This document is an excerpt from the EUR-Lex website
Document 32010D0115(01)
European Investment Bank — Decision of the Board of Governors of 30 March 2009 on the increase in the capital of the European Investment Bank
Bank Ewropew tal-Investiment – Deċiżjoni tal-Bord tal-Gvernaturi tat- 30 ta’ Marzu 2009 dwar iż-żieda fil-kapital tal-Bank Ewropew tal-Investiment
Bank Ewropew tal-Investiment – Deċiżjoni tal-Bord tal-Gvernaturi tat- 30 ta’ Marzu 2009 dwar iż-żieda fil-kapital tal-Bank Ewropew tal-Investiment
ĠU L 10, 15.1.2010, p. 19–21
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
|
15.1.2010 |
MT |
Il-Ġurnal Uffiċjali tal-Unjoni Ewropea |
L 10/19 |
BANK EWROPEW TAL-INVESTIMENT
DEĊIŻJONI TAL-BORD TAL-GVERNATURI
tat-30 ta’ Marzu 2009
dwar iż-żieda fil-kapital tal-Bank Ewropew tal-Investiment
IL-BORD TAL-GVERNATURI TAL-BANK EWROPEW TAL-INVESTIMENT,
WARA LI KKUNSIDRA l-Artikoli 4(3) u 5(2) tal-Istatut,
BILLI l-kompitu tal-Bank huwa stabbilit fl-Artikolu 267 tat-Trattat li jistabbilixxi l-Komunità Ewropea,
BILLI skont it-tieni subparagrafu tal-Artikolu 4(1) tal-Istatut tal-Bank, l-unità tal-kont għandha tkun iddefinita bħala li hija l-euro,
BILLI l-iżvilupp reċenti fl-attività tal-Bank u l-iżvilupp li aktarx ser ikun hemm fit-tislif, b’mod partikolari bil-għan li tingħata risposta għas-sejħiet tal-Kunsill Ewropew u l-Kunsill tal-ECOFIN, jeħtieġ appoġġ akbar mill-BEI għal firxa ta’ attivitajiet, b’mod partikolari fil-perspettiva preżenti tas-sitwazzjoni ekonomika fl-UE matul is-snin li ġejjin,
BILLI skont id-deliberazzjonijiet tal-Bord tad-Diretturi dwar il-ħtiġijiet ta’ kapital tal-Bank fil-laqgħa tiegħu tas-16 ta’ Diċembru 2008, il-kapital sottoskritt tal-Bank għandu jiżdied għal EUR 232 392 989 000; il-porzjon li għandu jitħallas għandu jkun ta’ 5 fil-mija, iffinanzjat għal kollox mill-Bank mir-Riżervi Addizzjonali tiegħu, u l-Fond ta’ Riżerva għandu jerġa’ jinbena progressivament sar-rekwiżit statutorju tiegħu ta’ 10 fil-mija tal-kapital sottoskritt,
IDDEĊIEDA UNANIMAMENT fit-30 ta’ Marzu 2009, permezz tal-proċedura bil-miktub stipulata fl-Artikolu 5 tar-Regoli tal-Proċedura tal-Bank, fuq proposta mill-Bord tad-Diretturi, skont l-Artikolu 4(3) tal-Istatut tal-BEI li:
|
1. |
Riżervi Addizzjonali tal-Bank fl-ammont ta’ EUR 5 379 241 000 għandhom jitqiesu bħala riżervi liberi; |
|
2. |
Mir-riżervi liberi, EUR 2 000 000 000 għandhom jiġu ttrasferiti lil riżerva apposta bħala appoġġ għall-SFF u impenji simili; |
|
3. |
B’effett mill-1 ta’ April 2009, il-kapital tal-Bank għandu jiżdied skont kif ġej:
|
KONSEGWENTEMENT
|
3.4. |
L-Istatut tal-Bank għandu jiġi emendat. Sa mill-1 ta’ April 2009: l-ewwel subparagrafu tal-Artikolu 4(1) tal-Istatut tal-Bank għandu jkun ifformulat kif ġej: “Il-kapital tal-Bank għandu jkun EUR 232 392 989 000 sottoskritt mill-Istati Membri skont kif ġej
|
|
4. |
Din id-deċiżjoni għandha tiġi ppubblikata f’Il-Ġurnal Uffiċjali tal-Unjoni Ewropea. |
Għall-Bord tal-Gvernaturi
Iċ-Chairman
C. STAVRAKIS
Is-Segretarju
A. QUEREJETA