This document is an excerpt from the EUR-Lex website
Document 32012D0104
2012/104/EU: Commission Implementing Decision of 20 February 2012 on the clearance of the accounts of certain paying agencies in Germany concerning expenditure financed by the European Agricultural Fund for Rural Development (EAFRD) for the 2008 financial year (notified under document C(2012) 907)
2012/104/UE: Deċiżjoni ta’ Implimentazzjoni tal-Kummissjoni tal- 20 ta’ Frar 2012 dwar l-approvazzjoni tal-kontijiet ta’ ċerti aġenziji tal-pagamenti fil-Ġermanja li jikkonċernaw l-infiq iffinanzjat mill-Fond Agrikolu Ewropew għall-Iżvilupp Rurali (FAEŻR) għas-sena finanzjarja 2008 (notifikata bid-dokument numru C(2012) 907)
2012/104/UE: Deċiżjoni ta’ Implimentazzjoni tal-Kummissjoni tal- 20 ta’ Frar 2012 dwar l-approvazzjoni tal-kontijiet ta’ ċerti aġenziji tal-pagamenti fil-Ġermanja li jikkonċernaw l-infiq iffinanzjat mill-Fond Agrikolu Ewropew għall-Iżvilupp Rurali (FAEŻR) għas-sena finanzjarja 2008 (notifikata bid-dokument numru C(2012) 907)
ĠU L 49, 22.2.2012, pp. 21–22
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
|
22.2.2012 |
MT |
Il-Ġurnal Uffiċjali tal-Unjoni Ewropea |
L 49/21 |
DEĊIŻJONI TA’ IMPLIMENTAZZJONI TAL-KUMMISSJONI
tal-20 ta’ Frar 2012
dwar l-approvazzjoni tal-kontijiet ta’ ċerti aġenziji tal-pagamenti fil-Ġermanja li jikkonċernaw l-infiq iffinanzjat mill-Fond Agrikolu Ewropew għall-Iżvilupp Rurali (FAEŻR) għas-sena finanzjarja 2008
(notifikata bid-dokument numru C(2012) 907)
(It-test bil-Ġermaniż biss huwa awtentiku)
(2012/104/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1290/2005 tal-21 ta’ Ġunju 2005 dwar il-finanzjament tal-Politika Agrikola Komuni (1), u b’mod partikolari l-Artikoli 30 u 33 tiegħu,
Wara li kkonsultat mal-Kumitat tal-Fond,
Billi:
|
(1) |
Id-Deċiżjonijiet tal-Kummissjoni 2009/373/KE (2), 2010/59/UE (3), 2010/721/UE (4) u 2011/103/UE (5) approvaw, għas-sena finanzjarja 2008, il-kontijiet tal-aġenziji tal-pagament kollha ħlief l-aġenzija tal-pagamenti Ġermaniża “Bayern”, u l-aġenzija tal-pagamenti Griega”OPEKEPE”. |
|
(2) |
Wara t-trażmissjoni ta’ tagħrif ġdid u wara li saru aktar verifiki, il-Kummissjoni issa tista’ tiddeċiedi fir-rigward tal-infiq iffinanzjat mill-Fond Agrikolu Ewropew għall-Iżvilupp Rurali (FAEŻR), dwar l-integralità, l-eżattezza u l-veraċità tal-kontijiet imressqin mill-aġenzija tal-pagamenti Ġermaniża “Bayern”. |
|
(3) |
Skont l-Artikolu 30(2) tar-Regolament (KE) Nru 1290/2005, din id-Deċiżjoni ma tippreġudikax deċiżjonijiet meħuda sussegwentement mill-Kummissjoni li jeskludu mill-finanzjament tal-UE nfiq li ma jiġix effettwat skont ir-regoli tal-UE, |
ADOTTAT DIN ID-DEĊIŻJONI:
Artikolu 1
Il-kontijiet tal-aġenzija tal-pagamenti Ġermaniża “Bayern”, dwar l-infiq iffinanzjat mill-Fond Agrikolu Ewropew għall-Iżvilupp Rurali (FAEŻR), fir-rigward tas-sena finanzjarja 2008, huma b’dan approvati.
L-ammonti li jistgħu jiġu rkuprati minn kull Stat Membru, jew li għandhom jitħallsu lil kull Stat Membru skont kull programm tal-iżvilupp rurali f’konformità ma’ din id-Deċiżjoni, inklużi dawk li jirriżultaw mill-applikazzjoni tal-Artikolu 33(8) tar-Regolament (KE) Nru 1290/2005, huma indikati fl-Anness.
Artikolu 2
Din id-Deċiżjoni hija indirizzata lir-Repubblika Federali tal-Ġermanja.
Magħmul fi Brussell, l-20 ta’ Frar 2012.
Għall-Kummissjoni
Dacian CIOLOȘ
Membru tal-Kummissjoni
(1) ĠU L 209, 11.8.2005, p. 1.
(2) ĠU L 116, 9.5.2009, p. 21.
ANNESS
APPROVAZZJONI TA' NFIQ DIŻASSOĊJAT MILL-PROGRAMM GĦALL-IŻVILUPP RURALI GĦAS-SENA FINANZJARJA 2008
Ammont li għandu jiġi rkuprat minn jew imħallas lill-Istat Membru għal kull programm
|
(f'EUR) |
|||||||
|
CCI |
Infiq 2008 |
Korrezzjonijiet |
Total |
Ammonti li mhux se jerġgħu jintużaw |
Ammont aċċettat approvat għas-SF 2008 |
Pagamenti interim rimborżati lill-Istat Membru għas-sena finanzjarja |
Ammont li għandu jiġi rkuprat minn (–) jew imħallas lil (+) Stat Membru |
|
|
i |
ii |
iii = i + ii |
iv |
v = iii – iv |
vi |
vii = v – vi |
|
DE: 2007DE06RPO004 |
127 175 349,11 |
0,00 |
127 175 349,11 |
0,00 |
127 175 349,11 |
127 175 349,11 |
0,00 |