This document is an excerpt from the EUR-Lex website
Document 32011D0837
2011/837/EU: Commission Implementing Decision of 12 December 2011 correcting Decision 2010/399/EU excluding from European Union financing certain expenditure incurred by the Member States under the Guarantee Section of the European Agricultural Guidance and Guarantee Fund (EAGGF), under the European Agricultural Guarantee Fund (EAGF) and under the European Agricultural Fund for Rural Development (EAFRD) (notified under document C(2011) 9130)
2011/837/UE: Deċiżjoni ta’ Implimentazzjoni tal-Kummissjoni tat- 12 ta’ Diċembru 2011 li tikkoreġi d-Deċiżjoni 2010/399/UE li teskludi mill-finanzjament tal-Unjoni Ewropea ċertu nfiq imġarrab mill-Istati Membri taħt it-Taqsima ta’ Garanzija tal-Fond Agrikolu Ewropew dwar Gwida u Garanzija (FAEGG), taħt il-Fond Agrikolu Ewropew ta’ Garanzija (FAEG) u taħt il-Fond Agrikolu Ewropew għall-Iżvilupp Rurali (FAEŻR) (notifikata bid-dokument numru C(2011) 9130)
2011/837/UE: Deċiżjoni ta’ Implimentazzjoni tal-Kummissjoni tat- 12 ta’ Diċembru 2011 li tikkoreġi d-Deċiżjoni 2010/399/UE li teskludi mill-finanzjament tal-Unjoni Ewropea ċertu nfiq imġarrab mill-Istati Membri taħt it-Taqsima ta’ Garanzija tal-Fond Agrikolu Ewropew dwar Gwida u Garanzija (FAEGG), taħt il-Fond Agrikolu Ewropew ta’ Garanzija (FAEG) u taħt il-Fond Agrikolu Ewropew għall-Iżvilupp Rurali (FAEŻR) (notifikata bid-dokument numru C(2011) 9130)
ĠU L 332, 15.12.2011, pp. 11–12
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
|
15.12.2011 |
MT |
Il-Ġurnal Uffiċjali tal-Unjoni Ewropea |
L 332/11 |
DEĊIŻJONI TA’ IMPLIMENTAZZJONI TAL-KUMMISSJONI
tat-12 ta’ Diċembru 2011
li tikkoreġi d-Deċiżjoni 2010/399/UE li teskludi mill-finanzjament tal-Unjoni Ewropea ċertu nfiq imġarrab mill-Istati Membri taħt it-Taqsima ta’ Garanzija tal-Fond Agrikolu Ewropew dwar Gwida u Garanzija (FAEGG), taħt il-Fond Agrikolu Ewropew ta’ Garanzija (FAEG) u taħt il-Fond Agrikolu Ewropew għall-Iżvilupp Rurali (FAEŻR)
(notifikata bid-dokument numru C(2011) 9130)
(it-test bis-Sloven biss huwa awtentiku)
(2011/837/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1258/1999 tas-17 ta’ Mejju 1999 dwar il-finanzjament tal-politika komuni agrikola (1), u b'mod partikolari l-Artikolu 7(4) tiegħu,
Wara li kkunsidrat ir-Regolament tal-Kunsill (KE) Nru 1290/2005 tal-21 ta’ Ġunju 2005 dwar il-finanzjament tal-Politika Komuni Agrikola (2), u b’mod partikolari l-Artikolu 31 tiegħu,
Wara li kkonsultat il-Kumitat dwar il-Fondi Agrikoli,
Billi:
|
(1) |
Permezz tad-Deċiżjoni 2010/399/UE (3) il-Kummissjoni eskludiet mill-finanzjament tal-Unjoni Ewropea ammont ta’ EUR 2 280 860,00 għas-Slovenja, li jikkonċerna miżuri ta’ żvilupp rurali, miżuri agro-ambjentali u miżuri f’żoni żvantaġġati, fir-rigward tal-ammonti li kienu għadhom ma nġabrux mill-benefiċjarji sat-23 ta’ Ġunju 2009. Iċ-ċifra ta’ hawn fuq irriżultat minn dejta li s-Slovenja kienet tat lill-Kummissjoni. Is-Slovenja kienet infurmata li kwalunkwe rkupri ta’ dawk l-ammonti magħmula wara t-23 ta’ Ġunju 2009 ma jiġux iddikjarati u lanqas imħallsin lura lill-Kummissjoni. |
|
(2) |
Meta s-Slovenja ppreżentat id-dikjarazzjoni finali tan-nefqa u t-talba għall-ħlas finali lill-Kummissjoni Ewropea għall-għeluq tal-programmi ta’ Żvilupp Rurali Tranżizzjonali, inkludiet b’mod żbaljat ammonti rkuprati u li kienu soġġetti għall-korrezzjoni finanzjarja hawn fuq imsemmija fid-dikjarazzjonijiet finali tagħhom. Abbażi tal-ammonti mogħtija mis-Slovenja, ġiet adottata d-Deċiżjoni tal-Kummissjoni 2009/984/UE (4) li tistabbilixxi l-bilanċ finali li għandu jitħallas jew li għandu jkun irkuprat minħabba l-għeluq tal-programm fil-qasam tal-programmi ta’ żvilupp rurali tranżizzjonali ffinanzjati mill-Fond Agrikolu Ewropew dwar Gwida u Garanzija (FAEGG) mir-Repubblika Ċeka, l-Ungerija u s-Slovenja. |
|
(3) |
Wara li waslet l-ordni ta’ rkupru għall-korrezzjoni mid-Deċiżjoni 2010/399/UE is-Slovenja infurmat lill-Kummissjoni li parti mill-korrezzjoni diġà ġiet imnaqqsa fid-Deċiżjoni 2009/984/UE. Wara analiżi bir-reqqa u konferma mill-Korp taċ-Ċertifikazzjoni tal-Aġenzija tal-Ħlas tas-Slovenja, ġie kkonfermat ammont żejjed ta’ EUR 2 170 331,88. |
|
(4) |
Għalhekk is-Slovenja hija responsabbli biss lejn il-Kummissjoni għad-differenza bejn l-ammont tal-korrezzjoni oriġinali ta’ EUR 2 280 860 fid-Deċiżjoni 2010/399/EU u l-ammont tal-irkupri ddikjarati fid-Deċiżjoni 2009/984/UE ta’ EUR 2 170 331,88. Din id-differenza hija ta’ EUR 110 528,12. L-ordni ta’ rkupru oriġinali se tiġi sostitwita b’waħda ġdida bl-ammont ta’ EUR 110 528,12. |
|
(5) |
Id-Deċiżjoni 2010/399/UE għandha għaldaqstant tiġi kkorreġuta skont dan. |
ADOTTAT DIN ID-DEĊIŻJONI:
Artikolu 1
L-entrati kollha fl-Anness għad-Deċiżjoni 2010/399/UE li jikkonċernaw is-Slovenja għandhom jiġu sostitwiti b’dawk stipulati fl-Anness għal din id-Deċiżjoni.
Artikolu 2
Din id-Deċiżjoni hija indirizzata lir-Repubblika tas-Slovenja.
Magħmul fi Brussell, it-12 ta’ Diċembru 2011.
Għall-Kummissjoni
Dacian CIOLOȘ
Membru tal-Kummissjoni
(1) ĠU L 160, 26.6.1999, p. 103.
(2) ĠU L 209, 11.8.2005, p. 1.
ANNESS
PARTITA TAL-BAĠIT
|
SM |
Miżura |
SF |
Raġuni |
Korrezzjoni tat-Tip |
% |
Munita |
Ammont |
Deduzzjonijiet |
Impatt Finanzjarju |
|
SI |
Żvilupp Rurali - Strument Tranżitorju |
2005 |
applikazzjonijiet tal-verifika li waslu tard u proċeduri ta' rkupru |
ta' darba |
|
EUR |
–1 354 253,00 |
–1 263 363,80 |
–90 889,20 |
|
SI |
Żvilupp Rurali - Strument Tranżitorju |
2006 |
applikazzjonijiet tal-verifika li waslu tard u proċeduri ta' rkupru |
ta' darba |
|
EUR |
– 926 607,00 |
– 906 968,08 |
–19 638,92 |
|
Total SI |
–2 280 860,00 |
–2 170 331,88 |
– 110 528,12 |
||||||