This document is an excerpt from the EUR-Lex website
Document 32014D0466(01)
2014/466/CFSP: Political and Security Committee Decision EUFOR RCA/4/2014 of 10 July 2014 on the acceptance of a third State's contribution to the European Union military operation in the Central African Republic (EUFOR RCA)
2014/466/PESK: Deċiżjoni tal-Kumitat Politiku u ta' Sigurtà EUFOR RCA/4/2014 tal- 10 ta' Lulju 2014 dwar l-aċċettazzjoni tal-kontribuzzjonijiet tal-Istati terzi għall-operazzjoni militari tal-Unjoni Ewropea fir-Repubblika Ċentru-Afrikana (EUFOR RCA)
2014/466/PESK: Deċiżjoni tal-Kumitat Politiku u ta' Sigurtà EUFOR RCA/4/2014 tal- 10 ta' Lulju 2014 dwar l-aċċettazzjoni tal-kontribuzzjonijiet tal-Istati terzi għall-operazzjoni militari tal-Unjoni Ewropea fir-Repubblika Ċentru-Afrikana (EUFOR RCA)
ĠU L 212, 18.7.2014, p. 11–11
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
18.7.2014 |
MT |
Il-Ġurnal Uffiċjali tal-Unjoni Ewropea |
L 212/11 |
DEĊIŻJONI TAL-KUMITAT POLITIKU U TA' SIGURTÀ EUFOR RCA/4/2014
tal-10 ta' Lulju 2014
dwar l-aċċettazzjoni tal-kontribuzzjonijiet tal-Istati terzi għall-operazzjoni militari tal-Unjoni Ewropea fir-Repubblika Ċentru-Afrikana (EUFOR RCA)
(2014/466/PESK)
IL-KUMITAT POLITIKU U TA' SIGURTÀ,
Wara li kkunsidra t-Trattat dwar l-Unjoni Ewropea, u b'mod partikolari t-tielet subparagrafu tal-Artikolu 38 tiegħu,
Wara li kkunsidra d-Deċiżjoni tal-Kunsill 2014/73/PESK tal-10 ta' Frar 2014 dwar operazzjoni militari tal-Unjoni Ewropea fir-Repubblika Ċentru-Afrikana (EUFOR RCA) (1), u b'mod partikolari l-Artikolu 8(2) tagħha,
Billi:
|
(1) |
Skont l-Artikolu 8(2) tad-Deċiżjoni 2014/73/PESK, il-Kunsill awtorizza lill-Kumitat Politiku u ta' Sigurtà (KPS) biex jieħu d-deċiżjonijiet rilevanti dwar l-aċċettazzjoni ta' kontribuzzjonijiet proposti minn Stati terzi. |
|
(2) |
Wara r-rakkomandazzjoni dwar kontribuzzjoni mit-Turkija mill-Kmandant tal-Operazzjoni tal-UE tal-EUFOR RCA u l-parir mill-Kumitat Militari tal-Unjoni Ewropea, il-kontribuzzjoni mit-Turkija għall-operazzjoni militari tal-Unjoni Ewropea fir-Repubblika Ċentru-Afrikana (EUFOR RCA) għandha tiġi aċċettata. |
|
(3) |
F'konformità mal-Artikolu 5 tal-Protokoll Nru 22 dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka ma tipparteċipax fl-elaborazzjoni u fl-implementazzjoni ta' deċiżjonijiet u azzjonijiet tal-Unjoni li jkollhom implikazzjonijiet ta' difiża. |
ADOTTA DIN ID-DEĊIŻJONI:
Artikolu 1
1. Il-kontribuzzjoni mit-Turkija għall-EUFOR RCA hija aċċettata u kkunsidrata bħala sinifikanti.
2. It-Turkija hija eżentata minn kontribuzzjonijiet finanzjarji għall-baġit tal-EUFOR RCA.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, l-10 ta' Lulju 2014.
Għall-Kumitat Politiku u ta' Sigurtà
Il-President
W. STEVENS
(1) ĠU L 40, 11.2.2014, p. 59.