Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32010R0395

Regolament tal-Kummissjoni (UE) Nru 395/2010 tas- 7 ta’ Mejju 2010 li jemenda r-Regolament tal-Kummissjoni (KE) Nru 1010/2009 fir-rigward ta’ arranġamenti amministrattivi dwar ċertifikati tal-qbid

ĠU L 115, 8.5.2010, p. 1–24 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document In force

ELI: http://data.europa.eu/eli/reg/2010/395/oj

8.5.2010   

MT

Il-Ġurnal Uffiċjali tal-Unjoni Ewropea

L 115/1

REGOLAMENT TAL-KUMMISSJONI (UE) Nru 395/2010

tas-7 ta’ Mejju 2010

li jemenda r-Regolament tal-Kummissjoni (KE) Nru 1010/2009 fir-rigward ta’ arranġamenti amministrattivi dwar ċertifikati tal-qbid

IL-KUMMISSJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 1005/2008 (1) tad-29 ta’ Settembru 2008 li jistabbilixxi sistema Komunitarja sabiex tipprevjeni, tiskoraġġixxi u telimina sajd illegali, mhux irrappurtat u mhux irregolat, u b’mod partikolari l-Artikoli 12(4), 14(3), 20(4) u 52 tiegħu,

Billi:

(1)

L-arranġamenti amministrattivi li permezz tagħhom iċ-ċertifikati tal-qbid jiġu stabbiliti, validati jew imressqa b’mezzi elettroniċi inkella sostitwiti permezz ta’ sistemi elettroniċi tat-traċċabilità li jiżguraw l-istess livell ta’ kontroll mill-awtoritajiet għandhom jiġu elenkati fl-Anness IX għar-Regolament tal-Kummissjoni (KE) Nru 1010/2009 tat-22 ta’ Ottubru 2009 li jistipula regoli dettaljati għall-implimentazzjoni tar-Regolament tal-Kunsill (KE) Nru 1005/2008 (2). Peress li ntlaħaq qbil dwar arranġamenti amministrattivi ġodda dwar iċ-ċertifikati tal-qbid, dak l-Anness għandu jiġi aġġornat.

(2)

Ir-Regolament (KE) Nru 1010/2009 għandu jiġi emendat skont dan.

(3)

L-arranġamenti amminstrattivi dwar iċ-ċertifikati tal-qbid, stipulati fl-Anness, huma abbażi ta’ sistemi elettroniċi tat-traċċabilità li kienu fis-seħħ qabel id-dħul fis-seħħ tar-Regolament (KE) Nru 1005/2008 u għalhekk dan ir-Regolament għandu japplika mill-1 ta’ Jannar 2010.

(4)

Il-miżuri pprovduti f’dan ir-Regolament huma skont l-opinjoni tal-Kumitat ta’ Ġestjoni tas-Sajd u l-Akkwakultura,

ADOTTAT DAN IR-REGOLAMENT:

Artikolu 1

Ir-Regolament (KE) Nru 1010/2009 huwa emendat kif ġej:

L-Anness IX huwa emendat kif stipulat fl-Anness għal dan ir-Regolament.

Artikolu 2

Dħul fis-seħħ

Dan ir-Regolament għandu jidħol fis-seħħ fis-seba’ jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mill-1 ta’ Jannar 2010.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-7 ta’ Mejju 2010.

Għall-Kummissjoni

Il-President

José Manuel BARROSO

(1)  ĠU L 286, 29.10.2008, p. 1.

(2)  ĠU L 280, 27.10.2009, p. 5.

ANNESS

Is-Sezzjonijiet 4, 5 u 6 li ġejjin għandhom jiżdiedu mal-Anness IX għar-Regolament (KE) Nru 1010/2009:

“Sezzjoni 4

L-IŻLANDA

SKEMA TA’ ĊERTIFIKAZZJONI TAL-QBID

Skont l-Artikolu 12(4) tar-Regolament (KE) Nru 1005/2008, iċ-ċertifikat tal-qbid previst fl-Artikolu 12 u l-Anness II għal dak ir-Regolament għandu, mill-1 ta’ Jannar 2010, jiġi sostitwit – għal prodotti tas-sajd miksuba minn qabdiet magħmula minn bastimenti tas-sajd li jtajru l-bandiera Iżlandiża – miċ-ċertifikat tal-qbid Iżlandiż abbażi tas-Sistema Iżlandiża tat-teħid tal-piż u tar-reġistrazzjoni tal-qabdiet, li hija sistema elettronika tat-traċċabilità taħt il-kontroll tal-awtoritajiet Iżlandiżi, li tiżgura l-istess livell ta’ kontroll mill-awtoritajiet bħal dak meħtieġ mill-iskema taċ-ċertifikazzjoni tal-qbid tal-UE.

Kampjun taċ-ċertifikat tal-qbid Islandiż jidher fl-Appendiċi.

Dokumenti msemmija fl-Artikolu 14(1) u (2) tar-Regolament (KE) Nru 1005/2008 jistgħu jkunu kkomunikati b’mezzi elettroniċi.

L-Iżlanda għandha tesiġi ċertifikat tal-qbid għall-ħatt l-art u l-importazzjoni fl-Iżlanda ta’ qabdiet magħmula minn bastimenti tas-sajd li jtajru l-bandiera ta’ Stat Membru tal-Unjoni Ewropea.

ASSISTENZA REĊIPROKA

Għandha tiġi żviluppata assistenza reċiproka skont l-Artikolu 51 tar-Regolament (KE) Nru 1005/2008, sabiex jiġi ffaċilitat l-iskambju tat-tagħrif u l-assistenza bejn awtoritajiet rispettivi fl-Iżlanda u fl-Istati Membri tal-Unjoni Ewropea, abbażi ta’ regoli dettaljati dwar l-assistenza reċiproka, stabbiliti bir-Regolament tal-Kummissjoni (KE) Nru 1010/2009.

Appendiċi

Image

Test ta 'immaġni

Image

Test ta 'immaġni

Sezzjoni 5

IL-KANADA

SKEMA TA’ ĊERTIFIKAZZJONI TAL-QBID

Skont l-Artikolu 12(4) tar-Regolament (KE) Nru 1005/2008, iċ-ċertifikat tal-qbid previst fl-Artikolu 12 u l-Anness II għal dak ir-Regolament għandu jiġi sostitwit – għal prodotti tas-sajd miksuba minn qabdiet magħmula minn bastimenti tas-sajd li jtajru l-bandiera tal-Kanada – minn ċertifikati tal-qbid Kanadiżi abbażi tas-Sistema taċ-Ċertifikat tas-Sajd (FCS) Kanadiż (deskritt fl-Appendiċi 3), li hija sistema elettronika tat-traċċabilità taħt il-kontroll tal-awtoritajiet Kanadiżi, li tiżgura l-istess livell ta’ kontroll mill-awtoritajiet bħal dak meħtieġ mill-iskema taċ-ċertifikazzjoni tal-qbid tal-UE.

Kampjuni taċ-ċertifikati tal-qbid Kanadiżi li għandhom jissostitwixxu ċ-Ċertifikat tal-Qbid u ċ-Ċertifikat tar-Riesportazzjoni tal-Komunità Ewropea mill-1 ta’ Jannar 2010 jidhru fl-Appendiċi 1 u 2.

Qabdiet li ġejjin minn tekniki tas-sajd aboriġinali jew minn bastimenti tas-sajd kif definit fl-Artikolu 6 tar-Regolament tal-Kummissjoni (KE) Nru 1010/2009 għandhom ikunu akkumpanjati minn ċertifikat tal-qbid Kanadiż simplifikat kif jidher fl-Appendiċi 2.

Dokumenti msemmija fl-Artikolu 14(1) u (2) tar-Regolament (KE) Nru 1005/2008 jistgħu jkunu kkomunikati b’mezzi elettroniċi.

ASSISTENZA REĊIPROKA

Għandha tiġi żviluppata assistenza reċiproka skont l-Artikolu 51 tar-Regolament (KE) Nru 1005/2008, sabiex jiġi ffaċilitat l-iskambju tat-tagħrif u l-kooperazzjoni amministrattiva bejn awtoritajiet kompetenti rispettivi fil-Kanada u fl-Istati Membri tal-Unjoni Ewropea, abbażi ta’ regoli dettaljati dwar l-assistenza reċiproka, stabbiliti bir-Regolament tal-Kummissjoni (KE) Nru 1010/2009.

Appendiċi 1

Image

Test ta 'immaġni

Image

Test ta 'immaġni

Image

Test ta 'immaġni

Image

Test ta 'immaġni

Image

Test ta 'immaġni

Appendiċi 2

Image

Test ta 'immaġni

Image

Test ta 'immaġni

Image

Test ta 'immaġni

Image

Test ta 'immaġni

Image

Test ta 'immaġni

Appendiċi 3

Is-Sistema ta’ Ċertifikat tas-Sajd (FCS) Kanadiża hija mmirata lejn il-ħruġ ta’ ċertifikati tal-qbid standard u simplifikati.

L-FCS se tkun użata biex jinħareġ u jkun validat ċertifikat tal-qbid għall-kunsinni esportati milll-Kanada lejn l-Unjoni Ewropea ta’ prodotti tas-sajd konvenzjonali inklużi ħut ħaj, frisk, iffriżat, immellaħ, ippakkjat fil-landi u/jew iffumikat u mnixxef, bl-użu ta’ materja prima minn sajd li ma jsirx minn fuq bastiment, sajd aboriġinali, jew bastimenti tas-sajd żgħar u kbar u/jew li tinvolvi produzzjoni magħmula minn diversi passi fil-proċess tal-produzzjoni.

Fuq iċ-ċertifikati simplifikati, il-Kanada se tiġbor ċerti bastimenti flimkien biex tilħaq l-aqwa effiċenza. Madankollu, l-FCS se żżomm rabta sħiħa ma’ bastimenti li jinsabu fi gruppi u dawn il-bastimenti huma marbuta wkoll mat-tagħrif dwar il-liċenzja jew ir-reġistrazzjoni tagħhom u l-qabda ddikjarata fuq iċ-ċertifikat.

Il-karattarestika ta’ raggruppar se tkun użata għal xi forom ta’ prodotti u, b’mod partikolari, għas-sajd li juża bastimenti tal-ġbir li jixtru minn diversi bastimenti tas-sajd u li joħorġu reġistrazzjonijiet tal-bejgħ fuq il-baħar, għal sajd li ma jsirx minn fuq bastiment bħat-tartarun fil-bajja, sajd għal gandoffli fil-bajja, sajd fis-silġ, xi sajd lokali, u sajd aboriġinali fejn is-sajd jista’ jseħħ fuq il-livell ta’ komunità. Ir-raggruppamenti se jkun speċifikati skont il-kumpanija tal-esportazzjoni u se jkunu modifikati għal kull konsenja, kif meħtieġ.

Il-karatteristika ta’ raggruppament se jippermetti lil Kanada sabiex tipproduċi ċertifikat uniku għal kull konsenja filwaqt li żżomm it-tagħrif kollu wara ċ-ċertifikat (il-liċenzja/ir-reġistrazzjoni tal-bastiment) disponibbli fid-database.

Dan it-tagħrif se jkun disponibbli lill-awtoritajiet tal-Istati Membri tal-UE fil-pajjiżi tal-importazzjoni permezz tas-sit tal-Internet tagħna jew permezz ta’ linja tat-telefown diretta għall-uffiċju tagħna taċ-ċertifikati.

Pajjiżi terzi jistgħu wkoll jikkuntattjaw lill-uffiċju taċ-ċertifikati għal tagħrif dwar esportazzjonijiet indiretti.

Sezzjoni 6

Il-Gżejjer Faeroe

SKEMA TA’ ĊERTIFIKAZZJONI TAL-QBID

Skont l-Artikolu 12(4) tar-Regolament (KE) Nru 1005/2008, iċ-ċertifikat tal-qbid previst fl-Artikolu 12 u l-Anness II għal dak ir-Regolament għandu jiġi sostitwit – għal prodotti tas-sajd miksuba minn qabdiet magħmula minn bastimenti tas-sajd li jtajru l-bandiera tal-Gżejjer Faeroe – minn ċertifikat tal-qbid tal-Gżejjer Faeroe abbażi tas-sistema tal-Gżejjer Faeroe tan-noti tal-bejgħ u tal-ġurnali ta’ abbord, li hija sistema tat-traċċabilità taħt il-kontroll tal-awtoritajiet tal-Gżejjer Faeroe, li tiżgura l-istess livell ta’ kontroll mill-awtoritajiet bħal dak meħtieġ mill-iskema taċ-ċertifikazzjoni tal-qbid tal-Unjoni.

Fl-Appendiċi jinsab kampjun taċ-ċertifikat tal-qabdiet tal-Gżejjer Faeroe li għandu jissostitwixxi ċ-Ċertifikat tal-Qbid u ċ-Ċertifikat tar-Riesportazzjoni tal-Komunità Ewropea mill-1 ta’ Jannar 2010.

Dokumenti msemmija fl-Artikolu 14(1) u (2) tar-Regolament (KE) Nru 1005/2008 jistgħu jkunu kkomunikati b’mezzi elettroniċi.

ASSISTENZA REĊIPROKA

Għandha tiġi żviluppata assistenza reċiproka skont l-Artikolu 51 tar-Regolament (KE) Nru 1005/2008, sabiex jiġi ffaċilitat l-iskambju tat-tagħrif u l-assistenza bejn awtoritajiet kompetenti rispettivi tal-Gżejjer Fareoe u tal-Istati Membri tal-Unjoni Ewropea, abbażi ta’ regoli dettaljati dwar l-assistenza reċiproka, stabbiliti bir-Regolament tal-Kummissjoni (KE) Nru 1010/2009.

Appendiċi

Image

Test ta 'immaġni

Image

Test ta 'immaġni
”
Top