This document is an excerpt from the EUR-Lex website
Document 32010D0477
Decision No 477/2010/EU of the European Parliament and of the Council of 19 May 2010 repealing Council Decision 79/542/EEC drawing up a list of third countries or parts of third countries, and laying down animal and public health and veterinary certification conditions, for importation into the Community of certain live animals and their fresh meat
Deċiżjoni Nru 477/2010/UE tal-Parlament Ewropew u tal-Kunsill tad- 19 ta' Mejju 2010 li tħassar id-Deċiżjoni tal-Kunsill 79/542/KEE li tfassal lista ta' pajjiżi terzi jew partijiet minn pajjiżi terzi, u li tistabbilixxi il-kondizzjonijiet għas-saħħa tal-annimali u dik pubblika u għaċ-ċertifikazzjoni veterinarja, għall-importazzjoni lejn il-Komunità ta' ċerti annimali ħajjin u l-laħam frisk tagħhom
Deċiżjoni Nru 477/2010/UE tal-Parlament Ewropew u tal-Kunsill tad- 19 ta' Mejju 2010 li tħassar id-Deċiżjoni tal-Kunsill 79/542/KEE li tfassal lista ta' pajjiżi terzi jew partijiet minn pajjiżi terzi, u li tistabbilixxi il-kondizzjonijiet għas-saħħa tal-annimali u dik pubblika u għaċ-ċertifikazzjoni veterinarja, għall-importazzjoni lejn il-Komunità ta' ċerti annimali ħajjin u l-laħam frisk tagħhom
ĠU L 135, 2.6.2010, p. 1–2
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
2.6.2010 |
MT |
Il-Ġurnal Uffiċjali tal-Unjoni Ewropea |
L 135/1 |
DEĊIŻJONI Nru 477/2010/UE TAL-PARLAMENT EWROPEW U TAL-KUNSILL
tad-19 ta' Mejju 2010
li tħassar id-Deċiżjoni tal-Kunsill 79/542/KEE li tfassal lista ta' pajjiżi terzi jew partijiet minn pajjiżi terzi, u li tistabbilixxi il-kondizzjonijiet għas-saħħa tal-annimali u dik pubblika u għaċ-ċertifikazzjoni veterinarja, għall-importazzjoni lejn il-Komunità ta' ċerti annimali ħajjin u l-laħam frisk tagħhom
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea, u b'mod partikolari l-Artikolu 43(2) u l-Artikolu 168(4)(b) tiegħu,
Wara li kkunsidraw il-proposta mill-Kummissjoni Ewropea,
Wara li kkunsidraw l-opinjoni tal-Kumitat Ekonomiku u Soċjali Ewropew (1),
Wara li kkonsultaw il-Kumitat tar-Reġuni,
Filwaqt li jaġixxu konformement mal-proċedura leġislattiva ordinarja (2),
Billi:
(1) |
Id-Direttiva tal-Kunsill 72/462/KEE tat-12 ta' Diċembru 1972 dwar il-problemi tas-saħħa u l-ispezzjonijiet veterinarji fuq l-importazzjoni ta' bhejjem tal-ifrat, mogħoż u ngħaġ u majjali, kif ukoll ta' laħam frisk jew ta’ prodotti tal-laħam minn pajjiżi terzi (3) pprevediet li għandha titfassal lista tal-pajjiżi jew tal-partijiet minnhom li minnhom l-Istati Membri jistgħu jawtorizzaw l-importazzjoni ta’ ċerti annimali ħajjin u ta’ laħam frisk ta’ ċerti annimali. |
(2) |
Għalhekk, ġiet adottata d-Deċiżjoni tal-Kunsill 79/542/KEE tal-21 ta' Diċembru 1976 li tfassal lista ta' pajjiżi terzi jew ta’ partijiet minn pajjiżi terzi, u li tistabbilixxi l-kondizzjonijiet għas-saħħa tal-annimali u dik pubblika u għaċ-ċertifikazzjoni veterinarja, għall-importazzjoni lejn l-Unjoni ta' ċerti annimali ħajjin u l-laħam frisk tagħhom (4). Din id-Deċiżjoni tistabbilixxi l-kondizzjonijiet sanitarji għall-importazzjoni lejn l-Unjoni ta' annimali ħajjin, esklużi l-ekwidi, u għall-importazzjoni ta' laħam frisk ta’ annimali bħal dawn, inklużi l-ekwidi, iżda li teskludi l-preparazzjonijiet tal-laħam. L-Annessi I u II ta’ din id-Deċiżjoni jistabbilixxu wkoll listi ta’ pajjiżi terzi jew ta’ partijiet minnhom li minnhom ċerti annimali ħajjin u l-laħam frisk tagħhom jistgħu jiġu importati lejn l-Unjoni kif ukoll mudelli ta’ ċertifikati veterinarji. |
(3) |
Mid-data tal-adozzjoni ta’ dik id-Deċiżjoni, għadd ta’ rekwiżiti ġodda tas-saħħa tal-annimali u dik pubblika ġew stabbiliti f’atti oħra Komunitarji, inklużi d-Direttiva tal-Kunsill 2002/99/KE tas-16 ta' Diċembru 2002 li tistabbilixxi r-regoli sanitarji għall-annimali u li jiddeterminaw il-produzzjoni, l-ipproċessar, id-distribuzzjoni u l-introduzzjoni ta’ prodotti li joriġinaw mill-annimali u li huma għall-konsum uman (5), u d-Direttiva tal-Kunsill 2004/68/KE tas-26 ta' April 2004 li tistabbilixxi r-regoli tas-saħħa tal-annimali għall-importazzjoni lejn u t-transitu matul il-Komunità għal ċerti annimali ungulati ħajjin (6), kif ukoll ir-Regolament (KE) Nru 852/2004 tal-Parlament Ewropew u tal-Kunsill tad-29 ta’ April 2004 dwar l-iġjene tal-oġġetti tal-ikel (7), ir-Regolament (KE) Nru 853/2004 tal-Parlament Ewropew u tal-Kunsill tad-29 ta’ April 2004 li jistabbilixxi ċerti regoli speċifiċi ta’ iġjene għall-ikel li joriġina mill-annimali (8), ir-Regolament (KE) Nru 854/2004 tal-Parlament Ewropew u tal-Kunsill tad-29 ta’ April 2004 li jippreskrivi regoli speċifiċi għall-organizzazzjoni ta' kontrolli uffiċjali fuq prodotti li joriġinaw mill-annimali maħsuba għall-konsum uman (9), u r-Regolament (KE) Nru 882/2004 tal-Parlament Eworpew u tal-Kunsill tad-29 ta’ April 2004 dwar il-kontrolli uffiċjali mwettqa biex tiġi żgurata l-verifikazzjoni tal-konformità mal-liġi tal-għalf u l-ikel, mas-saħħa tal-annimali u mar-regoli dwar il-welfare tal-annimali (10). |
(4) |
Dawk l-atti Komunitarji jikkostitwixxu qafas regolatorju ġdid f’dan il-qasam u d-Direttiva 72/462/KEE ġiet ukoll mħassra mid-Direttiva 2004/68/KE. |
(5) |
L-Artikolu 20 tad-Direttiva 2004/68/KE jipprevedi li r-regoli ta’ implimentazzjoni stabbiliti skont id-deċiżjonijiet adottati għall-importazzjoni ta’ annimali ħajjin, ta’ laħam u ta’ prodotti tal-laħam skont id-Direttiva 72/462/KEE, inter alia d-Deċiżjoni 79/542/KEE, għandhom jibqgħu fis-seħħ sa meta jiġu ssostitwiti b' miżuri adottati skont il-qafas regolatorju l-ġdid. |
(6) |
Addizzjonalment, l-Artikolu 4(3) tad-Direttiva 2004/41/KE tal-Parlament Ewropew u tal-Kunsill tal-21 ta' April 2004 li tħassar ċerti Direttivi rigward iġene tal-ikel u kondizzjonijiet ta' saħħa għall-produzzjoni u sabiex ikunu mqiegħda fis-suq ċerti prodotti li joriġinaw mill-annimali intiżi għall-konsum mill-bniedem (11) jipprevedi li sakemm jiġu adottati d-dispożizzjonijiet meħtieġa fuq il-bażi tar-Regolament (KE) Nru 852/2004, tar-Regolament (KE) Nru 853/2004, tar-Regolament (KE) Nru 854/2004 jew tad-Direttiva 2002/99/KE, ir-regoli ta’ implimentazzjoni adottati fuq il-bażi tad-Direttiva 72/462/KEE għandhom ikomplu japplikaw. |
(7) |
Ir-Regolament tal-Kummissjoni (UE) Nru 206/2010 tat-12 ta' Marzu 2010 li jistabbilixxi listi ta’ pajjiżi terzi, territorji jew partijiet minnhom awtorizzati għall-introduzzjoni lejn l-Unjoni Ewropea ta’ ċerti annimali u ta’ laħam frisk u r-rekwiżiti ta’ ċertifikazzjoni (12), fih rekwiżiti ta’ ċertifikazzjoni veterinarja u dispożizzjonijiet oħra li jieħdu kont tal-qafas regolatorju l-ġdid u li jissosstitwixxu dawk stabbiliti fid-Deċiżjoni 79/542/KEE. Sa mid-data tad-dħul fis-seħħ ta' dak ir-Regolament, id-Deċiżjoni 79/542/KEE tkun għalhekk skadiet u ma tapplikax aktar. |
(8) |
Għall-fini taċ-ċarezza u t-trasparenza tal-leġiżlazzjoni tal-Unjoni, id-Deċiżjoni 79/542/KEE għandha tiġi mħassra espliċitament b’effett minn dik id-data, |
ADOTTAW DIN ID-DEĊIŻJONI:
Artikolu 1
Id-Deċiżjoni 79/542/KEE għandha tiġi mħassra b’effett mid-9 ta’ April 2010.
Ir-referenzi għad-Deċiżjoni mħassra għandhom jittieħdu bħala referenzi għar-Regolament (UE) Nru 206/2010.
Artikolu 2
Din id-Deċiżjoni hija indirizzata lill-Istati Membri.
Magħmul fi Strasburgu, id-19 ta’ Mejju 2010.
Għall-Parlament Ewropew
Il-President
J. BUZEK
Għall-Kunsill
Il-President
D. LÓPEZ GARRIDO
(1) Opinjoni tas-16 ta' Diċembru 2009 (għadha mhijiex ippubblikata fil-Ġurnal Uffiċjali).
(2) Pożizzjoni tal-Parlament Ewropew tal-25 ta' Marzu 2010 (għadha mhijiex ippubblikata fil-Ġurnal Uffiċjali) u Deċiżjoni tal-Kunsill tas-26 ta' April 2010.
(3) ĠU L 302, 31.12.1972, p. 28.
(4) ĠU L 146, 14.6.1979, p. 15.
(5) ĠU L 18, 23.1.2003, p. 11.
(6) ĠU L 139, 30.4.2004, p. 321.
(7) ĠU L 139, 30.4.2004, p. 1.
(8) ĠU L 139, 30.4.2004, p. 55.
(9) ĠU L 139, 30.4.2004, p. 206.
(10) ĠU L 165, 30.4.2004, p. 1.
(11) ĠU L 157, 30.4.2004, p. 33.
(12) ĠU L 73, 20.3.2010, p. 1.