This document is an excerpt from the EUR-Lex website
Document 32008D0027
2008/27/EC: Commission Decision of 21 December 2007 establishing the Community’s financial contribution to the expenditure incurred in the context of the emergency measures taken to combat avian influenza in the United Kingdom in 2006 (notified under document number C(2007) 6687)
2008/27/KE: Deċiżjoni tal-Kummissjoni tal- 21 ta’ Diċembru 2007 li tistabbilixxi l-kontribuzzjoni finanzjarja mill-Komunità għan-nefqa mġarrba fil-kuntest tal-miżuri ta’ emerġenza meħuda għall-ġlieda kontra l-influwenza tat-tjur fir-Renju Unit fl-2006 (notifikata taħt id-dokument numru C(2007) 6687)
2008/27/KE: Deċiżjoni tal-Kummissjoni tal- 21 ta’ Diċembru 2007 li tistabbilixxi l-kontribuzzjoni finanzjarja mill-Komunità għan-nefqa mġarrba fil-kuntest tal-miżuri ta’ emerġenza meħuda għall-ġlieda kontra l-influwenza tat-tjur fir-Renju Unit fl-2006 (notifikata taħt id-dokument numru C(2007) 6687)
ĠU L 5, 9.1.2008, p. 15–16
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
|
9.1.2008 |
MT |
Il-Ġurnal Uffiċjali ta’ l-Unjoni Ewropea |
L 5/15 |
DEĊIŻJONI TAL-KUMMISSJONI
tal-21 ta’ Diċembru 2007
li tistabbilixxi l-kontribuzzjoni finanzjarja mill-Komunità għan-nefqa mġarrba fil-kuntest tal-miżuri ta’ emerġenza meħuda għall-ġlieda kontra l-influwenza tat-tjur fir-Renju Unit fl-2006
(notifikata taħt id-dokument numru C(2007) 6687)
(It-test Ingliż biss huwa awtentiku)
(2008/27/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Deċiżjoni tal-Kunsill 90/424/KEE tas-26 ta’ Ġunju 1990 dwar in-nefqa fil-qasam veterinarju (1), u partikolarment l-Artikoli 3(3) u 3a(1) tagħha,
Billi:
|
(1) |
Fl-2006 kien hemm tifqigħat ta’ l-influwenza tat-tjur fir-Renju Unit. Il-feġġ ta’ din il-marda ppreżenta periklu serju għall-popolazzjoni tal-bhejjem tal-Komunità. |
|
(2) |
Għall-prevenzjoni tat-tixrid tal-marda u biex tingħata għajnuna għall-eradikazzjoni tagħha malajr kemm jista' jkun, il-Komunità għandha tikkontribwixxi finanzjarjament għan-nefqa eliġibbli mġarrba mill-Istat Membru skond il-miżuri ta’ emerġenza li ttieħdu fil-ġlieda kontra l-marda, kif previst fid-Deċiżjoni 90/424/KEE. |
|
(3) |
Id-Deċiżjoni tal-Kummissjoni 2007/272/KE tal-25 ta’ April 2007 li tikkonċerna kontribuzzjoni finanzjarja mill-Komunità diretta lejn miżuri ta’ emerġenza meħuda biex għall-ġlieda ta’ l-influwenza tat-tjur fir-Renju Unit fl-2006 (2) allokat kontribuzzjoni finanzjarja bir-rata ta’ 50 % tan-nefqa eliġibbli għall-iffinanzjar tal-Komunità għall-implimentazzjoni tal-miżuri meħuda għall-ġlieda kontra din it-tifqigħa. |
|
(4) |
Skond din id-Deċiżjoni, il-kontribuzzjoni finanzjarja tal-Komunità għandha titħallas fuq il-bażi tat-talba mressqa mir-Renju Unit fit-18 ta’ Mejju 2007 u d-dokumenti ta’ evidenza kif stipulati fl-Artikolu 7 tar-Regolament tal-Kummissjoni (KE) Nru 349/2005 tat-28 ta’ Frar 2005 li jistabilixxi r-regoli rigward il-finanzjament Komunitarju għall-interventi urġenti u l-ġlieda kontra ċertu mard ta’ l-annimali kif imsemmi fid-Deċiżjoni tal-Kunsill 90/424/KEE (3). |
|
(5) |
Fid-dawl ta’ dawk il-kunsiderazzjonijiet, l-ammont totali tal-kontribuzzjoni finanzjarja Komunitarja għan-nefqa eliġibbli mġarrba assoċjata ma’ l-eradikazzjoni ta’ l-influwenza tat-tjur fir-Renju Unit fl-2006 issa għandu jiġi stipulat. |
|
(6) |
Ir-riżultati ta’ l-ispezzjonijiet li saru mill-Kummissjoni f’konformità mar-regoli veterinarji Komunitarji u l-kundizzjonijiet għall-għoti tal-kontribuzzjonijiet finanzjarji tal-Komunità jfissru l-ammont sħiħ tan-nefqa li tressqet ma jistax jiġi rikonoxxut bħala wieħed eliġibbli għall-kontribuzzjoni finanzjarja tal-Komunità. |
|
(7) |
L-osservazzjonijiet tal-Kummissjoni, il-metodu għall-kalkolu tan-nefqa eliġibbli u l-konklużjonijiet finali ġew ikkomunikati lir-Renju Unit f’ittra bid-data tal-5 ta’ Ottubru 2007. |
|
(8) |
Il-miżuri previsti f'din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali, |
ADOTTAT DIN ID-DEĊIŻJONI:
Artikolu 1
Il-kontribuzzjoni finanzjarja totali tal-Komunità diretta lejn in-nefqa assoċjata ma’ l-eradikazzjoni ta’ l-influwenza tat-tjur fir-Renju Unit fl-2006 skond id-Deċiżjoni 2007/272/KE hija stipulata għal EUR 385 363,67.
Artikolu 2
Din id-Deċiżjoni hija indirizzata lir-Renju Unit tal-Gran Brittanja u l-Irlanda ta’ Fuq.
Magħmula fi Brussell, 21 ta’ Diċembru 2007.
Għall-Kummissjoni
Markos KYPRIANOU
Membru tal-Kummissjoni
(1) ĠU L 224, 18.8.1990, p. 19. Id-Deċiżjoni kif emendata l-aħħar bir-Regolament (KE) Nru 1791/2006 (ĠU L 363, 20.12.2006, p. 1).
(2) ĠU L 115, 3.5.2007, p. 24.