This document is an excerpt from the EUR-Lex website
Document 32013D0811
2013/811/EU: Council Decision of 17 December 2013 determining for the General Secretariat of the Council the appointing authority and the authority empowered to conclude contracts of employment and repealing Decision 2011/444/EU
2013/811/UE: Deċiżjoni tal-Kunsill tas- 17 ta’ Diċembru 2013 li tiddetermina għas-Segretarjat Ġenerali tal-Kunsill l-awtorità bis-setgħa ta' ħatra u l-awtorità bis-setgħa ta' konklużjoni tal-kuntratti ta' reklutaġġ u li tħassar id-Deċiżjoni 2011/444/UE
2013/811/UE: Deċiżjoni tal-Kunsill tas- 17 ta’ Diċembru 2013 li tiddetermina għas-Segretarjat Ġenerali tal-Kunsill l-awtorità bis-setgħa ta' ħatra u l-awtorità bis-setgħa ta' konklużjoni tal-kuntratti ta' reklutaġġ u li tħassar id-Deċiżjoni 2011/444/UE
ĠU L 355, 31.12.2013, p. 91–91
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 28/02/2017; Imħassar b' 32017D0262
|
31.12.2013 |
MT |
Il-Ġurnal Uffiċjali tal-Unjoni Ewropea |
L 355/91 |
DEĊIŻJONI TAL-KUNSILL
tas-17 ta’ Diċembru 2013
li tiddetermina għas-Segretarjat Ġenerali tal-Kunsill l-awtorità bis-setgħa ta' ħatra u l-awtorità bis-setgħa ta' konklużjoni tal-kuntratti ta' reklutaġġ u li tħassar id-Deċiżjoni 2011/444/UE
(2013/811/UE)
IL-KUNSILL TAL-UNJONI EWROPEA,
Wara li kkunsidra r-Regolamenti tal-Persunal tal-Uffiċjali tal-Unjoni Ewropea u l-Kondizzjonijiet ta' Impjieg ta' Uffiċjali Oħra tal-Unjoni Ewropea, kif stabbilit permezz tar-Regolament tal-Kunsill (KEE, Euratom, KEFA) Nru 259/68 (1), u b'mod partikolari l-Artikolu 2 ta' dawk ir-Regolamenti tal-Persunal u l-Artikolu 6 ta' dawk il-Kondizzjonijiet ta' Impjieg,
Billi:
|
(1) |
Skont l-ewwel subparagrafu tal-Artikolu 240 (2) tat-Trattat dwar il-Funzjonament tal-Unjoni Ewropea, is-Segretarjat Ġenerali tal-Kunsill jaqa' taħt ir-responsabbilità ta' Segretarju Ġenerali. |
|
(2) |
Fid-dawl tar-Regolament (UE) Nru 1023/2013 tal-Parlament Ewropew u tal-Kunsill (2) li introduċa grupp ta' funzjoni ġdid AST/SC, għandha tiġi adottata deċiżjoni ġdida li tiddetermina għas-Segretarjat Ġenerali tal-Kunsill l-awtorità bis-setgħa ta' ħatra u l-awtorità bis-setgħa ta' konklużjoni tal-kuntratti ta' reklutaġġ, u d-Deċiżjoni 2006/491/KE, Euratom (3) għandha tiġi mħassra, |
ADOTTA DIN ID-DEĊIŻJONI:
Artikolu 1
Is-setgħat mogħtija mir-Regolamenti tal-Persunal tal-Uffiċjali tal-Unjoni Ewropea (“ir-Regolamenti tal-Persunal”) lill-Awtorità bis-Setgħa ta' Ħatra, u mill-Kondizzjonijiet ta’ Impjieg ta' Aġenti Oħra tal-Unjoni Ewropea (“il-Kondizzjonijiet ta’ Impjieg”) u lill-Awtorità kompetenti biex tikkonkludi kuntratti ta' impjieg, għandhom, fir-rigward tas-Segretarjat Ġenerali tal-Kunsill, jiġu eżerċitati:
|
a) |
mill-Kunsill għas-Segretarju Ġenerali; |
|
b) |
mill-Kunsill, fuq proposta tas-Segretarju Ġenerali, għall-applikazzjoni lid-Diretturi Ġenerali tal-Artikoli 1a, 30, 34, 41, 49, 50 u 51 tar-Regolamenti tal-Persunal; |
|
c) |
mis-Segretarju Ġenerali fil-każijiet l-oħra. |
Is-Segretarju Ġenerali huwa awtorizzat li jiddelega lid-Direttur Ġenerali tal-Amministrazzjoni s-setgħat kollha tiegħu, jew xi wħud minnhom, fir-rigward tal-applikazzjoni tal-Kondizzjonijiet ta’ Impjieg u l-applikazzjoni tar-Regolamenti tal-Persunal għall-uffiċjali fil-gruppi ta’ funzjoni AST u AST/SC, ħlief għas-setgħat ta' ħatra u ta' tmiem tas-servizz tal-uffiċjali u ta' reklutaġġ ta' aġenti oħra.
Artikolu 2
Id-Deċiżjoni tal-Kunsill 2011/444/EU, Euratom hija b'dan imħassra.
Artikolu 3
Din id-Deċiżjoni tidħol fis-seħħ fl-1 ta' Jannar 2014.
Magħmul fi Brussell, is-17 ta’ Diċembru 2013.
Għall-Kunsill
Il-President
L. LINKEVIČIUS
(1) Regolament tal-Kunsill (KEE, Euratom, KEFA) Nru 259/68 tad-29 ta' Frar 1968 li jistabbilixxi r-Regolamenti tal-Persunal tal-Uffiċjali u l-Kondizzjonijiet ta' Impjieg ta' Uffiċjali Oħra tal-Komunitajiet Ewropej (ĠU L 56, 4.3.1968, p. 1).
(2) Regolament (UE) Nru 1023/2013 tal-Parlament Ewropew u tal-Kunsill tat-22 ta' Ottubru 2013 li jemenda r-Regolamenti tal-Persunal għall-Uffiċjali tal-Unjoni Ewropea u l-Kondizzjonijiet tal-Impjieg ta' Aġenti Oħra tal-Unjoni Ewropea (ĠU L 287, 29.10.2013, p. 15).
(3) Deċiżjoni tal-Kunsill tas-27 ta’ Ġunju 2006 li tiddetermina għas-Segretarjat Ġenerali tal-Kunsill is-setgħa ta' ħatra u s-setgħa ta' konklużjoni ta' kuntratti ta' reklutaġġ (ĠU L 194, 14.7.2006, p. 29).