Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32010R0169

Regolament tal-Kummissjoni (UE) Nru 169/2010 tal- 1 ta' Marzu 2010 li jemenda r-Regolament (KEE) Nru 2454/93 li jiffissa d-dispożizzjonijiet għall-implementazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali Komunitarju

ĠU L 51, 2.3.2010, p. 2–7 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document No longer in force, Date of end of validity: 30/04/2016; Impliċitament imħassar minn 32016R0481

ELI: http://data.europa.eu/eli/reg/2010/169/oj

2.3.2010   

MT

Il-Ġurnal Uffiċjali tal-Unjoni Ewropea

L 51/2

REGOLAMENT TAL-KUMMISSJONI (UE) Nru 169/2010

tal-1 ta' Marzu 2010

li jemenda r-Regolament (KEE) Nru 2454/93 li jiffissa d-dispożizzjonijiet għall-implementazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali Komunitarju

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KEE) Nru 2913/92 tat-12 ta’ Ottubru 1992 li jwaqqaf il-Kodiċi Doganali tal-Komunità (1), u b’mod partikolari l-Artikolu 247 tiegħu,

Billi:

(1)

L-Artikoli 4k sa 4t tar-Regolament tal-Kummissjoni (KEE) Nru 2454/93 (2) kif emendat mir-Regolament (KE) Nru 312/2009 (3) jistipulaw li operaturi ekonomiċi li ma jkunux stabbiliti fiż-żona doganali tal-Komunità għandhom jiġu reġistrati mill-awtorità doganali jew mill-awtorità maħtura tal-Istat Membru kkonċernat. Madankollu, huwa neċessarju li jiġi speċifikat li operaturi ekonomiċi li ma jkunux stabbiliti fiż-żona doganali tal-Komunità u li jippreżentaw dikjarazzjoni doganali fil-Komunita'biex jissottomettu prodotti taħt il-proċedura ta’ importazzjoni temporanja ma jkollhomx bżonn li jiġu reġistrati għal numru ta' Reġistrazzjoni u Identifikazzjoni tal-Operaturi Ekonomiċi (numru EORI) jekk jagħlqu dik il-proċedura permezz ta' esportazzjoni mill-ġdid.

(2)

Operaturi ekonomiċi stabbiliti f'parti kontraenti fil-Konvenzjoni dwar proċedura komuni ta' tranżitu, approvata mid-Deċiżjoni tal-Kunsill 87/415/EEC (4), barra mill-Unjoni Ewropea li jippreżentaw dikjarazzjoni doganali biex iqiegħdu prodotti taħt il-proċedura ta' tranżitu komuni u operaturi ekonomiċi stabbiliti f’Andorra u San Marino li jippreżentaw dikjarazzjoni doganali biex iqiegħdu prodotti taħt il-proċedura ta' tranżitu tal-Komunità diġà huma assenjati numri ta' identifikazzjoni ta' kummerċjanti li jistgħu jintużaw biex bihom ikunu identifikati. Huma għandhom għalhekk jiġu esklużi mill-obbligu ta' reġistrazzjoni għal numru EORI. Madankollu, dik l-eċċezzjoni għandha tkun limitata biss għal każijiet fejn id-dejta pprovduta fid-dikjarazzjoni doganali ma tkunx użata bħala dikjarazzjoni sommarja ta’ dħul jew ħruġ, peress li n-numru EORI huwa importanti biex ikunu jistgħu jsiru analiżi ta’ riskju f’dawk il-każijiet.

(3)

Fid-dawl tal-Artikolu 186 tar-Regolament (KEE) Nru 2454/93, kif emendat bir-Regolament (KE) Nru 312/2009, l-Anness 30a tar-Regolament (KEE) Nru 2454/93 għandu jiġi adattat.

(4)

Sabiex l-uffiċċju doganali tal-ewwel port jew ajruport ta’ dħul ikun jista’ jgħaddi, fejn ikun xieraq, informazzjoni neċessarja sabiex isseħħ analiżi xierqa dwar riskji lill-uffiċċju doganali fi kwalunkwe port jew ajruport kif stipulat fl-Artikolu 184e tar-Regolament (KEE) Nru 2454/93, huwa meħtieġ li jiżdied obbligu ta’ dejta ġdid kif ukoll in-nota ta’ spjegazzjoni relatata dwar id-dejta fl-Anness 30a tar-Regolament (KEE) Nru 2454/93.

(5)

L-Anness 38 tar-Regolament (KEE) Nru 2454/93, għandu jirrifletti l-fatt li f’xi każijiet speċifiċi jiġu imposti dazji skont arranġamenti tal-unjoni doganali konklużi mill-Unjoni Ewropea.

(6)

Ir-Regolament tal-Kunsill (KEE) Nru 565/80 tal-4 ta’ Marzu1980 fuq il-ħlas bil-quddiem ta’ rifużjonijiet fuq l-esportazzjoni rigward prodotti agrikoli (5) ġie mħassar. Ir-Regolament tal-Kummissjoni (KE) Nru 1741/2006 (6) li hemm bħalissa jistipula l-kundizzjonijiet li taħthom tingħata r-rifużjoni speċjali ta’ esportazzjoni fir-rigward ta’ laħam bil-għadma minn annimali tal-ifrat adulti maskili li jitqiegħu taħt il-proċedura ta’ ħażna doganali qabel l-esportazzjoni filwaqt li r-Regolament tal-Kummissjoni (KE) Nru 1731/2006 (7) jistipula regoli dettaljati speċjali għall-applikazzjoni ta’ rifużjonijiet ta’ esportazzjoni fil-każ ta’ ċerti prodotti priżervati taċ-ċanga u tal-vitella li jkun jinħtieġu superviżjoni doganali u kontroll doganali matul il-manifattura qabel l-esportazzjoni. L-Annessi 37 u 38 għar-Regolament (KEE) Nru. 2454/93 għandhom jinbidlu kif xieraq.

(7)

L-Artikolu 152(1)(a)a tar-Regolament (KEE) Nru 2454/93, kif emendat mir-Regolament (KE) Nru 215/2006 (8) jipprevedi sistema li permezz tagħha l-prezzijiet bl-unità li jiġu notifikati mill-Istati Membri u mxandra mill-Kummissjoni jistgħu jiġu użati biex jiġi determinat il-valur doganali ta’ ċerti prodotti li jmorru li jiġu impurtati b’kunsinnji. Dik is-sistema tieħu post regoli speċifiċi għad-determinazzjoni tal-valur doganali ta' ċerti prodotti li jmorru li huma msemmija fl-Artikoli 173 sa 177 tar-Regolament (KE) Nru 2454/93. L-Anness 38 għal dak ir-Regolament għandu għalhekk jiġi aġġornat.

(8)

Ir-Regolament tal-Kunsill (KE) Nru 3223/94 tal-21 ta’ Diċembru 1994 dwar regoli dettaljati għall-applikazzjoni tal-arranġamenti ta’ importazzjoni tal-frott u l-ħxejjex (9) inbidel bir-Regolament tal-Kummissjoni (KE) Nru 1580/2007 tal-21 ta’ Diċembru 2007 li jistipula regoli ta’ implimentazzjoni għar-Regolamenti tal-Kunsill (KE) Nru. 2200/96, (KE) Nru 2201/96 u (KE) Nru. 1182/2007 fis-settur tal-frott u l-ħxejjex (10). Dak it-tibdil għandu jiġi rifless fl-Anness 38 tar-Regolament (KEE) Nru 2454/93.

(9)

Ir-Regolament tal-Kummissjoni (KE) Nru 800/1999 tal-15 ta’ April 1999 li jistabbilixxi regoli komuni dettaljati għall-applikazzjoni tas-sistema ta' rifużjonijiet fuq l-esportazzjoni ta' prodotti agrikoli (11) nbidel bir-Regolament tal-Kummissjoni (KE) Nru 612/2009 tas-7 ta’ Lulju 2009 li jistabbilixxi regoli komuni għall-applikazzjoni tas-sistema ta' rifużjonijiet fuq l-esportazzjoni ta' prodotti agrikoli (12). Il-Kaxxa 37 tal-Anness 38 tar-Regolament (KE) Nru 2454/93 għandu għalhekk jiġi aġġustat kif xieraq.

(10)

Fid-dawl tad-dispożizzjonijiet dwar proċeduri simplifikati fir-Regolament (KEE) Nru 2454/93 kif emendat mir-Regolament (KE) Nru 1875/2006 (13), huwa meħtieġ li jiġu aġġornati l-kodiċi għal “Informazzjoni addizzjonali” fil-Kaxxa 44 tal-Anness 38 tar-Regolament (KEE) Nru 2454/93, skont dan.

(11)

Ir-Regolament (KEE) Nru 2913/92 kif emendat bir-Regolament (KE) Nru 648/2005 tal-Parlament Ewropew u tal-Kunsill (14) biex jiddaħħlu dikjarazzjonijiet sommarji ta’ dħul u li jemenda r-Regolament (KEE) Nru. 2454/93, kif emendat mir-Regolament (KE) Nru 1875/2006, jipprovdi għal dikjarazzjonijiet sommarji ta’ dħul għall-iskopijiet ta’ ħażna temporanja. Dawn iż-żewġ dikjarazzjonijiet għandhom għalhekk jiġu inklużi fil-“Lista ta” abbrevazzjonijiet għal dokumenti’ fl-Anness 38 tar-Regolament (KEE) Nru 2454/93.

(12)

Ir-Regolament (KEE) Nru 2454/93 għandu għaldaqstant jiġi emendat b’dan il-mod.

(13)

Sabiex tiġi żgurata l-implementazzjoni ta' dan ir-Regolament hu neċessarju li l-Istati Membri jingħataw biżżejjed żmien għall-adattar neċessarju tas-sistemi kompjuterizzati tagħhom.

(14)

Il-miżuri previsti f’dan ir-Regolament huma skont l-opinjoni tal-Kumitat tal-Kodiċi Doganali,

ADOTTA DAN IR-REGOLAMENT:

Artikolu 1

Ir-Regolament (KEE) Nru 2454/93 huwa emendat kif ġej:

(1)

Fl-Artikolu 41(3), punt (a) huwa sostitwit b'li ġej:

“(a)

Jissottometti fil-Komunità sommarju jew dikjarazzjoni doganali li mhix waħda minn dawn li ġejjin:

(i)

dikjarazzjoni doganali magħmula skont l-Artikoli 225 sa 238

(ii)

dikjarazzjoni doganali magħmula għall-importazzjoni temporanja jew biex din il-proċedura tingħalaq permezz ta’ esportazzjoni mill-ġdid;

(iii)

dikjarazzjoni doganali li tkun saret skont il-proċedura ta’ tranżitu komuni minn operatur ekonomiku stabbili f’parti kontraenti tal-Konvenzjoni dwar proċedura komuni tat-tranżitu barra l-Unjoni Ewropea, fejn dik id-dikjarrazzjoni ma tintużax ukoll bħala dikjarazzjoni sommarja ta’ dħul jew ħruġ;

(iv)

dikjarazzjoni doganali magħmula taħt il-proċedura ta' tranżitu tal-Komunità minn operatur ekonomiku stabbiliti fl-Andorra jew f’San Marino, fejn dik id-dikjarazzjoni ma tintużax wkoll bħala dikjarazzjoni sommarja ta' dħul jew ħruġ.”

(2)

L-Anness 30a hu emendat skont l-Anness I ta’ dan ir-Regolament.

(3)

L-Anness 37 hu emendat skont lAnness II ta’ dan ir-Regolament.

(4)

L-Anness 38 hu emendat skont l-Anness III ta’ dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mill-1 ta’ Lulju 2010.

Dan ir-Regolament għandu jorbot fl-intier tiegħu u jkun applikabbli direttament fl-Istati-Membri kollha.

Magħmul fi Brussell, l-1 ta’ Marzu 2010.

Għall-Kummissjoni

Il-President

José Manuel BARROSO

(1)  ĠU L 302, 19.10.1992, p. 1.

(2)  ĠU L 253, 11.10.1993, p. 1.

(3)  ĠU L 98, 17.4.2009, p. 3.

(4)  OJ L 226, 13.8.1987, p. 1.

(5)  ĠU L 62, 7.3.1980, p. 5.

(6)  ĠU L 329, 25.11.2006, p. 7.

(7)  ĠU L 325, 24.11.2006, p. 12.

(8)  ĠU L 38, 9.2.2006, p. 11.

(9)  ĠU L 337, 24.12.1994, p. 66.

(10)  ĠU L 350, 31.12.2007, p. 1.

(11)  ĠU L 102, 17.4.1999, p. 11.

(12)  ĠU L 186, 17.7.2009, p. 1.

(13)  ĠU L 360, 19.12.2006, p. 64.

(14)  ĠU L 117, 4.5.2005, p. 13.

ANNESS I

L-Anness 30a tar-Regolament (KEE) Nru 2454/93 huwa emendat kif ġej:

(1)

Fit-Taqsima 1, it-tieni sentenza tan-nota 1.3 għandha titħassar.

(2)

Is-Sezzjoni 2 hi emendata kif ġej:

(a)

Fit-Tabella 1, tidħol ir-ringiela li ġejja:

“Kodiċi ta' uffiċċju/i doganali ta' dħul sussegwenti

 

Z”

(b)

Fit-Tabella 2, tidħol ir-ringiela li ġejja:

“Kodiċi ta' uffiċċju/i doganali ta' dħul sussegwenti

 

Z”

(c)

Fit-Tabella 5, tidħol ir-ringiela li ġejja:

“Kodiċi ta' uffiċċju/i doganali ta' dħul sussegwenti

 

Z”

(3)

Taqsima 4 tiġi emendata kif ġej:

(a)

Taħt “Uffiċċju doganali ta' ħruġ”, l-ewwel paragrafu tan-nota ta’ spjegazzjoni tinbidel b’dan li ġej:

“Kodiċi previst fl-Anness 38 għal kaxxa SAD 29 għall-uffiċċju doganali ta' ħruġ intenzjonat”

(b)

Għandha tiżdied in-nota ta’ spjegazzjoni li ġejja:

“Kodiċi ta' uffiċċju/i doganali ta' dħul sussegwenti

L-identifikazzjoni tal-uffiċċji doganali ta' dħul sussegwenti fiż-żona doganali tal-Komunità.

Dan il-kodiċi għandu jingħata meta l-kodiċi għall-mezz ta’ trasport fil-konfini jkun 1, 4 jew 8.

Il-kodiċi għandu jżomm mad-disinn previst fl-Anness 38 għall-Kaxxa SAD 29 għall-uffiċċju doganali ta' dħul.”

ANNESS II

L-Anness 37 tar-Regolament (KEE) Nru 2454/93 jiġi emendat kif ġej:

(1)

Fit-Titolu I, Sezzjoni B, taħt l-intestatura “Leġenda”, flok il-titolu ta' kolonna B jidħol dan li ġej:

“B:

Proċedura ta’ ħażna doganali sabiex jinkiseb il-pagament ta’ rifużjonijiet speċjali ta’ esportazzjoni qabel l-esportazzjoni jew il-manifattura taħt superviżjoni doganali u kont kontroll doganali qabel l-esportazzjoni u l-pagament ta’ rifużjonijiet ta’ esportazzjoni 76,77”

(2)

It-Titolu II, Sezzjoni A, huwa emendat kif ġej:

(a)

L-intestatura għandha tinbidel b’dan li ġej:

“A.   

FORMALITAJIET DWAR L-ESPORTAZZJONI/RILAXX, RIESPORTAZZJONI, ĦAŻNA DOGANALI JEW MANIFATTURA TAĦT SUPERVIŻJONI DOGANALI U TAĦT KONTROLL DOGANALI TA’ PRODOTTI SOTTOPOSTI GĦAL RIFUŻJONIJIET TA’ ESPORTAZZJONI, IPPROĊESSAR GĦAL BARRA, TRANŻITU KOMUNITARJU U/JEW TA’ PROVA TAL-ISTATUS KOMUNITARJU TAL-PRODOTTI”

(b)

Taħt “Kaxxa 8”, fl-ewwel paragrafu, it-tieni sentenza hi mħassra.

ANNESS III

L-Anness 38 tar-Regolament (KEE) Nru 2454/93, it-Titolu II jiġi emendat kif ġej:

(1)

Il-Kaxxa 1 hija emendata kif ġej:

(a)

Fl-‘Ewwel sottodiviżjoni’, it-tieni paragrafu tal-kodiċi CO jinbidel b’li ġej:

“It-tqegħid ta’ prodotti fil-proċedura ta’ ħażna doganali sabiex jinkiseb il-pagament ta’ rifużjonijiet speċjali ta’ esportazzjoni qabel l-esportazzjoni jew il-manifattura taħt superviżjoni doganali u ta’ kontroll doganali qabel l-esportazzjoni u l-pagament ta’ rifużjonijiet ta’ esportazzjoni.”

(b)

Fit-‘Tieni sottodiviżjoni’ il-kodiċi X u Y huma mibdula b'dan li ġej:

“X

għal dikjarazzjoni supplementari skont proċedura simplifikata koperta b'B u E”

“Y

għal dikjarazzjoni supplementari skont proċedura simplifikata koperta b'C u F”

(2)

Fil-Kaxxa 36, il-punt 1(4) jinbidel b’dan li ġej:

“4

Dazji doganali skont id-dispożizzjonijiet tal-ftehimiet ta' unjoni doganali konklużi mill-Unjoni Ewropea”.

(3)

Il-Kaxxa 37 hija emendata kif ġej:

(a)

Sezzjoni A “L-ewwel sottodiviżjoni” hija emendata kif ġej:

(i)

Fil-Kodiċi 49, “l-Eżempji” għandhom jinbidlu b’ li ġej:

“Eżempji

:

Oġġetti li jaslu minn Martinique u li jidħlu għall-użu domestiku fil-Belġju.

Oġġetti li jaslu minn Andorra u li jidħlu għall-użu domestiku fil-Ġermanja.”

(ii)

Il-Kodiċi 76 u 77 għandhom jinbidlu b’ li ġej:

“76

It-tqegħid ta’ prodotti taħt proċedura ta' ħażna doganali sabiex jinkiseb il-pagament ta' rifużjonijiet speċjali ta' esportazzjoni qabel l-esportazzjoni.

Eżempju

:

Laħam bl-għadma ta’ annimali tal-ifrat adulti maskili mqiegħed taħt il-proċedura ta’ ħażna doganali qabel l-esportazzjoni (l-Artikolu 4 tar-Regolament tal-Kummissjoni (KE) Nru 1741/2006 tal-24 ta' Novembru 2006 li jistipula l-kundizzjonijiet biex tingħata r-rifużjoni speċjali ta' esportazzjoni fil-każ ta’ laħam bl-għadma ta’ annimali tal-ifrat adulti maskili imqiegħda taħt proċedura ta’ ħażna doganali qabel l-esportazzjoni (*)

77

Il-manufattura ta' merkanzija taħt superviżjoni mill-awtoritajiet doganali u taħt kontroll doganali (fit-tifsira ta' Artikolu 4(13) u (14) tal-Kodiċi) qabel l-esportazzjoni u l-pagament ta’ rifużjonijiet ta’ esportazzjoni.

Eżempju

:

Prodotti taċ-ċanga u tal-vitella ppreservati taħt superviżjoni mill-awtoritajiet doganali u taħt kontroll doganali qabel l-esportazzjoni (l-Artikoli 2 u 3 tar-Regolament tal-Kummissjoni (KE) Nru 1731/2006 tat-23 ta’ Novembru 2006 dwar regoli speċjali għall-applikazzjoni tar-rifużjonijiet tal-esportazzjoni ta' ċerti prodotti ppriservati tal-laħam taċ-ċanga u tal-vitella (**)

(*)  ĠU L 329, 25.11.2006, p. 7."

(**)  ĠU L 325, 24.11.2006, p. 12.”."

(b)

Sezzjoni B “It-Tieni sottodiviżjoni” hija emendata kif ġej:

(i)

Fit-tabella “Prodotti agrikoli” l-entrati għall-kodiċi E01 u E02 huma mibdula b'dan li ġej:

“L-użu tal-prezz ta' unità għad-determinazzjoni tal-valur doganali għal ċerti prodotti li jmorru (l-Artikolu 152(1)(a)a)

E01

Valuri ta’ importazzjoni standard (pereżempju: ir-Regolament tal-Kummissjoni (KE) Nru 1580/2007 (***)

E02

(ii)

Fit-tabella “Oħrajn” il-linja għall-kodiċi F63 hija mibdula b'dan li ġej:

“Dħul f'maħżen tal-ikel (l-Artikoli 37sa 40 tar-Regolament tal-Kummissjoni (KE) Nru 612/2009 (****)

F63

(4)

Taħt Kaxxa 40, fit-tabella “Lista ta’ abbrevjazzjonijiet għal dokumenti” bejn il-linja “T2M” u “Oħrajn”, jiddaħħħal ir-ringieli li ġejjin:

“Dikjarazzjoni sommarja tad-dħul

355

Dikjarazzjoni sommarja għal ħażna temporanja

337”

(5)

Taħt Kaxxa 44, Sezzjoni 1, “Informazzjoni” addizzjonali hu emendat kif ġej:

(a)

“l-Eżempju” jiġi sostitwit b' li ġej:

“Eżempju

:

Min jagħmel id-dikjarazzjoni jista’ jindika x-xewqa tiegħu li jkollu l-Kopja 3 rritornata lilu billi jiddaħħal ‘RET-EXP’ jew il-kodiċi 30400 fil-Kaxxa 44 (l-Artikolu 793a(2)).”

(b)

It-tielet paragrafu jinbidel b’ li ġej:

“It-tipi kollha tal-informazzjoni addizzjonali huma elenkati fit-tmiem dan it-titolu.”

(6)

F’ “Informazzjoni addizzjonali - Kodiċi XXXXX”, it-tabella “Dwar l-esportazzjoni:Kodiċi: 3 xxx” hija sostitwita b'li ġej:

“Dwar l-esportazzjoni: Kodiċi 3xxxx

298

esportazzjoni ta' prodotti agrikoli soġġetti għal użu aħħari

Artikolu 298 Regolament (KEE) Nru 2454/93 użu aħħari: merkanzija destinata għall-esportazzjoni-rifużjoni agrikola mhux applikabbli

44

30 300

793a(2)

Ix-xewqa li l-kopja 3 tingħata lura

‘RET-EXP’

44

30 400 ”

(***)  ĠU L 350, 31.12.2007, p. 1.”

(****)  ĠU L 186, 17.7.2009, p. 1.”

Top