad permezz ta’ valv li jiswiċċja mad-daħla tat-tindif, jew mod ieħor.

4.1.2.3.2.   Il-manifattur jista’ juża miter tal-fluss tal-għażla tiegħu, jekk ikun aċċettabbli għall-awtorità tal-approvazzjoni.

4.1.2.3.3.   Il-vettura għandha titħaddem b’mod li kull karatteristika tad-disinn tas-sistema tat-tindif li tista’ tillimita l-operazzjoni tat-tindif tiġi ditektjata u ċ-ċirkustanzi nnutati.

4.1.2.3.4.   Waqt li din il-magna qed titħaddem fil-limiti mniżżla f’din it-taqsima, il-fluss tal-arja għandu jkun determinat jew:

4.1.2.3.4.1.

il-mekkaniżmu li jkun qed jinxtegħel bi tnaqqis fi pressjoni minn livell atmosferiku li jindika il-volum ta 0,25 litru ta’ arja daħal fis-sistema ta’ kontroll tal-emissjonijiet evaporattivi f’minuta; jew

4.1.2.3.4.2.

Strument alternattiv għall-kejl tal-fluss b’qari li jista’ jiġi ditektjat ta’ mhux anqas minn 0,25 litru kull minuta.

4.1.2.3.4.3.

Fuq talba tal-manifattur proċedura alternattiva ta' test tat-tindif tista' tintuża, jekk il-proċedura ġiet ippreżentata lil, u aċċettata mis-servizz tekniku matul il-proċedura tal-‘approvazzjoni tat-tip.’

4.1.2.4.   Metodi ta' kontroll

4.1.2.4.1.   L-awtorità ta' approvazzjoni li tkun tat l-approvazzjoni tat-tip tista’ tivverifika, fi kwalunkwe mument, il-metodi ta’ kontroll tal-konformità applikabbli għal kull unità ta’ produzzjoni.

4.1.3.   Test tat-tip VIII dwar il-livell tal-istorbju

4.1.3.1.   Konformità tal-vettura rigward il-livell ta’ storbju

Kwalunkwe vettura mmanifatturata għandha tikkonforma ma’ tip approvat ta’ vettura u għandha tkun mgħammra b’sajlenser li bih tkun ingħatat l-approvazzjoni tat-tip u tissodisfa r-rekwiżiti tal-Artikolu 23 u l-Anness VI(D) tar-Regolament (UE) Nru 168/2013 relatati mat-tip ta’ vettura kkonċernata.

4.1.3.1.1.   Sabiex tiġi ttestjata l-konformità kif mitlub hawn fuq, għandha tittieħed vettura kampjun mil-linja tal-produzzjoni tat-tip approvat skont dan il-punt 4.1.3. Il-produzzjoni se titqies li hija konformi mad-dispożizzjonijiet ta’ dan il-punt jekk il-livell ta’ storbju mkejjel bl-użu tal-metodu ta’ ttestjar imsemmi fl-Anness VI (D) tar-Regolament (UE) Nru 168/2013 ma jaqbiżx b’aktar minn 3 dB(A) il-valur imkejjel fil-ħin tal-approvazzjoni tat-tip, jew b’aktar minn 1 dB(A) il-limiti stabbiliti f’dan il-punt.

4.1.3.2.   Konformità tal-produzzjoni ta’ sistema sostituta tal-egżost mhux oriġinali

4.1.3.2.1.   Kwalunkwe sistema tal-egżost immanifatturata għandha tikkonforma ma’ tip approvat skont dan il-punt u tissodisfa r-rekwiżiti tal-Anness VI (D) tar-Regolament (UE) Nru 168/2013 rigward it-tip ta’ vettura li għaliha tkun maħsuba.

4.1.3.2.2.   Sabiex tiġi ttestjata l-konformità kif mitlub hawn fuq, għandu jittieħed kampjun tal-egżost mil-linja tal-produzzjoni tat-tip approvat skont dan il-punt 4.1.3.

4.1.3.2.3.   Il-produzzjoni se titqies li hija konformi ma’ dan il-punt 4.1.3. jekk ikunu ssodisfati r-rekwiżiti tal-Anness VI(D) tar-Regolament (UE) Nru 168/2013 u jekk il-livell ta’ storbju mkejjel bl-użu tal-metodu ta’ ttestjar imsemmi f’dak l-Anness ma jaqbiżx b’aktar minn 3 dB(A) il-valur imkejjel fil-ħin tal-approvazzjoni tat-tip.

4.1.4.   Rekwiżiti għall-konformità tal-produzzjoni (CoP) fir-rigward tal-veloċità massima ddisinjata tal-vettura, it-torque massimu, il-potenza nominali kontinwa massima u l-ogħla potenza massima

4.1.4.1.   Tolleranzi fil-kejl tal-veloċità massima tal-vettura waqt l-ittestjar tal-konformità tal-produzzjoni (CoP)

.Matul verifika ta' konformità tal-produzzjoni il-veloċità proġettata tal-vettura massima tista' tvarja b' ±5 % mill-valur determinat matul it-test tal-approvazzjoni tat-tip.

4.1.4.2.   Tolleranzi fuq it-torque massimu, il-potenza nominali kontinwa massima, il-potenza netta massima u l-ogħla potenza massima waqt l-ittestjar tas-CoP

Tabella 4-3

Tolleranza tal-kejl fuq it-torque massimu, il-potenza nominali kontinwa massima, il-potenza massima netta u l-ogħla potenza massima skont il-potenza mkejla

Potenza mkejla	Tolleranza aċċettabbli fuq it-torque massimu, il-potenza nominali kontinwa massima, il-potenza netta massima u l-ogħla potenza massima
< 1 kW	≤ 20 %
1 kW ≤ potenza mkejla <11 kW	≤ 10 %
> 11 kW	≤ 5 %

4.1.5.   Rekwiżiti għall-konformità tal-produzzjoni (CoP) fir-rigward tal-massa f’kundizzjoni ta’ sewqan.

Il-massa f’kundizzjoni ta’ sewqan ta’ vettura tal-kategorija L ma tistax tiddevja b’aktar minn 8 % mill-valur nominali fir-rigward tad-devjazzjonijiet permissibbli ta’ taħt u ta’ fuq, li hija d-devjazzjoni negattiva u pożittiva madwar il-valur nominali ddikjarat sa u li jinkludi l-limiti tal-massa f’kundizzjoni ta’ sewqan imsemmija fl-Anness I tar-Regolament (UE) Nru 168/2013.

5.   Reviżjoni tat-tolleranzi tal-massa f'kundizzjoni ta' sewqan.

Irrispettivament jekk japplikax il-punt 4, sal-31 ta' Diċembru 2019 l-Istati Membri għandhom jipprovdu lill-Kummissjoni l-istatistika dwar it-tolleranzi attwali osservati dwar il-massa f'kundizzjoni ta' sewqan huma u jivverifikaw il-konformità ta' produzzjoni. Fl-istatistika għandu jkun hemm il-massa f'kundizzjoni ta' sewqan imkejla waqt l-approvazzjoni tat-tip u kull varjazzjoni mkejla pożittiva jew negattiva bħala perċentwal ta' din il-massa approvata għat-tip f'kundizzjoni ta' sewqan, osservati waqt il-konformità tal-istima tal-produzzjoni fuq il-linja ta' produzzjoni. Abbażi ta' din id-dejta l-Kummissjoni se tevalwa jekk ikunx meħtieġ jew le li jiġi rivedut il-perċentwal tat-tolleranza massima permissibbli stabbilit fil-punt 4.1.5.

ANNESS V

Rekwiżiti applikabbli għall-istrumenti tal-agganċ u l-aċċessorji

1.   Kamp ta' applikazzjoni

1.1.

Dan l-Anness japplika għall-istrumenti tal-agganċ u l-aċċessorji għal vetturi tal-kategorija L, jekk ikunu mwaħħla.

1.2.

Dan l-Anness jispeċifika r-rekwiżiti li jridu jissodisfaw l-istrumenti tal-agganċ għal vetturi tal-kategorija L sabiex: 1.2.1. Tiġi żgurata l-kompatibilità meta l-vetturi tal-kategorija L jiġu kombinati ma’ tipi differenti ta’ trejlers; 1.2.2. Jiġi żgurat l-agganċ sigur tal-vettura u t-trejler fil-kundizzjonijiet kollha ta’ użu; 1.2.3. Jiġu żgurati proċeduri siguri għall-agganċ u l-iżganċ.

2.   Rekwiżiti ġenerali

2.1.

L-istrumenti tal-agganċ għall-vetturi tal-kategorija L għandhom jiġu mmanifatturati u mwaħħla skont prattika tajba tal-inġinerija, u għandhom ikunu siguri sabiex jitħaddmu. Huma jistgħu jiġu approvati bħala unitajiet tekniċi separati skont dan ir-Regolament jew approvati skont ir-regolament tal-UNECE Nru 55 (1).

2.2.

L-istrumenti tal-agganċ għandhom ikunu ddisinjati u mmanifatturati b’mod li f’użu normali, b’manutenzjoni korretta u l-bdil f’waqtu tal-partijiet li jinkeddu bl-użu, dawn jibqgħu jiffunzjonaw b’mod sodisfaċenti.

2.3.

Kull strument tal-agganċ għandu jkollu miegħu struzzjonijiet dwar l-installazzjoni u t-tħaddim, li jagħtu biżżejjed informazzjoni biex persuna kompetenti tinstallah fuq il-vettura u tħaddmu b’mod korrett. L-istruzzjonijiet għandhom ikunu fil-lingwa jew lingwi tal-Istat Membru fejn il-mkkaniżmu tal-agganċ ser ikun qed jiġi offrut għal bejgħ.

2.4.

Il-materjali li jistgħu jintużaw huma dawk li għalihom il-proprjetajiet rilevanti għall-applikazzjoni huma stabbiliti fi standard jew dawk li għalihom il-proprjetajiet huma mogħtija fid-dokumentazzjoni tal-applikazzjoni.

2.5.

Il-partijiet kollha tal-istrumenti tal-agganċ li ħsara fihom tista’ twassal għas-separazzjoni taż-żewġ vetturi għandhom ikunu magħmulin mill-azzar. Materjali oħra jistgħu jintużaw bil-kundizzjoni li l-manifattur ikun wera l-ekwivalenza għas-sodisfazzjon tas-servizz tekniku.

2.6.

L-agganċi kollha jridu jkunu ddisinjati għal ingaġġ mekkaniku pożittiv, u l-pożizzjoni magħluqa għandha tkun marbuta mill-anqas darba b’ingaġġ mekkaniku pożittiv.

2.7.

Jekk tkun mgħammra bi strument tal-agganċ, fuq vettura tal-kategorija L għandha tintuża boċċa tal-agganċ kif speċifikat skont l-Appendiċi 1, Figura Ap1-1. It-tip ta’ agganċ għandu jintgħażel u jiġi pożizzjonat b’mod li jippermetti kompatibilità massima ma’ firxa ta’ tipi ta’ trejlers. Madankollu, jista’ jintuża strument differenti minn din il-boċċa tal-agganċ, bil-kundizzjoni li jkunu ssodisfati r-rekwiżiti tal-punt 2.8 u li l-kompatibilità u l-interskambjalità tat-trejlers la tkun meħtieġa u lanqas possibbli (kombinazzjonijiet dedikati).

2.8.

L-istrumenti tal-agganċ għandhom ikunu ddisinjati sabiex jissodisfaw ir-rekwiżiti għall-każ ta’ tħaddim, pożizzjoni, mobilità u saħħa skont il-punti 2.9, 2.10, 2.11 u l-punti 3, 4 u 5.

2.9.

L-istrumenti tal-agganċ għandhom ikunu ddisinjati u mwaħħla biex jiksbu sigurtà massima skont prattika tajba tal-inġinerija; dan japplika wkoll għat-tħaddim tal-agganċ.

2.10.

Persuna waħda għandha tkun tista’ tagganċja u tiżganċja b’mod sigur il-vetturi mingħajr ma tuża għodod.

2.11.

L-istrumenti tal-agganċ li jistgħu jinqalgħu għandhom ikunu jkunu jistgħu jitħaddmu faċilment bl-idejn u mingħajr l-użu ta’ għodod.

2.12.

Meta jqiegħdu l-prodotti fis-suq, il-manifatturi tal-istrumenti tal-agganċ jew tal-vetturi għandhom jipprovdu lill-konsumatur linji gwida u informazzjoni bil-lingwi uffiċjali kollha dwar l-impatt fuq is-sewqan ta’ vettura tal-kategorija L bi trejler.

3.   Rekwiżiti għall-pożizzjoni

3.1.

L-istrumenti tal-agganċ imwaħħlin mal-vetturi għandhom jassiguraw ħidma sigura u mhux imxekkla.

3.2.

Il-boċoċ tal-agganċ imwaħħlin mal-vetturi jridu jikkorrispondu mal-kundizzjonijiet ġeometriċi speċifikati fil-Figura Ap1-2 tal-Appendiċi 1.

3.3.

L-għoli tal-punt tal-agganċ ta’ strument tal-agganċ għajr boċċa tal-agganċ għandu jikkorrispondi mal-għoli tal-punt tal-agganċ tal-ganċ tat-trejler sa medda ta’ ± 35 mm, bil-kundizzjoni li t-trejler ikun f’pożizzjoni orizzontali.

3.4.

L-għamla u l-qisien tas-saljaturi tal-irmonk għandhom jikkorrispondu mar-rekwiżiti tal-manifattur tal-vettura fir-rigward tal-punti tat-twaħħil u kwalunkwe strument addizzjonali għall-immuntar li jkun meħtieġ.

3.5.

Għandhom jiġu osservati r-rekwiżiti tal-manifattur tal-vettura fir-rigward tat-tip ta’ strument tal-agganċ, il-massa permissibbli tat-trejler u t-tagħbija statika vertikali permissibbli fil-punt tal-agganċ.

3.6.

L-istrument tal-agganċ immuntat m’għandux jgħatti l-viżibilità tal-pjanċa tal-liċenzja ta’ wara u/jew il-komponenti tad-dawl; inkella għandu jintuża strument tal-agganċ li jista’ jiġi żarmat mingħajr għodod speċjali.

3.7.

Manifatturi ta’ saljaturi tal-irmonk għandhom jinkorporaw punti tat-twaħħil ma’ liema jitwaħħal jew agganċ sekondarju jew strumenti bżonnjużi sabiex it-trejler ikunu jista’ jitwaqqaf awtomatikament fil-każ ta’ separazzjoni tal-agganċ ewlieni.

3.7.1.

Il-punti tat-twaħħil għal agganċ sekondarju u/jew kejbil tal-firda (breakaway cable) għandhom ikunu ppożizzjonati b’mod li meta jkunu użati, l-agganċ sekondarju jew il-kejbil tal-firda (breakaway cable) ma jirrestrinġiex l-artikulazzjoni normali tal-agganċ jew jinterferixxi fl-inerzja normali tat-tħaddim tas-sistema tal-brejkijiet.

3.7.2.

Punt waħdani tat-twaħħil għandu jkun ippożizzjonat fi ħdan 100 mm ta’ pjan vertikali li jgħaddi miċ-ċentru tal-artikulazzjoni tal-agganċ. Jekk dan mhux prattiku li jsir, għandu jkun hemm żewġ punti tat-twaħħil, waħda fuq kull naħa tal-linja vertikali ċentrali u l-istess distanza ’l bogħod mil-linja ċentrali, l-aktar b’250 mm. Il-punt(i) tat-twaħħil għandu(għandhom) ikun(u) fuq in-naħa ta’ wara u għoli kemm jista’ jkun, dejjem skont kemm ikun prattiku.

4.   Rekwiżiti għall-artikulazzjoni

4.1.

L-artikulazzjoni li ġejja għandha tkun possibbli bl-istrument tal-agganċ mhux imqabbad mal-vettura: 4.1.1. Angolu ta’ piċċ vertikali ħieles ta’ 20° ’l fuq u ’l isfel mil-linja tan-nofs orizzontali fl-angoli kollha tat-tidwir orizzontali sa mill-anqas 90° fuq kull naħa tal-linja tan-nofs lonġitudinali tal-istrument. 4.1.2. Fl-angoli kollha tat-tidwir orizzontali sa 90° fuq kull naħa tal-linja tan-nofs lonġitudinali tal-istrument, għandu jkun hemm angolu ta’ tidwir ħieles fuq l-assi kull naħa tal-linja tan-nofs vertikali ta’ 25° għall-vetturi bi tliet jew erba’ roti jew 40° għall-vetturi b’żewġ roti.

4.2.

Fl-angoli kollha tat-tidwir orizzontali għandhom ikunu possibbli l-kombinazzjonijiet ta’ artikulazzjoni li ġejjin: 4.2.1. Fil-każ ta’ vetturi b’żewġ roti, għajr fejn l-istrument jintuża ma’ trejlers b’rota waħda li jmilu mal-vettura b’żewġ roti: 4.2.1.1. grad ta’ piċċ vertikali ta’ ± 15° b’tidwira fuq l-assi ta’ ± 40° 4.2.1.2. tidwira fuq l-assi ta’ ± 30° bi grad ta’ piċċ vertikali ta’ ± 20° 4.2.2. Fil-każ ta’ vetturi bi tliet roti jew kwadriċikli: 4.2.2.1. grad ta’ piċċ vertikali ta’ ± 15° b’tidwira fuq l-assi ta’ ± 25° 4.2.2.2. tidwira fuq l-assi ta’ ± 10° bi grad ta’ piċċ vertikali ta’ ± 20°

4.3.

Għandu jkun possibbli li wieħed jorbot u jħoll il-boċċi tal-agganċ meta l-assi lonġitudinali tal-boċċa tal-agganċ f’relazzjoni mal-linja taċ-ċentru tal-boċċa tal-agganċ u l-immontar: 4.3.1. Orizzontalment ikun β = 60° lejn il-lemin jew ix-xellug; 4.3.2. Vertikalment ikun α = 10° ’l fuq jew ’l isfel; 4.3.3. Ikun imdawwar fuq il-fus 10° lejn il-lemin jew ix-xellug.

5.   Rekwiżiti għas-saħħa

5.1.   Għandu jitwettaq test dinamiku tas-saħħa (test tar-reżistenza).

5.1.1.   It-test tar-reżistenza għandu jitwettaq b’tagħbija alternanti bejn wieħed u ieħor sinusojdali b’numru ta’ ċikli ta’ tagħbija skont il-materjal. Ma għandhom iseħħu l-ebda tixqiq jew ksur jew ħsarat esterni oħra viżibbli, jew xi distorsjoni eċċessiva permanenti li tkun detrimentali għat-tħaddim sodisfaċenti tal-istrument.

5.1.2.   Il-bażi tat-tagħbija għat-test dinamiku hija l-valur D muri hawn isfel. It-tagħbija vertikali statika għandha tiġi kkunsidrata fid-direzzjoni tat-tagħbija tat-test relattiva mal-pjan orizzontali, skont il-pożizzjoni tal-punt tal-agganċ u t-tagħbija vertikali statika permessa fil-punt tal-agganċ.

Ekwazzjoni 3-1:

fejn

T	=	il-massa mgħobbija massima (f’tunnellati) teknikament permissibbli tal-vettura tal-irmonk;
R	=	il-massa massima teknikament permissibbli (f’tunnellati) tat-trejler;
g	=	l-aċċelerazzjoni minħabba l-forza tal-gravitazzjoni, (li wieħed jassumi li hi g = 9,81 m/s2).

5.1.3.   Il-valuri D u S tipiċi li fuqhom għandu jiġi bbażat it-test huma speċifikati fl-applikazzjoni tal-manifattur għall-approvazzjoni tat-tip, S hija t-tagħbija vertikali statika massima permessa (f’kg) fil-punt tal-agganċ.

5.2.   Proċedura tat-test

5.2.1.   Għat-testijiet dinamiċi u statiċi, il-kampjun għandu jitqiegħed f’tagħmir adattat b’mezz ta’ applikazzjoni ta’ forza, sabiex ma jkunx soġġett għal kwalunkwe forza jew mument addizzjonali minbarra l-forza speċifika tal-ittestjar. Fil-każ ta’ testijiet li jalternaw, id-direzzjoni tal-applikazzjoni tal-forza m’għandiex tiddevja b’aktar minn ± 10° mid-direzzjoni speċifikata. Sabiex jiġu evitati forzi u mumenti mhux speċifikati fil-kampjun, jista’ jkun meħtieġ li jkun hemm ġonta fil-punt tal-applikazzjoni tal-forza u t-tieni ġonta f’distanza xierqa lil hinn.

5.2.2.   Il-frekwenza tat-test m’għandiex tisboq 35 Hz. Il-frekwenza magħżula għandha tkun isseparata sew mill-frekwenzi ta’ reżonanza ta’ fejn qed isir it-test, inkluż l-istrument li qed jiġi ttestjat. In-numru taċ-ċikli ta’ tagħbija għandu jkun 2 × 106 għall-istrumenti tal-agganċ magħmulin mill-azzar. Jista’ jkun meħtieġ numru akbar ta’ ċikli ta’ tagħbija għal strumenti tal-agganċ magħmulin minn materjali oħra. Ġeneralment, it-test tat-tixqiq isir skont il-proċedura tal-penetrazzjoni taż-żebgħa; proċeduri ekwivalenti oħra huma wkoll permissibbli.

5.2.3.   L-istrumenti jew il-komponenti tal-agganċ li qed jiġu ttestjati għandhom jiġu mmuntati normalment bl-aktar mod riġidu possibbli fuq tagħmir tat-testijiet fil-pożizzjoni effettiva li fiha se jintużaw fuq il-vettura. L-istrumenti tat-twaħħil għandhom ikunu dawk speċifikati mill-manifattur jew l-applikant u jkunu dawk maħsuba għat-tqabbid tagħhom mal-vettura u/jew li jkollhom karatteristiċi mekkaniċi identiċi.

5.2.4.   Kondizzjonijiet tat-test

5.2.4.1.

Preferibbilment, l-agganċi għandhom jiġu ttestjati fil-kundizzjoni oriġinali kif maħsuba għall-użu fit-triq. Madankollu, fid-diskrezzjoni tal-manifattur, u fi ftehim mas-servizz tekniku, komponenti flessibli jistgħu jkunu nnewtralizzati jekk dan hu meħtieġ għall-proċedura tat-test u jekk dan ma jkollux influwenza mhux realistika fuq ir-riżultat tat-test.

5.2.4.2.

Komponenti flessibli li ovvjament jissaħħnu żżejjed minħabba l-proċeduri aċċelerati tat-test jistgħu jitbiddlu waqt it-test.

5.2.4.3.

Il-piżijiet tat-test jistgħu jkunu applikati permezz ta’ strumenti speċjali stirati.

5.2.4.4.

L-istrumenti mressqa għall-ittestjar għandu jkollhom il-partijiet u d-dettalji tad-disinn kollha li jistgħu jinfluwenzaw il-kriterji tas-saħħa (per eżempju, pjanċa tas-sòkit tal-elettriku, kwalunkwe mmarkar, eċċ.). Il-periferija tat-test tispiċċa fil-punt tal-ankraġġ jew il-punti tat-twaħħil. Il-lok ġeometriku tal-boċċa tal-agganċ u l-punti tat-twaħħil tal-istrument tal-agganċ li għandhom x’jaqsmu mal-linja tar-referenza għandhom jiġu pprovduti mill-manifattur tal-vettura u għandhom jintwerew fir-rapport tat-test.

5.2.4.5.

Il-pożizzjonijiet kollha relattivi tal-punti ta’ ankoraġġ f’dak li għandhom x’jaqsmu mal-linja ta’ referenza, kif murija f’Appendiċi 2 li għaliha l-manifattur tal-vettura tal-irmonk għandu jipprovdi l-informazzjoni meħtieġa kollha lill-manifattur tal-istrument tal-irmonk, għandhom ikunu rripetuti fuq is-sodda tal-ittestjar.

5.3.   It-twaħħil tal-boċċi tal-agganċ u s-saljaturi tal-irmonk

5.3.1.   L-assemblaġġ immuntat fuq is-sodda tat-test ikun soġġett għal test dinamiku fuq magna għall-ittestjar tensili ta’ stress li jalterna (eż. a resonance pulser). Dan it-test għandu jkun fih dan li ġej:

5.3.1.1.

It-tagħbija tat-test għandha tkun forza alternanti u tiġi applikata fuq il-boċċa tal-agganċ f’angolu ta’ 15 ± 1°, kif muri fil-figuri Ap2-1 u Ap2-2 tal-Appendiċi 2.

5.3.1.2.

Jekk iċ-ċentru tal-boċċa jkun ’il fuq mil-linja parallela mal-linja ta’ referenza kif murija fil-Figura Ap2-3 tal-Appendiċi 2, li fiha l-ogħla wieħed mill-eqreb punti tat-twaħħil, it-test għandu jitwettaq b’angolu ta’ (Figura Ap2-1 tal-Appendiċi 2).

5.3.1.3.

Jekk iċ-ċentru tal-boċċa jkun aktar ’l isfel mil-linja parallela mal-linja ta’ referenza kif murija fil-Figura Ap2-3 tal-Appendiċi 2, li fiha l-ogħla wieħed mill-eqreb punti tat-twaħħil, it-test għandu jitwettaq b’angolu ta’ (Figura Ap2-2 tal-Appendiċi 2). Dan l-angolu huwa magħżul sabiex jikkunsidra t-tagħbija vertikali statika u dinamika. Dan il-metodu ta’ ttestjar huwa applikabbli biss għal tagħbija statika permessa ta’ mhux aktar minn:Ekwazzjoni 3-2

5.3.1.4.

Jekk tintalab tagħbija statika akbar, l-angolu tat-test għandu jiżdied għal 20°. It-test dinamiku għandu jsir bil-forza tal-ittestjar li ġejja: Ekwazzjoni 3-3

5.3.2.   Il-boċċi tal-agganċ f’biċċa waħda, inklużi strumenti b’boċċi interskambjabbli li jistgħu jinqalgħu u saljaturi tal-irmonk b’boċċi interskambjabbli li jistgħu jiġu żarmati (esklużi boċċi fuq irfid integrali), għandhom jiġu ttestjati skont il-punt 5.3.1.

5.3.3.   It-test ta’ saljatura tal-irmonk li tista’ tintuża ma’ unitajiet ta’ boċċi differenti għandu jitwettaq skont ir-rekwiżiti tal-ittestjar tar-regolament tal-UNECE Nru 55.

5.4.   Ir-rekwiżiti tal-ittestjar fil-punt 5.3.1. għandhom japplikaw ukoll għal strumenti tal-agganċ għajr boċċi tal-agganċ.

6.   Irjus tal-agganċ

6.1.

L-irjus tal-agganċ għandhom ikunu ddisinjati b’mod li jkunu jistgħu jintużaw b’mod sigur mal-boċċi tal-agganċ deskritti fil-Figura Ap 1-1 tal-Appendiċi 1.

6.2.

L-irjus tal-agganċ maħsuba sabiex jitwaħħlu ma’ trejlers mingħajr brejkijiet, għandhom ikunu mgħammra bi strument ta’ agganċ sekondarju u tal-inqas punt(i) ta’ tqabbid sabiex jippermettu t-tqabbid ta’ strument(i) ta’ agganċ sekondarju/i. Il-punt(i) tat-tqabbid għandu/għandhom ikun(u) pożizzjonat(i) b’mod li waqt l-użu, l-istrument(i) ta’ agganċ sekondarju/i ma jillimitawx l-artikolazzjoni normali tal-agganċ.

6.3.

Għandu jitwettaq test tar-reżistenza b’forza tat-test alternanti u test statiku (test tal-irfigħ) fuq kull kampjun tat-test.

6.4.

It-test dinamiku għandu jsir b’boċċa tal-agganċ adattata ta’ saħħa xierqa. Fuq it-tagħmir tat-test, ir-ras tal-agganċ u l-boċċa għandhom jiġu arranġati skont l-istruzzjonijiet tal-manifattur u b’mod li jikkorrispondi mat-twaħħil tagħhom f’vettura. M’għandux ikun hemm l-ebda possibbiltà ta’ forzi żejda flimkien mal-forza tal-ittestjar li jaġixxu fuq il-kampjun. Il-forza tat-test għandha tiġi applikata tul linja li tgħaddi miċ-ċentru tal-boċċa u inklinata ’l isfel lejn in-naħa ta’ wara f’angolu ta’ 15° (ara l-Figura Ap3-1 tal-Appendiċi 3). Għandu jsir test tar-reżistenza fuq kampjun tat-test bil-forza tat-test li ġejja: Ekwazzjoni 3-3: .

6.5.

Il-boċċa tal-agganċ użata għat-test għandu jkollha dijametru ta’ 49 – 0+0;13 mm sabiex tkun rappreżentata boċċa tal-agganċ mherrija. Il-forza tal-irfigħ FA għandha tiżdied mingħajr skossi u malajr għal valur ta’: Ekwazzjoni 3-4 u tinżamm għal 10 sekondi, fejn: C = il-massa tat-trejler (is-somma tat-tagħbijiet fuq il-fus tat-trejler li jġorr it-tagħbija massima permissibbli) f’tunnellati.

6.6.

Jekk jintużaw strumenti tal-agganċ għajr boċċi tal-agganċ, ir-ras tal-agganċ għandha tiġi ttestjata, kif applikabbli, skont ir-rekwiżiti rilevanti tar-regolament tal-UNECE Nru 55.

---

(1)  ĠU L 227, 28.8.2010, p. 1.

ANNESS VI

Rekwiżiti applikabbli għall-istrumenti għall-prevenzjoni tal-użu mhux awtorizzat

1.   Ir-rekwiżiti

1.1.

‘Tip ta’ vettura fir-rigward tal-istrumenti għall-prevenzjoni tal-użu mhux awtorizzat’ tfisser kategorija ta’ vetturi li mhumiex differenti minn xulxin f’aspetti essenzjali bħall-karatteristiċi tad-disinn tal-apparat protettiv li jipprevjeni l-użu mhux awtorizzat tal-vettura;

1.2.

Il-vetturi tal-kategoriji L1e b’massa f’kundizzjoni ta’ sewqan ta’ > 35 kg, L2e, L3e, L4e u L5e li huma mgħammra bil-manubriji għandhom jissodisfaw ir-rekwiżiti rilevanti kollha tar-regolament tal-UNECE Nru 62 (1).

1.2.1.

Il-vetturi tal-kategoriji L1e, L2e, L3e, L4e u L5e li mhumiex mgħammra bil-manubriji għandhom jissodisfaw ir-rekwiżiti rilevanti kollha tar-regolament tal-UNECE Nru 18 (2), kif preskritt għall-kategorija ta’ vetturi N2.

1.3.

Il-vetturi tal-kategorija L6e li huma mgħammra bil-manubriji għandhom jissodisfaw ir-rekwiżiti rilevanti kollha tar-regolament tal-UNECE Nru 62, kif preskritt għall-kategorija ta’ vetturi L2e.

1.3.1.

Il-vetturi tal-kategorija L6e li mhumiex mgħammra bil-manubriji għandhom jissodisfaw ir-rekwiżiti rilevanti kollha tar-regolament tal-UNECE Nru 18, kif preskritt għall-kategorija ta’ vetturi N2.

1.4.

Il-vetturi tal-kategorija L7e li huma mgħammra bil-manubriji għandhom jissodisfaw ir-rekwiżiti rilevanti kollha tar-regolament tal-UNECE Nru 62, kif preskritt għall-kategorija ta’ vetturi L5e.

1.4.1.

Il-vetturi tal-kategorija L7e li mhumiex mgħammra bil-manubriji għandhom jissodisfaw ir-rekwiżiti rilevanti kollha tar-regolament tal-UNECE Nru 18, kif preskritt għall-kategorija ta’ vetturi N2.

---

(1)  ĠU L 89, 27.3.2013, p. 37.

(2)  ĠU L 120, 13.5.2010, p. 29.

ANNESS VII

Rekwiżiti applikabbli għall-kompatibilità elettromanjetika (EMC)

1.   Ir-rekwiżiti

1.1.

‘Tip ta’ vettura fir-rigward tal-kompatibilità elettromanjetika’ tfisser kategorija ta’ vetturi li mhumiex differenti minn xulxin f’aspetti essenzjali bħall-karatteristiċi tad-disinn tal-komponenti elettroniċi, l-ispark plugs u l-arneżi tal-wajers tagħhom, u l-metodu tat-twaħħil u l-pożizzjoni tagħhom fuq il-vettura;

1.2.

Il-vetturi tal-kategoriji L1e, L2e, L3e, L4e, L5e, L6e u L7e għandhom jissodisfaw ir-rekwiżiti rilevanti kollha tar-regolament tal-UNECE Nru 10 (1).

---

(1)  ĠU L 254, 20.9.2012, p. 1.

ANNESS VIII

Rekwiżiti applikabbli għall-isporġenzi esterni

1.   Rekwiżiti applikabbli għal mopeds b’żewġ roti u muturi b’żewġ roti bi jew mingħajr side-car

1.1.   Rekwiżiti ġenerali

1.1.2.   Il-vetturi tal-kategoriji L1e, L3e u L4e għandhom jissodisfaw ir-rekwiżiti ġenerali li ġejjin:

1.1.2.1.   Il-vetturi m’għandu jkun fihom l-ebda parti ppuntata, taqta’ jew imqabbża, tipponta ’l barra, ta’ tali għamla, dimensjoni, angolu ta’ direzzjoni u ebusija li żżid ir-riskju jew il-gravità ta’ feriti jew tiċrit tal-laħam sofruti minn kwalunkwe persuna milquta jew mibruxa mill-vettura f’każ ta’ aċċident. Il-vetturi għandhom ikunu ddisinjati b’mod li l-partijiet u x-xfar li utenti tat-triq vulnerabbli bħall-persuni mexjin fit-triq x’aktarx li jiġu f’kuntatt magħhom f’każ ta’ inċident, jikkonformaw mar-rekwiżiti fil-punti 1. sa 1.3.8.

1.1.2.2.   L-isporġenzi jew ix-xfar kollha kuntattabbli li jkunu magħmula jew miksija b’materjal bħal lastku artab jew plastik artab li jkollu ebusija ta’ anqas minn 60 Shore (A) huma kkunsidrati li jissodifaw ir-rekwiżiti fil-punti 1.3. sa 1.3.8. Il-kejl tal-ebusija għandu jsir bil-materjal imwaħħal mal-vettura kif maħsub.

1.1.3.   Dispożizzjonijiet speċifiċi għal vetturi tal-kategoriji L1e, L3e u L4e

1.1.3.1.   Il-vetturi għandhom jiġu valutati skont id-dispożizzjonijiet fil-punti 1.2. sa 1.2.4.1.

1.1.3.2.   Fil-każ ta’ vetturi mgħammra b’forma ta’ struttura jew panewijiet maħsuba biex tagħlaq parzjalment jew għal kollox lis-sewwieq, il-passiġġier jew il-bagalji jew biex tgħatti ċerti komponenti tal-vettura, il-manifattur tal-vettura jista’ bħala alternattiva jagħżel li japplika r-rekwiżiti rilevanti tar-regolament tal-UNECE Nru 26 kif preskritt għall-kategorija tal-vetturi M1, billi jgħatti jew sporġenzi esterni speċifiċi jew il-wiċċ estern sħiħ tal-vettura.

L-isporġenzi esterni rilevanti valutati f’konformità ma’ din il-klawsola għandhom jiġu identifikati b’mod ċar fid-dokument ta’ informazzjoni u kwalunkwe wiċċ estern li jifdal għandu jikkonforma mar-rekwiżiti tal-punti 1. sa 1.3.8.

1.1.4.   Dispożizzjonijiet speċifiċi għal vetturi tal-kategorija L4e

1.1.4.1.   Meta s-side-car tkun imqabbda mal-mutur, jew b’mod permanenti jew b’mod li tista’ tinqala’, l-ispazju bejn il-mutur u s-side-car huwa eżentat mill-valutazzjoni (ara l-Figura 8-1).

Figura 8-1

Dehra minn fuq għal isfel ta’ mutur tal-kategorija L4e bis-side-car

1.1.4.2.   Jekk is-side-car tkun tista’ tinqala’ minn mal-mutur sabiex il-mutur ikun jista’ jinstaq mingħajrha, il-mutur innifsu għandu jissodisfa r-rekwiżiti għall-muturi solo fil-punti 1. sa 1.3.8.

1.2.   Valutazzjoni tal-isporġenzi esterni

1.2.1   Għandu jintuża strument tal-ittestjar li jikkonforma mal-ispeċifikazzjonijiet stabbiliti mill-Figura Ap1-1 fl-Appendiċi 1 biex jiġu kkontrollati l-isporġenzi esterni tal-vettura.

1.2.2.   Il-vettura għandha titqiegħed fuq wiċċ orizzontali u tinżamm f’pożizzjoni vertikali, fil-bidu bil-kontroll tal-istering u r-rota sterzata fil-pożizzjoni dritta ’l quddiem.

1.2.2.1.   Manikin antropomorfiku tal-50 perċentil jew persuna b’karatteristiċi fiżiċi simili għandha titpoġġa bilqiegħda fil-vettura tat-test fil-pożizzjoni normali tal-irkib b’mod li ma tfixkilx it-tidwir liberu tal-kontroll tal-istering. Is-saqajn għandhom jitpoġġew fuq is-sostenn deżinjat għas-saqajn u ma għandhom iserrħu fuq l-ebda gerliver jew pedala tal-brejk.

1.2.3.   L-istrument tal-ittestjar għandu jitmexxa min-naħa ta’ quddiem għan-naħa ta’ wara tal-vettura, f’moviment mingħajr skossi, fuq iż-żewġ naħat tal-vettura. Jekk l-istrument tal-ittestjar imiss il-kontroll tal-istering jew xi parti mmuntata fuqu, dan għandu jiddawwar fil-pożizzjoni llokkjata għal kollox tiegħu, f’liema ħin u wara jkompli t-test. L-istrument tal-ittestjar għandu jibqa’ f’kuntatt mal-vettura jew il-passiġġier matul it-test (ara l-Figura 8-2).

Figura 8-2

Żoni ta’ moviment tal-istrument tat-test

1.2.3.1.   In-naħa ta’ quddiem tal-vettura għandha tkun l-ewwel punt ta’ kuntatt u l-istrument tal-ittestjar għandu jimxi mal-ġenb f’direzzjoni ’l barra billi jsegwi l-profil tal-vettura u r-rikkieb fejn applikabbli. L-istrument tal-ittestjar għandu jitħalla wkoll jimxi ’l ġewwa b’rata li ma taqbiżx ir-rata tal-moviment lura (jiġifieri f’angolu ta’ 45° f’relazzjoni mal-pjan medjan lonġitudinali tal-vettura).

1.2.3.2.   Idejn u saqajn ir-rikkieb għandhom jiġu imbuttati ’l hemm mill-istrument tal-ittestjar jekk dan jiġi f’kuntatt dirett magħhom u kwalunkwe sostenn rilevanti (eż. is-sostenn għas-saqajn) għandu jkun jista’ jdur, jintewa, jintlewa jew jitgħawweġ b’riżultat tal-kuntatt mal-istrument tal-ittestjar u jiġi valutat fil-pożizzjonijiet intermedji kollha li jirriżultaw.

1.2.3.3.   Il-partijiet u l-komponenti ta’ mirja retroviżuri li huma koperti kif meħtieġ mill-approvazzjoni tat-tip tal-komponent rilevanti huma kkunsidrati li jikkonformaw mar-rekwiżiti tal-punti 1. sa 1.3.8.

1.2.3.4.   L-isporġenzi li jistgħu jintmessu mill-istrument tal-ittestjar fi kwalunkwe pożizzjoni tal-użu maħsub (eż. is-sostenn għal saqajn il-passiġġieri f’kundizzjoni kemm stivata kif ukoll maħruġa ’l barra) għandhom jiġu valutati fil-pożizzjonijiet kollha tal-użu intenzjonat.

1.2.4.   Meta l-istrument tal-ittestjar jitmexxa tul il-vettura kif deskritt hawn fuq, l-isporġenzi u x-xfar tal-vettura li jintmessu minn dak l-istrument jitqiesu li jaqgħu taħt:

—	grupp 1: jekk l-istrument tal-ittestjar jobrox partijiet tal-vettura; jew

—	grupp 2: jekk l-istrument tal-ittestjar jaħbat ma’ partijiet tal-vettura.

1.2.4.1.   Sabiex jiġi differenzjat f’liema grupp jaqgħu l-isporġenzi u x-xfar mimsusa, l-istrument tal-ittestjar għandu jintuża skont il-metodu ta’ valutazzjoni muri fil-Figura 8-3 hawn taħt u jitqies li jappartjenu għal:

grupp 1 jekk 0° ≤ α < 45°; kif ukoll

grupp 2 jekk 45 ≤ α ≤ 90.

Figura 8-3

Dehra minn fuq għal isfel tal-istrument tal-ittestjar jobrox il-ġenb ta’ vettura u jaħbat ma’ parti ħierġa ’l barra

1.3.   Rekwiżiti speċifiċi

1.3.1.   Rekwiżiti tar-radju (radius) fir-rigward ta’ partijiet tal-grupp 1 (mimsusa bi brix):

1.3.1.1.   Pjanċi

—	ix-xfar tal-pjanċi għandhom ikollhom radju ta’ kurvatura ta’ mill-anqas 0,5 mm;

Struttura, strutturi lixxi miżjuda (fairings), bodi, eċċ.:

—	il-kantunieri għandhom ikollhom radju ta’ kurvatura ta’ mill-anqas 3,0 mm. ‘Kantuniera’ tfisser l-għamla tridimensjonali ta’ wiċċ li ma jkunx pjanċa jew zokk.

1.3.1.1.1.   Ir-radji fuq il-kantunieri u x-xfar tal-pjanċi għandhom jiġu stabbiliti fil-punt(i) ta’ kuntatt mal-istrument tal-ittestjar u għandu jkun hemm tranżizzjoni mingħajr xkiel lejn radju iżgħar, jekk ikun il-każ, fid-direzzjoni fejn ma jseħħx aktar il-kuntatt bejn l-istrument tal-ittestjar u l-kantuniera jew ix-xifer.

1.3.1.2.   Zkuk

—	iz-zkuk jew partijiet simili għandhom ikollhom dijametru globali ta’ mill-anqas 10 mm;

—	ix-xfar fuq it-tarf ta’ zokk għandhom ikollhom radju ta’ kurvatura ta’ mill-anqas 2,0 mm.

1.3.1.2.1.   Ir-radji fuq ix-xfar fit-tarf ta’ zokk għandhom jiġu stabbiliti fil-punt(i) ta’ kuntatt mal-istrument tal-ittestjar u jistgħu jkunu progressivament anqas madwar iċ-ċirkonferenza sħiħa tat-tarf taz-zokk.

1.3.2.   Rekwiżiti tar-radju fir-rigward ta’ partijiet tal-grupp 2 (mimsusa bi ħbit):

1.3.2.1.   Pjanċi

—	ix-xfar tal-pjanċi għandhom ikollhom radju ta’ kurvatura ta’ mill-anqas 2.0 mm;

Struttura, strutturi lixxi miżjuda, bodi, eċċ.:

—	il-kantunieri għandhom ikollhom radju ta’ kurvatura ta’ mill-anqas 2,0 mm.

1.3.2.1.1.   Ir-radji fil-kantunieri u x-xfar tal-pjanċi għandhom jiġu stabbiliti fil-punt(i) ta’ kuntatt mal-istrument tal-ittestjar u għandhom ikunu kontinwi jew progressivament anqas fid-direzzjonijiet fejn ma jseħħx aktar il-kuntatt bejn l-istrument tal-ittestjar u l-kantuniera jew ix-xifer.

1.3.2.2.   Zkuk

—	iz-zkuk jew partijiet simili għandhom ikollhom dijametru globali ta’ mill-anqas 20 mm;

—	madankollu, zokk jew parti simili jista’ jkollu dijametru globali ta’ anqas minn 20 mm, bil-kundizzjoni li l-isporġenza tagħhom tkun anqas minn nofs id-dijametru globali tagħhom;

—	ix-xfar fit-tarf ta’ zokk għandhom ikollhom radju ta’ kurvatura ta’ mill-anqas 2,0 mm.

1.3.2.2.1.   Ir-radji fix-xfar fit-tarf ta’ zokk għandhom jiġu stabbiliti fil-punt(i) ta’ kuntatt mal-istrument tal-ittestjar u jistgħu jkunu progressivament anqas madwar iċ-ċirkonferenza sħiħa tat-tarf taz-zokk.

1.3.3.   Ix-xifer ta’ fuq ta’ windskrin jew struttura lixxa miżjuda, trasparenti jew mhux, għandu jkollu radju ta’ kurvatura ta’ mill-anqas 2,0 mm jew jista’ jkun mgħotti b’materjal protettiv f’konformità mal-punt 1.1.1.2.

1.3.3.1.   Ix-xifer ta’ fuq huwa limitat bi pjani f’angolu ta’ 45° f’relazzjoni mal-pjan orizzontali (ara l-Figura 8-4).

Figura 8-4

Veduta tar-rikkieb mill-windskrin trasparenti

1.3.3.2.   Jekk jiġi applikat radju għax-xifer ta’ fuq, dan ma għandux ikun akbar minn 0,70 darbiet il-ħxuna tal-windskrin jew l-istruttura lixxa miżjuda fix-xifer ta’ fuq.

1.3.3.3.   Għata li jixbah il-windskrins jew l-istrutturi lixxi miżjuda u li jkun installat biss biex jipproteġi l-grupp tal-istrumenti jew l-apparat tal-fanal ta’ quddiem u li jkollu sporġenza globali ta’ mhux aktar minn 50 mm imkejla mill-wiċċ ta’ fuq tal-grupp ta’ strument jew l-apparat tal-fanal ta’ quddiem rilevanti, huwa eżentat mir-rekwiżiti fil-punti 1.3.3, 1.3.3.1 u 1.3.3.2.

1.3.4.   It-tarf tal-livers tal-klaċċ u tal-brejk immuntati fuq il-kontroll tal-istering għandu jidher sferikali u jkollu radju ta’ kurvatura ta’ mill-anqas 7,0 mm. Ix-xfar ’il barra li jifdal ta’ dawn il-livers għandhom ikollhom radju ta’ kurvatura ta’ mhux anqas minn 2,0 mm tul iż-żona sħiħa tal-applikazzjoni bil-ħfin. Il-verifika ssir bil-livers fil-pożizzjoni mhux applikata.

1.3.4.1.   Jekk il-livers ikunu mgħottija kompletament b’ilqugħ ta’ protezzjoni u għalhekk ma jkunux jistgħu jiġu f’kuntatt ma’ persuna milquta mill-vettura, il-livers jitqiesu bħala konformi mar-rekwiżiti tal-punt 1.3.4.

1.3.5.   Ix-xifer ewlieni tal-madgard ta’ quddiem jew kwalunkwe parti mmuntata fuqu għandhom ikollhom radju ta’ kurvatura ta’ mill-anqas 2,0 mm.

1.3.5.1.   Ix-xifer ewlieni tal-madgard ta’ quddiem huwa limitat minn żewġ pjani vertikali li jiffurmaw angolu orizzontali ta’ 45° fir-rigward tal-pjan medjan lonġitudinali tal-vettura.

1.3.5.2.   Jekk jiġi applikat radju għax-xifer ewlieni tal-madgard ta’ quddiem, dan m’għandux ikun akbar minn 0,70 darbiet il-ħxuna tal-madgard imkejla fix-xifer ewlieni.

1.3.6.   Ix-xifer ta’ wara ta’ tapp minn fejn jingħata l-fjuwil jew apparat b’għamla simili pożizzjonat fuq il-wiċċ ta’ fuq tat-tank tal-fjuwil, pereżempju, u li jkun probabbli li jintlaqat mir-rikkieb li jimxi ’l quddiem waqt ħabta, m’għandux jisporġi ’l barra b’aktar minn 15 mm mill-wiċċ sottostanti u t-tranżizzjoni mill-wiċċ sottostanti għandha tkun lixxa jew perċettibilment sferikali. Eżempju huwa mogħti fil-Figura 8-5. Jista’ jisporġi ’l barra b’aktar minn 15 mm mill-wiċċ sottostanti bil-kundizzjoni li warajh ikun hemm strument protettiv li jassigura li ma tinqabiżx l-isporġenza relattiva ta’ 15 mm.

Figura 8-5

Rekwiżiti tat-twaħħil għat-tapp tal-fetħa minn fejn jingħata l-fjuwil fuq it-tank tal-fjuwil

1.3.6.1.   It-tappijiet tal-fetħa minn fejn jingħata l-fjuwil jew apparat ta’ għamla simili li ma jkunux pożizzjonati quddiem ir-rikkieb jew pożizzjonati aktar ’l isfel mil-livell tal-pożizzjoni bilqiegħa tar-rikkieb, huma eżentati mir-rekwiżiti tal-punt 1.3.6.

1.3.7.   L-irjus taċ-ċwievet tal-ignixin għandhom ikollhom għatu protettiv magħmul mil-lastku jew plastik bi xfar ma jaqtgħux.

1.3.7.1.   Iċ-ċwievet tal-ignixin li ma jkunux meħtieġa li jiddaħħlu fis-serratura tal-ignixin waqt it-tħaddim tal-vettura, li jkunu livell ma’ jew magħluqa mill-wiċċ ta’ madwarhom, li r-ras tagħhom tista’ tintewa fir-rigward tax-xaft jew it-tubu tagħhom, li tinsab aktar ’l isfel mil-livell tal-pożizzjoni bilqiegħda tar-rikkieb jew li ma tkunx tinsab quddiem ir-rikkieb, huma eżentati mir-rekwiżiti tal-punt 1.3.7.

1.3.8.   Il-partijiet ippuntati ’l barra u li jisporġu tal-vettura fil-pożizzjoni normali u vertikali tagħha, li ma jintmessux mill-istrument tal-ittestjar, iżda li jistgħu jżidu r-riskju jew il-gravità tal-feriti u t-tiċrit tal-laħam b’riżultat ta’ kwalunkwe kuntatt ma’ persuna li tintlaqat f’ħabta, m’għandhomx ikunu jaqtgħu.

2.   Kondizzjonijiet li japplikaw għal vetturi bi tliet roti u kwadriċikli

2.1.   Rekwiżiti ġenerali

2.1.1.   Il-vetturi tal-kategoriji L2e, L5e, L6e u L7e għandhom jissodisfaw ir-rekwiżiti ġenerali li ġejjin.

2.1.1.1.

Il-vetturi m’għandu jkun fihom l-ebda parti ppuntata, taqta’ jew imqabbża, tipponta ’l barra, ta’ tali għamla, qies, angolu ta’ direzzjoni u ebusija li żżid ir-riskju jew il-gravità ta’ feriti jew tiċrit tal-laħam sofruti minn kwalunkwe persuna milquta jew mibruxa mill-vettura f’każ ta’ aċċident. Il-vetturi għandhom ikunu ddisinjati b’mod li l-partijiet u x-xfar li l-utenti tat-triq vulnerabbli bħall-persuni miexja fit-triq ikunu probabbli li jiġu f’kuntatt magħhom f’każ ta’ aċċident, jikkonformaw mar-rekwiżiti fil-punti 2.1.2. sa 2.1.2.1.4.

2.1.2.   Dispożizzjonijiet speċifiċi għal vetturi tal-kategoriji L2e, L5e, L6e u L7e

2.1.2.1.

Il-vetturi għandhom jissodisfaw ir-rekwiżiti rilevanti kollha tar-regolament tal-UNECE Nru 26 kif preskritt għall-kategorija ta’ vetturi M1.

2.1.2.1.1.

Madankollu, fid-dawl tal-varjetà ta’ forom ta’ kostruzzjoni ta’ dawn il-kategoriji ta’ vetturi, u jekk il-vettura hijiex mgħammra jew le bi strument għall-irriversjar, il-manifattur tal-vettura jista’, bħala alternattiva għar-rekwiżiti fil-punt 2.1.2.1., jagħżel li japplika r-rekwiżiti tal-punti 1.1. sa 1.1.2.1. u l-punti 1.2. sa 1.3.8., kif preskritt għal vetturi tal-kategoriji L1e u L3e, billi jgħatti sporġenzi esterni speċifiċi (eż. tal-frieket ta’ quddiem, ir-roti, il-bampers, il-madgards u l-istrutturi lixxi miżjuda u s-sezzjoni ta’ wara ta’ vetturi mhux mgħammra bi strument għall-irriversjar) tal-vettura li trid tingħata approvazzjoni tat-tip, bi qbil mas-servizz tekniku u l-awtorità tal-approvazzjoni (eż. għal tip ta’ vettura li jkollha d-dehra ġenerali ta’ mutur, iżda li tkun mgħammra bi tliet roti li jikklassifikawha bħala vettura tal-kategorija L5e). L-isporġenzi esterni rilevanti valutati skont din il-klawsola għandhom ikunu identifikati b’mod ċar fid-dokument ta’ informazzjoni u kwalunkwe wiċċ estern li jifdal għandu jikkonforma mar-rekwiżiti tal-punti 2. sa 2.1.2.1.4.

2.1.2.1.2.

Fejn il-vetturi jkunu mgħammra b’forma ta’ struttura jew panewijiet maħsuba biex jgħattu parzjalment jew għal kollox lir-rikkieb, il-passiġġier jew il-bagalji jew biex jgħattu ċerti komponenti tal-vettura u xi partijiet tal-wiċċ estern ma jkunux jistgħu jiġu valutati b’mod xieraq bl-applikazzjoni tal-punt 2.1.2.1.1. (eż. fir-rigward tas-saqaf, il-pilastri tas-saqaf, il-bibien, il-pumi tal-bibien, il-ħġieġ, l-għatu tal-bonit, l-għatu tal-but tal-bagalji, il-buttuni tal-ftuħ, il-pjattaformi tat-tagħbija), dawn l-isporġenzi esterni li jifdal għandhom jikkonformaw mar-rekwiżiti rilevanti tar-regolament tal-UNECE Nru 26 kif preskritt għall-kategorija ta’ vetturi M1.

2.1.2.1.3.

Fil-każ ta’ vetturi tal-kategoriji L2e-U, L5e-B, L6e-BU u L7e-CU, li x-xfar tagħhom jistgħu jintmessu skont id-dispożizzjonijiet stabbiliti aktar ’il fuq u li jinsabu wara l-paratija ta’ wara, jew fejn ma jkun hemm l-ebda paratija fuq wara, pjan trasversali vertikali li jgħaddi minn punt pożizzjonat 50 cm wara l-punt R tal-aktar pożizzjoni bilqiegħda lura, għandu tal-anqas ikun mingħajr ponta meta l-isporġenza tagħhom tkun ta’ 1,5 mm jew aktar.

2.1.2.1.4.

Il-konformità mar-rekwiżiti għandha tiġi kkontrollata mingħajr l-ebda pjanċa tar-reġistrazzjoni mwaħħla mal-vettura u għalhekk kwalunkwe spazju jew wiċċ għall-pjanċa tar-reġistrazzjoni m’għandux ikun eżentat mill-valutazzjoni.

ANNESS IX

Rekwiżiti applikabbli għall-ħażna tal-fjuwil

1.   Rekwiżiti ġenerali

1.1.

‘Tip ta’ vettura fir-rigward tal-ħażna tal-fjuwil’ tfisser kategorija ta’ vetturi li ma jkunux differenti minn xulxin f’aspetti essenzjali bħall-għamla, id-daqs u l-karatteristiċi materjali, u l-metodu tal-immuntar u l-pożizzjoni tat-tank tal-fjuwil fuq il-vettura;

1.2.

It-tankijiet tal-fjuwil ta’ vetturi mgħammra b’waħda jew aktar minn dawn li ġejjin għandhom jissodisfaw ir-rekwiżiti ġenerali li ġejjin: 1.2.1. It-tankijiet tal-fjuwil għandhom ikunu magħmulin minn materjali li l-imġiba termika, mekkanika u kimika tagħhom tibqa’ tajba fil-kundizzjonijiet ta’ użu maħsuba tagħhom. 1.2.2. It-tankijiet tal-fjuwil u l-partijiet kontigwi tal-vettura għandhom ikunu ddisinjati b’mod li ma jiġġeneraw l-ebda ċarġ elettrostatiku li jista’ jirriżulta fi xrara bejn it-tank u x-xażi tal-vettura li tista’ tqabbad taħlita ta’ arja u fjuwil. 1.2.3. It-tankijiet tal-fjuwils għandhom ikunu magħmula b’tali mod li jirreżistu għall-korrużjoni. 1.2.4. It-tankijiet tal-fjuwil għandhom ikunu mgħammra bi strumenti xierqa (eż. fetħiet jew valvi tas-sigurtà) li b’mod awtomatiku jerħu kwalunkwe pressjoni żejda jew kwalunkwe pressjoni li taqbeż il-pressjoni ta’ servizz. Dawn l-istrumenti għandhom ikunu ddisinjati b’mod li jipprekludu kwalunkwe riskju ta’ tqabbid ta’ taħlita ta’ arja u fjuwil. 1.2.5. It-tankijiet tal-fjuwil għandhom ikunu ddisinjati b’mod li kwalunkwe fjuwil li jista’ jnixxi meta jkunu qegħdin jimtlew ma jkunx jista’ jaqa’ fuq is-sistema tal-egżost, il-magna jew partijiet oħra tal-ingranaġġ tal-vettura jew fuq in-naħa ta’ ġewwa ta’ kwalunkwe kompartiment tal-passiġġieri jew tal-bagalji, iżda jiġi inkanalat lejn l-art. 1.2.6. M’għandux ikun jista’ jgħaddi fjuwil mit-tapp tal-fetħa mnejn jingħata l-fjuwil jew kwalunkwe strument imwaħħal biex jeħles il-pressjoni żejda, anki jekk it-tank ikun maqlub għal kollox. It-taqtir huwa tollerat sa massimu ta’ 30 g/min, li għandu jiġi vverifikat permezz tat-test deskritt fil-punti 2.1. sa 2.1.4. Jekk ir-rata tat-tnixxija ma tidhirx li hija ta’ natura kostanti, għandu jkun assigurat li r-rata massima tat-tnixxija tiġi determinata fi żmien minuta (jiġifieri mhux tittieħed il-medja fuq perjodu itwal). 1.2.7. L-ebda tank ma għandu jkun pożizzjonat fi, jew jifforma, wiċċ (eż. art, ħajt, saqaf jew paratija) tal-kompartiment għall-passiġġieri jew kompartiment ieħor integrali miegħu, jekk il-vettura tkun mgħammra b’bodi. 1.2.7.1. Għall-finijiet ta’ dan l-Anness, vettura titqies li għandha kompartiment għall-passiġġieri jew kompartiment ieħor integrali miegħu jekk hija tkun mgħammra bi ħġieg tas-sikurezza, bibien laterali, bieba fuq wara, pilastri laterali u/jew saqaf li joħolqu kompartiment magħluq jew parzjalment magħluq. Is-servizz tekniku għandu jiġġustifika b’mod ċar il-kriterji ta’ ġudizzju fir-rapport tat-test. 1.2.8. Il-fetħa mnejn jingħata l-fjuwil m’għandhiex tkun qiegħda fil-kompartiment tal-passiġġieri, fil-kompartiment tal-bagalji jew fil-kompartiment tal-magna, jekk ikun hemm. 1.2.8.1. B’referenza għall-punt 1.2.7.1. aktar ’il fuq, vettura titqies li għandha kompartiment tal-magna jew kompartiment tal-bagalji jekk hija tkun mgħammra b’panewijiet laterali flimkien ma’ għatu tal-bonit/mantiċi u/jew għatu tal-bagoll/but tal-bagalji li joħolqu kompartiment magħluq jew parzjalment magħluq. Is-servizz tekniku għandu jiġġustifika b’mod ċar il-kriterji tal-ġudizzju fir-rapport tat-test. 1.2.9. It-tankijiet tal-fjuwil għandhom jgħaddu mit-testijiet tal-ermetiżmu mwettqa bi pressjoni interna daqs jew id-doppju tal-pressjoni relattiva ta’ servizz (pressjoni ddisinjata) jew pressjoni żejda ta’ 30 kPa, skont liema tkun l-akbar, kif deskritt fil-punti 2.2. sa 2.2.1. Kwalunkwe fetħa tista’ tiġi imblukkata għall-iskop ta’ dan it-test. It-tank tal-fjuwil m’għandux jixxaqqaq jew inixxi matul it-test, iżda jista’ jibqa’ deformat b’mod permanenti. 1.2.9.1. Tankijiet tal-fjuwil magħmulin minn materjali għajr il-metall jitqiesu li jissodisfaw dan ir-rekwiżit jekk ikunu għaddew mit-test deskritt fil-punti 3.4. sa 3.4.1. 1.2.10. Tankijiet tal-fjuwil magħmulin minn materjal għajr il-metall għandhom ikunu soġġetti għat-testijiet skont il-punti 3. sa 3.7.5.1. flimkien ma’ dawk deskritti fil-punti 2.1. sa 2.1.4.

1.3.

Vetturi mgħammra b’tank wieħed jew aktar tal-fjuwil għandhom jissodisfaw ir-rekwiżiti ġenerali li ġejjin: 1.3.1. It-tankijiet tal-fjuwil għandhom ikunu mwaħħlin u installati b’mod li jaqdu l-funzjoni tagħhom fil-kundizzjonijiet ta’ ħidma kollha prevedibbli. 1.3.2. Il-partijiet u l-komponenti kollha tas-sistema ta’ provvista tal-fjuwil tal-vettura għandhom ikunu protetti adegwatament minn partijiet tal-qafas jew tal-bodi kontra kuntatt ma’ ostakoli possibbli mal-art. Protezzjoni bħal din m’għandhiex tkun meħtieġa jekk il-partijiet jew il-komponenti rilevanti pożizzjonati taħt il-vettura jkunu aktar lil hinn mill-art mill-partijiet tal-qafas jew tal-bodi li jkunu jinsabu immedjatament quddiemhom. 1.3.3. Il-partijiet u l-komponenti kollha tas-sistema ta’ provvista tal-fjuwil tal-vettura għandhom ikunu ddisinjati, immanifatturati u installati b’mod li jifilħu għall-effetti ta’ kwalunkwe korrużjoni interna u esterna li jkunu esposti għaliha. L-ebda moviment minħabba brim, tgħawwiġ u vibrazzjoni tal-istruttura, il-magna u t-trażmissjoni tal-vettura ma għandu jissottoponi xi parti jew komponent tas-sistema ta’ provvista tal-fjuwil għal frizzjoni jew stress abnormali. 1.3.4. Il-vetturi li jużaw gass likwifikat miż-żejt (LPG) fis-sistema tal-propulsjoni tagħhom, u t-tankijiet tal-LPG, għandhom jissodisfaw ir-rekwiżiti rilevanti kollha tat-twaħħil u t-tagħmir tar-regolament tal-UNECE Nru 67 (1) kif preskritt għall-kategorija ta’ vetturi M1. 1.3.5. Il-vetturi li jużaw gass naturali kkompressat (CNG) fis-sistema tal-propulsjoni tagħhom, u t-tankijiet tas-CNG, għandhom jissodisfaw ir-rekwiżiti rilevanti kollha tat-twaħħil u t-tagħmir tar-regolament tal-UNECE Nru 110 (2) kif preskritt għall-kategorija ta’ vetturi M1.

2.   Testijiet tat-tank tal-fjuwil

2.1.   It-test tal-qlib

2.1.1.

It-tank u l-aċċessorji kollha tiegħu għandhom jintramaw fuq armatura għat-test b’mod li jikkorrispondi mal-mod tal-installazjoni fil-vettura li għaliha huwa maħsub it-tank: dan japplika wkoll għal sistemi għall-kumpens tal-pressjoni eċċessiva interna.

2.1.2.

L-armatura għat-test għandha ddur fuq assi li jkunu paralleli mal-assi lonġitudinali tal-vettura.

2.1.3.

It-test jitwettaq bit-tank mimli sa 30% tal-kapaċità tiegħu u wkoll 90% tal-kapaċità tiegħu b’likwidu li ma jaqbadx b’densità u viskożità qrib dawk tal-fjuwil użat normalment, jew bl-ilma.

2.1.4.

It-tank għandu jinqaleb mill-pożizzjoni installata tiegħu b’90° lejn ix-xellug. It-tank għandu jibqa’ f’din il-pożizzjoni għal mill-inqas ħames minuti. It-tank għandu mbagħad jiddawwar 90° iktar fl-istess direzzjoni. It-tank għandu jinżamm f’din il-pożizzjoni, fejn ikun għal kollox ta’ taħt fuq, għal mill-inqas ħames minuti oħra. It-tank għandu jiddawwar lura fil-pożizzjoni normali tiegħu. Il-liwkidu tat-test li ma jkunx mar lura mis-sistema tal-arja għat-tank għandu jitneħħa u jekk hemm bżonn jerġa’ jimtela. It-tank għandu jinqaleb mill-pożizzjoni installata tiegħu b’90° lejn il-lemin. It-tank għandu jibqa’ f’din il-pożizzjoni għal mill-inqas ħames minuti. It-tank għandu mbagħad jiddawwar 90° iktar fl-istess direzzjoni. It-tank għandu jinżamm f’din il-pożizzjoni, fejn ikun għal kollox ta’ taħt fuq, għal mill-inqas ħames minuti oħra. It-tank għandu jiddawwar lura fil-pożizzjoni normali tiegħu. It-tidwir b’angolu ta’ 90° għandu jsir f’intervalli ta’ minuta sa tliet minuti.

2.2.   It-test idrawliku

2.2.1.

It-tank għandu jkun soġġett għal test idrawliku tal-pressjoni interna li ser ikun mwettaq fuq unità iżolata kompleta bl-aċċessorji kollha tagħha. It-tank għandu jkun mimli għal kollox b’likwidu ma jaqbadx li jkollu densità u viskożità qrib ta’ dawk tal-fjuwil li normalment jintuża, jew bl-ilma. Wara li tkun inqatgħet kull komunikazzjoni mal-parti ta’ barra, il-pressjoni għandha tiżdied b’mod gradwali, mill-konnessjoni tal-pajp li minnha l-fjuwil jintbagħat fil-magna, għall-pressjoni interna speċifikata fil-punt 1.1.9. u din il-pressjoni għandha tinżamm għal mill-anqas 60 sekonda.

3.   Rekwiżiti u testijiet speċifiċi għal tankijiet tal-fjuwil magħmulin minn materjali għajr il-metall

3.1.   It-tankijiet tal-fjuwil magħmulin minn materjali għajr il-metall huma soġġetti għat-testijiet addizzjonali li ġejjin:

—	it-test tal-permeabilità;

—	it-test tal-ħbit;

—	It-test tas-saħħa mekkanika;

—	It-test tar-reżistenza għall-fjuwil;

—	It-test tat-temperatura għolja;

—	It-test tar-reżistenza għan-nar.

3.2.   Test tal-permeabilità li għandu jitwettaq fuq tank tal-fjuwil ġdid għal kollox

3.2.1.   It-test tal-permeabilità bħala parti mill-ittestjar tat-tip IV imsemmi fl-Anness V(A) tar-Regolament (UE) Nru 168/2013 mingħajr ma jkollu għalfejn jiġi kkunsidrat l-ebda kejl tad-diffużjoni għall-iskop tat-test skont dan l-Anness, għandu jitwettaq fuq numru suffiċjenti ta’ tankijiet għall-iskop tal-ittestjar skont il-punti 3.3. sa 3.7.5.1.

3.3.   Test tal-ħbit li għandu jitwettaq fuq tank tal-fjuwil li jkun sarlu t-test tal-permeabilità

3.3.1.   It-tank tal-fjuwil jimtela sal-kapaċità nominali totali tiegħu b’taħlita ta’ 50% ilma u 50% ethylene glycol jew bi kwalunkwe likwidu berried ieħor li ma jiddeterjorax il-materjal tat-tank tal-fjuwil, li l-punt krijoskopiku tiegħu jkun aktar baxx minn .

It-temperatura tas-sustanzi kontenuti fit-tank tal-fjuwil matul it-test għandha tkun ta’ . It-tank jitberred għal temperatura ambjentali korrispondenti. It-tank tal-fjuwil jista’ jimtela wkoll b’likwidu mkessaħ b’mod xieraq li jitħalla fit-temperatura tat-test għal mill-anqas siegħa.

Għat-test jiġi użat pendlu. Ir-ras tal-impatt tiegħu għandu jkollha l-forma ta’ piramida trijangulari ekwilaterali b’radju ta’ kurvatura ta’ 3,0 mm fil-quċċata u x-xfar tiegħu. Il-massa li tiċċaqlaq b’mod ħieles tal-pendlu għandu jkollha massa ta’ 15 kg ± 0,5 kg u l-enerġija magħmula tal-pendlu m’għandhiex tkun anqas minn 30,0 J għal kull impatt fuq it-tank tal-fjuwil.

Is-servizz tekniku jista’ jagħżel kwalunkwe numru ta’ punti fuq it-tank tal-fjuwil biex jiġu ttestjati u dawn il-punti għandhom jirriflettu l-postijiet li jkunu kkunsidrati f’riskju b’riżultat tat-twaħħil tat-tank u l-pożizzjoni tiegħu fuq il-vettura. Protezzjonijiet mhux tal-metall għandhom jiġu injorati u t-tubi tal-qafas jew is-sezzjonijiet tax-xażi jistgħu jiġu kkunsidrati għall-valutazzjoni tar-riskju.

Jista’ jintuża aktar minn tank tal-fjuwil wieħed għat-tlestija tal-impatti kollha, bil-kundizzjoni li t-tankijiet tal-fjuwil kollha li jkunu ser jintużaw ikun sarilhom it-test tal-permeabilità.

Ma għandu jkun hemm l-ebda tnixxija ta’ likwidu wara impatt wieħed fi kwalunkwe wieħed mill-punti ttestjati.

3.4.   Test tas-saħħa mekkanika li għandu jitwettaq fuq tank tal-fjuwil li jkun għadda mit-test tal-permeabilità

3.4.1.   It-tank tal-fjuwil għandu jimtela sal-kapaċità nominali totali tiegħu, bil-likwidu tat-test li jintuża jkun ilma f’temperatura ta’ . It-tank imbagħad għandu jiġi sottopost għal pressjoni interna daqs jew id-doppju tal-pressjoni relattiva ta’ servizz (pressjoni ddisinjata) jew pressjoni żejda ta’ 30 kPa, skont liema tkun l-akbar. It-tank għandu jibqa’ magħluq u taħt pressjoni għal perjodu ta’ mhux anqas minn ħames sigħat f’temperatura ambjentali ta’ .

It-tank tal-fjuwil m’għandux juri sinjali ta’ tnixxija u kwalunkwe deformazzjoni temporanja jew permanenti li tista’ tinħoloq ma għandhiex tirrendih mhux użabbli. Għandhom jiġu kkunsidrati kundizzjonijiet speċifiċi ta’ twaħħil jekk se tiġi valutata d-deformazzjoni tat-tank.

3.5.   Test tar-reżistenza għall-fjuwil li għandu jitwettaq fuq kampjuni ta’ tank tal-fjuwil ġdid għal kollox u kampjuni ta’ tank tal-fjuwil li jkun għadda mit-test tal-permeabilità

3.5.1.   Sitt biċċiet tat-test tensili ta’ bejn wieħed u ieħor l-istess ħxuna jiġu meħuda minn uċuħ ċatti jew virtwalment ċatti tat-tank tal-fjuwil ġdid għal kollox. Is-saħħa tensili u l-limiti elastiċi tagħhom jiġu stabbiliti f’temperatura ta’ b’rata ta’ titwil ta’ 50 mm/min. Il-valuri miksuba mbagħad għandhom jiġu mqabbla mas-saħħa tensili u l-valuri tal-elastiċità miksuba minn testijiet simili mwettqa bl-użu ta’ tank tal-fjuwil li jkun għadda mit-test tal-permeabilità. Il-materjal għandu jitqies bħala aċċettabbli jekk is-saħħa tensili ma tvarjax b’aktar minn 25%.

3.6.   Test tat-temperatura għolja li għandu jitwettaq fuq kampjuni ta’ tank tal-fjuwil li jkun għadda mit-test tal-permeabilità

3.6.1.   It-tank tal-fjuwil għandu jitwaħħal ma’ parti rappreżentattiva tal-vettura u jimtela sa 50% tal-kapaċità nominali totali tiegħu bl-ilma f’temperatura ta’ . L-arranġament tat-test, inkluż it-tank tal-fjuwil, imbagħad għandu jitpoġġa f’temperatura ambjentali ta’ għal 60 minuta, li warajhom it-tank tal-fjuwil ma għandu juri l-ebda deformazzjoni permanenti jew tnixxijiet u għandu jkun f’kundizzjoni kompletament użabbli.

3.7.   Test tar-reżistenza għan-nar li għandu jitwettaq fuq kampjuni ta’ tank tal-fjuwil li jkun għadda mit-test tal-permeabilità

3.7.1.   Tħejjija tal-kampjuni tat-test

3.7.1.1.   Għandhom jittieħdu mill-anqas għaxar kampjuni tat-test ċatti jew virtwalment ċatti b’tul ta’ 125 ± 5 mm u wisa’ ta’ 12,5 ± 0,2 mm minn tank tal-fjuwil wieħed jew aktar li jkunu għaddew mit-test tal-permeabilità. Madankollu, jekk tali kampjuni tat-test ma jkunux jistgħu jinkisbu minħabba l-karatteristiċi tad-disinn (jiġifieri l-għamla) tat-tank tal-fjuwil, huwa meqjus aċċettabbli għall-iskop ta’ dan it-test li jiġu ppreparati tank speċjali wieħed jew aktar b’karatteristiċi simili iżda b’aktar uċuħ ċatti jew virtwalment ċatti inkorporati fil-ħitan. Il-ħxuna globali tal-kampjuni kollha għandha tkun sa ±5% tal-eħxen kampjun.

3.7.1.2.   Għandhom jinqatgħu żewġ linji f’kull kampjun, waħda 25 mm u l-oħra 100 mm minn wieħed mit-truf.

3.7.1.3.   Ix-xfar tal-kampjuni tat-test għandhom ikunu definiti b’mod ċar. Ix-xfar miksuba bis-serrieq għandhom jiġu xkatlati sabiex tinkiseb finitura lixxa.

3.7.2.   Tagħmir tat-test

3.7.2.1.   Il-kompartiment tat-test għandu jikkonsisti minn kappoċċ tal-estrattur tal-laboratorju magħluq għal kollox b’tieqa reżistenti għas-sħana għall-osservazzjoni tat-test. Tista’ tintuża mera f’ċerti spazji magħluqa tat-test sabiex tipprovdi dehra minn wara tal-kampjun.

L-estrattur għandu jintefa waqt it-test u għandu jerġa’ jinxtegħel mill-ewwel wara t-test biex jiġbed il-prodotti tal-kombustjoni.

It-test jista’ jitwettaq ukoll ġo kaxxa tal-metall imqiegħda taħt il-kappoċċ tal-estrattur bil-fann jaħdem.

Il-ħitan ta’ fuq u ta’ isfel tal-kaxxa għandu jkun fihom toqob tal-ventilazzjoni li jippermettu li tidħol arja suffiċjenti għall-kombustjoni filwaqt li ma jesponux il-kampjun li jkun qiegħed jaqbad għal kurrent tal-arja.

3.7.2.2.   Il-bażi ta’ sostenn għandha tikkonsisti minn żewġ imqabad li jistgħu jiġu ssettjati fi kwalunkwe pożizzjoni permezz ta’ ġonot tat-tornikett.

3.7.2.3.   Il-berner għandu jkun tat-tip ‘Bunsen’ jew ‘Tirill’ jaħdem bil-gass li jkollu żennuna ta’ 10 mm. Iż-żennuna ma għandu jkollha mwaħħal magħha l-ebda aċċessorju.

3.7.2.4.   Għandu jiġi pprovdut skrin tal-metall b’daqx tax-xibka ta’ 20 u qisien globali ta’ madwar 100 × 100 mm.

3.7.2.5.   Għandu jiġi pprovdut banju tal-ilma b’qisien issuġġeriti ta’ madwar 150 × 75 × 30 mm.

3.7.2.6.   Għandu jiġi pprovdut strument li jżomm il-ħin (f’sekondi).

3.7.2.7.   Għandha tiġi pprovduta skala bil-marki tal-kejl (f’millimetri).

3.7.2.8.   Għandu jiġi pprovdut kaliper jiżżerżaq (bi preċiżjoni ta’ mill-anqas 0.05 mm) jew strument tal-kejl ekwivalenti.

3.7.3.   Proċedura tat-test

3.7.3.1.   Jiġi mqabbad kampjun ma’ wieħed mill-imqabad fuq il-bażi mit-tarf li jkun l-eqreb tal-marka ta’ 100 mm, bl-assi lonġitudinali tiegħu orizzontali u l-assi trasversali tiegħu f’angolu ta’ 45° mal-orizzontali. Taħt il-kampjun tat-test, jitqabbad skrin tal-metall minsuġ nadif mat-tieni maqbad u pożizzjonat 10 mm b’mod orizzontali taħt ix-xifer tal-kampjun b’mod li l-kampjun jisporġi b’madwar 13 mm ’il barra mit-tarf tal-iskrin (ara l-Figura 9-1). Banju mimli bl-ilma għandu jitpoġġa fuq il-mejda tal-kappoċċ tal-estrattur sabiex jirċievi kwalunkwe partiċella inkandexxenti li tista’ taqa’ waqt it-test.

Figura 9-1

Arranġament għat-test tar-reżistenza għan-nar.

3.7.3.2.   Il-provvista tal-arja għall-berner għandha tiġi ssettjata b’mod li tinkiseb fjamma blu għolja madwar 25 mm.

3.7.3.3.   Il-berner għandu jitpoġġa b’mod li l-fjamma tiegħu tmiss ix-xifer ta’ barra tal-kampjun tat-test (ara l-Figura 1) fl-istess ħin li jibda jgħodd il-ħin il-kronometru.

Il-fjamma tinżamm f’kuntatt għal 30 sekonda. Jekk il-kampjun jiddeforma ruħu, jinħall jew jinxtorob, il-fjamma għandha terġa’ tiġi pożizzjonata sabiex iżżomm il-kuntatt miegħu. Madankollu, deformazzjoni sinifikanti tal-kampjun waqt it-test tista’ tinvalida r-riżultat.

Il-berner għandu jitneħħa wara 30 sekonda jew meta l-parti ta’ quddiem tal-fjamma tilħaq il-marka ta’ 25 mm, skont liema sseħħ l-ewwel. Il-berner għandu jitressaq mill-anqas 450 mm lil hinn mill-kampjun u l-kappoċċ tal-estrattur għandu jingħalaq.

3.7.3.4.   Meta t-tarf ta’ quddiem tal-fjamma jilħaq il-marka ta’ 25 mm, il-ħin indikat f’sekondi għandu jiġi nnotat bħala l-ħin t1.

3.7.3.5.   Il-kronometru jitwaqqaf meta l-kombustjoni (bil-fjamma jew mingħajrha) tieqaf jew tasal sal-marka ta’ 100 mm mit-tarf liberu. Il-ħin indikat għandu jiġi nnotat bħala l-ħin t. Meta kampjun jerġa’ jitqabbad bil-ħruq ta’ materjal depożitat fuq l-iskrin tal-metall minsuġ, ir-riżultat tat-test jista’ jiġi invalidat.

3.7.3.6.   Jekk il-kombustjoni ma tasalx sal-marka ta’ 100 mm, it-tul mhux maħruq mill-marka ta’ 100 mm matul ix-xifer ta’ taħt tal-kampjun jiġi mkejjel u jingħata għad-dritt ’il fuq jew ’l isfel sal-eqreb millimetru. Għalhekk it-tul maħruq huwa ugwali għal 100 mm li jitnaqqas minnu t-tul mhux maħruq espress f’mm.

3.7.3.7   Jekk kampjun ikun inħaraq sa jew lil hinn mill-marka ta’ 100 mm, il-veloċità tal-kombustjoni għandha tiġi kkalkulata kif ġej: u tiġi espressa f’mm/s.

3.7.3.8   It-test deskritt fil-punti 3.7.3.1. sa 3.7.3.7. għandu jiġi ripetut fuq kampjuni differenti sakemm tliet kampjuni jkunu nħarqu sal-marka ta’ 100 mm jew aktar jew ikunu ġew ittestjati għaxar kampjuni.

3.7.3.9.   Jekk kampjun wieħed biss minn għaxra jinħaraq sal-marka ta’ 100 mm jew lil hinn minnha, it-test deskritt fil-punti 3.7.3.1. sa 3.7.3.7. għandu jiġi ripetut fuq massimu ta’ għaxar kampjuni ġodda.

3.7.4.   Espressjoni tar-riżultati

3.7.4.1.   Ir-rapport tat-test għandu jinkludi mill-inqas l-informazzjoni dettaljata li ġejja:

—	in-numru ta' kampjuni ttestjati.

u fir-rigward ta’ kull wieħed mill-kampjuni individwali:

—	il-mezzi ta' identifikazzjoni

—	il-metodu ta’ preparazzjoni u ħażna;

—	il-ħxuna mkejla f’kull terz tat-tul tal-kampjun (mm b’mill-anqas ċifra waħda wara l-punt deċimali);

—	il-ħin tal-kombustjoni (s);

—	it-tul tal-kombustjoni (mm);

—	dikjarazzjoni u raġuni meta kampjun ma jinħaraqx sal-marka ta’ 100 mm (eż. minħabba li jqattar, jiġri jew jitfarrak f’partiċelli maħruqa);

—	dikjarazzjoni meta kampjun jerġa’ jaqbad bil-ħruq ta’ materjal depożitat fuq l-iskrin tal-metall minsuġ.

3.7.4.2.   Jekk mill-anqas żewġ kampjuni jkunu nħarqu sal-marka ta’ 100 mm jew lil hinn minnha, għandha tiġi determinata l-veloċità medja tal-kombustjoni (espressa f’mm/s u kif miksuba mir-riżultati multipli kkalkulati skont il-formula fil-punt 3.7.3.7.). Il-veloċità medja tal-kombustjoni għalhekk hija l-medja tal-veloċitajiet tal-kombustjoni tal-kampjuni kollha li jkunu nħarqu sa jew lil hinn mill-marka ta’ 100 mm. Dan il-valur għandu jiġi pparagunat mar-rekwiżit fil-punti 3.7.5. sa 3.7.5.1. u m’għandhomx jitwettqu l-kalkoli u l-verifika msemmija fil-punt 3.7.4.3.

3.7.4.3.   Il-ħin medju tal-kombustjoni (ACT) u t-tul medju tal-kombustjoni (ACL) għandhom jiġu kkalkulati jekk l-ebda kampjun minn għaxra jew jekk mhux aktar minn wieħed minn 20 ma jkun inħaraq sal-marka ta’ 100 mm.

Ekwazzjoni 9-1:

fejn n huwa n-numru ta’ kampjuni.

Ir-riżultat jingħata għad-dritt ’il fuq jew ’l isfel sal-eqreb żieda ta’ ħames sekondi. Madankollu, m’għandux jintuża ACT ta’ 0 sekondi. (jiġifieri jekk il-kombustjoni ddum għaddejja bejn anqas minn 2 sekondi u 7 sekondi, l-ACT ikun ta’ 5 sekondi; jekk il-kombustjoni ddum għaddejja bejn 8 u 12-il sekonda, l-ACT ikun ta’ 10 sekondi; jekk il-kombustjoni ddum għaddejja bejn 13 u 17-il sekonda, l-ACT ikun ta’ 15-il sekonda, eċċ.).

Ekwazzjoni 9-2

fejn n huwa n-numru ta’ kampjuni

Ir-riżultat huwa espress f’relazzjoni mal-eqreb żieda ta’ 5 mm (jiġifieri għandu jiġi ddikjarat ‘anqas minn 5 mm’ jekk it-tul tal-kombustjoni jkun ta’ anqas minn 2 mm u għalhekk fl-ebda każ ma jista’ jingħata ACL ta’ 0 mm).

Meta kampjun wieħed biss minn 20 jinħaraq sa jew lil hinn mill-marka ta’ 100 mm, it-tul tal-kombustjoni (jiġifieri l-valur ta’ (100 — tul mhux maħruqi) għal dak il-kampjun) għandu jittieħed bħala 100 mm.

Ekwazzjoni 9-3

Il-veloċità medja tal-kombustjoni għalhekk hija (ACL / ACT) (espressa f’mm/s).

Dan il-valur għandu jiġi pparagunat mar-rekwiżit stabbilit fil-punti 3.7.5. sa 3.7.5.1.

3.7.5.   Rekwiżiti fir-rigward tar-reżistenza għan-nar ta’ materjali tat-tankijiet tal-fjuwil għajr il-metall

3.7.5.1.   Il-materjal tat-tank tal-fjuwil m’għandux jinħaraq b’veloċità medja ta’ kombustjoni ta’ aktar minn 0,64 mm/s kif determinata skont il-proċedura tat-test stabbilita fil-punti 3.7. sa 3.7.4.3.

---

(1)  ĠU L 72, 14.3.2008, p. 1.

(2)  ĠU L 120, 7.5.2011, p. 1.

ANNESS X

Rekwiżiti applikabbli għall-pjattaformi tat-tagħbija

1.   L-Għan

1.1.

Jekk tkun imwaħħla pjattaforma tat-tagħbija fuq vettura tas-(sotto)kategorija L2e, L5e-B, L6e-B, L7e-B jew L7e-C, l-assemblaġġ tal-vettura u l-pjattaforma tat-tagħbija għandhom jikkonformaw ma’ sett minimu ta’ kriterji tal-kostruzzjoni sabiex jiġu trasportati b’mod sigur oġġetti.

2.   Ir-rekwiżiti

2.1.

Jekk tkun imwaħħla, il-pjattaforma tat-tagħbija għandha tkun iddisinjata biex iġġorr biss oġġetti u għandu jkollha sodda tat-tagħbija miftuħa jew magħluqa, li għandha tkun virtwalment uniformi u orizzontali.

2.2.

Iċ-ċentru tal-gravità tal-vettura tal-kategorija L bil-pjattaforma mgħobbija u mingħajr is-sewwieq għandu jkun bejn il-fusien.

2.3.

Il-qisien tal-pjattaformi għandhom ikunu tali sabiex: 2.3.1. It-tul tas-sodda tat-tagħbija, li jfisser id-distanza mill-punt intern l-aktar ’il quddiem sal-punt intern l-aktar lura taż-żona tal-merkanzija, imkejla b’mod orizzontali fil-pjan lonġitudinali tal-vettura, ma għandux ikun akbar minn 1.4 darbiet il-wisa’ tal-mogħdija ta’ quddiem jew ta’ wara tal-vettura tal-kategorija L, skont liema tkun l-akbar; Is-sottokategoriji L6e-BU u L7e-CU huma eżentati minn dan ir-rekwiżit. 2.3.2. Il-wisa’ tas-sodda tat-tagħbija ma jaqbiżx il-wisa’ globali massima tal-vettura tal-kategorija L mingħajr pjattaforma. 2.3.3. Għandha tiġi pprovduta protezzjoni laterali adegwata sabiex timpedixxi li l-oġġetti mgħobbija fuq il-pjattaforma tat-tagħbija jaqgħu.

2.4.

Il-pjattaforma għandha titpoġġa simettrikament meta mqabbla mal-pjan medjan lonġitudinalital-vettura tal-kategorija L.

2.5.

L-għoli ‘l fuq mill-art tal-pjattaforma m’għandux ikun aktar minn 1 000 mm.

2.6.

Il-pjattaforma tat-tagħbija għandha tkun imqabbda mal-vettura tal-kategorija L b’mod li jiġi evitat kwalunkwe riskju ta’ stakkar aċċidentali.

2.7.

It-tip tal-pjattaforma u l-mod kif din tkun imwaħħla għandhom ikunu hekk li, b’tagħbija normali, il-firxa tal-viżjoni tas-sewwieq tibqa’ tajba u d-diversi apparat tassattiv tad-dawl u tas-sinjali tad-dawl jistgħu jkomplu jaqdu l-funzjoni tagħhom kif xieraq.

2.8.

Il-manifattur tal-vettura għandu jiddikjara l-kapaċità tat-tagħbija li tista’ tinġarr mingħajr periklu għal tali pjattaforma tat-tagħbija.

2.9.

Għandhom jiġu pprovduti punti ta’ twaħħil adegwati għall-istrumenti tal-irbit għall-massa utli fil-pjattaforma tat-tagħbija.

ANNESS XI

Rekwiżiti applikabbli għall-mases u l-qisien

1.   L-Għan

1.1.

Dan l-Anness jistabbilixxi r-rekwiżiti għall-approvazzjoni tat-tip ta’ vetturi tal-kategorija L fir-rigward tal-mases u l-qisien tagħhom.

2.   Sottomissjoni tal-ispeċifikazzjonijiet tal-massa tal-vettura u r-rekwiżiti tal-ittestjar sabiex jiġu determinati l-ispeċifikazzjonijiet tal-massa

2.1.

Fl-applikazzjoni għall-approvazzjoni tat-tip tal-UE għal tip ta’ vettura fir-rigward tal-mases u l-qisien tagħha, il-manifattur għandu jipprovdi lill-awtorità tal-approvazzjoni, għal kull verżjoni fi ħdan tip ta’ vettura, irrispettivament mil-istat tat-tlestija tal-vettura, dettalji tal-mases li ġejjin: 2.1.1. Il-massa b’mod kif suppost kif msemmija fl-Artikolu 5 tar-Regolament (UE ) Nru 168/2013; 2.1.2. il-massa attwali; 2.1.3. il-massa mgħobbija massima teknikament permissibbli; 2.1.4. Jekk applokabbli, il-massa massima mgħobbija teknikament permissibbli fuq il-fus: 2.1.5. jekk applikabbli, il-massa massima teknikament permissibbli li tista’ tiġi rmunkata; 2.1.6. Jekk applikabbli, il-mases massimi teknikament permissibbli fuq il-punt tal-agganċ meta jitqiesu l-karatteristiċi tekniċi tal-agganċ li jkun imwaħħal jew jista’ jkun imwaħħal mal-vettura skont il-każ; 2.1.7. jekk applikabbli, il-massa tat-tagħmir fakoltattiv; 2.1.8. jekk applikabbli, il-massa tas-sovrastruttura; 2.1.9. jekk applikabbli, il-massa tal-batterija tal-propulsjoni.

2.2.

Fid-determinazzjoni tal-mases imsemmija fil-punt 2, il-manifattur għandu jqis l-aħjar prattika ta’ inġinerija tajba u l-aħjar għarfien tekniku disponibbli sabiex jitnaqqsu r-riskji ta’ ħsara mekkanika, partikolarment dawk minħabba l-għeja tal-materjali, u biex tiġi evitata l-ħsara lill-infrastruttura tat-toroq.

2.3.

Fid-determinazzjoni tal-mases imsemmija fil-punt 2, il-manifattur għandu jqis il-veloċità massima fil-kostruzzjoni tal-vettura. Fejn il-vettura tkun mgħammra mill-manifattur bi strument għal-limitazzjoni tal-veloċità tal-vettura, il-veloċità massima tal-vettura kif mibnija għandha tkun il-veloċità vera tal-vettura permessa mill-istrument ta’ limitazzjoni tal-veloċità tal-vettura.

2.4.

Fl-istabbiliment tal-mases imsemmija fil-punt 2, il-manifattur m’għandux jimponi restrizzjonijiet fuq l-użu tal-vettura għajr dawk li jirrigwardaw il-kapaċitajiet tat-tajers li jistgħu jiġu aġġustati għall-veloċità bil-kostruzzjoni.

2.5.

Għall-vetturi mhux kompluti, inklużi l-vetturi b’xażi-kabina, li jeħtieġu stadju ulterjuri ta’ tlestija, il-manifattur għandu jipprovdi l-informazzjoni rilevanti kollha lill-manifatturi tal-istadju li jmiss sabiex ir-rekwiżiti ta’ dan ir-Regolament ikomplu jiġu ssodisfati. Għall-finijiet tal-ewwel sottopunt, il-manifattur għandu jispeċifika l-pożizzjoni taċ-ċentru tal-gravità tal-massa li tikkorrispondi għas-somma tat-tagħbija.

2.6.

Fejn it-tagħmir fakoltattiv sinifikament jaffettwa il-mases u d-dimensjonijiet tal-vettura, il-manifattur għandu jipprovdi lis-servizz tekniku il-post, il-massa u l-pożizzjoni ġeometrika taċ-ċentru tal-gravità fir-rigward tal-fusien tat-tagħmir fakoltattiv li jista’ jitwaħħal mal-vettura.

2.7.

Meta l-awtorità tal-approvazzjoni jew is-servizz tekniku jqisu li huwa neċessarju, huma jistgħu jitolbu lill-manifattur biex jagħmel disponibbli rappreżentant tal-vetturi tat-tip li għandu jiġi approvat għall-finijiet ta’ spezzjoni.

2.8.

Fil-każ ta’ vetturi utilitarji tas-sottokategoriji L5e-B, L6e-BU u L7e-CU maħsuba għall-ġarr ta’ oġġetti u ddisinjati biex ikunu mgħammra b’sovrastrutturi interskambjabbli, il-massa totali ta’ dawn is-sovrastrutturi għandha tkun parti mill-massa utli. F’dan il-każ, il-kundizzjonijiet miżjuda li ġejjin għandhom jiġu sodisfatti: 2.8.1. sovrastruttura titqies li hija interskambjabbli jekk tkun tista’ titneħħa faċilment mill-kabina tax-xażi; 2.8.2. fid-dokument ta’ informazzjoni, il-manifattur tal-vettura għandu jipprovdi l-qisien massimi permessi, il-massa totali tas-sovrastruttura, il-limiti għall-pożizzjoni taċ-ċentru tal-gravità u tpinġija bil-pożizzjoni tal-istrumenti tat-twaħħil.

2.9.

Għandhom jiġu ssodisfati l-kundizzjonijiet u r-rekwiżiti tal-ittestjar tal-Appendiċi 1 sabiex jiġu determinati l-mases li jridu jiġu ppreżentati mill-manifattur lill-awtorità tal-approvazzjoni.

3.   Sottomissjoni tal-qisien tal-vettura u r-rekwiżiti tat-test sabiex jiġu determinati l-qisien

3.1.

Fl-applikazzjoni għall-approvazzjoni tat-tip tal-UE għal tip ta’ vettura fir-rigward tal-mases u l-qisien tagħha, il-manifattur għandu jipprovdi lill-awtorità tal-approvazzjoni, għal kull verżjoni fi ħdan tip ta’ vettura, irrispettivament mill-istat tat-tlestija tal-vettura, il-qisien [f’mm] tal-vettura li ġejjin: 3.1.1. Tul tal-vettura, li tfisser id-distanza bejn żewġ pjanijiet vertikali perpendikulari għall-pjan lonġitudinali tal-vettura u t-tanġenti man-naħa ta' quddiem u ta' wara tal-vettura, rispettivament. 3.1.2. il-wisa’ tal-vettura, li jfisser id-distanza bejn żewġ pjani paralleli mal-pjan lonġitudinali tal-vettura u t-tanġenti mal-vettura fuq kull naħa ta’ dak il-pjan; 3.1.3. l-għoli tal-vettura, li jfisser id-distanza bejn il-pjan li jsostni l-vettura u pjan parallel tanġenzjali mal-parti ta’ fuq tal-vettura; 3.1.4. id-distanza bejn il-fusien tal-vettura, li tfisser il-qies imsemmi fil-punt 6.4.1 tal-Istandard ISO 612:1978; 3.1.5. għal vetturi b’roti doppji jew għal vetturi bi tliet jew b’erba’ roti: il-wisa’ tal-mogħdija quddiem u/jew wara, li tfisser id-distanza msemmija fil-punt 6.5 tal-Istandard ISO 612:1978; 3.1.6. jekk applikabbli, it-tulsodda tat-tagħbija u l-wisa’sodda tat-tagħbija

3.2.

Għandhom jiġu ssodisfati l-kundizzjonijiet tat-test u r-rekwiżiti tal-Appendiċi 1 sabiex jiġu determinati l-qisien li għandhom jiġu ppreżentati.

3.3.

Il-qisien attwali msemmija fil-punt 3.1. ma jistgħux ivarjaw b’aktar minn 3 % minn dawk iddikjarati mill-manifattur.

ANNESS XII

Rekwiżiti applikabbli għas-sistemi dijanjostiċi abbord (OBD)

1.   Introduzzjoni

Dan l-Anness japplika għar-rekwiżiti funzjonali tas-sistemi dijanjostiċi abbord (OBD) għal vetturi tal-kategorija L u jispeċifika r-rekwiżiti kif imsemmija fl-Artikolu 21 tar-Regolament (UE) Nru 168/2013 skont l-iskeda stabbilita fl-Anness IV ta’ dak ir-Regolament u li jirreferu għal-livelli limitu tal-OBD stabbiliti fis-sezzjoni B tal-Anness VI ta’ dak ir-Regolament.

2.   OBD stadju I u stadju II

2.1.   OBD stadju II

2.1.1.

Ir-rekwiżiti tekniċi ta’ dan l-Anness għandhom ikunu obbligatorji għall-vetturi tal-kategorija L mgħammra b’sistema OBD ta’ stadju I kif stabbilit fl-Artikolu 21, u l-Anness IV tar-Regolament (UE) Nru 168/2013. Dan l-obbligu jirrigwarda l-konformità mal-punti sussegwenti kollha għajr dawk li jispeċifikaw ir-rekwiżiti għall-OBD ta’ stadju II fil-punti 2.2. u 2.3.

2.2.   OBD stadju II

2.2.1.

Vettura tal-kategorija L tista’ tkun mgħammra b’sistema OBD ta’ stadju II jekk il-manifattur jagħżel dan.

2.2.2.

Fejn tkun imwaħħla sistema OBD ta’ stadju II, għandhom japplikaw ir-rekwiżiti tekniċi ta’ dan l-Anness. Dan jirrigwarda b’mod partikolari l-punti applikabbli elenkati fit-Tabella 12-1. Tabella 12-1 Funzjonijiet ta’ OBD ta’ stadju II u r-rekwiżiti assoċjati fil-punti ta’ dan l-Anness u l-Appendiċi 1 Suġġett Paragrafi f’dan l-Anness u l-Appendiċi 1 Monitoraġġ tal-konvertitur katalittiku 3.3.3.1. / 3.3.4.1. Monitoraġġ tal-effiċjenza /fluss tal-EGR 3.3.4.4. Monitoraġġ tal-prestazzjoni waqt l-użu punt 4 tal-Appendiċi 1. Individwazzjoni ta' misfire: 3.3.3.2. / 3.5.3. / 3.6.2. / 3.7.1. / 3.1.2. tal-Appendiċi 1 Monitoraġġ tas-sistema ta’ posttrattament tan-NOx 3.3.4.5./ 3.3.4.6. Monitoraġġ tad-deterjorament tas-senser tal-ossiġnu 3.3.3.3. Monitoraġġ tal-filter tal-partikuli 3.3.4.2. Monitoraġġ tal-emissjonijiet ta’ materja partikulata (PM) 3.3.3.5.

2.3.   Dijanjostika taċ-ċirkuwitu elettriku

2.3.1.

Għall-finijiet tal-punti 3.3.5. u 3.3.6., is-sistema dijanjostika tal-ħsara fiċ-ċirkuwitu elettriku u fl-elettronika fir-rigward tal-OBD ta’ stadju I u/jew II għandha mill-anqas tinkludi d-dijanjostika tas-senser u tal-attwatur kif ukoll id-dijanjostika interna tal-unitajiet ta’ kontroll elettroniċi elenkati fl-appendiċi 2.

2.3.2.

Is-sistemi dijanjostiċi għall-monitoraġġ taċ-ċirkuwitu elettriku li ma jaħdmux b’mod kontinwu, jiġifieri dawk is-sistemi dijanjostiċi għall-monitoraġġ taċ-ċirkuwitu elettriku li jaħdmu sakemm it-testijiet tagħhom ikunu għaddew fuq bażi mhux kontinwa u t-tlestija tal-punt 3.3.6 għall-partiti inklużi fl-appendiċi 2, għandhom ikunu parti mill-OBD ta’ stadju II.

2.3.3.

Sal-31 ta’ Diċembru 2018, il-lista fl-appendiċi 2 għandha tiġi riveduta u aġġornata għall-progress tekniku jekk ikun meqjus neċessarju. Kwalunkwe ħsara fl-istrumenti supplimentari li jridu jiġu mmonitorjati għandha tkun applikabbli għall-OBD ta’ stadju II flimkien ma’ dawk diġà identifikati fit-tabella.

3.   Rekwiżiti OBD funzjonali

3.1.   Il-vetturi tal-kategorija L għandhom ikunu mgħammra b’sistema OBD iddisinjata, mibnija u installata f’vettura b’tali mod li tgħinha tidentifika t-tipi ta’ deterjorament jew ħsarat għall-perjodu sħiħ ta’ kemm iddum isservi l-vettura. Biex jintlaħaq dan il-għan l-awtorità li toħroġ l-approvazzjoni għandha taċċetta li vetturi li jkunu vjaġġaw distanzi akbar mid-distanza ta’ durabilità tat-Tip V skont Sezzjoni (A) tal Anness VII tarr-Regolament (UE) Nru 168/2013, jistgħu juri xi deterjorament fil-mod kif taħdem is-sistema OBD b’tali mod li l-limiti ta’ emissjonijiet mogħtija fis-Sezzjoni (B) tal-Anness VI tar-Regolament (UE) Nru 168/2013 jistgħu jinqabżu qabel ma s-sistema OBD tindika ħsara lix-xufier tal-vettura.

3.1.1.   L-aċċess għas-sistema OBD li huwa meħtieġ biex issir spezzjoni, dijanjosi, manutenzjoni jew tiswija tal-vettura m’għandux ikun ristrett u jrid ikun standardizzat. Il-kodiċijiet tal-ħsarat kollha rilevanti għall-OBD għandhom ikunu konsistenti mal-punt 3.11. tal-Appendiċi 1 ta’ dan l-Anness

3.1.2.   Fid-diskrezzjoni tal-manifattur, biex jgħin lit-tekniċi fit-tiswija effiċjenti tal-vetturi tal-kategorija L, is-sistema OBD tista’ tiġi estiża biex timmonitorja u tirrapporta fuq kwalunkwe sistema oħra abbord. Is-sistemi dijanjostiċi estiżi ma għandhomx jitqiesu li jaqgħu fil-kamp ta’ applikazzjoni tar-rekwiżiti tal-approvazzjoni tat-tip.

3.2.   Is-sistema OBD għandha tkun iddisinjata, mibnija u installata fuq il-vettura b’mod li tgħinha tikkonforma mar-rekwiżiti ta’ dan l-Anness waqt li qed tintuża f’kundizzjonijiet normali.

3.2.1.   Diżattivazzjoni temporanja tas-sistema OBD

3.2.1.1.   Manifattur jista’ jiddiżattiva s-sistema OBD jekk l-abbiltà tagħha ta’ monitoraġġ tkun affettwata minn livelli baxxi ta’ fjuwil jew tkun taħt l-istat minimu ta' ċarġ tal-batteriji tas-sistema ta' propulsjoni jew dik elettrika (skarigu massimu tal-kapaċità). M’għandhiex isseħħ diżattivazzjoni meta l-livell tat-tank tal-fjuwil ikun ogħla minn 20 fil-mija tal-kapaċità nominali tat-tank tal-fjuwil.

3.2.1.2.   Manifattur jista’ jiddiżattiva is-sistema OBD f’temperaturi ambjentali tal-istartjar tal-magna taħt 266.2 K (–7 °C) jew f’telgħat ‘il fuq minn 2 500 metru ‘l fuq mil-livell tal-baħar bil-kundizzjoni li l-manifattur jissottometti dejta u/jew evalwazzjoni tal-inġinerija li turi adegwatament li l-monitoraġġ ma jkunx affidabbli f’dawk il-kundizzjonijiet. Manifattur jista’ jitlob ukoll id-diżattivazzjoni tas-sistema OBD f’temperaturi ambjentali oħra tal-istartjar tal-magna jekk huwa juri lill-awtorità permezz ta’ dejta u/jew evalwazzjoni tal-inġinerija li ssir dijanjosi ħażina f’dawk il-kundizzjonijiet. M’hemmx għalfejn li jinxtegħel l-indikatur li juri ħsara (MI) jekk l-ogħla limiti tal-OBD jinqabżu waqt riġenerazzjoni dejjem jekk ma jkunx hemm l-ebda difett.

3.2.1.3.   Fil-każ ta’ vetturi ddisinjati biex ikunu jistgħu jeħlu fuqhom unitajiet ta' konnessjoni motorizzata, id-diżattivazzjoni tas-sistemi ta’ monitoraġġ affettwati hija permessa biss meta tkun mixgħula l-unità ta' konnessjoni motorizzata.

Minbarra d-dispożizzjonijiet ta’ din is-sezzjoni, il-manifattur jista’ jiddiżattiva temporanjament is-sistema OBD fil-kundizzjonijiet li ġejjin:

(a)	Fil-każ ta’ vetturi bi fjuwil flessibbli jew vetturi li jieħdu fjuwil wieħed/żewġ fjuwils gassużi għal minuta wara l-għoti mill-ġdid tal-fjuwil sabiex l-unità(jiet) ta’ kontroll tal-grupp tal-propulsjoni (PCU) ikunu jistgħu jagħrfu l-kwalità u l-kompożizzjoni tal-fjuwil;

(b)	Fil-każ ta’ vetturi li jieħdu żewġ fjuwils, għal ħames sekondi wara l-qalba tal-fjuwil sabiex il-parametri tal-magna jkunu jistgħu jiġu riaġġustati;

(c)

Il-manifattur jista’ jiddevja minn dawn il-limiti ta’ ħin jekk ikun jista’ juri li l-istabbilizzazzjoni tas-sistema tal-għoti tal-fjuwil wara għoti mill-ġdid tal-fjuwil jew wara bidla fil-fjuwil tieħu aktar ħin minħabba raġunijiet tekniċi ġustifikati. Fi kwalunkwe każ, is-sistema OBD għandha terġa’ tiġi attivata malli l-kwalità u l-kompożizzjoni tal-fjuwil jiġu rikonoxxuti jew il-parametri tal-magna jerġgħu jiġu aġġustati.

3.2.2.   Meta l-magna ma taqbadx sewwa f’vetturi mgħammra b’magni positive-ignition

3.2.2.1.   Il-manifatturi jistgħu jadottaw kriterji ta’ ħsarat b’perċentwali ogħla ta’ kemm il-magna ma taqbadx sewwa minn dawk iddikjarati lill-awtorità, taħt veloċità speċifika tal-magna u kundizzjonijiet speċifiċi tat-tagħbija fejn ikun jista’ jiġi ppruvat lill-awtorità li ma jkunx affidabbli li jiġu osservati livelli aktar baxxi ta’ meta l-magna ma taqbadx sewwa. F’termini ta’ monitoraġġ tal-OBD huwa dak il-perċentwali ta’ meta l-magna ma taqbadx sewwa minn total ta’ drabi ta’ tqabbid (kif dikjarat mill-manifattur) li jwassal biex l-emissjonijiet jaqbżu l-limiti tal-OBD mogħtija fis-Sezzjoni (B) tal-Anness VI tar-Regolament (UE) Nru 168/2013 jew dak il-perċentwali li jista’ jwassal biex il-katalizzatur, jew il-katalizzaturi jisħnu żżejjed u jikkawżaw ħsara irreparabbli.

3.2.2.1.   Meta manifattur ikun jista’ juri lill-awtorità li xorta jkun għadu mhux possibbli li jiġu osservati livelli ogħla ta’ perċentwali ta’ meta l-magna ma taqbadx sewwa, jew li dak in-nuqqas ta’ tqabbid ma jistax ikun distint minn effetti oħra (eż toroq imħarbtin, ingranaġġ tal-ger, wara li tiġi startjata l-magna; eċċ.) is-sistema li timmonitorja meta l-magna ma taqbadx sewwa tista’ tiġi diżattivata meta jkun hemm dawk il-kundizzjonijiet.

3.3.   Deskrizzjoni tat-testijiet

3.3.1.   Is-sistema OBD għandha tindika l-ħsara ta’ komponent jew sistema relatati mal-emissjonijiet meta dik il-ħsara twassal biex l-emissjonijiet jaqbżu l-limiti tal-emissjonijiet tal-OBD imsemmija fl-Anness VI(B) tar-Regolament (UE) Nru 168/2013.

3.3.2.   Rekwiżiti ta’ monitoraġġ għall-vetturi mgħammra b’magni positive ignition

Fl-issodisfar tar-rekwiżiti tal-Artikolu 21 tar-Regolament (UE) Nru 168/2013., is-sistema OBD għandha, bħala minimu, timmonitorja għal:

3.3.2.1.   It-tnaqqis fl-effiċjenza tal-konvertitur katalittiku fir-rigward tal-emissjonijiet tal-idrokarburi u l-ossidi tan-nitroġenu. Il-manifatturi jistgħu jimmonitorjaw il-katalizzatur ta’ quddiem biss jew inkella flimkien mal-katalizzatur(i) li jmiss ‘l isfel. Kull katalizzatur jew kombinazzjoni ta’ katalizzaturi għandhom jitqiesu li mhux qed jaħdmu tajjeb jekk l-emissjonijiet jaqbżu l-limiti tal-NMHC jew tal-NOx previsti fis-sezzjoni B tal-Anness VI tar-Regolament (UE) Nru 168/2013.

3.3.2.2.   Tqabbid irregolari tal-magna

Il-preżenza ta' tqabbid irregolari tal-magna fir-reġjun tat-tħaddim tal-magna marbuta bil-linji li ġejjin:

(a)	il-veloċità massima ddisinjata tal-magna tnaqqas minnha 500 min-1;

(b)	Il-linja tat-torque pożittiva (jiġifieri t-tagħbija tal-magna bl-ingranaġġ fil-pożizzjoni newtrali);

(ċ)	linji lineari li jgħaqqdu il-pożizzjonijiet ta' tħaddim tal-magna segwenti: il-linja tat-torque posittiva fi 3 000 min-1 u pożizzjoni fuq il-linja ta' veloċità massima ddefinita f'(a) il-fuq mal-vakum tal-manifold tal-magna fi 13,3 kPa anqas minn dik tal-linja tat-torque posittiva.

3.3.2.3.   Deterjorament tas-senser tal-ossiġnu

Din is-sezzjoni għandha tfisser li għandu jiġi mmonitorjat id-deterjorament tas-sensers kollha tal-ossiġnu mwaħħla u użati sabiex jiġu mmonitorjati l-ħsarat fil-konvertitur katalittiku skont ir-rekwiżiti ta’ dan l-anness.

3.3.2.4.   Il-kontroll elettroniku tat-tindif tal-emissjonijiet evaporattivi għandu, bħala minimu, jiġi mmonitorjat għall-kontinwità taċ-ċirkuwitu.

3.3.2.5.   Għal magni positive ignition b’injezzjoni diretta, kwalunkwe ħsara li tista’ twassal biex l-emissjonijiet jaqbżu l-limiti tal-emissjonijiet ta’ massa partikulata (PM) tal-OBD previsti fis-sezzjoni B tal-Anness VI tar-Regolament (UE) Nru 168/2013 għandha tiġi mmonitorjata skont ir-rekwiżiti ta’ dan l-Anness għall-magni compression ignition.

3.3.3.   Rekwiżiti ta’ monitoraġġ għall-vetturi mgħammra b’magni compression-ignition

Fl-issodisfar tar-rekwiżiti tal-Artikolu 21 tar-Regolament (UE) Nru 168/2013, is-sistema OBD għandha timmonitorja:

3.3.3.1.

It-tnaqqis fl-effiċjenza tal-konvertitur katalittiku, fejn ikun imwaħħal;

3.3.3.2.

Il-funzjonalità u l-integrità tal-apparat li jaqbad il-partikuli, fejn ikun iwaħħal.

3.3.3.3.

L-attivatur(i) elettroniku tal-kwantità u t-tempiżmu tal-fjuwil tas-sistema tal-injezzjoni tal-fjuwil jiġi/jiġu mmonitorjati għall-kontinwità taċ-ċirkuwitu u għall-ħsara funzjonali totali;

3.3.3.4.

Għandhom jiġu mmonitorjati l-ħsarat u t-tnaqqis fl-effiċjenza tas-sistema EGR.

3.3.3.5.

Għandhom jiġu mmonitorjati l-ħsarat u t-tnaqqis fl-effiċjenza ta’ sistema tat-trattament ta’ wara l-NOx bl-użu ta’ reaġent u s-subsistema ta’ dożaġġ tar-reaġent.

3.3.3.6.

Għandhom jiġu mmonitorjati l-ħsarat u t-tnaqqis fl-effiċjenza tat-trattament ta’ wara l-NOx li ma jużax reaġent.

3.3.4.   Jekk ikunu attivi fuq il-fjuwil magħżul, għandhom jiġu mmonitorjati komponenti jew sistemi oħra għall-kontroll tal-emissjonijiet, jew komponenti jew sistemi tal-grupp tal-propulsjoni relatati mal-emissjonijiet, li jkunu mqabbdin ma’ kompjuter, li ħsara fihom tista’ twassal biex l-emissjonijiet tal-egżost jaqbżu l-limiti tal-emissjonijiet tal-OBD mogħtija fis-sezzjoni B tal-Anness VI tar-Regolament (UE) Nru 168/2013.

3.3.5.   Sakemm ma jkunx immonitorjat mod ieħor, kwalunkwe komponent ieħor ta’ grupp tal-propulsjoni elettroniku mqabbad ma’ kompjuter, li jkun rilevanti għall-prestazzjoni ambjentali u/jew is-sikurezza funzjonali, inkluż kwalunkwe senser rilevanti li jippermetti l-monitoraġġ tal-funzjonijiet li jridu jitwettqu, għandu jiġi mmonitorjat għal ħsarat fiċ-ċirkuwitu elettriku / elettroniku. B’mod partikolari dawn il-komponenti elettroniċi għandhom jiġu mmonitorjati b’mod kontinwu għal kwalunkwe ħsara fil-kontinwità taċ-ċirkuwitu elettriku, ċirkuwiti elettriċi xxortjati, id-distanza bl-elettriku/prestazzjoni u sinjal imwaħħal tas-sistema ta’ kontroll tal-emissjonijiet.

3.3.6.   Sakemm ma jkunx immonitorjat mod ieħor, kwalunkwe komponent ieħor tal-grupp tal-propulsjoni mqabbad ma’ kompjuter rilevanti għall-prestazzjoni ambjentali u/jew is-sikurezza funzjonali, li jattiva kwalunkwe modalità ta’ ħidma pprogrammata ‘b’effiċjenza mnaqqsa’ li tnaqqas b’mod sinifikanti t-torque tal-magna, eż. biex tħares il-komponent tal-grupp tal-propulsjoni. Mingħajr preġudizzju għal-lista Ap2-1, il-kodiċi dijanjostiku rilevanti tal-ħsara għandu jiġi maħżun.

3.3.7.   Il-manifatturi jistgħu juri lill-awtorità tal-approvazzjoni li ċerti komponenti jew sistemi m’hemmx għalfejn ikunu monitorjati jekk, f’każ li jiġrilhom ħsara għal kollox jew jitneħħew, l-emissjonijiet ma jeċċedux il-limiti tal-emissjonijiet mogħtija fis-Sezzjoni (B) tal-Anness VI tar-Regolament (UE) Nru 168/2013.

3.4.   Għandha tinbeda sekwenza ta’ kontrolli dijanjostiċi f’kull startjar tal-magna u titlesta mill-anqas darba bil-kundizzjoni li jintlaħqu l-kundizzjonijiet korretti tat-test. Il-kundizzjonijiet tat-test għandhom jintgħażlu b’mod li kollha jseħħu f’sewqan normali kif rappreżentat mit-Test tat-Tip I. Jekk il-ħsara ma tkunx tista’ tinstab b’mod affidabbli fil-kundizzjonijiet ta’ test tat-Tip I, il-manifattur jista’ jipproponi kundizzjonijiet ta’ test supplimentari li jippermettu sejbien robust tal-ħsara, li għandhom ikunu maqbula mas-servizz tekniku għas-sodisfazzjon tal-awtorità tal-approvazzjoni.

3.5.   Attivazzjoni tal-indikatur tal-ħsara (MI)

3.5.1.   Is-sistema OBD għandu jkun fiha indikatur tal-ħsara li l-operatur tal-vettura jkun jista’ jarah mill-ewwel. L-MI m’għandu jintuża għall-ebda skop ieħor ħlief biex jindika lix-xufier rutini ta’ startjar ta’ emerġenza jew ta’ effiċjenza mnaqqsa. -L-MI għandu jkun jidher fil-kundizzjonijiet kollha raġonevoli tad-dawl. Meta jinxtegħel, għandu juri simbolu b’konformità ma’ ISO 2575:2010, simbolu F.01. Vettura m’għandhiex tkun mgħammra b’aktar minn MI wieħed ta’ skop ġenerali għal problemi relatati mal-emissjonijiet jew ħsarat fil-grupp tal-propulsjoni li jwasslu għal torque mnaqqas b’mod sinifikanti. Jistgħu jintużaw mekkaniżmi separati li jimmonitoraw b’mod awtomatiku b’għan speċifiku (eż. għas-sistema tal-brejkijiet, biex tissikka ċ-ċinturin tas-siġurtà, għall-pressjoni taż-żejt, eċċ.). Hu projbit li jintuża kulur aħmar għall-MI.

3.5.2.   Għal-strateġiji li jeħtieġu aktar minn ċiklu ta' prekondizzjonament għall-attivazzjoni tal-MI, il-manifattur għandu jipprovdi data u/jew evalwazzjoni ta' inġinerija li turi b'mod adegwat li s-sistema ta' monitoraġġ hija effettiv b'mod ugwali u f'dak li għandu x' jaqsam mal-ħin li ddum sabiex tiskopri d-deterjorament ta' komponent. Strateġiji li jeħtieġu bħala medja aktar minn għaxar ċikli ta’ sewqan għall-attivazzjoni tal-MI mhumiex aċċettati. Il-MI għandu jiġi attivat ukoll kull meta l-kontroll tal-grupp tal-propulsjoni jidħol f’modalità ta’ ħidma awtomatika permanenti li twassal għal tnaqqis sinifikant fit-torque jew jekk jinqabżu l-limiti tal-emissjonijiet tal-OBD fis-Sezzjoni (B) tal-Anness VI tar-Regolament (UE) Nru 168/2013 jew jekk is-sistema OBD ma tkunx kapaċi tissodisfa r-rekwiżiti bażiċi ta’ monitoraġġ stabbiliti fil-punti 3.3.2. jew 3.3.3.

3.5.3.   L-MI jrid jaħdem b’mod distintiv ta’ twissija, eż. dawl li jixgħel u jitfi, fi kwalunkwe perjodu li fih ma taqbadx il-magna f’livell li x’aktarx jikkawża ħsara fil-katalizzatur, kif speċifikat mill-manifattur.

3.5.4.   L-MI jrid jixgħel ukoll meta t-tqabbid tal-vettura jkun fil-pożizzjoni biċ-“ċavetta mixgħula” qabel ma tistartja l-magna jew tiċċaqlaq permezz tal-krank u jintefa jekk ma tkunx ġiet idditektjata xi ħsara qabel. Fil-każ ta’ vetturi li ma jkunux mgħammra b’batterija, il-MI għandu jixgħel immedjatament wara li tistartja l-magna u wara għandu jiġi diżattivat wara 5 sekondi, jekk ma tkun instabet l-ebda ħsara qabel.

3.6.   Is-sistema OBD għandha tirreġistra l-kodiċi(jiet) tal-ħsara li tindika l-istatus tas-sistema ta’ kontroll tal-emissjonijiet jew tas-sistema tas-sikurezza funzjonali li twassal għal modalità ta’ ħidma b’torque mnaqqas b’mod sinifikanti meta mqabbel mal-modalità ta’ ħidma normali. Iridu jintużaw kodiċijiet separati li juru l-istat biex jidentifikaw is-sistemi ta’ kontroll tal-emissjonijiet li jkunu qegħdin jaħdmu sewwa u dawk is-sistemi ta’ kontroll tal-emissjonijiet li jkunu jeħtieġu aktar tħaddim tal-vettura sabiex jiġu evalwati b’mod sħiħ. Jekk il-MI jixgħel minħabba modi ta’ tħaddim default tad-deterjorament jew ħsara jew emissjonijiet permanenti, irid jinħażen kodiċi tal-ħsara li jidentifika t-tip ta’ ħsara. Kodiċi tal-ħsara għandu jinħażen ukoll fil-każijiet imsemmija fil-punti 3.2.2.5. u 3.2.3.5.

3.6.1.   Id-distanza li tkopri l-vettura waqt li jinxtegħel il-MI għandha tkun disponibbli fi kwalunkwe ħin permezz ta’ port serjali fuq il-konnettur li jorbot b’mod standard. Permezz ta’ deroga għal vetturi mgħammra b’odometru li jaħdem b’mod mekkaniku li ma jippermettix input fl-unità ta’ kontroll elettronika, id-“distanza vvjaġġata” tista’ tiġi sostitwita bil-“ħin ta’ tħaddim tal-magna” u għandha tkun disponibbli fi kwalunkwe ħin permezz tal-port serjali fuq il-konnettur dijanjostiku standardizzat.

3.6.2.   Fil-każ ta’ vetturi mgħammra b’magni positive-ignition, iċ-ċilindri li ma jaqbdux m’hemmx għalfejn jiġu identifikati b’mod uniku jekk jinħażen kodiċi tal-ħsara waħdieni jew multiplu distint dwar meta ma jaqbadx iċ-ċilindru.

3.6.3.   Il-MI jista’ jiġi attivat f’livelli ta’ emissjonijiet aktar baxxi mil-limiti ta’ emissjoni tal-OBD stipulati fis-sezzjoni B tal-Anness VI tar-Regolament (UE) Nru 168/2013.

3.6.3.   Il-MI jista’ jiġi attivat jekk tkun attiva modalità awtomatika mingħajr tnaqqis sinifikanti fit-torque tal-propulsjoni.

3.7.   Tifi tal-MI

3.7.1.   Jekk ma jkunx għad hemm tqabbid irregolari f’livelli li x’aktarx jagħmlu ħsara lill-katalizzatur (kif speċifikat mill-manifattur), jew jekk il-magna titħaddem wara bidliet fil-kundizzjonijiet tal-veloċità u tat-tagħbija fejn il-livell ta’ nuqqas ta’ tqabbid ma jikkawżax ħsara lill-katalizzatur, l-MI jista’ jiġi swiċċjat lura lejn kif kien attivat waqt l-ewwel ċiklu tas-sewqan li fih ġie ditektjat il-livell ta’ nuqqas ta’ tqabbid u jista’ jiġi swiċċjat fil-pożizzjoni normali attivata f’ċikli tas-sewqan sussegwenti. Jekk l-MI jiġi swiċċjat lura fl-istat tal-attivazzjoni preċedenti, il-kodiċijiet tal-ħsara korrispondenti u l-kundizzjonijiet tat-twaqqif tar-reġistrazzjoni maħżuna jistgħu jitħassru.

3.7.2.   Għall-ħsarat l-oħra kollha, l-MI jista’ jiġi diżattivat wara tliet ċikli ta’ sewqan f’sekwenza sussegwenti li matulhom is-sistema ta’ monitoraġġ responsabbli biex tixgħel l-MI ma tibqax tidditektja l-ħsara u jekk ma tkunx ġiet identifikata xi ħsara oħra li kieku tattiva indipendentement l-MI.

3.8.   Tħassir ta’ kodiċi tal-ħsara

3.8.1.   Is-sistema OBD tista’ tħassar kodiċi tal-ħsara u d-distanza koperta u l-informazzjoni tat-twaqqif tar-reġistrazzjoni jekk l-istess ħsara ma tiġix irreġistrata mill-ġdid f’mill-anqas 40 ċiklu ta’ tisħin tal-magna.

3.8.2.   Il-ħsarat maħżuna ma għandhomx jitħassru bl-iskonnettjar tal-kompjuter abbord mill-provvista tal-elettriku tal-vettura jew bl-iskonnettjar jew ħsara fil-batterija jew batteriji tal-vettura.

3.9.   Vetturi tal-gass li jieħdu żewġ fjuwils

B’mod ġenerali, ir-rekwiżiti kollha tal-OBD li japplikaw għal vettura li tieħu fjuwil wieħed japplikaw għall-vetturi li jieħdu żewġ fjuwils gassużi għal kull wieħed mit-tipi ta’ fjuwil (petrol u (NG/bijometanu)/LPG)). Għaldaqstant, wieħed miż-żewġ għażliet li ġejjin fil-punti 3.8.1. jew 3.8.2. jew kwalunkwe kombinazzjoni tagħha se tiġi użata.

3.9.1.   Sistema OBD waħda għaż-żewġ tipi ta’ fjuwil.

3.9.1.1.   Il-proċeduri li ġejjin għandhom jitwettqu għal kull dijanjosi f’sistema OBD waħda għal tħaddim fuq il-petrol u fuq l-(NG/bijometanu)/LPG, jew b’mod indipendenti mill-fjuwil li jkun qiegħed jintuża dak il-ħin jew b’mod speċifiku għat-tip ta’ fjuwil:

(a)	Attivazzjoni tal-indikatur tal-ħsara (MI) (ara l-punt 3.5.);

(b)	Ħażna tal-kodiċijiet tal-ħsara (ara l-punt 3.6.);

(c)	Tifi tal-MI (ara l-punt 3.7.);

(d)	Tħassir ta’ kodiċi tal-ħsara (ara l-punt 3.8.).

Sabiex jiġu mmonitorjati komponenti jew sistemi, tista’ tintuża jew dijanjosi separata għal kull tip ta’ fjuwil jew dijanjosi komuni.

3.9.1.2.   Is-sistema OBD tista’ tinżamm f’kompjuter wieħed jew f’għadd ta’ kompjuters.

3.9.2.   Żewġ sistemi OBD separati, waħda għal kull tip ta’ fjuwil.

3.9.2.1.   Il-proċeduri li ġejjin għandhom jitwettqu indipendentement minn xulxin meta l-vettura titħaddem bil-petrol jew bl-(NG/bijometanu)/LPG:

(a)	Attivazzjoni tal-indikatur tal-ħsara (MI) (ara l-punt 3.5.);

(b)	Ħażna tal-kodiċi tal-ħsara (ara l-punt 3.6.);

(c)	Tifi tal-MI (ara l-punt 3.7.);

(d)	Tħassir ta’ kodiċi tal-ħsara (ara l-punt 3.8.).

3.9.2.2.   Is-sistemi OBD separati jistgħu jinżammu f’kompjuter wieħed jew f’għadd ta’ kompjuters.

3.9.3.   Rekwiżiti speċifiċi fir-rigward tat-trażmissjoni ta’ sinjali dijanjostiċi minn vetturi tal-gass li jieħdu żewġ fjuwils.

3.9.3.1.   Fuq talba minn strument ta’ skannjar dijanjostiku, is-sinjali dijanjostiċi għandhom jintbagħtu f’wieħed jew aktar indirizzi tas-sors. L-użu tal-indirizzi tas-sors huwa stabbilit fl-ISO 15031-5:2011.

3.9.3.2.   L-identifikazzjoni ta’ informazzjoni speċifika għat-tip ta’ fjuwil tista’ titwettaq:

(a)	Bl-użu ta’ indirizzi tas-sors; u/jew

(b)	Bl-użu ta’ swiċċ għall-għażla tal-fjuwil; u/jew

(c)	Bl-użu ta’ kodiċijiet tal-ħsara speċifiċi għat-tip ta’ fjuwil.

3.9.4.   Rigward il-kodiċi tal-istat (deskritt fil-punt 3.6.), għandha tintuża waħda miż-żewġ alternattivi li ġejjin jekk waħda jew aktar mis-sistemi dijanjostiċi li tirrapporta l-prontezza tkun speċifika għat-tip ta’ fjuwil:

(a)	Il-kodiċi tal-istat ikun speċifiku għall-fjuwil, jiġifieri l-użu ta’ żewġ kodiċijiet tal-istat, wieħed għal kull tip ta’ fjuwil;

(b)	Il-kodiċi tal-istat għandu jindika sistemi ta’ kontroll evalwati b’mod sħiħ għaż-żewġ tipi ta’ fjuwil (petrol u (NG/bijometanu)/LPG) meta s-sistemi ta’ kontroll ikunu evalwati b’mod sħiħ għal wieħed mit-tipi ta’ fjuwil.

Jekk l-ebda waħda mil-lestezza tar-rappurtar dijanjostiku ma tkun speċifika għat-tip ta’ fjuwil, f’dak il-każ irid jiġi sostnut biss kodiċi wieħed tal-istat.

4.   Rekwiżiti li jirrigwardaw l-approvazzjoni tat-tip ta' sistemi djanjostiċi abbord

4.1.   Manifattur jista’ jitlob lill-awtorità li tiġi aċċettata sistema tal-OBD għall-approvazzjoni tat-tip anke jekk is-sistema jkollha nuqqas jew iżjed minn nuqqas wieħed tant li l-kundizzjonijiet speċifiċi ta’ dan l-Anness ma jkunux sodisfatti kompletament.

4.2.   Meta tkun qiegħda tikkunsidra t-talba, l-awtorità għandha tistabbilixxi jekk il-konformità mar-rekwiżiti ta’ dan l-Anness tkunx impossibbli jew mhux raġonevoli.

L-awtorità għandha tqis dejta mill-manifattur li tiddeskrivi dawk il-fatturi bħal, iżda mhux huma biss, possibilità teknika, il-ħin mill-bidu sa l-aħħar tal-proċess tal-produzzjoni u ċ-ċikli tal-produzzjoni inkluż l-introduzzjoni jew it-tneħħija ta’ magni jew disinji ta’ vetturi upgrejds ipprogrammati tal-kompjuters, safejn is-sistema OBD li tirriżulta tibqa’ effikaċji biex tikkonforma mar-rekwiżiti ta’ dan ir-Regolament u li l-manifattur wera livell aċċettabbli ta’ sforz lejn konformità ma’ dawk ir-rekwiżiti.

4.2.1.

L-awtorità mhi se taċċetta l-ebda talba ta’ defiċjenza li tinkludi n-nuqqas sħiħ ta’ moniter dijanjostiku meħtieġ.

4.2.2.

L-awtorità ma għandha taċċetta l-ebda talba ta’ defiċjenza li ma tirrispettax il-limitu tal-OBD fis-Sezzjoni (B) tal-Anness VI tar-Regolament (UE) Nru 168/2013.

4.3.   Fl-ordni identifikata tad-defiċjenzi, dawk relatati mal-punti 3.3.3.1., 3.3.3.2. u 3.3.3.3. għal magni positive-ignition u l-punti 3.3.4.1., 3.3.4.2. u 3.3.4.3. għal magni compression-ignition għandhom jiġu identifikati l-ewwel.

4.4.   Qabel, jew fl-istess ħin tal-approvazzjoni tat-tip, ma għandha tingħata l-ebda defiċjenza fir-rigward tar-rekwiżiti tal-punt 3.5., għajr il-punt 3.5.3.4. tal-Appendiċi 1.

4.5.   Perjodu ta’ defiċjenza

4.5.1.

Defiċjenza tista’ tinżamm għal perijodu ta' sentejn wara d-data tal-approvazzjoni tat-tip ta' vettura kemm-il darba jista jiġi ppruvat b'mod xieraq li tibdil sostanzjali fil-hardware tal-vettura u ħin addizzjonali ta' preparazzjoni lil hinn minn sentejn jkunu jinħtieġu biex issewwiha. F'każ bħal dan, tkun tista tinżamm għal perijodu ta' mhux aktar minn tliet snin.

4.5.2.

Manifattur jista’ jitlob lill-awtorità tal-approvazzjoni biex tagħti defiċjenza b’mod retrospettiv meta din tinstab wara l-approvazzjoni tat-tip oriġinali. F’dan il-każ, id-defiċjenza tista’ tiġi mġebbda fuq perjodu ta’ sentejn wara d-data tan-notifikazzjoni lid-dipartiment amministrattiv sakemm ma jkunx pruvat sew li modifikazzjonijiet sostanzjali tal-ħardwer tal-vettura u żmien addizzjonali bejn il-bidu u t-tmiem tal-proċess tal-produzzjoni wara sentejn ikunu meħtieġa biex jikkoreġu d-defiċjenza. F'każ bħal dan, tkun tista’ tinżamm għal perijodu ta' mhux aktar minn tliet snin.

4.6.   L-awtorità għandha tinnotifika lill-Istati Membri l-oħra bid-deċiżjoni tagħha dwar l-għoti ta’ talba ta’ defiċjenza.