32011D0707

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Deċiżjoni implimentattiva - 2011/707 - EN - EUR-Lex

Help

Search tips

Need more search options? Use the Advanced search

Document 32011D0707

Deċiżjoni ta’ Implimentazzjoni tal-Kummissjoni tas- 26 ta’ Ottubru 2011 li temenda d-Deċiżjoni 2009/821/KE fir-rigward tal-listi ta’ postijiet ta’ spezzjoni fuq il-fruntiera u l-unitajiet veterinarji fi Traces (notifikata bid-dokument numru C(2011) 7564) Test b’relevanza għaż-ŻEE

ĠU L 281, 28.10.2011, p. 29–32 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

(HR)
⏵Dan id-dokument ġie ppubblikat f’edizzjoni(jiet) speċjali (HR)
Edizzjoni speċjali bil-Kroat: Kapitolu 03 Volum 053 P. 285 - 288

Legal status of the document No longer in force, Date of end of validity: 13/12/2019; Impliċitament imħassar minn 32019R1014

ELI: http://data.europa.eu/eli/dec_impl/2011/707/oj

HTML

PDF

Official Journal

28.10.2011

Il-Ġurnal Uffiċjali tal-Unjoni Ewropea

L 281/29

DEĊIŻJONI TA’ IMPLIMENTAZZJONI TAL-KUMMISSJONI

tas-26 ta’ Ottubru 2011

li temenda d-Deċiżjoni 2009/821/KE fir-rigward tal-listi ta’ postijiet ta’ spezzjoni fuq il-fruntiera u l-unitajiet veterinarji fi Traces

(notifikata bid-dokument numru C(2011) 7564)

(Test b’relevanza għaż-ŻEE)

(2011/707/UE)

Il-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 90/425/KEE tas-26 ta’ Ġunju 1990 dwar l-iċċekkjar, veterinarju u zootekniku applikabbli għall-kummerċ intra-Kommunitarju ta’ ċertu annimali ħajjin u prodotti bil-ħsieb tat-tlestija tas-suq intern (1), u b’mod partikolari l-Artikolu 20(1) u (3) tagħha,

Wara li kkunsidrat id-Direttiva tal-Kunsill 91/496/KEE tal-15 ta’ Lulju 1991 li tistabbilixxi l-prinċipji li jirregolaw l-organizzazzjoni ta’ kontrolli veterinarji fuq annimali li jidħlu fil-Komunità minn pajjiżi terzi u li temenda d-Direttivi 89/662/KEE, 90/425/KEE u 90/675/KEE (2), u b’mod partikolari t-tieni sentenza tat-tieni subparagrafu tal-Artikolu 6(4) tagħha,

Wara li kkunsidrat id-Direttiva tal-Kunsill 97/78/KE tat-18 ta’ Diċembru 1997 li tistabbilixxi l-prinċipji li jirregolaw l-organizzazzjoni ta’ verifiki veterinarji fuq prodotti li jidħlu fil-Komunità minn pajjiżi terzi (3), u b’mod partikolari l-Artikolu 6(2) tagħha,

Billi:

(1)

Id-Deċiżjoni tal-Kummissjoni 2009/821/KE tat-28 ta’ Settembru 2009 dwar it-tfassil ta’ lista approvata ta’ postijiet ta’ spezzjoni fuq il-fruntiera, li tistabbilixxi ċerti regoli dwar l-ispezzjonijiet imwettqa mill-esperti veterinarji tal-Kummissjoni u tistabbilixxi l-unitajiet veterinarji fi TRACES (4), tistabbilixxi lista ta’ postijiet ta’ spezzjoni fuq il-fruntiera approvati bi qbil mad-Direttivi 91/496/KEE u 97/78/KE. Din il-lista hija stipulata fl-Anness I għal dik id-Deċiżjoni.

(2)

Wara komunikazzjoni mill-Belġju, fl-annotazzjonijiet għaċ-Ċentri tal-Ispezzjoni Avia Partner u Swiss Port tal-post ta’ spezzjoni fuq il-fruntiera fl-ajruport ta’ Brussell-Zaventem, l-approvazzjoni għandha tiġi estiża għall-prodotti ppakkjati kollha għall-konsum uman. Il-lista ta’ annotazzjonijiet għal dak l-Istat Membru kif stabbilit fl-Anness I tad-Deċiżjoni 2009/821/KE għandha tiġi emendata skont dan.

(3)	Id-Danimarka kkomunikat li l-isem tal-post ta’ spezzjoni fuq il-fruntiera fil-port ta’ Århus għandu jinkiteb “Aarhus”. Il-lista ta’ postijiet ta’ spezzjoni għal dan l-Istat Membru għandha tiġi emendata skont dan.

(4)

Wara spezzjoni sodisfaċenti mis-servizzi ta’ spezzjoni tal-Kummissjoni, l-Uffiċċju tal-Ikel u Veterinarju, għandu jiżdied post addizzjonali ta’ spezzjoni fuq il-fruntiera tal-ferrovija Koidula fl-Estonja mal-annotazzjonijiet għal dak l-Istat Membru fil-lista stabbilita fl-Anness I tad-Deċiżjoni 2009/821/KE. Barra minn hekk, l-Estonja kkomunikat li l-post ta’ spezzjoni fuq il-fruntiera fit-triq Luhamaa għandu wkoll jiġi approvat għal ċerti annimali ħajjin għajr Ekwidi u Ungulati. Għaldaqstant, l-annotazzjoni għal dak il-post ta’ spezzjoni fuq il-fruntiera għandha tiġi emendata skont dan.

(5)	L-Italja kkomunikat li ċ-ċentru ta’ Spezzjoni, Sintermar, fil-post ta’ spezzjoni fuq il-fruntiera tal-port ta’ Livorno-Pisa ġie sospiż. Il-lista ta’ postijiet ta’ spezzjoni għal dan l-Istat Membru għandha tiġi emendata skont dan.

(6)	Wara komunikazzjoni mill-Latvja, iċ-ċentru ta’ Spezzjoni “Kravu Termināls” fil-post ta’ spezzjoni fuq il-fruntiera fil-port ta’ Riga għandu jitħassar mil-lista tal-annotazzjonijiet għal dak l-Istat Membru kif stabbilit fl-Anness I tad-Deċiżjoni 2009/821/KE.

(7)	Il-Pajjiżi l-Baxxi kkomunikaw li l-ismijiet taċ-ċentri ta’ Spezzjoni fi ħdan il-post ta’ spezzjoni fuq il-fruntiera ta’ Vlissingen inbidlu. Għaldaqstant, l-annotazzjoni għal dak il-post ta’ spezzjoni fuq il-fruntiera għandha tiġi emendata skont dan.

(8)	Wara komunikazzjoni mill-Portugall, l-annotazzjoni għall-post ta’ spezzjoni fuq il-fruntiera fil-port ta’ Horta (Açores) għandha titħassar mil-lista tal-annotazzjonijiet għal dak l-Istat Membru kif stabbilit fl-Anness I tad-Deċiżjoni 2009/821/KE.

(9)	Wara komunikazzjoni mill-Isvezja, l-annotazzjoni għall-post ta’ spezzjoni fuq il-fruntiera fil-port ta’ Göteborg, l-approvazzjoni għall-annimali ħajjin għandha titħassar mil-lista tal-annotazzjonijiet għal dak l-Istat Membru kif stabbilit fl-Anness I tad-Deċiżjoni 2009/821/KE.

(10)

L-annotazzjoni għall-post ta’ spezzjoni fuq il-fruntiera fl-ajruport ta’ Manston fir-Renju Unit tneħħiet fid-Deċiżjoni tal-Kummissjoni 2011/93/UE (5). Wara talba ġdida tar-Renju Unit u spezzjoni sodisfaċenti mis-servizzi ta’ spezzjoni tal-Kummissjoni, l-Uffiċċju tal-Ikel u Veterinarju, l-ajruport ta’ Manston għandu jiġi approvat għall-ekwidi u l-ungulati u għandu jiżdied mal-lista tal-postijiet ta’ spezzjoni fuq il-fruntiera stabbilita fl-Anness I tad-Deċiżjoni 2009/821/KE. Barra minn hekk, ir-Renju Unit ikkomunika li l-port ta’ spezzjoni fuq il-fruntiera ta’ Southampton ġie maqsum f’żewġ ċentri ta’ Spezzjoni approvati għal kategoriji differenti ta’ prodotti. Għaldaqstant, l-annotazzjoni għal dak il-post ta’ spezzjoni fuq il-fruntiera għandha tiġi emendata skont dan.

(11)	L-Anness II tad-Deċiżjoni 2009/821/KE jistabbilixxi l-lista ta’ unitajiet ċentrali, l-unitajiet reġjonali u l-unitajiet lokali fis-sistema veterinarja kompjuterizzata integrata (Traces).

(12)	Wara komunikazzjonijiet mid-Danimarka, il-Ġermanja u l-Polonja, għandhom isiru ċerti bidliet fil-lista tal-unitajiet ċentrali, reġjonali u lokali fi Traces għal dawk l-Istati Membri stipulati fl-Anness II tad-Deċiżjoni 2009/821/KE.

(13)	Id-Deċiżjoni 2009/821/KE għandha għalhekk tiġi emendata skont dan.

(14)	Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

ADOTTAT DIN ID-DEĊIŻJONI:

Artikolu 1

L-Annessi I u II tad-Deċiżjoni 2009/821/KE huma emendati skont l-Anness ta’ din id-Deċiżjoni.

Artikolu 2

Din id-Deċiżjoni hija indirizzata lill-Istati Membri.

Magħmul fi Brussell, is-26 ta’ Ottubru 2011.

Għall-Kummissjoni

John DALLI

Membru tal-Kummissjoni

(1) ĠU L 224, 18.8.1990, p. 29.

(2) ĠU L 268, 24.9.1991, p. 56.

(3) ĠU L 24, 30.1.1998, p. 9.

(4) ĠU L 296, 12.11.2009, p. 1.

(5) ĠU L 37, 11.2.2011, p. 25.

ANNESS

L-Annessi I u II tad-Deċiżjoni 2009/821/KE huma emendati kif ġej:

(1)

L-Anness I huwa emendat kif ġej:

(a)

fil-parti li tikkonċerna lill-Belġju, l-annotazzjoni għall-ajruport Brussell-Zaventem tinbidel b’li ġej:

“Brussell–Zaventem Bruxelles-Zaventem	BE BRU 4	A	Flight Care	HC-T(2)
			Flight Care 2	NHC(2)	U, E, O
			Avia Partner	HC(2)
			WFS	HC-T(2)
			Swiss Port	HC(2)”

(b)

fil-parti li tikkonċerna lid-Danimarka, l-annotazzjoni għall-port ta’ Århus tinbidel b’li ġej:

“Aarhus

DK AAR 1

HC(1)(2), NHC(2)”

(c)

il-parti li tikkonċerna lill-Estonja hija emendata kif ġej:

(i)

l-annotazzjoni li ġejja għal post ġdid ta’ spezzjoni fuq il-fruntiera fil-port tal-ferrovija Koidula hija miżjuda:

“Koidula

EE KLA 2

HC(2), NHC-NT(2), NHC-T(FR)(2)”

(ii)

l-annotazzjoni għat-triq Luhamaa tinbidel b’li ġej:

“Luhamaa

EE LHM 3

HC, NHC

U, E, O(14)”

(d)

fil-parti li tikkonċerna lill-Italja, l-annotazzjoni għall-port ta’ Livorno-Pisa tinbidel b’li ġej:

“Livorno–Pisa	IT LIV 1	P	Porto Commerciale	HC, NHC-NT
			Sintermar(*)	HC(), NHC()
			Lorenzini	HC, NHC-NT
			Terminal Darsena Toscana	HC, NHC”

(e)

fil-parti li tikkonċerna lil-Latvja, l-annotazzjoni għall-port ta’ Riga (Riga Port) tinbidel b’li ġej:

“Riga (Riga port)

LV RIX 1a

HC(2), NHC(2)”

(f)

fil-parti li tikkonċerna lill-Pajjiżi l-Baxxi, l-annotazzjoni għall-port ta’ Vlissingen tinbidel b’li ġej:

“Vlissingen	NL VLI 1	P	Kloosterboer Denemarkenweg	HC-T(2), NHC-T(FR)(2)
			Kloosterboer Finlandweg	HC(2)”

(g)	fil-parti li tikkonċerna lill-Portugall, l-annotazzjoni għall-port ta’ Horta (Açores) titħassar;

(h)

fil-parti li tikkonċerna lill-Isvezja, l-annotazzjoni għall-port ta’ Göteborg tinbidel b’li ġej:

“Göteborg

SE GOT 1

HC(2), NHC(2)-NT”

(i)

Il-parti li tikkonċerna lir-Renju Unit hija emendata kif ġej:

(i)

annotazzjoni ġdida għall-ajruport ta’ Manston hija miżjuda kif ġej:

“Manston

GB MSE 4

U, E”

(ii)

l-annotazzjoni għall-port ta’ Southampton hija emendata kif ġej:

“Southampton	GB SOU 1	P	IC1	HC-T(1)(2), HC-NT(1)(2)
			IC2	NHC(2)”

(2)

l-Anness II għandu jiġi emendat kif ġej:

(a)

Il-parti li tikkonċerna lid-Danimarka hija emendata kif ġej:

(i)

l-annotazzjoni għall-unità reġjonali “DK00001 REGION VEST” tinbidel b’li ġej:

“DK00001

FØDEVARESTYRELSEN, VEST”

(ii)

l-annotazzjoni għall-unità reġjonali “DK00002 REGION ØST “ tinbidel b’li ġej:

“DK00002

FØDEVARESTYRELSEN, ØST”

(iii)

l-annotazzjoni għall-unità lokali “ DK01200 ÁRHUS “ tinbidel b’li ġej:

“DK01200

AARHUS”.

(b)

fil-parti li tikkonċerna lill-Ġermanja, titneħħa l-unità lokali li ġejja:

“DE46713

WISMAR HANSESTADT”;

(c)

fil-parti li tikkonċerna lill-Polonja, l-annotazzjoni għall-unità lokali “ PL30160 OBORNIKI WLKP” tinbidel b’li ġej:

“PL30160

OBORNIKI”.

Top

Choose the experimental features you want to try