Edizzjoni speċjali bil-Kroat: Kapitolu 03 Volum 052 P. 153 - 154
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32009D0125
2009/125/EC: Commission Decision of 12 February 2009 concerning a financial contribution by the Community towards controlling sheep and goat plague in Morocco
2009/125/KE: Deċiżjoni tal-Kummissjoni tat- 12 ta' Frar 2009 li tikkonċerna kontribuzzjoni finanzjarja mill-Komunità għall-Kontroll tal-Pesta tan-nagħaġ u l-mogħoż fil-Marokk
2009/125/KE: Deċiżjoni tal-Kummissjoni tat- 12 ta' Frar 2009 li tikkonċerna kontribuzzjoni finanzjarja mill-Komunità għall-Kontroll tal-Pesta tan-nagħaġ u l-mogħoż fil-Marokk
ĠU L 42, 13.2.2009, pp. 20–21
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Language
HTML
PDF
Official Journal
|
13.2.2009 |
MT |
Il-Ġurnal Uffiċjali tal-Unjoni Ewropea |
L 42/20 |
DEĊIŻJONI TAL-KUMMISSJONI
tat-12 ta' Frar 2009
li tikkonċerna kontribuzzjoni finanzjarja mill-Komunità għall-Kontroll tal-Pesta tan-nagħaġ u l-mogħoż fil-Marokk
(2009/125/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Deċiżjoni tal-Kunsill 90/424/KEE tas-26 ta’ Ġunju 1990 dwar in-nefqa fil-kamp veterinarju (1), u b’mod partikolari l-Artikolu 8 tagħha,
Billi:
|
(1) |
Skont id-Deċiżjoni 90/424/KEE, il-Komunità tista’ tagħti s-sostenn tagħha biex tikkontrolla l-miżuri kontra marda minn pajjiż terz, jekk l-okkorrenza jew l-iżvilupp ta’ marda bħal din fil-pajjiż terz tista’ tikkostitwixxi periklu għall-Komunità. |
|
(2) |
Il-Pesta tan-nagħaġ u l-mogħoż (magħrufa wkoll bl-isem Franċiż Peste des Petits Ruminants (PPR)) hija marda ferm infettiva u kontaġjuża ta’ bhejjem żgħar li jixtarru simili ħafna tal-Pesta tal-Ifrat (Rinderpest). Matul l-aħħar għaxar snin din il-marda wriet tendenza ċara ħafna li tinxtered, kemm fl-Afrika kif ukoll fl-Ażja. |
|
(3) |
Il-Marokk għarraf lill-Kummissjoni li l-Pesta tan-nagħaġ u l-mogħoż ġiet osservata fit-territorju tiegħu u nxterdet b’mod estensiv fi żmien qasir ħafna. Ir-razza tal-virus osservata dan l-aħħar fil-Marokk hija ta’ tip li sa issa ma kinitx tinsab fl-Afrika. |
|
(4) |
Il-Pesta tan-nagħaġ u l-mogħoż tista’ tiġi kkontrollata permezz ta’ tilqim, u hemm vaċċin disponibbli li se jħares kontra s-serotipi kollha u li jagħti ħarsien fit-tul kontra l-marda. |
|
(5) |
L-awtoritajiet fil-Marokk ħejjew strateġija ta’ tilqim. Huma bagħtu l-istrateġija lill-Kummissjoni u talbu sostenn finanzjarju tal-Komunità. |
|
(6) |
It-tixrid tal-Pesta tan-nagħaġ u l-mogħoż lejn il-Komunità ma jistax jiġi dejjem evitat permezz tal-miżuri fis-seħħ fil-fruntieri tal-Komunità, filwaqt li tifqigħa ta’ din il-marda fil-Komunità jkollha konsegwenzi serji ħafna u għaldaqstant għandha tiġi evitata. Għal din ir-raġuni huwa xieraq li l-Marokk jiġi appoġġjat fl-isforzi tiegħu biex jikkontrolla l-marda, iżommha milli ssir endemika f’dan il-pajjiż u biex il-vaċċini jkunu disponibbli għall-Marokk għall-kampanja ta’ tilqim kontra l-Pesta tan-nagħaġ u l-mogħoż. Għandu jkun speċifikat l-ammont massimu ta’ din il-kontribuzzjoni. |
|
(7) |
Minħabba l-urġenza tas-sitwazzjoni, il-miżuri stipulati f’din id-Deċiżjoni għandhom preferibbilment jitlestew sa mhux aktar tard mill-31 ta’ Mejju 2009. |
|
(8) |
Il-miżuri stipulati f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali. |
IDDEĊIDIET KIF ĠEJ:
Artikolu 1
1. Il-Kummissjoni għandha tipprovdi lill-awtoritajiet Marokkini b’vaċċini kontra l-Pesta tan-nagħaġ u l-mogħoż, għal użu fil-kampanja ta’ tilqim li għaddejja fil-Marokk kontra din il-marda.
2. Il-miżuri msemmija fil-paragrafu 1 għandhom jitwettqu mill-Kummissjoni b’kooperazzjoni mal-awtoritajiet fil-Marokk. Il-vaċċini li jridu jingħataw lill-awtoritajiet Marokkini għandhom jintużaw għall-istrateġija ta’ tilqim kontra l-Pesta tan-nagħaġ u l-mogħoż li għandha titwettaq fl-2009 fil-Marokk.
Artikolu 2
1. Il-Kummissjoni għandha ġġorr l-ispejjeż kollha tal-miżuri msemmija fl-Artikolu 1(1) li ma għandhomx jaqbżu ammont massimu ta’ EUR 1 500 000.
2. Il-Kummissjoni għandha tikkonkludi kuntratt tal-akkwist (kuntratt ta’ forniment) dwar il-miżuri stipulati fil-paragrafu 1 permezz tal-proċedura xierqa ta’ sejħa għall-offerti, li għaliha l-proċedura għandha tiġi mnedija sal-31 ta’ Mejju 2009.
3. Id-Direttur Ġenerali tad-Direttorat Ġenerali għas-Saħħa u l-Protezzjoni tal-Konsumatur hu hawnhekk awtorizzat li jiffirma l-kuntratt stipulat fil-paragrafu 2 f’isem il-Kummissjoni.
Artikolu 3
Il-kontribuzzjonijiet finanzjarji stipulati fl-Artikoli 1 u 2 għandhom ikunu ffinanzjati permezz tal-linja tal-baġit 17 04 02 01 tal-baġit tal-Komunitajiet Ewropej għall-2009.
Magħmula fi Brussell, 12 ta’ Frar 2009.
Għall-Kummissjoni
Androulla VASSILIOU
Membru tal-Kummissjoni