EUR-Lex Access to European Union law
This document is an excerpt from the EUR-Lex website
Document 32011R1215
Council Regulation (EU) No 1215/2011 of 24 November 2011 amending Regulation (EC) No 131/2004 concerning certain restrictive measures in respect of Sudan
Regolament tal-Kunsill (UE) Nru 1215/2011 tal- 24 ta’ Novembru 2011 li jemenda r-Regolament (KE) Nru 131/2004 dwar ċerti miżuri restrittivi fir-rigward tas-Sudan
Regolament tal-Kunsill (UE) Nru 1215/2011 tal- 24 ta’ Novembru 2011 li jemenda r-Regolament (KE) Nru 131/2004 dwar ċerti miżuri restrittivi fir-rigward tas-Sudan
ĠU L 310, 25.11.2011, p. 1–2
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 10/07/2014; Imħassar b' 32014R0747
25.11.2011 |
MT |
Il-Ġurnal Uffiċjali tal-Unjoni Ewropea |
L 310/1 |
REGOLAMENT TAL-KUNSILL (UE) Nru 1215/2011
tal-24 ta’ Novembru 2011
li jemenda r-Regolament (KE) Nru 131/2004 dwar ċerti miżuri restrittivi fir-rigward tas-Sudan
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari, l-Artikolu 215(1) tiegħu,
Wara li kkunsidra d-Deċiżjoni tal-Kunsill 2011/423/PESK tat-18 ta’ Lulju 2011 dwar miżuri restrittivi kontra s-Sudan u s-Sudan t’Isfel u li tħassar il-Pożizzjoni Komuni 2005/411/PESK (1), addottat skont il-Kapitolu 2 tat-Titlu V tat-Trattat tal-Unjoni Ewropea,
Wara li kkunsidra l-proposta konġunta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà u l-Kummissjoni Ewropea,
Billi:
(1) |
Fit-30 ta’ Mejju 2005, il-Kunsill adotta l-Pożizzjoni Komuni 2005/411/PESK (2) dwar miżuri restrittivi kontra s-Sudan. |
(2) |
Fit-18 ta’ Lulju 2011, il-Kunsill adotta d-Deċiżjoni 2011/423/PESK dwar miżuri restrittivi kontra s-Sudan u s-Sudan t’Isfel u li tirrevoka l-Pożizzjoni Komuni 2005/411/PESK. Id-Deċiżjoni 2011/423/PESK temenda l-kamp ta’ applikazzjoni tal-miżuri restittivi imposti mill-Pożizzjoni Komuni 2005/411/PESK li ġiet irrevokata. |
(3) |
Ir-Regolament tal-Kunsill (KE) Nru 131/2004 (3) għandu għalhekk jiġi emendat kif meħtieġ. |
(4) |
Sabiex jiġi żgurat li l-miżuri provduti f’dan ir-Regolament huma effettivi, dan ir-Regolament għandu jidħol fis-seħħ minnhufih mal-pubblikazzjoni tiegħu, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 131/2004 huwa b’dan emendat kif ġej:
(1) |
It-Titolu għandu jiġi sostitwit b’dan li ġej: “Ir-Regolament tal-Kunsill (KE) Nru 131/2004 tas-26 ta’ Jannar 2004 li jimponi ċerti miżuri ristrettivi dwar is-Sudan u s-Sudan t’Isfel.”; |
(2) |
L-Artikolu 2 għandu jiġi sostitwit b’dan li ġej: “Artikolu 2 Għandu jiġi pprojbit:
|
(3) |
Fl-Artikolu 4(1), iddaħħal il-punt li ġej:
|
(4) |
L-Artikolu 5 għandu jiġi sostitwit b’dan li ġej: “Artikolu 5 L-Artikoli 2 u 3 m’għandhomx japplikaw għal ilbies protettiv, inklużi ġkieket rinforzati bil-metall u elmi militari, temporanjament esportati lejn is-Sudan jew is-Sudan t’Isfel mill-persunal tan-Nazzjonijiet Uniti, persunal tal-Unjoni jew l-Istati Membri tagħha, rappreżentanti tal-medja u ħaddiema umanitarji u tal-iżvilupp u l-persunal assoċjat għall-użu personali tagħhom biss.”. |
Artikolu 2
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-24 ta’ Novembru 2011.
Għall-Kunsill
Il-President
W. PAWLAK
(1) ĠU L 188, 19.7.2011, p. 20.
(2) ĠU L 139, 2.6.2005, p. 25.