Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32013R1113

    Regolament ta’ Implimentazzjoni tal-Kummissjoni (UE) Nru 1113/2013 tas- 7 ta’ Novembru 2013 li jikkonċerna l-awtorizzazzjoni tal-preparazzjonijiet tal- Lactobacillus plantarum NCIMB 40027, il- Lactobacillus buchneri DSM 22501, il- Lactobacillus buchneri NCIMB 40788/CNCM I-4323, il- Lactobacillus buchneri LN 40177/ATCC PTA-6138, u l- Lactobacillus buchneri LN 4637/ATCC PTA-2494 bħala addittivi tal-għalf għall-ispeċi tal-annimali kollha Test b’relevanza għaż-ŻEE

    ĠU L 298, 8.11.2013, p. 29–33 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force: This act has been changed. Current consolidated version: 22/07/2024

    ELI: http://data.europa.eu/eli/reg_impl/2013/1113/oj

    8.11.2013   

    MT

    Il-Ġurnal Uffiċjali tal-Unjoni Ewropea

    L 298/29

    REGOLAMENT TA’ IMPLIMENTAZZJONI TAL-KUMMISSJONI (UE) Nru 1113/2013

    tas-7 ta’ Novembru 2013

    li jikkonċerna l-awtorizzazzjoni tal-preparazzjonijiet tal-Lactobacillus plantarum NCIMB 40027, il-Lactobacillus buchneri DSM 22501, il-Lactobacillus buchneri NCIMB 40788/CNCM I-4323, il-Lactobacillus buchneri LN 40177/ATCC PTA-6138, u l-Lactobacillus buchneri LN 4637/ATCC PTA-2494 bħala addittivi tal-għalf għall-ispeċi tal-annimali kollha

    (Test b’relevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 dwar l-addittivi għall-użu fl-għalf tal-annimali (1), u b’mod partikolari l-Artikolu 9(2) tiegħu,

    Billi:

    (1)

    Ir-Regolament (KE) Nru 1831/2003 jistipula l-awtorizzazzjoni tal-addittivi għall-użu fin-nutrizzjoni tal-annimali u għar-raġunijiet u l-proċeduri għall-għoti ta’ tali awtorizzazzjoni. L-Artikolu 10(7) tar-Regolament (KE) Nru 1831/2003, moqri b’rabta mal-paragrafi minn (1) sa (4) tal-Artikolu 10 tiegħu, jistipula dispożizzjonijiet speċifiċi għall-evalwazzjoni tal-prodotti użati fl-Unjoni bħala addittivi tal-għalf fiż-żmien li daħal fis-seħħ ir-Regolament.

    (2)

    Skont l-Artikolu 10(1)(b) tar-Regolament (KE) Nru 1831/2003, il-preparazzjonijiet tal-Lactobacillus plantarum NCIMB 40027, il-Lactobacillus buchneri DSM 22501, il-Lactobacillus buchneri NCIMB 40788/CNCM I-4323, il-Lactobacillus buchneri LN 40177/ATCC PTA-6138, u l-Lactobacillus buchneri LN 4637/ATCC PTA-2494 kienu ddaħħlu fir-Reġistru tal-Addittivi fl-Għalf bħala prodotti eżistenti li jappartjenu għall-grupp funzjonali tal-addittivi tas-silaġġ, għall-ispeċijiet kollha tal-annimali.

    (3)

    Skont l-Artikolu 10(2) tar-Regolament (KE) Nru 1831/2003 b’rabta mal-Artikolu 7 ta’ dak ir-Regolament, tressqu applikazzjonijiet biex dawk il-preparazzjonijiet jiġu awtorizzati bħala addittivi tal-għalf għall-ispeċi tal-annimali kollha, u ntalab li dawn l-addittivi jiġu kklassifikati fil-kategorija “addittivi teknoloġiċi” u fil-grupp funzjonali “addittivi tal-furrajna [silaġġ]”. Dawk l-applikazzjonijiet kienu akkumpanjati bid-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

    (4)

    Fl-opinjonijiet tagħha tal-12 ta’ Marzu 2013 (2) u s-16 ta’ April 2013 (3), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, skont il-kundizzjonijiet proposti tal-użu, il-preparazzjonijiet ikkonċernati ma għandhom ebda effett negattiv fuq saħħet l-annimali, fuq saħħet il-bniedem jew fuq l-ambjent. L-Awtorità kkonkludiet li l-preparazzjoni tal-Lactobacillus plantarum NCIMB 40027 għandha l-potenzjal li ttejjeb il-produzzjoni tas-silaġġ billi żżid l-kontenut tal-aċidu lattiku u l-preżervazzjoni tal-materja niexfa billi tnaqqas il-pH u tnaqqas ukoll it-taħsir tal-proteina, fil-każ ta’ tip ta’ foraġġ li jinħadem f’silaġġ b’mod faċli jew b’daqsxejn diffikultà bl-użu ta’ 1 × 108 CFU/Kg ta’ materjal frisk (tal-Lactobacillus) u fil-każ ta’ foraġġ għall-ispeċi kollha li jkun diffiċli biex jinħadem f’silaġġ bl-użu ta’ 1 × 109 CFU/Kg ta’ materjal frisk. Ikkonkludiet ukoll li l-preparazzjoni tal-Lactobacillus buchneri DSM 22501 għandha l-potenzjal li ttejjeb il-produzzjoni tas-silaġġ billi jitnaqqas il-pH u n-nitroġenu tal-ammonja u bil-preservazzjoni tal-materja niexfa, minn foraġġ li jinħadem f’silaġġ b’mod faċli, b’daqsxejn diffikultà u b’mod diffiċli; il-preparazzjoni tal-Lactobacillus buchneri NCIMB 40788/CNCM I-4323 għandha l-potenzjal li ttejjeb l-istabbilità erobika ta’ foraġġ li huwa faċli, daqsxejn diffiċli u diffiċli biex jinħadem f’silaġġ u l-preparazzjonijiet tal-Lactobacillus buchneri LN 40177/ATCC PTA-6138, u tal-Lactobacillus buchneri LN 4637/ATCC PTA-2494 għandhom il-potenzjal li jtejbu l-istabbilità erobika ta’ foraġġ faċli biex jinħadem f’silaġġ għall-ispeċijiet kollha tal-annimali. L-Awtorità tqis li ma hemmx bżonn ta’ rekwiżiti speċifiċi għal monitoraġġ wara l-kummerċjalizzazzjoni. Hija vverifikat ukoll ir-rapport dwar il-metodi ta’ analiżi tal-addittivi tal-għalf imressaq mil-Laboratorju ta’ Referenza stabbilit bir-Regolament (KE) Nru 1831/2003.

    (5)

    Il-valutazzjoni tal-preparazzjonijiet ikkonċernati turi li l-kundizzjonijiet għall-awtorizzazzjoni, kif previsti fl-Artikolu 5 tar-Regolament (KE) Nru 1831/2003, huma ssodisfati. Konsegwentement, l-użu ta’ dawn il-preparazzjonijiet għandu jiġi awtorizzat kif speċifikat fl-Anness ta’ dan ir-Regolament.

    (6)

    Peress li r-raġunijiet ta’ sikurezza ma jitolbux l-applikazzjoni immedjata tal-modifiki fil-kundizzjonijiet tal-awtorizzazzjoni, huwa xieraq li l-partijiet interessati jingħataw perjodu tranżitorju biex jippreparaw lilhom infushom biex jilħqu r-rekwiżiti l-ġodda li jirriżultaw mill-awtorizzazzjoni.

    (7)

    Il-miżuri stipulati f’dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

    ADOTTAT DAN IR-REGOLAMENT:

    Artikolu 1

    Awtorizzazzjoni

    Il-preparazzjonijiet speċifikati fl-Anness, li jifformaw parti mill-kategorija ta’ addittivi “addittivi teknoloġiċi” u mill-grupp funzjonali “addittivi tal-għalf”, huma awtorizzati bħala addittivi fl-għalf tal-annimali, soġġetti għall-kundizzjonijiet stipulati f’dak l-Anness.

    Artikolu 2

    Miżuri tranżizzjonali

    Il-preparazzjonijiet speċifikati fl-Anness u l-għalf li fih dawn il-preparazzjonijiet, li huma manifatturati u ttikkettjati qabel it-28 ta’ Mejju 2014 skont ir-regoli applikabbli qabel it-28 ta’ Novembru 2013 jistgħu jibqgħu jitqiegħdu fis-suq u jintużaw sakemm il-ħażniet eżistenti jispiċċaw.

    Artikolu 3

    Dħul fis-seħħ

    Dan ir-Regolament għandu jidħol fis-seħħ fl-20 jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, is-7 ta’ Novembru 2013.

    Għall-Kummissjoni

    Il-President

    José Manuel BARROSO

    (1)  ĠU L 268, 18.10.2003, p. 29.

    (2)  The EFSA Journal 2013; 11(4):3168.

    (3)  The EFSA Journal 2013; 11(5):3205.

    ANNESS

    In-numru tal-identifikazzjoni tal-addittiv

    Isem id-detentur tal-awtorizzazzjoni

    Addittiv

    Kompożizzjoni, formola kimika, deskrizzjoni, metodu analitiku.

    Speċi jew kategorija tal-annimal

    Età massima

    Kontenut minimu

    Kontenut massimu

    Dispożizzjonijiet oħra

    Tmiem il-perjodu tal-awtorizzazzjoni

    CFU/kg ta’ materjal frisk

    Kategorija ta’ addittivi teknoloġiċi. Grupp funzjonali: additivi tas-silaġġ

    1k20743

    —

    Lactobacillus plantarum NCIMB 40027

     

    Kompożizzjoni tal-addittiv

    Preparazzjoni tal-Lactobacillus plantarum NCIMB 40027 li fiha minimu ta’ 1 × 1011 CFU/g ta’ addittiv.

     

    Karatterizzazzjoni tas-sustanza attiva

    Ċelloli vijabbli tal-Lactobacillus plantarum NCIMB 40027.

     

    Metodu analitiku  (1)

    Enumerazzjoni fl-addittiv tal-għalf: il-metodu tat-tifrix (EN 15787).

    Identifikazzjoni: Elettroforeżi bil-Ġell f’Kamp Pulsat (PFGE).

    L-ispeċijiet kollha tal-annimali

    —

    —

    —

    1.

    Fl-istruzzjonijiet għall-użu tal-addittiv u t-taħlita lesta minn qabel, indika l-kundizzjonijiet tal-ħażna.

    2.

    Il-kontenut minimu tal-addittiv meta jintuża mingħajr ma jitħallat ma’ mikro-organiżmi oħrajn bħala addittivi tas-silaġġ:

    —

    1 × 108 CFU/kg ta’ materjal frisk f’materjal faċli għal materjal dqasxejn diffiċli biex jinħadem f’silaġġ (2).

    —

    1 × 109 CFU/kg ta’ materjal frisk f’materjal diffiċli biex jinħadem f’silaġġ (3).

    3.

    Għas-sigurtà: huwa rrakkomandat li tintuża protezzjoni għall-imnifsejn u par ingwanti waqt l-immaniġġjar.

    It-28 ta’ Novembru 2023

    1k20738

     

    Lactobacillus buchneri DSM 22501

     

    Kompożizzjoni tal-addittiv

    Preparazzjoni tal-Lactobacillus buchneri DSM 22501 li fiha minimu ta’ 5 × 1010 CFU/g ta’ addittiv

     

    Karatterizzazzjoni tas-sustanza attiva

    Ċelloli vijabbli tal-Lactobacillus buchneri DSM 22501

     

    Metodu analitiku  (1)

    Enumerazzjoni fl-addittiv tal-għalf: il-metodu tat-tifrix (EN 15787)

    Identifikazzjoni Elettroforeżi bil-Ġell f’Kamp Pulsat (PFGE).

    L-ispeċijiet kollha tal-annimali

     

     

     

    1.

    Fl-istruzzjonijiet għall-użu tal-addittiv u t-taħlita lesta minn qabel, indika t-temperatura li fiha għandu jinħażen, u kemm jista’ jdum maħżun.

    2.

    Il-kontenut minimu tal-addittiv meta ma jintużax ma’ taħlita ta’ mikroorganiżmi oħrajn bħala addittivi tas-silaġġ: 1 × 108 CFU/kg ta’ materjal frisk.

    3.

    Għas-sigurtà: huwa rrakkomandat li tintuża protezzjoni għall-imnifsejn u par ingwanti waqt l-immaniġġjar.

     

    1k20739

    —

    Lactobacillus buchneri

    NCIMB 40788/CNCM I -4323

     

    Kompożizzjoni tal-addittiv

    Preparazzjoni tal-Lactobacillus buchneri NCIMB 40788/CNCM I-4323 li fiha minimu ta’ 3 × 109 CFU/g ta’ addittiv

     

    Karatterizzazzjoni tas-sustanza attiva

    Ċelloli vijabbli tal-Lactobacillus buchneri NCIMB 40788/CNCM I-4323

     

    Metodu analitiku  (1)

    Enumerazzjoni fl-addittiv tal-għalf: il-metodu tat-tifrix (EN 15787)

    Identifikazzjoni Elettroforeżi bil-Ġell f’Kamp Pulsat (PFGE)

    L-ispeċijiet kollha tal-annimali

    —

    —

    —

    1.

    Fl-istruzzjonijiet għall-użu tal-addittiv u t-taħlita lesta minn qabel, indika t-temperatura li fiha għandu jinħażen, u kemm jista’ jdum maħżun.

    2.

    Il-kontenut minimu tal-addittiv meta jintuża mingħajr ma jitħallat ma’ mikroorganiżmi oħrajn bħala addittivi tas-silaġġ: 1 × 108 CFU/kg ta’ materjal frisk.

    3.

    Għal finijiet ta’ sigurtà: huwa rrakkomandat li tintuża protezzjoni għall-imnifsejn u par ingwanti waqt l-immaniġġjar.

    It-28 ta’ Novembru 2023

    1k20740

    —

    Lactobacillus buchneri

    LN 40177/ATCC PTA-6138

     

    Kompożizzjoni tal-addittiv

    Preparazzjoni tal-Lactobacillus buchneri LN 40177/ATCC PTA-6138 li jkollha minimu ta’1 × 1010 CFU/g ta’ addittiv

     

    Karatterizzazzjoni tas-sustanza attiva

    Ċelloli vijabbli tal-Lactobacillus buchneri LN 40177/ATCC PTA-6138.

     

    Metodu analitiku  (1)

    Enumerazzjoni fl-addittiv tal-għalf: il-metodu tat-tifrix (EN 15787).

    Identifikazzjoni: Elettroforeżi bil-Ġell f’Kamp Pulsat (PFGE).

    L-ispeċijiet kollha tal-annimali

    —

    —

    —

    1.

    Fl-istruzzjonijiet għall-użu tal-addittiv u t-taħlita lesta minn qabel, indika t-temperatura li fiha għandu jinħażen, u kemm jista’ jdum maħżun.

    2.

    Il-kontenut minimu tal-addittiv meta jintuża mingħajr ma jitħallat ma’ mikroorganiżmi oħrajn bħala addittivi tas-silaġġ: 1 × 108 CFU/kg ta’ materjal frisk.

    3.

    L-addittiv għandu jintuża f’materjal faċli biex jinħadem f’silaġġ (4).

    4.

    Għal finijiet ta’ sigurtà: huwa rrakkomandat li tintuża protezzjoni għall-imnifsejn u par ingwanti waqt l-immaniġġjar.

    It-28 ta’ Novembru 2023

    1k20741

    —

    Lactobacillus buchneri

    LN 4637/ATCC PTA-2494

     

    Kompożizzjoni tal-addittiv

    Preparazzjoni tal-Lactobacillus buchneri LN 4637/ATCC PTA-2494 li jkollha minimu ta’ 1 × 1010 CFU/g ta’ addittiv.

     

    Karatterizzazzjoni tas-sustanza attiva

    Ċelloli vijabbli tal-Lactobacillus buchneri LN 4637/ATCC PTA-2494.

     

    Metodu analitiku  (1)

    Enumerazzjoni fl-addittiv tal-għalf: il-metodu tat-tifrix (EN 15787).

    Identifikazzjoni: Elettroforeżi bil-Ġell f’Kamp Pulsat (PFGE).

    L-ispeċijiet kollha tal-annimali

    —

    —

    —

    1.

    Fl-istruzzjonijiet għall-użu tal-addittiv u t-taħlita lesta minn qabel, indika t-temperatura li fiha għandu jinħażen, u kemm jista’ jdum maħżun.

    2.

    Il-kontenut minimu tal-addittiv meta jintuża mingħajr ma jitħallat ma’ mikro-organiżmi oħrajn bħala addittivi tas-silaġġ: 1 × 108 CFU/kg ta’ materjal frisk.

    3.

    L-addittiv għandu jintuża f’materjal faċli biex jinħadem f’silaġġ (4).

    4.

    Għal finijiet ta’ sigurtà: huwa rrakkomandat li tintuża protezzjoni għall-imnifsejn u par ingwanti waqt l-immaniġġjar.

    It-28 ta’ Novembru 2023

    (1)  Id-dettalji dwar il-metodi analitiċi huma disponibbli fl-indirizz tal-Laboratorju ta’ Referenza li ġej: http://irmm.jrc.ec.europa.eu/EURLs/EURL_feed_additives/Pages/index.aspx

    (2)  Foraġġ li faċli jinħadem f’silaġġ: > 3 % karboidrati li jinħallu fil-materja friska. Foraġġ li huwa daqsxejn diffiċli biex jinħadem f’silaġġ: 1,5 % — 3,0 % karboidrati li jinħallu fil-materjal frisk. Ir-Regolament (KE) Nru 429/2008 (ĠU L 133, 22.5.2008, p. 1).

    (3)  Foraġġ li huwa diffiċli biex jinħadem f’silaġġ: > 1,5 % karboidrati li jinħallu fil-materja friska. Ir-Regolament (KE) Nru 429/2008 (ĠU L 133, 22.5.2008, p. 1).

    (4)  Foraġġ li faċli jinħadem f’silaġġ: > 3 % karboidrati li jinħallu fil-materja friska. Ir-Regolament (KE) Nru 429/2008 (ĠU L 133, 22.5.2008, p. 1).

    Top