Edizzjoni speċjali bil-Kroat: Kapitolu 03 Volum 033 P. 265 - 267
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32007R0242
Commission Regulation (EC) No 242/2007 of 6 March 2007 concerning the authorisation of endo-1,4-beta xylanase EC 3.2.1.8 (Belfeed B1100MP and Belfeed B1100ML) as a feed additive (Text with EEA relevance)
Regolament tal-Kummissjoni (KE) Nru 242/2007 tas- 6 ta' Marzu 2007 rigward l-awtorizzazzjoni ta' l-endo-1,4-beta xylanase EC 3.2.1.8 (Belfeed B1100MP u Belfeed B1100ML) bħala addittiv fl-għalf (Test b'rilevanza għaż-ŻEE)
Regolament tal-Kummissjoni (KE) Nru 242/2007 tas- 6 ta' Marzu 2007 rigward l-awtorizzazzjoni ta' l-endo-1,4-beta xylanase EC 3.2.1.8 (Belfeed B1100MP u Belfeed B1100ML) bħala addittiv fl-għalf (Test b'rilevanza għaż-ŻEE)
ĠU L 73, 13.3.2007, p. 1–3
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Language
HTML
PDF
Official Journal
|
13.3.2007 |
MT |
Il-Ġurnal Uffiċjali ta’ l-Unjoni Ewropea |
1 |
REGOLAMENT TAL-KUMMISSJONI (KE) Nru 242/2007
tas-6 ta' Marzu 2007
rigward l-awtorizzazzjoni ta' l-endo-1,4-beta xylanase EC 3.2.1.8 (Belfeed B1100MP u Belfeed B1100ML) bħala addittiv fl-għalf
(Test b'rilevanza għaż-ŻEE)
IL-KUMMISSJONI TAL-KOMUNITAJIET EWROPEJ
Wara li kkunsidrat t-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta' Settembru 2003 dwar l-addittivi għall-użu fl-għalf ta' l-annimali (1), u b'mod partikolari l-Artikolu 9(2) tiegħu,
Billi:
|
(1) |
Ir-Regolament (KE) Nru 1831/2003 jipprovdi għall-awtorizzazzjoni ta' addittivi għall-użu fin-nutriment ta' l-annimali u għall-bażi u l-proċeduri biex tingħata din l-awtorizzazzjoni. |
|
(2) |
B'konformità ma' l-Artikolu 7 tar-Regolament (KE) Nru 1831/2003, intbagħtet applikazzjoni għall-awtorizzazzjoni tal-preparazzjoni stipulata fl-Anness. Din l-applikazzjoni kienet akkumpanjata mill-partikolaritajiet u d-dokumenti rekwiżiti taħt l-Artikolu 7(3) ta' dan ir-Regolament. |
|
(3) |
L-applikazzjoni tikkonċerna użu ġdid tal-preparazzjoni ta' endo-1,4-beta xylanase KE 3.2.1.8 prodotta permezz tal-Bacillus subtilis (LMG S-15136), bħala addittiv fl-għalf tal-papri, li għandha tiġi kklassifikata fil-kategorija ta' addittivi “addittivi żootekniċi”. |
|
(4) |
Il-metodu ta' analiżi inkluż fl-applikazzjoni għall-awtorizzazzjoni skond l-Artikolu 7(3)(c) tar-Regolament (KE) Nru 1831/2003 jikkonċerna d-determinazzjoni tas-sustanza attiva ta' l-addittiv fl-għalf. Għalhekk il-metodu ta' analiżi msemmi fl-Anness ta' dan ir-Regolament ma għandux jinftiehem bħala l-metodu ta' analiżi tal-Komunità fi ħdan it-tifsira ta' l-Artikolu 11 tar-Regolament (KE) Nru 882/2004 tal-Parlament Ewropew u tal-Kunsill tad-29 ta' April 2004 dwar il-kontrolli uffiċjali mwettqa biex jiżguraw il-verifika tal-konformità mal-liġi ta' l-għalf u ta' ikel, mas-saħħa ta' l-annimali u mar-regoli tal-benesseri ta' l-annimali (2). |
|
(5) |
L-użu ta' endo-1,4-beta xylanase KE 3.2.1.8 prodott mill-Bacillus subtilis (LMG S-15136) ġie awtorizzat għall-ħnienes (li nfatmu) mingħajr limitu ta' żmien mir-Regolament tal-Kummissjoni (KE) Nru 1206/2005 (3) u għat-tiġieġ għat-tismin mir-Regolament tal-Kummissjoni (KE) Nru 1259/2004 (4). Tressqet data ġdida bħala sostenn ta' l-applikazzjoni għall-awtorizzazzjoni għall-papri. Fl-opinjoni tagħha tal-15 ta' Ġunju 2006 (5), l-Awtorità Ewropea għas-Sigurtà ta' l-Ikel (“l-Awtorità”) ikkonkludiet li s-sikurezza ta' dan l-addittiv għall-konsumatur, l-utent u l-ambjent diġà ġiet stabbilita u mhux se tinbidel bl-użu ġdid propost. Kompliet tikkonkludi li l-użu tal-preparazzjoni ma għandux effett negattiv fuq din il-kategorija supplimentari ta' l-annimali u li l-użu ta' din il-preparazzjoni jista' jtejjeb il-parametri żootekniċi fil-papri. L-Awtorità ma tikkunsidrax li hemm bżonn ta' rekwiżiti speċifiċi ta' sorveljanza wara t-tqegħid fis-suq. Hija vverifikat ukoll ir-rapport dwar il-metodu ta' analiżi ta' l-addittivi fl-għalf, f'għalf imressaq mil-Laboratorju ta' Referenza tal-Komunità stabbilit mir-Regolament (KE) Nru 1831/2003. |
|
(6) |
Il-valutazzjoni ta' din il-preparazzjoni turi li l-kondizzjonijiet għall-awtorizzazzjoni, previsti fl-Artikolu 5 tar-Regolament (KE) Nru 1831/2003, ġew issodisfatti. Għaldaqstant, l-użu ta' din il-preparazzjoni għandu jiġi awtorizzat, kif speċifikat fl-Anness ta' dan ir-Regolament. |
|
(7) |
Il-miżuri previsti f'dan ir-Regolament huma konformi ma' l-opinjoni tal-Kumitat Permanenti dwar il-Katina ta' l-Ikel u s-Saħħa ta' l-Annimali, |
ADOTTAT DAN IR-REGOLAMENT:
Artikolu 1
Il-preparazzjoni speċifikata fl-Anness, li tifforma parti mill-kategorija ta' addittivi “addittivi żootekniċi” u mill-grupp funzjonali “sustanzi li jsaħħu d-diġestibiltà”, hija awtorizzata bħala addittiv fin-nutrizzjoni ta' l-annimali suġġetta għall-kondizzjonijiet stipulati f'dan l-Anness.
Artikolu 2
Dan ir-Regolament għandu jidħol fis-seħħ fit-tnax-il jum wara dak tal-pubblikazzjoni tiegħu fil-Ġurnal Uffiċjali ta' l-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, 6 ta' Marzu 2007.
Għall-Kummissjoni
Markos KYPRIANOU
Membru tal-Kummissjoni
(1) ĠU L 268, 18.10.2003, p. 29. Regolament kif emendat l-aħħar mir-Regolament tal-Kummissjoni (KE) Nru 378/2005 (ĠU L 59, 5.3.2005, p. 8).
(2) ĠU L 165, 30.4.2004, p. 1; ikkoreġut mill-ĠU L 191, 28.5.2004, p. 1. Regolament kif l-aħħar emendat mir-Regolament tal-Kunsill (KE) Nru 1791/2006 (ĠU L 363, 20.12.2006, p. 1).
(3) ĠU L 197, 28.7.2005, p. 12.
(5) L-opinjoni tal-bord Xjentifiku dwar l-Addittivi u Prodotti jew Sustanzi użati fl-Għalf ta' l-Annimali dwar is-sikurezza u l-effettivit tal-preparazzjoni ta' l-enżima Belfeed B1100MP u belfeed B1100ML (endo-1-4-beta xylanase) awtorizzata bħala addittiv fl-għalf skond id-Direttiva tal-Kunsill 70/524/KEE. Adottata fil-15 ta' Ġunju 2006. Il-Ġurnal ta' l-EFSA (2006) 368, p. 1-7.
ANNESS
|
Numru ta’ identifikaz-zjoni ta’ l-addittiv |
Isem ta’ min għandu l-awtorizzazzjoni |
Addittiv (Isem kummerċjali) |
Kompożizzjoni, formula kimika, deskrizzjoni, metodu analitiku |
Speċi jew kategorija ta’ annimal |
Età massima |
Kontenut minimu |
Kontenut massimu |
Dispożizzjonijiet oħrajn |
Tmiem tal-perjodu ta’ awtoriz-zazzjoni |
||||||||
|
Unitajiet ta' attività/kg ta’ għalf sħiħ b’kontenut ta’ umdità ta’ 12 % |
|||||||||||||||||
|
Kategorija ta ’ addittivi żootekniċi. Grupp funzjonali: Sustanzi li jsaħħu d-diġestibilità. |
|||||||||||||||||
|
4a1606 |
Beldem SA |
endo-1,4-beta-xylanase: EC 3.2.1.8 (Belfeed B1100MP Belfeed B1100ML) |
Kompożizzjoni ta ’ l-addittiv Preparazzjoni ta' endo-1,4-beta xylanase EC 3.2.1.8 li għandha forma ta' attività solida u likwida minima ta' 100 IU (1) /g jew ml Karatterizzazzjoni tas-sustanza attiva endo-1,4-beta-xylanase EC 3.2.1.8 prodott mill-Bacillus subtilis (LMG S-15136 Metodu analitiku (2) Metodu Kolorimetriku li jkejjel il-kulur li jinħall fl-ilma rilaxxat mill-enżimi mill-azurina li hi magħquda ma' substrat arabinoxylan tal-qamħ |
Papri |
— |
10 IU |
— |
|
2.4.2017 |
||||||||
(1) IU wieħed huwa l-ammont ta' enżimi li jillibera 1 mikromol ta' reducing sugars (ekwivalent ta' ksilożju) minn xylan ta' l-injam tal-betula fil-minuta f'pH ta' 4,5 u 30 oC.
(2) Dettalji tal-metodi analitiċi huma disponibbli fl-indirizz eletroniku li ġej tal-Laboratorju ta' Referenza tal-Komunità: www.irmm.jrc.be/html/crlfaa/