Edizzjoni speċjali bil-Kroat: Kapitolu 02 Volum 019 P. 219 - 220
EUR-Lex Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
You are here
Document 32007R1151
Council Regulation (EC) No 1151/2007 of 26 September 2007 opening autonomous and transitional Community tariff quotas for the import of certain agricultural products originating in Switzerland
Regolament tal-Kunsill (KE) Nru 1151/2007 tas- 26 ta’ Settembru 2007 li jiftaħ kwoti tariffarji Komunitarji awtonomi u transizzjonali għall-importazzjoni ta’ ċerti prodotti agrikoli li joriġinaw fl-Iżvizzera
Regolament tal-Kunsill (KE) Nru 1151/2007 tas- 26 ta’ Settembru 2007 li jiftaħ kwoti tariffarji Komunitarji awtonomi u transizzjonali għall-importazzjoni ta’ ċerti prodotti agrikoli li joriġinaw fl-Iżvizzera
ĠU L 258, 4.10.2007, p. 1–2
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Language
HTML
PDF
Official Journal
|
4.10.2007 |
MT |
Il-Ġurnal Uffiċjali ta’ l-Unjoni Ewropea |
L 258/1 |
REGOLAMENT TAL-KUNSILL (KE) Nru 1151/2007
tas-26 ta’ Settembru 2007
li jiftaħ kwoti tariffarji Komunitarji awtonomi u transizzjonali għall-importazzjoni ta’ ċerti prodotti agrikoli li joriġinaw fl-Iżvizzera
IL-KUNSILL ta’ L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u partikolarment l-Artikolu 133 tiegħu,
Wara li kkunsidra l-proposta mill-Kummissjoni,
Billi:
|
(1) |
Konsegwentement għall-adeżjoni tal-Bulgarija u tar-Rumanija ma’ l-Unjoni Ewropea, huwa kunsiljabbli li l-flussi tal-kummerċ agrikolu jinżammu skond il-preferenzi mogħtija qabel taħt l-arranġamenti bilaterali bejn iż-żewġ Stati Membri u l-Iżvizzera. Il-Komunità u l-Iżvizzera qablu li jipproċedu bl-adattament ta’ konċessjonijiet tariffarji fi ħdan il-qafas tal-Ftehim bejn il-Komunità Ewropea u l-Konfederazzjoni Żvizzera dwar kummerċ fi prodotti agrikoli (1) (minn hawn ’il quddiem imsejjaħ “il-Ftehim”), li daħal fis-seħħ fl-1 ta’ Ġunju 2002. L-adattament ta’ dawn il-konċessjonijiet għandu jinkludi l-ftuħ ta’ kwoti tariffarji Kommunitarji ġodda għall-importazzjoni ta’ frawli (kodiċi NM 0810 10 00), pitravi chard (jew pitravi zokkrija) u kardun (kodiċi NM 0709 90 20) li joriġinaw fl-Iżvizzera. |
|
(2) |
Il-proċeduri bilaterali għall-adattament tal-konċessjonijiet fl-Annessi 1 u 2 tal-Ftehim se jieħdu ż-żmien. Sabiex tiġi żgurata d-disponibbiltà tal-benefiċċju tal-kwota sakemm dak l-adattament jidħol fis-seħħ, jixraq li dawn il-kwoti tariffarji jinfetħu fuq bażi awtonoma u transizzjonali. |
|
(3) |
Ir-Regolament tal-Kummissjoni (KEE) Nru 2454/93 tat-2 ta’ Lulju 1993 li jiffissa d-dispożizzjonijiet għall-implementazzjoni tar-Regolament tal-Kunsill (KEE) Nru 2913/92 li jistabbilixxi il-Kodiċi Doganali Komunitarju (2) jipprovdi sistema għall-ġestjoni ta’ kwoti tariffarji. Il-kwoti tariffarji miftuħa b’dan ir-Regolament għandhom jiġu amministrati mill-Kummissjoni u mill-Istati Membri skond dik is-sistema. |
|
(4) |
Ir-regoli ta’ l-oriġini previsti fl-Artikolu 4 tal-Ftehim għandhom japplikaw, |
ADOTTA DAN IR-REGOLAMENT:
Artikolu 1
1. Hija b’dan miftuħa annwalment, fuq bażi awtonoma u transizzjonali, kwota tariffarja Komunitarja mingħajr dazju għal prodotti li jaqgħu taħt il-kodiċi NM 0810 10 00 li joriġinaw fl-Iżvizzera għall perjodu mill-1 ta’ Jannar sal-31 ta’ Diċembru.
In-numru ta’ l-ordni tal-kwota għandu jkun 09.0948. Il-volum annwali għandu jkun ta’ 200 tunnellata metrika piż nett.
2. Hija b’dan miftuħa annwalment, fuq bażi awtonoma u transizzjonali, kwota tariffarja Komunitarja mingħajr dazju għal prodotti li jaqgħu taħt il-kodiċi NM 0709 90 20 li joriġinaw fl-Iżvizzera għall perjodu mill-1 ta’ Jannar sal-31 ta’ Diċembru.
In-numru ta’ l-ordni tal-kwota għandu jkun 09.0950. Il-volum annwali għandu jkun ta’ 300 tunnellata metrika piż nett.
3. Fl-2007, il-kwoti tariffarji previsti fil-paragrafi 1 u 2 għandhom jinfetħu għall-perjodu mill-1 ta’ Settembru sal-31 ta’ Diċembru, għall-volumi annwali sħaħ previsti fil-paragrafi 1 u 2.
4. Il-kwoti tariffarji previsti fil-paragrafi 1 u 2 għandhom jiskadu fil-31 ta’ Diċembru 2009.
5. Ir-regoli ta’ l-oriġini previsti fl-Artikolu 4 tal-Ftehim bejn il-Komunità Ewropea u l-Konfederazzjoni Żvizzera dwar il-kummerċ fi prodotti agrikoli għandhom japplikaw għall-prodotti msemmija fil-paragrafi 1 u 2 ta’ dan l-Artikolu.
Artikolu 2
Il-kwoti tariffarji previsti fl-Artikolu 1 għandhom ikunu amministrati mill-Kummissjoni skond l-Artikoli 308a, 308b u 308ċ tar-Regolament (KEE) Nru 2454/93.
Artikolu 3
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Għandu japplika mill-1 ta’ Settembru 2007.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 26 ta’ Settembru 2007.
Għall-Kunsill
Il-President
J. SILVA
(1) ĠU L 114, 30.4.2002, p. 132. Ftehim kif emendat l-aħħar mid-Deċiżjoni Nru 1/2007 tal-Kumitat Konġunt għall-Agrikoltura (ĠU L 173, 3.7.2007, p. 31).
(2) ĠU L 253, 11.10.1993, p. 1. Regolament kif emendat l-aħħar mir-Regolament (KE) Nru 214/2007 (ĠU L 62, 1.3.2007, p. 6).