24.4.2008   

MT

Il-Ġurnal Uffiċjali ta’ l-Unjoni Ewropea

L 112/29

(1)

Id-Deċiżjoni tal-Kummissjoni 2006/923/KE (2) approvat kontribuzzjoni finanzjarja mill-Komunità għal programm ta’ miżuri introdotti mill-Portugall li għandu l-għan li fl-2006 u l-2007 jikkontrolla l-Bursaphelenchus xylophilus (Steiner et Buhrer) Nickle et al. (nematodu ta’ l-injam ta’ l-arżnu) milli jinfirex lejn Stati Membri oħra. Il-miżuri kienu jikkonsistu mill-ħolqien ta’ ostaklu li jkun ħieles mis-siġar kollha ospitanti tal-vetturi tan-nematodu ta’ l-injam ta’ l-arżnu, minn issa ‘l quddiem “faxxa ta’ konteniment fitosanitarju”.

(2)

Mill-adozzjoni tad-Deċiżjoni 2006/923/KE ‘l hawn, il-Portugall kellu jiffaċċja bosta ċirkustanzi avversivi u eċċezzjonali, li wasslu għal dewmien fl-eżekuzzjoni tal-miżuri. Dawk iċ-ċirkustanzi ġew spjegati f’ittra mill-Portugall lill-Kummissjoni bid-data tat-28 ta’ Settembru 2007. B’mod partikolari, filwaqt li l-programm inizjali kien ibbażat fuq stima ta’ 700 000 siġra ta’ l-arżnu li kellhom jitqaċċtu, sar neċessarju li b’kollox jitqaċċtu 980 000 siġra. Barra minn hekk, 3 700 000 siġra ta’ l-arżnu żgħar kellhom jiġu eliminati wkoll. L-awtoritajiet Portugiżi spjegaw id-differenza fin-numru ta’ siġar bil-fatt li l-unika data disponibbli dak iż-żmien, l-inventarju nazzjonali tal-foresta mill-1995, dehret li kienet skaduta u li ssottovalutat is-siġar żgħar, is-siġar iżolati u s-siġar li kienu prevalenti f’siti mħallta tal-weraq.

(3)

Minkejja ċ-ċirkustanzi avversivi, il-Kummissjoni vverifikat permezz tal-missjonijiet tagħha fil-Portugall li l-awtoritajiet Portugiżi kienu kapaċi jilħqu l-għanijiet stipulati fl-Artikolu 1 tad-Deċiżjoni 2006/923/KE b’mod xieraq. Inevitabilment id-dewmien kumulattiv ma ppermettilhomx milli jagħtu bis-sħiħ ir-riżultati mistennija fi ħdan il-limitu ta’ żmien strett stipulat fid-Deċiżjoni għat-tlestija tal-miżuri. Minkejja dan, id-dewmien ma kienx b’tali mod li xekkel il-miżuri milli jiżvolġu l-effett tagħhom bis-sħiħ u, minħabba l-kondizzjonijiet tat-temp fir-Rebbiegħa 2007 fil-Portugall, li ma kienx favorevoli għat-titjir ta’ l-insett vettur tan-nematodu ta’ l-injam ta’ l-arżnu, ma rriżultax f’riskju fitosanitarju miżjud.

(4)

Id-Deċiżjoni 2006/923/KE stipulat penali, fl-għamla ta’ tnaqqis progressiv tal-finanzjament tal-Komunità, fil-każ ta’ nuqqas ta’ implimentazzjoni jew implimentazzjoni tard tal-miżuri. L-applikazzjoni ta’ tnaqqis u sanzjonijiet bħal dawn huma sproporzjonati fid-dawl taċ-ċirkustanzi eċċezzjonali.

(5)

Id-dokumentazzjoni li għandha titressaq mill-Portugall trid tkun b’tali mod li tippermetti lill-Kummissjoni li tikkonkludi li l-kondizzjonijiet tal-ħlas tal-bilanċ tal-kontribuzzjoni finanzjarja tal-Komunità stipulata fid-Deċiżjoni 2006/923/KE ntlaħqu. Minħabba li ċ-ċirkustanzi eċċezzjonali ffaċċjati mill-Portugall dawmu wkoll il-pagamenti mill-Portugall lill-kumpaniji privati li wettqu l-faxxa ta’ konteniment fitosanitarju, id-data ta’ skadenza sabiex titressaq id-dokumentazzjoni xierqa għandha tiġi estiża.

(6)

Il-miżuri previsti f’din id-Deċiżjoni huma skond l-opinjoni tal-Kumitat Permanenti dwar is-Saħħa tal-Pjanti.

(a)

il-miżuri meħtieġa għall-ħolqien ta’ faxxa ta’ konteniment fitosanitarju bħala żona ħielsa mill-vetturi ospiti tan-nematodu ta’ l-injam ta’ l-arżnu ġew implimentati mill-Portugall b’mod aċċettabbli u jilħqu l-għanijiet imsemmija fl-Artikolu 1 tad-Deċiżjoni 2006/923/KE;

(b)

Il-Portugall ippreżentat lill-Kummissjoni rapport finanzjarju, inklużi fatturi u rċevuti reġistrati, u rapport finali tekniku kif previst fl-Artikolu 5 tad-Deċiżjoni 2006/923/KE.