EUR-Lex Access to European Union law
This document is an excerpt from the EUR-Lex website
Document 32010R0175
Commission Regulation (EU) No 175/2010 of 2 March 2010 implementing Council Directive 2006/88/EC as regards measures to control increased mortality in oysters of the species Crassostrea gigas in connection with the detection of Ostreid herpesvirus 1 μvar (OsHV-1 μvar) (Text with EEA relevance)
Regolament tal-Kummissjoni (UE) Nru 175/2010 tat- 2 ta’ Marzu 2010 li jimplimenta d-Direttiva tal-Kunsill 2006/88/KE fir-rigward ta’ miżuri għall-kontroll taż-żieda fil-mortalità fil-gajdri tal-ispeċi Crassostrea gigas b’rabta mas-sejbien tal-Ostreid herpesvirus 1 μvar (OsHV-1 μvar) (Test b’relevanza għaż-ŻEE)
Regolament tal-Kummissjoni (UE) Nru 175/2010 tat- 2 ta’ Marzu 2010 li jimplimenta d-Direttiva tal-Kunsill 2006/88/KE fir-rigward ta’ miżuri għall-kontroll taż-żieda fil-mortalità fil-gajdri tal-ispeċi Crassostrea gigas b’rabta mas-sejbien tal-Ostreid herpesvirus 1 μvar (OsHV-1 μvar) (Test b’relevanza għaż-ŻEE)
ĠU L 52, 3.3.2010, p. 1–13
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 30/04/2011: This act has been changed. Current consolidated version: 12/12/2010
3.3.2010 |
MT |
Il-Ġurnal Uffiċjali tal-Unjoni Ewropea |
L 52/1 |
REGOLAMENT TAL-KUMMISSJONI (UE) Nru 175/2010
tat-2 ta’ Marzu 2010
li jimplimenta d-Direttiva tal-Kunsill 2006/88/KE fir-rigward ta’ miżuri għall-kontroll taż-żieda fil-mortalità fil-gajdri tal-ispeċi Crassostrea gigas b’rabta mas-sejbien tal-Ostreid herpesvirus 1 μvar (OsHV-1 μvar)
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2006/88/KE tal-24 ta' Ottubru 2006 dwar il-ħtiġiet tas-saħħa tal-annimali għall-annimali tal-akkwakultura u l-prodotti tagħhom, u dwar il-prevenzjoni u l-kontroll ta' ċertu mard fl-annimali akkwatiċi (1), u b'mod partikolari l-Artikoli 41(3) u 61(3) tagħha,
Billi:
(1) |
Id-Direttiva 2006/88/KE tistabbilixxi r-rekwiżiti ta’ saħħet l-annimali li għandhom jiġu applikati għat-tqegħid fis-suq ta’ annimali tal-akkwakultura u prodotti tagħhom. Barra minn hekk, id-Direttiva tistabbilixxi l-miżuri minimi ta’ prevenzjoni li għandhom jiġu applikati f'każ ta' suspett jew tifqigħa ta’ ċertu mard fl-annimali akkwatiċi. |
(2) |
L-Artikolu 41 ta’ dik id-Direttiva jipprovdi li l-Istati Membri għandhom jieħdu miżuri xierqa biex jikkontrollaw sitwazzjoni ta’ marda li tkun qed tfiġġ u jipprevjenu dik il-marda milli tkompli tinfirex. Fil-każ ta’ sitwazzjoni ta’ marda li tkun qed tfiġġ, fejn is-sejbiet huma ta' sinifikat epidemjoloġiku għal Stat Membru ieħor, l-Istat Membru kkonċernat għandu jinforma lill-Kummissjoni, lill-Istati Membri u l-Istati Membri tal-EFTA mingħajr dewmien. |
(3) |
Iż-żieda fil-mortalità fil-gajdri tal-ispeċi Crassostrea gigas (“il-gajdri Crassostrea gigas”) irriżultat f’bosta nħawi fi Franza u fl-Irlanda lejn tmiem ir-rebbiegħa u s-sajf tal-2008. Din kienet attribwita lil kumbinazzjoni ta’ fatturi ambjentali negattivi flimkien mal-preżenza ta’ batterja tal-ġeneru Vibrio u l-preżenza tal-Ostreid herpesvirus-1 (OsHV-1) inkluż ġenotip ta’ deskrizzjoni ġdida ta’ dak il-virus imsejjaħ OsHV-1 μvar. |
(4) |
L-awtoritajiet Franċiżi infurmaw lill-Kummissjoni, l-Istati Membri u l-Istati Membri tal-EFTA dwar is-sitwazzjoni u l-miżuri meħuda f’Awwissu 2008 u l-kwistjoni tressqet quddiem il-Kumitat Permanenti dwar il-Katina Alimentari u s-Saħħa tal-Annimali f’Settembru 2008. |
(5) |
Fir-rebbiegħa 2009 żieda fil-mortalità attribwita lill-istess kumbinazzjoni ta’ fatturi rriżultat ukoll fi Franza, l-Irlanda u ċ-Channel Islands. Filwaqt li l-kawżi tal-mortalità għadhom inċerti, l-investigazzjonijiet epidemjoloġiċi mmexxija fl-Irlanda u r-Renju Unit fl-2009 jissuġġerixxu li l-OsHV-1 μvar għandu rwol importanti fil-mortalità. |
(6) |
L-awtorità kompetenti ta’ dawk l-Istati Membri u dik taċ-Channel Islands infurmat lill-Kummissjoni bis-sitwazzjoni u l-miżuri meħuda u l-kwistjoni tressqet quddiem il-il-Kumitat Permanenti dwar il-Katina Alimentari u s-Saħħa tal-Annimali bosta drabi. |
(7) |
Il-miżuri ta’ kontroll meħuda mill-awtorità kompetenti f’dawk l-Istati Membri u dik taċ-Channel Islands biex jikkontrollaw is-sitwazzjoni ta’ marda li qed tfeġġ kienu primarjament jistrieħu fuq ir-restrizzjoni taċ-ċaqliq tal-gajdri Crassostrea gigas ’il barra mill-inħawi affettwati miż-żieda fil-mortalità. |
(8) |
Fid-dawl tal-okkorrenza mill-ġdid ta’ sitwazzjoni ta’ marda li qed tfeġġ fl-2009 u l-possibbiltà li din tirrepeti ruħha, u tar-riskju li tkompli tinxtered fir-rebbiegħa u s-sajf 2010, u fuq il-bażi tal-esperjenza miksuba, huwa f’loku u neċessarju li jiġu estiżi l-miżuri diġà meħuda mill-Istati Membri affettwati. |
(9) |
Sabiex jiġu żgurati kundizzjonijiet uniformi għall-implimentazzjoni tar-rekwiżiti tad-Direttiva 2006/88/KE rigward mard li jfeġġ, u sabex ikun żgurat li l-miżuri meħuda jipprovdu biżżejjed ħarsien kontra aktar tixrid filwaqt li ma jimponux restrizzjonijiet bla bżonn fuq iċ-ċaqliq tal-gajdri Crassostrea gigas, hemm bżonn li jiġu kkoordinati l-miżuri fir-rigward ta’ din is-sitwazzjoni ta’ marda li qed tfeġġ fil-livell ta' Unjoni Ewropea. |
(10) |
Meta l-awtoritajiet kompetenti jiġu infurmati li jkun hemm żieda fil-mortalità tal-gajdri Crassostrea gigas għandhom jittieħdu kampjuni u jsiru testijiet sabiex wieħed jara jsibx jew inkella jeskludi għal kollox il-preżenza tal-OsHV-1 μvar. |
(11) |
Meta tkun ikkonfermata l-preżenza tal-ġenotip tal-virus OsHV-1 μvar, l-Istati Membri jridu jimplimentaw miżuri għall-kontroll tal-mard, inkluż il-ħolqien ta’ żona għat-trażżin tal-mard. Meta wieħed jiġi biex jistabbilixxi żona għat-trażżin iridu jitqiesu ċerti fatturi stipulati f’dan ir-Regolament. Dawk il-miżuri għall-kontroll tal-mard għandhom jibqgħu fis-seħħ sakemm l-aħħar spezzjonijiet ikunu wrew li ma jkunx hemm iktar żieda fil-mortalità. |
(12) |
Għandhom jiġu stabbiliti restrizzjonijiet fuq iċ-ċaqliq tal-gajdri Crassostrea gigas ’il barra miż-żoni għat-trażżin tal-mard sabiex jiġi kkontrollat ir-riskju li l-mard jixtered. Madankollu, għandhom jingħataw ċerti derogi għal meta r-riskju tat-tixrid tal-marda jitnaqqas. Dawn id-derogi jaffettwaw iċ-ċaqliq ta’ ċerti gajdri Crassostrea gigas intiżi għall-kultivazzjoni jew għal żoni għall-purifikazzjoni f’żona oħra għat-trażżin tal-mard jew intiżi għall-konsum mill-bniedem. Biex tkun żgurata t-traċċabbiltà tal-kunsinni tal-gajdri Crassostrea gigas intiżi għall-kultivazzjoni jew għaż-żoni għall-purifikazzjoni, il-kunsinni għandhom ikunu akkumpanjati minn ċertifikat tas-saħħa tal-annimali. Meta jkun qed jimtela ċ-ċertifikat għandhom jitiqesu n-noti ta’ spjega stipulati fl-Anness V tar-Regolament tal-Kummissjoni (KE) Nru 1251/2008 tat-12 ta’ Diċembru 2008 li jimplimenta d-Direttiva tal-Kunsill 2006/88/KE fir-rigward tal-kundizzjonijiet u r-rekwiżiti taċ-ċertifikazzjoni għat-tqegħid fis-suq u l-importazzjoni fil-Komunità ta’ annimali tal-akkwakultura u prodotti tagħhom u li jistabbilixxi lista ta’ speċi li jgħaddu l-mard (2). |
(13) |
Bil-għan li jinkiseb aktar tagħrif dwar l-istatus ta’ din is-sitwazzjoni ta’ marda li qed tfeġġ fl-Unjoni u partikolarment fl-Istati Membri u kompartimenti li għadhom ma ġewx affettwati, u biex wieħed jassigura s-sejbien ta’ okkorrenza tal-OsHV-1 μvar minn kmieni, l-Istati Membri jistgħu jagħżlu li jistabbilixxu programmi b’teħid ta’ kampjuni u ttestjar immirat għas-sejbien minn kmieni tal-OsHV-1 μvar. Il-gajdri Crassostrea gigas li joriġinaw minn ibħra li kienu suġġetti għall-miżuri għat-trażżin tal-mard fl-2009 b’konformità ma' miżuri nazzjonali jew fl-2010 b'konformità ma' dan ir-Regolament għandhom ikunu suġġetti għal rekwiżiti addizzjonali marbuta ma’ saħħet l-annimali kemm-il darba dawn ikunu introdotti għal finijiet ta' kultivazzjoni jew għall-purifikazzjoni fi Stati Membri jew kompartimenti koperti minn programm tali, u dan kemm-il darba l-OsHV-1 μvar ma jkunx instab f’dak l-Istat Membru jew kompartiment. |
(14) |
Biex ikun assigurat li d-dejta miġbura fl-Istati Membri differenti fil-kuntest tal-programmi b’teħid ta’ kampjuni u ttestjar immirat għas-sejbien minn kmieni tal-OsHV-1 μvar hija kumparabbli, għandhom jiġu stabbiliti ċerti rekwiżiti dwar il-kontenut ta’ tali programmi. |
(15) |
Id-disponibbilità ta’ informazzjoni akkurata u fil-ħin dwar is-sitwazzjoni fir-rigward tas-sejba tal-OsHV-1 μvar fl-Istati Membri hija element ewlieni biex ikun assigurat kontroll xieraq tas-sitwazzjoni ta’ marda li qed tfeġġ. Għal dak il-għan, l-Istati Membri għandhom jinfurmaw lill-Kummissjoni u lill-Istati Membri l-oħra bl-ewwel konferma ta’ preżenza tal-virus OsHV-1 μvar fit-territorji tagħhom fl-2010 mingħajr dewmien żejjed. |
(16) |
Barra minn hekk, tajjeb li jintużaw il-paġni ta' informazzjoni fuq l-internet imfassla skont l-Artikolu 10 tad-Deċiżjoni tal-Kummissjoni 2009/177/KE tal-31 ta' Ottubru 2008 li timplimenta d-Direttiva tal-Kunsill 2006/88/KE fir-rigward tal-programmi ta' sorveljanza u eradikazzjoni u tal-istatus ta' ħelsien minn marda ta’ Stati Membri, żoni u kompartimenti (3). |
(17) |
Biex tkun assigurata t-trasparenza u l-aċċess fil-ħin għall-informazzjoni rilevanti dwar is-sitwazzjoni ta’ marda li qed tfeġġ, l-Istati Membri għandhom jagħmlu disponibbli lill-Kummissjoni Ewropea u lil Stati Membri oħra informazzjoni li tikkonċerna ż-żoni għat-trażżin tal-mard, żoni li preċedentement kienu suġġetti għal miżuri għat-trażżin tal-mard, imma fejn tkun ġiet ikkonfermata l-assenza tal-OsHV-1 μvar, u programmi stabbiliti għas-sejbien minn kmieni tal-OsHV-1 μvar. |
(18) |
Minħabba li għad hemm ħafna inċertezzi fir-rigward tas-sitwazzjoni ta’ marda li qed tfeġġ, il-miżuri li jipprovdi għalihom dan ir-Regolament għandhom japplikaw sal-aħħar ta’ Diċembru 2010. |
(19) |
Il-miżuri stipulati f'dan ir-Regolament huma skont l-opinjoni tal-Kumitat Permanenti għall-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
Definizzjoni
Għall-finijiet ta’ dan ir-Regolament, OsHV-1 μvar tfisser ġenotip tal-virus Ostreid herpesvirus-1 (OsHV-1) li hu ddefinit abbażi ta’ dejta ta’ sekwenza parzjali li turi tħassir sistematiku ta’ 12-il par ta’ bażi fl-ORF 4 tal-ġenoma meta mqabbel mal-OsHV-1 (GenBank # AY509253).
Artikolu 2
Teħid ta’ kampjuni, ittestjar u ħolqien ta’ żoni għat-trażżin tal-mard
1. Meta tirriżulta żieda fil-mortalità tal-gajdri tal-ispeċi Crassostrea gigas (“gajdri Crassostrea gigas”) l-awtorità kompetenti għandha:
(a) |
tieħu kampjuni skont il-Parti A tal-Anness I; |
(b) |
tagħmel testijiet għall-preżenza tal-OsHV-1 μvar skont il-metodi djanjostiċi stipulati fil-Parti B tal-Anness I. |
2. Meta r-riżultati tat-testijiet imsemmija fil-paragrafu 1(b) juru l-preżenza tal-OsHV-1 μvar, l-awtorità kompetenti għandha tistabbilixxi żona għat-trażżin tal-mard. Dik iż-żona tkun trid tiġi ddefinita abbażi ta’ analiżi każ b’każ hekk li jitqiesu l-fatturi li jinfluwenzaw ir-riskju għat-tixrid tal-marda stabbilita fil-Parti C tal-Anness I.
3. L-Istati Membri għandhom jinfurmaw lill-Kummissjoni u lill-Istati Membri l-oħra mill-aktar fis possibbli bl-ewwel żona għat-trażżin tal-mard stabbilita fuq it-territorju tagħhom fl-2010.
Artikolu 3
Rekwiżiti għat-tqegħid fis-suq tal-gajdri Crassostrea gigas li joriġinaw minn żona għat-trażżin tal-mard imsemmija fl-Artikolu 2
1. Il-gajdri Crassostrea gigas li joriġinaw minn żoni għat-trażżin tal-mard stabbiliti skont l-Artikolu 2(2) ma għandhomx jinħarġu minn dik iż-żona.
2. B’deroga mill-paragrafu 1, il-kunsinni tal-gajdri Crassostrea gigas jistgħu jinħarġu miż-żona għat-trażżin tal-mard meta:
(a) |
huma intiżi għal żona għat-trażżin tal-mard oħra stabbilita skont l-Artikolu 2(2); |
(b) |
ikunu joriġinaw minn parti miż-żona għat-trażżin, inklużi mfaqas, li mhix affettwata miż-żieda fil-mortalità u meta l-kunsinna kienet suġġetta għal:
|
(c) |
huma intiżi għal aktar ipproċessar, għal ċentri għall-purifikazzjoni, ċentri ta’ dispaċċ jew stabbilimenti ta’ pproċessar qabel il-konsum mill-bniedem u li huma attrezzati b’sistema ta’ trattament effluwenti vvalidata mill-awtorità kompetenti li:
|
(d) |
huma intiżi għall-konsum mill-bniedem u ppakkjati u ttikkettjati għal dak il-għan skont ir-Regolament (KE) Nru 853/2004 tal-Parlament Ewropew u tal-Kunsill (4) u:
|
(e) |
il-kunsinni u l-prodotti tagħhom huma intiżi għall-konsum mill-bniedem mingħajr aktar ipproċessar, kemm-il darba jkunu ppakkjati f’pakketti għal bejgħ bl-imnut li jikkonformaw mad-dispożizzjonijiet dwar tali pakketti tar-Regolament (KE) Nru 853/2004. |
3. Il-kunsinni msemmija fil-paragrafu 2(a) u (b) u li huma intiżi għall-kultivazzjoni jew għal żoni għall-purifikazzjoni għandhom ikunu akkumpanjati minn ċertifikat tas-saħħa tal-annimali mimli skont il-mudell stipulat fl-Anness II ta’ dan ir-Regolament u n-noti ta’ spjega stipulati fl-Anness V tar-Regolament tal-Kummissjoni (KE) Nru 1251/2008.
Artikolu 4
Sospensjoni tal-miżuri previsti fl-Artikoli 2 u 3
L-awtorità kompetenti tista’ tissospendi l-miżuri ta’ kontroll fir-rigward ta' żoni għat-trażżin tal-mard stabbiliti skont l-Artikolu 2(2) u r-restrizzjonijiet dwar it-tqegħid fis-suq li jipprovdi għalihom l-Artikolu 3 wara li din twettaq żewġ spezzjonijiet konsekuttivi — li jkunu għaddew 15-il ġurnata bejniethom — u li juru li ma għadx hemm żieda fil-mortalità.
Artikolu 5
Rekwiżiti għat-tqegħid fis-suq tal-gajdri Crassostrea gigas li joriġinaw minn kompartiment li preċedentement kien suġġett għal miżuri ta’ kontroll minħabba żieda fil-mortalità fil-gajdri Crassostrea gigas b’rabta mal-OsHV-1 μvar
1. Il-gajdri Crassostrea gigas li jitqiegħdu fis-suq u li joriġinaw minn kompartiment li kien suġġett għal miżuri ta’ kontroll fl-2009 jew fl-2010 minħabba żieda fil-mortalità fil-gajdri Crassostrea gigas b’rabta mal-OsHV-1 μvar għandhom:
(a) |
ikunu akkumpanjati minn ċertifikat dwar is-saħħa tal-annimali mimli skont il-mudell stabbilit fl-Anness II ta’ dan ir-Regolament u fin-noti ta’ spjega stabbiliti fl-Anness V tar-Regolament (KE) Nru 1251/2008, jekk l-annimali:
|
(b) |
joriġinaw minn kompartiment fejn tkun ġiet ikkonfermata l-assenza tal-OsHV-1 μvar permezz ta’ teħid ta’ kampjuni u ta’ ttestjar mwettqa skont il-Parti A tal-Anness I; u |
(c) |
jikkonformaw mar-rekwiżiti ta’ saħħet l-annimali stabbiliti fil-mudell taċ-ċertifikat, imsemmija fil-punt (a). |
2. Programm maħsub għas-sejbien minn kmieni tal-OsHV-1 μvar kif imsemmi fil-paragrafu 1(a)(i) għandu jkun konformi mar-rekwiżiti li ġejjin:
(a) |
il-programm għandu jiġi ddikjarat lill-Kumitat Permanenti dwar il-Katina Alimentari u s-Saħħa tal-Annimali; |
(b) |
dikjarazzjoni tali għandha tkun konformi mal-punt 1, il-punti 5.1, 5.2, 5.3, 5.5, u 5.9, u l-punti 6 u 7 tal-mudell tal-formola stabbilita fl-Anness II tad-Deċiżjoni 2009/177/KE; |
(c) |
il-programm għandu jinkludi:
|
3. Il-Paragrafu 1 għandu jibda japplika fi żmien ġimgħa minn dakinhar tal-laqgħa tal-Kumitat Permanenti dwar il-Katina Alimentari u s-Saħħa tal-Annimali fejn ikun ġie ddikjarat il-programm imsemmi fil-paragrafu 1(a)(i).
Artikolu 6
Paġna ta’ informazzjoni fuq l-Internet
1. L-Istati Membri għandhom jagħmlu disponibbli lill-Kummissjoni u lill-Istati Membri l-oħra:
(a) |
lista ta’ żoni għat-trażżin u l-fatturi li jkunu tqiesu biex jiddefinixxu tali żoni, inkluża deskrizzjoni tal-fruntieri ġeografiċi taż-żona rilevanti, stabbilita skont l-Artikolu 2(2); |
(b) |
lista ta’ kompartimenti li tinkludi deskrizzjoni tal-fruntieri ġeografiċi taż-żona rilevanti:
|
(c) |
dikjarazzjonijiet ta' programmi msemmija fl-Artikolu 5(2), inkluża deskrizzjoni tal-fruntieri ġeografiċi ta’ dik iż-żona rilevanti. |
2. L-informazzjoni pprovduta fil-paragrafu 1 għandha tinżamm aġġornata u tkun disponibbli fuq il-paġni ta' informazzjoni fuq l-internet stabbiliti skont l-Artikolu 10 tad-Deċiżjoni 2009/177/KE.
Artikolu 7
Rappurtaġġ
L-Istati Membri għandhom iressqu rapport lill-Kummissjoni dwar il-programmi ddikjarati skont l-Artikolu 5(2) sa mhux aktar tard mill-1 ta’ Ottubru 2010.
Ir-rapport għandu jkun konformi mal-mudell tal-formula li jinsab fl-Anness VI tad-Deċiżjoni 2009/177/KE.
Artikolu 8
Dħul fis-seħħ u applikazzjoni
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-15 ta' Marzu 2010 sal-31 ta' Diċembru 2010.
Dan ir-Regolament jorbot fl-intier tiegħu u huwa direttament applikabbli fl-Istati Membri kollha.
Magħmul fi Brussell, it-2 ta’ Marzu 2010.
Għall-Kummissjoni
Il-President
José Manuel BARROSO
(1) ĠU L 328, 24.11.2006, p. 14.
(2) ĠU L 337, 16.12.2008, p. 41.
(4) ĠU L 139, 30.4.2004, p. 55.
ANNESS I
PARTI A
Teħid tal-kampjuni
1. Teħid tal-kampjuni għall-finijiet tal-Artikolu 2
Il-kampjuni kif jipprovdi għalihom l-Artikolu 2 għandhom jikkonsistu f’tal-inqas 12-il individwu ta’ gajdri Crassotrea gigas. Fit-teħid tal-kampjuni għandu jittieħed kampjun tal-annimali dgħajfa, dawk miftuħa u li jkunu għadhom kif mietu (mhux li jkunu ddekomponew) u dawn għandhom jinġabru mill-kompartiment fejn tkun osservata l-mortalità.
2. Teħid tal-kampjuni għall-finijiet tal-Artikolu 3(2)(b), 5(1)(b) u 5(2)
(a) |
It-teħid tal-kampjuni għall-finijiet tal-Artikolu 3(2)(b) għandu jikkonsisti f’li ġej:
Waqt l-għażla ta’ dawn l-annimali, irid ikun hemm rappreżentazzjoni proporzjonata tal-partijiet kollha tal-kunsinna. Jekk huma preżenti annimali dgħajfa, miftuħa jew li jkunu għadhom kif mietu (mhux li jkunu ddekomponew), għandhom jingħażlu primarjament dawn il-ħut. |
(b) |
It-teħid tal-kampjuni għall-finijiet tal-Artikolu 5(2) għandu jikkonsisti f’tal-inqas 150 individwu ta’ Crassotrea gigas minn kull punt mnejn jittieħdu l-kampjuni. Għandu jittieħed kampjun mill-farms u ż-żoni ta’ kultivazzjoni tal-molluski kollha fl-Istat Membru jew il-kompartiment koperti mill-programm. It-teħid tal-kampjuni għall-finijiet tal-Artikolu 5(1)(b) għandu jikkonsisti f’tal-inqas 150 individwu ta’ gajdri Crassotrea gigas minn kull punt mnejn jittieħdu l-kampjuni. Waqt l-għażla ta’ dawk l-annimali, għandhom jitqiesu l-kriterji li ġejjin:
|
(c) |
It-teħid ta’ kampjuni li jipprovdi għalih l-Artikolu 5(2) għandu jsir fil-perjodu tas-sena meta l-prevalenza tal-OsHV-1 μvar fl-Istat Membru jew fil-kompartiment titqies li hi massima. Meta t-tali dejta ma tkunx disponibbli, it-teħid tal-kampjuni għandu jsir eżatt wara l-perjodu meta t-temperatura tal-ilma taqbeż is-16 °C fiż-żmien tas-sena meta t-temperatura normalment tilħaq il-massimu tagħha. |
(d) |
It-teħid ta’ kampjuni li jipprovdi għalih l-Artikolu 5(1)(b) preferebbilment għandu jsir fil-perjodu tas-sena deskritt fil-punt c. Jekk jittieħdu kampjuni barra dak iż-żmien tas-sena, qabel jiġu ttestjati, il-kampjuni tal-gajdri għandhom jinżammu f'kundizzjonijiet ekwivalenti għal dawk deskritti fil-punt c għal perjodu tajjeb għas-sejbien tal-OsHV-1 μvar. |
PARTI B
Metodi djanjostiċi għas-sejbien tal-OsHV-1 μvar
1. Ambitu
Din il-proċedura tispjega metodu djanjostiku standard biex jintuża għas-sejbien u l-identifikazzjoni tal-OsHV-1 μvar permezz tar-Reazzjoni Katina tal-Polimerażi (Polymerase Chain Reaction, minn hawn ’il quddiem “RKP”). Dan jippermetti d-distinzjoni bejn l-OsHV-1 u l-OsHV-1 μvar.
Meta hu l-każ, sabiex jiġu ottimizzati l-kundizzjonijiet ta’ reazzjoni u biex jiffaċilitaw l-użu tat-tagħmir u l-kundizzjonijiet fil-laboratorju tagħhom stess, il-laboratorji jistgħu japplikaw modifiki lill-metodi deskritti fl-Anness, u dan kemm-il darba tkun tista’ tintwera l-istess sensittività u speċfiċità.
2. Definizzjoni
L-OsHV-1 μvar huwa ddefinit fl-Artikolu 1 ta’ dan ir-Regolament.
3. Tagħmir u kundizzjonijiet ambjentali
It-test djanjostiku użat għas-sejbien u l-identifikazzjoni tal-OsHV-1 μvar bir-RKP jeħtieġ it-tagħmir u l-kundizzjonijiet ambjentali użati tradizzjonalment għal testijiet bir-RKP kif ġej:
— |
Kappa magħluqa mgħammra b’sistema li tipproduċi l-UV biex telimina kontaminazzjonijiet potenzjali fit-tħejjija tat-taħlita tar-RKP. |
— |
Żewġ settijiet kompluti ta' pipetti (2 μl; 20 μl; 200 μl u 1 000 μl), l-ewwel waħda għall-estrazzjoni tad-DNA, u t-tieni għat-tħejjija tat-taħlita tar-RKP. |
— |
Tliet pipetti differenti: pipetta waħda (2 μl) biex tqassam il-kampjuni fit-taħlita tar-RKP, oħra (20 μl) għat-teħid tal-kampjuni tal-EB u pipetta oħra (20 μl) biex tiġbor il-prodotti tar-RKP f’ġellijiet tal-agarożju. |
— |
Ponot tal-pipetti bil-filtru (2 μl; 20 μl; 200 μl u 1 000 μl) għall-estrazzjoni tad-DNA, tħejjija tat-taħlita tar-RKP u d-distribuzzjoni tal-kampjuni. |
— |
Ponot tal-pipetti (20 μl) biex jinġabar il-EB u biex jittellgħu prodotti ta’ amplifikazzjoni f’ġell tal-agarożju. |
— |
Ċiklatur termali biex iwettaq l-amplifikazzjonijiet. |
— |
Sistema ta’ elettroforeżi orizzontali għall-elettroforeżi ta’ prodotti tar-RKP. |
— |
Tabella tal-UV biex jiġu osservati l-prodotti tar-RKP wara l-elettroforeżi f’ġell tal-agarożju. |
— |
Sistema biex jinkisbu ritratti tal-ġellijiet. |
Il-manipulatur għandu jilbes ġagaga tal-laboratorju u ngwanti tul l-istadji differenti kollha deskritti hawn taħt. Preferebbilment, il-ġagaga tal-laboratorju u l-ingwanti għandhom jinbidlu wara kull stadju prinċipali: l-estrazzjoni tad-DNA, it-tħejjija tat-taħlita tar-RKP, it-tqassim tal-kampjuni, l-amplifikazzjoni u l-ġbir għal ġol-ġell.
Huwa rrakkomandat li dawn l-istadji differenti jitwettqu fi kmamar differenti. Aktar importanti minn hekk, l-amplifkazzjoni u l-ġbir għal ġol-ġell/l-elettroforeżi għandhom isiru f’kamra separata minn dik tal-estrazzjoni tad-DNA, tat-tħejjija tat-taħlita tar-RKP u t-tqassim tad-DNA.
4. Proċedura
4.1. Tħejjija tal-kampjuni
Gajdri ħajjin jew li jkunu għadhom kif mietu (ma jkunux iddekomponew), li jistgħu jkunu ġew iffriżati, għall-estrazzjoni tad-DNA.
Il-kampjuni jkunu pproċessati b’mod differenti, skont id-daqs tagħhom:
(a) |
Għal-larvi għandhom jitgħaffġu u jiġu ċentrifugati f’1 000 g għal minuta qatgħat ta’ 50 mg mill-annimali sħaħ (inkluża l-qoxra) kompluti b’200 μl ta’ ilma distillat. |
(b) |
Għal-larvi daqs jew iżgħar minn 6 mm għandhom jitgħaffġu u jiġu ċentrifugati f’1 000 g għal minuta qatgħat ta’ 300 mg mill-annimali sħaħ (inkluża l-qoxra) kompluti b’1 200 μl ta’ ilma distillat. |
(c) |
Għal-larvi bejn is-6 u l-15 mm fid-daqs, it-tessuti r-rotob kollha ta’ kull annimal jitgħaffġu individwalment. |
(d) |
Għal annimali akbar minn 15 mm, jiġu iżolati biċċiet mill-garġi u l-ġilda ta’ mal-ġewwieni. |
L-estrazzjoni tad-DNA issir permezz tal-użu tal-QIAamp® DNA Mini Kit (QIAGEN) u billi jiġu segwiti l-istruzzjonijiet tal-Protokoll tal-Ittestjar tat-Tessuti.
It-tħejjija ulterjuri tal-kampjun issir fl-ordni li ġejja:
1. |
Poġġi 100 μl ta’ supernatant għal kampjuni li jissemmew f’a) u b) jew 10 sa 50 mg ta' tessuti għal kampjuni msemmija fil-punt c) u d) f’tubu mikroċentrifugu ta’ 1,5 ml u żid 180 μl ta’ Buffer ATL. |
2. |
Żid 20 μl Proteinase K, ħallat b’movimenti qosra rotatorji u poġġi f’inkubatur f’temperatura ta’ 56 °C sakemm it-tessut ikun iddiżintegra kompletament (matul il-lejl). Waqt l-inkubazzjoni ħawwad b’movimenti rotatorji okkażjonalment biex tifrex il-kampjun. Iċċentrifuga għal ħin qasir it-tubu mikroċentifugu ta’ 1,5 ml biex tneħħi t-taqtir minn mal-għatu. |
3. |
Żid 200 μl Buffer AL mal-kampjun, ħallat b’movimenti qosra rotatorji għal 15-il sekonda u poġġi f’inkubatur f’temperatura ta’ 70 °C għal 10 minuti. Iċċentrifuga għal ħin qasir it-tubu mikroċentifugu ta’ 1,5 ml biex tneħħi t-taqtir minn mal-għatu. |
4. |
Żid 200 μl ethanol (96-100 %) mal-kampjun u ħallat permezz ta’ movimenti qosra rotatorji għal 15-il sekonda. Iċċentrifuga għal ħin qasir it-tubu mikroċentifugu ta’ 1,5 ml biex tneħħi t-taqtir minn mal-għatu. |
5. |
Ħu ħsieb tapplika b’attenzjoni t-taħlita mill-istadju 4 sal-QIAamp Spin Column (f’tubu tal-ġbir ta’ 2 ml) mingħajr ma xxarrab ix-xifer. Agħlaq it-tapp u ċċentrifuga bl-10 000 rpm kull minuta. Poġġi l-QIAamp Spin Column f’tubu tal-ġbir ta’ 2 ml nadif (ipprovdut fil-pakkett) u armi t-tubu li fih il-filtrat. |
6. |
Iftaħ il-QIAamp Spin Column b’attenzjoni u żid 500 μl Buffer AW1 mingħajr ma xxarrab ix-xifer. Agħlaq it-tapp u ċċentrifuga bl-10 000 rpm kull minuta. Poġġi l-QIAamp Spin Column f’tubu tal-ġbir ta’2 ml nadif (ipprovdut fil-pakkett) u armi t-tubu tal-ġbir li fih il-filtrat. |
7. |
Iftaħ il-QIAamp Spin Column b’attenzjoni u żid 500 μl Buffer AW2 mingħajr ma xxarrab ix-xifer. Agħlaq it-tapp u ċċentrifuga bil-veloċità massima (14 000 rpm) għal 3 minuti. |
8. |
(Mhux mandatorju) Poġġi l-QIAamp Spin Column f’tubu tal-ġbir ta’ 2 ml ġdid (mhux ipprovdut fil-pakkett) u armi t-tubu tal-ġbir li fih il-filtrat. Iċċentrifuga bil-veloċità massima (14 000 rpm) għal minuta. |
9. |
Poġġi l-QIAamp Spin Column f’tubu mikroċentrifugu ta’ 1,5 ml nadif (mhux ipprovdut fil-pakkett) u armi t-tubu tal-ġbir li fih il-filtrat. Iftaħ il-QIAamp Spin Column b’attenzjoni u żid 100 μl ta’ ilma ddistillat. Poġġi f’inkubatur għal 5 minuti f’tempertaura tal-kamra u ċċentrifuga bl-10 000 rpm għal minuta. |
10. |
Ikkontrolla l-kwalità u l-effikaċja tal-estrazzjoni (pereżempju billi tkejjel id-OD (260 nm) taħt spettrofotometru jew wara l-elettroforeżi f’ġell tal-agarożju). |
11. |
Ħejji s-sustanza dilwita tal-kampjuni tiegħek sabiex ikollok konċentrazzjoni ta’ DNA finali ta’ 50-100 ng/μl. |
12. |
Is-soluzzjonijiet tad-DNA jinżammu f’temperatura ta’ 4 °C sakemm jitwettqu l-analiżijiet tar-RKP. |
Għall-estrazzjoni tad-DNA jistgħu jintużaw pakketti (kits) kummerċjali oħra kemm-il darba jkun intwera li dawn jagħtu l-istess riżultati.
4.2. Reazzjoni Katina tal-Polimerażi (RKP)
4.2.1. Sustanzi reattivi
— |
10 X Buffer (fornut b'Taq DNA polymerase) |
— |
MgCl2 (fornut b’DNA polymerase) (25 mm) |
— |
Taq DNA Polymerase (Goldstar, Eurogentec) 5 U/μl |
— |
dNTP (dATP, dCTP, dGTP, dTTT) Master Mix (20 mm) irid ikun dilwit 10 darbiet (b’2 mm) qabel l-użu |
— |
d H20 (H20 distillat ħieles mid-DNA u r-RNA) |
4.2.2. Primers
Għandhom jintużaw il-primers (1) li ġejjin:
|
CF (10 μM) |
|
CR (10 μM) |
4.2.3. It-taħlita tar-RKP
It-taħlita tar-RKP għal kull tubu hija:
|
Volum għal kull tubu |
Konċentrazzjoni Finali |
Buffer (10 X) |
5 μl |
1 X |
MgCl2 (25 mM) |
5 μl |
2,5 mM |
dNTP (2 mM) |
5 μl |
0,2 mM |
CF (10 μM) |
1 μl |
0,2 μM |
CR (10 μM) |
1 μl |
0,2 μM |
Taq polymérase (5 U/μl) |
0,5 μl |
2,5 U |
dH2O |
31,5 μl |
— |
49 μl ta’ din it-taħlita tar-RKP tintefa’ f’kull tubu tar-RKP |
— |
F’kull tubu jiżdied 1 μl tad-DNA estratta (50-100 ng/μl) |
4.2.4. Kontrolli
Jintużaw żewġ tipi ta’ kontrolli:
— |
Il-kontrolli negattivi jikkonsistu f’dH2O (1 μl għal 49 μl ta’ taħlita tar-RKP). Dawn huma intiżi biex isibu kontaminazzjoni potenzjali reattiva jew tal-ambjent tax-xogħol. Għal kull 10 kampjuni għandu jkun hemm kontroll negattiv jew inkella wara kull serje ta’ kampjuni. |
— |
Il-kontrolli pożittivi jikkonsistu f’DNA plasmidika li fiha r-reġjun ta’ ġenoma fil-mira tal-OsHV-1 CF-CR. Dawn huma intiżi biex jiċċekkjaw l-effikaċja tar-reazzjoni tar-RKP. Għal kull analiżi tar-RKP għandu jiġi inkluż kontroll pożittiv wieħed. Il-kontrolli pożittivi huma disponibbli mil-Laboratorju Komunitarju ta’ Referenza. |
4.2.5. Amplifikazzjoni
Iċ-ċikli ta’ amplifikazzjoni jitwettqu f’apparat ta’ ċiklu termali.
— |
Denaturazzjoni inizjali: 2 minuti f’temperatura ta’ 94 °C |
— |
Amplifikazzjoni: 35 ċiklu (minuta b’temp. ta’ 94 °C, minuta b’temp. ta’ 50 °C u minuta b’temp. ta’ 72 °C) |
— |
Elongazzjoni finali: 5 minuti f’temperatura ta’ 72 °C |
4.3 Elettroforeżi
4.3.1 Sustanzi reattivi
— |
50 X TAE (jista’ jinxtara mill-ewwel lest għall-użu):
|
— |
Ġell tal-agarożju 2,5 % f’1X TAE Ethidium bromide (0,5 μg/ml) li jiżdied wara li jitberred il-ġell. |
— |
Żebgħa kaħla għall-ġbir:
|
— |
Indikatur tal-piż molekulari: SmartLadder SF (Eurogentec): indikatur tal-piż molekulari lest għall-użu inkluż 9 faxex spazjati b’mod regolari bejn 100 u 1 000 bp. |
4.3.2 Tħejjija ta’ ġell tal-agarożju
1. |
Piż 2.5 g ta’ agarożju, żid 100 ml ta’ 1X TAE u saħħan sakemm it-taħlita ddub. |
2. |
Wara li tberred is-soluzzjoni, żid l-ethidium bromide (5 μl għal 100 ml ta’ ġell tal-agarożju) u s-soluzzjoni tingħadda ġo forma speċifika mgħammra b'pettnijiet (biex jiġu ffurmati ħofor). |
3. |
Meta l-ġell hu polimerizzat, il-pettnijiet jitneħħew u l-ġell jitqiegħed f’sistema ta’ elettroforeżi orizzontali li fiha biżżejjed 1X TAE sal-kopertura ta’ ġell tal-agarożju. |
4. |
10 μl ta’ prodotti tar-RKP jitħalltu ma’ 2 μl ta' żebgħa kaħla (6X) u jitpoġġew fil-ħofor |
5. |
Toqba waħda hija ddedikata lill-indikatur ta’ piż molekulari (5 μl) |
6. |
Jiġi applikat vultaġġ ta’ bejn 50 u 150 volt għal bejn 30 minuta u siegħa, jiddpendi mid-daqs u l-ħxuna tal-ġell |
7. |
Il-ġell jiġi osservat taħt l-UV. |
4.4. Interpretazzjoni
Il-preżenza tal-OsHV-1 μVar f’kampjun hija indikata bil-preżenza ta’ faxxa ta’ daqs xieraq (157 bp minflok ta’ 173 bp għall-OsHV-1) fuq 2,5 % ta’ ġell tal-agarożju bil-kontrolli kollha negattivi jkunu negattivi u l-kontrolli pożittivi kollha jkunu pożittivi.
PARTI Ċ
Definizzjoni taż-żona għat-trażżin tal-mard
Meta tiġi ddefinita ż-żona għat-trażżin tal-mard skont l-Artikolu 2(2) għandhom jitqiesu l-fatturi li ġejjin li jinfluwenzaw ir-riskji ta’ tixrid tal-marda:
(a) |
in-numru, ir-rata u d-distribuzzjoni tal-molluski fil-farm jew iż-żona ta’ kultivazzjoni tal-molluski hija infettata; |
(b) |
id-distanza u d-densità tal-farms fil-viċin jew iż-żoni ta' kultivazzjoni tal-molluski; |
(c) |
il-prossimità għal stabbilimenti ta’ pproċessar, farms ta’ kuntatt jew żoni ta' kultivazzjoni tal-molluski ta’ kuntatt; |
(d) |
l-ispeċi preżenti fil-farms jew fiż-żoni ta' kultivazzjoni tal-molluski; |
(e) |
prassijiet ta’ kultivazzjoni applikati fil-farms milquta jew fil-farms tal-viċin jew fiż-żoni ta’ kultivazzjoni tal-molluski; u wkoll |
(f) |
il-kundizzjonijiet idrodinamiċi u fatturi oħra ta’ sinifikanza epiżootijoloġika identifikati. |
(1) Dawn il-primers jew id-deksrizzjonijiet tagħhom jistgħu jinkisbu mil-Laboratorju Komunitarju ta’ Referenza għall-mard tal-Molluski (LGP-Ifremer, av de Mus de Loup, 17390 La Tremblade, Franza).
ANNESS II
Mudell ta’ ċertifikat ta’ saħħa tal-annimali għat-tqegħid fis-suq tal-gajdri Crassostrea gigas intiżi għaż-żoni ta’ kultivazzjoni u dawk għall-purifikazzjoni