4.9.2007   

MT

Il-Ġurnal Uffiċjali ta’ l-Unjoni Ewropea

L 232/7

1.

It-trażmissjoni lir-Reġistru tal-kopja ta' l-oriġinal iffirmat ta' att ta' proċedura, prevista mill-Artikolu 43(6) tar-Regoli tal-Proċedura, tista' ssir:

2.

Fil-każ ta' trażmissjoni permezz ta' posta elettronika, din tiġi aċċettata biss jekk tkun kopja skanjata [tad-dokument] oriġinali ffirmat. It-trażmissjoni ta' sempliċi fajl elettroniku jew fajl b'firma elettronika jew b'firma skannjata permezz tal-kompjuter ma tissodisfax il-kundizzjonijiet ta' l-Artikolu 43(6) tar-Regoli tal-Proċedura. Ebda korrispondenza dwar kawża li tasal fil-Qorti tal-Prim'Istanza permezz ta' sempliċi posta elettronika ma tittieħed in kunsiderazzjoni.

Ikun tajjeb li d-dokumenti skanjati jkollhom riżoluzzjoni ta' 300 DPI u jiġu ppreżentati fil-format PDF (kemm l-immaġni kif ukoll it-test) permezz tal-programmi Acrobat jew Readiris 7 Pro.

3.

Il-preżentata ta' att permezz ta' faks jew ta' posta elettronika ma tkunx valida għall-finijiet ta' l-osservanza ta' terminu ħlief jekk l-oriġinal iffirmat jasal fir-Reġistru sa mhux aktar tard mit-terminu, previst mill-Artikolu 43(6) tar-Regoli tal-Proċedura, ta' għaxart'ijiem wara l-imsemmija preżentata. L-oriġinal iffirmat ta' l-att għandu jintbagħat mingħajr dewmien, immedjatament mat-trażmissjoni tal-kopja, mingħajr ebda korrezzjonijiet jew emendi, lanqas dawk minimi. F'każ ta' diskrepanza bejn l-oriġinal iffirmat ta' l-att u l-kopja ppreżentata preċedentement, tkun biss id-data tad-depożitu ta' l-oriġinal iffirmat ta' l-att li tittieħed in kunsiderazzjoni.

4.

Id-dikjarazzjoni ta' parti li permezz tagħha taċċetta, skond l-Artikolu 44(2) tar-Regoli tal-Proċedura, li ċerti notifiki jsirulha permezz tal-faks jew permezz ta' kull mezz tekniku ieħor ta' komunikazzjoni, għandha tindika n-numru tal-faks u/jew l-indirizz elettroniku fejn jistgħu jsirulha notifiki mir-Reġistru. Il-kompjuter tad-destinatarju għandu jkun attrezzat bi programm adegwat (bħal: Acrobat jew Readiris 7 Pro) sabiex ikun jista' jaqra n-notifiki tar-Reġistru li jsiru fil-format PDF.

5.

Fl-ewwel paġna tas-sottomissjonijiet għandha tidher l-informazzjoni li ġejja:

6.

Kull paragrafu tas-sottomissjonijiet għandu jkun innumerat.

7.

Il-firma oriġinali ta' l-avukat jew ta' l-aġent tal-parti kkonċernata għandha tidher fl-aħħar tas-sottomissjonijiet. F'każ ta' iktar minn rappreżentant wieħed, huwa biżżejjed li s-sottomissjonijiet ikunu ffirmati minn wieħed minnhom.

8.

Is-sottomissjonijiet ippreżentati mill-partijiet għandhom jiġu ppreżentati b'mod li jippermettu l-amministrazzjoni elettronika tad-dokumenti mill-Qorti tal-Prim'Istanza u, partikolarment, li d-dokumenti jiġu skanjati u li jkun hemm rikonoxximent tal-karattri (character recognition)

Għal dan l-iskop, għandhom jiġu osservati r-rekwiżiti li ġejjin:

Fil-każ ta' l-ippreżentar ta' annessi mas-sottomissjonijiet, in-numerazzjoni tal-paġni għandha tkompli skond l-indikazzjonijiet mogħtija fil-punt 52 ta' dawn l-Istruzzjonijiet prattiċi.

9.

Fuq kull kopja ta' kull att ta' proċedura li l-partijiet għandhom jippreżentaw skond it-tieni paragrafu ta' l-Artikolu 43(1) tar-Regoli tal-Proċedura, l-avukat jew l-aġent tal-part kkonċernata għandu jiċċertifika li l-kopja hija konformi ma' l-oriġinal ta' l-att u jiffirmaha.

10.

Skond is-suġġett ikkonċernat u ċ-ċirkustanzi tal-kawża, in-numru massimu ta' paġni tas-sottomissjonijiet huwa kif ġej:

Dawn in-numri massimi m'għandhomx jinqabżu ħlief f'każijiet li jittrattaw punti ta' fatt jew ta' dritt partikolarment ikkumplikati.

11.

Ir-Regoli tal-Proċedura fihom dispożizzjonijiet li jirregolaw b'mod speċifiku kwistjonijiet dwar il-proprjetà intellettwali (Artikoli 130 sa 136). Ir-regoli dwar ir-rikorsi u r-risposti fil-kuntest ta' dawn il-kwistjonijiet (D.1.2) huma għalhekk esposti separatament minn dawk dwar ir-rikorsi u r-risposti fil-kuntest tal-kwistjonijiet l-oħra kollha (D.1.1).

12.

L-informazzjoni obbligatorja għandha tkun inkluża fir-rikors li jiftaħ il-kawża previst fl-Artikolu 44 tar-Regoli tal-Proċedura.

13.

Għal raġunijiet prattiċi, fil-bidu tar-rikors għandu jkun hemm:

14.

Il-parti introduttiva tar-rikors għandha tiġi segwita minn rendikont qasir tal-fatti li wasslu għall-kawża.

15.

L-istruttura ta' l-argumentazzjoni legali għandha tirrifletti r-raġunijiet invokati. Huwa ġeneralment tajjeb li qabel din wieħed jelenka b'mod sistematiku l-motivi invokati.

16.

It-talbiet tar-rikorrent għandhom jiġu fformulati bi preċiżjoni, fil-bidu jew fl-aħħar tar-rikors.

17.

Mar-rikors għal annullament għandha tiġi annessa kopja ta' l-att ikkontestat, li għandu jiġi identifikat bħala tali.

18.

Mar-rikors għandhom jiġu ppreżentati, b'mod separat mid-dokumenti annessi in sostenn tar-rikors, id-dokumenti indikati fl-Artikolu 44(3) u l-Artikolu 44(5)(a) u (b) tar-Regoli tal-Proċedura.

19.

Ma' kull rikors għandu jkun hemm sunt tar-raġunijiet u l-argumenti prinċipali invokati, intiż sabiex jiffaċilita l-abbozzar tal-komunikazzjoni prevista fl-Artikolu 24(6) tar-Regoli tal-Proċedura, li għandha titħejja mir-Reġistru. Dan is-sunt m'għandux ikun itwal minn żewġ paġni.

20.

Il-preżentata tal-provi għandha ssir bi preċiżjoni u b'mod espliċitu u b'indikazzjoni ċara tal-fatti li ser jiġu pprovati:

21.

Jekk ir-rikors jiġi ppreżentat wara li ssir talba għal għajuna legali, li għandu bħala effett li jissospendi t-terminu tar-rikors skond l-Artikolu 96(4) tar-Regoli tal-Proċedura, din l-informazzjoni għandha tissemma fil-bidu tar-rikors li jiftaħ il-kawża.

Jekk ir-rikors jiġi ppreżentat wara n-notifika tad-digriet li jaqta' talba għal għajnuna legali, fir-rikors għandha tissemma wkoll id-data li fiha d-digriet ġie nnotifikat lir-rikorrent.

22.

L-informazzjoni obbligatorja għandha tkun inkluża fir-risposta li tiftaħ il-kawża prevista fl-Artikolu 46(1) tar-Regoli tal-Proċedura.

23.

Għal raġunijiet prattiċi, fil-bidu tar-risposta, minbarra n-numru tal-kawża u l-indikazzjoni tar-rikorrent, għandu jkun hemm:

24.

It-talbiet tal-konvenut għandhom ikunu fformulati bi preċiżjoni, fil-bidu jew fl-aħħar tar-risposta.

25.

Il-punti 15, 18 u 20 ta' dawn l-Istruzzjonijiet prattiċi huma applikabbli għar-risposta.

26.

Kull kontestazzjoni dwar il-fatti allegati mill-kontroparti għandha tkun espliċita u għandha tindika bi preċiżjoni l-fatti kkonċernati.

27.

L-informazzjoni obbligatorja għandha tkun inkluża fir-rikors li jiftaħ il-kawża previst fl-Artikoli 44 u 132(1) tar-Regoli tal-Proċedura.

28.

Għal raġunijiet prattiċi, fil-bidu tar-rikors għandu jkun hemm:

29.

Mar-rikors għal annullament għandha tiġi annessa kopja ta' l-att ikkontestat, li għandu jiġi identifikat bħala tali. Għandha tissemma d-data li fiha din id-deċiżjoni ġiet innotifikata lir-rikorrent.

30.

It-tieni inċiż tal-punt 10, il-punti 14, 15, 16, 18, 20 u 21 ta' dawn l-Istruzzjonijiet prattiċi huma applikabbli għar-rikorsi fil-kawżi tal-proprjetà intelletwali.

31.

L-informazzjoni obbligatorja għandha tkun inkluża fir-risposta li tiftaħ il-kawża prevista fl-Artikolu 46(1) tar-Regoli tal-Proċedura.

32.

Fil-bidu tar-risposta, minbarra n-numru tal-kawża u l-indikazzjoni tar-rikorrent, għandu jkun hemm:

33.

It-talbiet tal-konvenut jew ta' l-intervenjent għandhom jiġu fformulati bi preċiżjoni, fil-bidu jew fl-aħħar tar-risposta.

34.

It-tieni inċiż tal-punt 10, il-punti 15, 18, 20 u 26 ta' dawn l-Istruzzjonijiet prattiċi huma applikabbli għar-risposta.

35.

Ir-rikors fl-appell għandu jinkludi l-informazzjoni prevista fl-Artikolu 138(1) tar-Regoli tal-Proċedura.

36.

Fil-bidu ta' kull rikors fl-appell għandu jkun hemm:

37.

Fil-bidu jew fl-aħħar tar-rikors, it-talbiet tar-rikorrent fl-appell għandhom ikunu fformulati bi preċiżjoni (Artikolu 139(1) tar-Regoli tal-Proċedura).

38.

Ġeneralment mhuwiex neċessarju li ssir deskrizzjoni tal-fatti li wasslu għal kawża u l-għan tal-kawża; huwa biżżejjed li jsir riferiment għad-deċiżjoni tat-Tribunal għas-Servizz Pubbliku.

39.

Huwa preferibbli li wieħed jelenka fil-qosor u b'mod sistematiku l-motivi li wasslu għar-rikors. L-argumenti legali għandhom ikunu strutturati skond il-motivi invokati in sostenn ta' l-appell, b'mod partikolari ta' l-iżbalji ta' dritt invokati.

40.

Kopja tad-deċiżjoni tat-Tribunal għas-Servizz Pubbliku suġġetta għal appell għandha tiġi annessa mar-rikors.

41.

Ma' kull rikors fl-appell għandu jkun hemm sunt tar-raġunijiet u ta' l-argumenti prinċipali invokati, intiż sabiex jiffaċilita l-abbozzar tal-komunikazzjoni għall-Ġurnal Uffiċjali prevista fl-Artikolu 24(6) tar-Regoli tal-Proċedura. Dan is-sunt m'għandux ikun itwal minn żewġ paġni.

42.

Mar-rikors fl-appell, għandu jiġi ppreżentat id-dokument imsemmi fl-Artikolu 44(3) tar-Regoli tal-Proċedura (dokument li jiċċertifika li l-avukat huwa awtorizzat jipprattika quddiem qorti ta' Stat Membru jew ta' Stat ieħor li huwa parti mill-Ftehim dwar iż-Żona Ekonomika Ewropea), ħlief jekk ir-rikorrent fl-appell ikun Istituzzjoni tal-Komunità jew Stat Membru li huwa rrappreżentat minn aġent.

43.

Ir-risposta għandha tinkludi l-informazzjoni prevista fl-Artikolu 141(2) tar-Regoli tal-Proċedura.

44.

Fil-bidu ta' kull risposta, minbarra n-numru tal-kawża u l-indikazzjoni tar-rikorrent fl-appell, għandu jkun hemm:

45.

Fil-bidu jew fl-aħħar tar-risposta, it-talbiet tal-parti li tippreżentaha għandhom jiġu fformulati bi preċiżjoni (Artikolu 142(1) tar-Regoli tal-Proċedura).

46.

Jekk it-talbiet tar-risposta għandhom bħala għan l-annullament, totali jew parzjali, tad-deċiżjoni tat-Tribunal għas-Servizz Pubbliku fuq motiv li ma ġiex imqajjem fl-appell, dan għandu jiġi indikat fit-titolu tas-sottomissjonijiet (“risposta b'appell inċidentali”).

47.

L-argumentazzjoni legali għandha, sa fejn huwa possibbli, tiġi strutturata skond il-motivi invokati mir-rikorrent fl-appell, u/jew, skond il-każ, il-motivi invokati taħt appell inċidentali.

48.

Peress illi l-kuntest ta' fatt jew legali huwa ġà s-suġġett tas-sententza kkontestata, dan ma għandux jiġi indikat fir-risposta ħlief għal raġunijiet eċċezzjonali sa fejn il-preżentazzjoni tiegħu fir-rikors fl-appell jiġi kkontestat jew jitlob xi preċiżazzjonijiet. Kull kontestazzjoni għandha tkun espressa u l-element ta' fatt jew ta' dritt ikkonċernat għandu jiġi indikat bi preċiżjoni.

49.

Mar-risposta għandu jiġi ppreżentat id-dokument imsemmi fl-Artikolu 44(3) tar-Regoli tal-Proċedura (dokument li jiċċertifika li l-avukat huwa awtorizzat jipprattika quddiem qorti ta' Stat Membru jew ta' Stat ieħor li huwa parti mill-Ftehim dwar iż-Żona Ekonomika Ewropea), ħlief jekk ir-rikorrent li jippreżentah ikun Istituzzjoni tal-Komunità jew Stat Membru li huwa rrappreżentat minn aġent.

50.

Mas-sottomissjonijiet jistgħu jiġu annessi biss dawk id-dokumenti msemmija fit-test tas-sottomissjonijiet u li huma neċessarji biex jagħtu prova ta', jew jispjegaw il-kontenut tas-sottomissjonijiet.

51.

L-annessi jistgħu jiġu prodotti biss, jekk magħhom ikun hemm elenku ta' l-annessi. Għal kull dokument li jiġi anness, dan l-elenku għandu jinkludi:

In-numerazzjoni ta' l-annessi għandha tindika s-sottomissjoni li magħha d-dokument huwa anness (per eżempju A.1, A.2, ... għall-annessi tar-rikors; B.1, B.2, ... għar-risposta tad-difiża; C.1, C.2, ... għar-replika; D.1, D.2, ... għall-kontroreplika).

52.

Il-paġni tad-dokumenti annessi ma' sottomissjoni għandhom jiġu nnumerati, fin-naħa ta' fuq fil-lemin, b'numri konsekuttivi. In-numerazzjoni tal-paġni tad-dokumenti tista' ssir kemm konsekuttivament għas-sottomissjoni li magħha huma annessi, kemm separatament mis-sottomissjoni in kwistjoni. In-numerazzjoni tippermetti li tassigura permezz ta' l-għadd tal-paġni li, meta l-annessi jiġu skanjati, il-paġni jkunu effettivament inklużi.

53.

F'każ li l-annessi jkollhom annessi tagħhom stess, in-numerazzjoni u l-preżentazzjoni tagħhom għandha ssir b'tali mod li tiġi evitata kull possibbiltà ta' konfużjoni, billi jintużaw diviżuri jekk ikun il-każ.

54.

Kull referenza għal dokument li jkun ġie prodott għandha tinkludi n-numru ta' l-anness ikkonċernat kif jidher fl-elenku ta' l-annessi, kif ukoll l-indikazzjoni tas-sottomissjoni li magħha l-anness huwa prodott, skond il-forma indikata fil-punt 51 iktar 'il fuq.

55.

Jekk rikors ma jkunx konformi mal-kundizzjonijiet li ġejjin, previsti fl-Artikolu 44(3) sa (5) tar-Regoli tal-Proċedura, dan ma jiġix innotifikat lill-konvenut u jiġi ffissat terminu raġonevoli għar-regolarizzazzjoni:

56.

Fil-kawżi ta' proprjetà intellettwali li jikkontestaw il-legalità ta' deċiżjoni ta' Bord ta' l-Appell ta' l-UASI, rikors li mhuwiex konformi mal-kundizzjonijiet li ġejjin, previsti fl-Artikolu 132 tar-Regoli tal-Proċedura, ma jiġix innotifikat lill-parti l-oħra u terminu raġonevoli jiġi ffissat għar-regolarizzazzjoni:

57.

Jekk rikors ma jkunx konformi mar-regoli formali li ġejjin, in-notifika ssir tard u terminu raġonevoli jiġi ffissat għar-regolarizzazzjoni:

58.

Jekk rikors ma jkunx konformi mar-regoli formali li ġejjin, ir-rikors jiġi nnotifikat u terminu raġonevoli jiġi ffissat għar-regolarizzazzjoni tiegħu:

59.

Rikors li n-numru ta' paġni tiegħu jaqbeż b'40 % n-numru massimu ta' paġni indikat fil-punt 10 ta' dawn l-Istruzzjonijiet Prattiċi jagħti lok għal regolarizzazzjoni, ħlief jekk jingħataw istruzzjonijiet differenti mill-President.

Rikors li n-numru ta' paġni tiegħu jaqbeż b'inqas minn 40 % l-istess numru massimu ta' paġni indikati fil-punt 10 ta' dawn l-Istruzzjonijiet Prattiċi jista' jagħti lok għal regolarizzazzjoni jekk il-President jagħti istruzzjonijiet f'dan is-sens.

Meta r-rikorrent jintalab jipproċedi għar-regolarizzazzjoni, in-notifika lill-konvenut tar-rikors, li l-volum tiegħu jeħtieġ regolarizzazzjoni, issir tard.

60.

Il-każijiet ta' regolarizzazzjoni msemmija iktar 'il fuq huma applikabbli safejn huwa rilevanti għal sottomissjonijiet oħra li mhuwiex ir-rikors.

61.

In-numru ta' paġni ta' rikors li fir-rigward tiegħu huwa mitlub li tittieħed deċiżjoni skond il-proċedura mħaffa m'għandux, bħala prinċipju, jaqbeż il-25 paġna. Dan ir-rikors għandu jiġi ppreżentat skond ir-rekwiżiti msemmija fil-punti 12 sa 19 iktar 'il fuq.

62.

It-talba sabiex il-Qorti tal-Prim'Istanza tiddeċiedi skond proċedura mħaffa, ippreżentata b'att separat skond l-Artikolu 76a tar-Regoli tal-Proċedura, għandha tkun motivata fil-qosor fir-rigward ta' l-urġenza partikolari tal-kawża u ċ-ċirkustanzi l-oħra rilevanti. Id-dispożizzjonijiet tal-kapitoli B u E iktar 'il fuq huma applikabbli.

63.

Huwa rrakkomandat li l-parti li titlob il-benefiċċju tal-proċedura mħaffa tindika, fit-talba tagħha, il-motivi, l-argumenti jew il-partijiet tas-sottomissjonijiet ikkonċernati (rikors jew risposta) li mhumiex preżenti ħlief fil-każ fejn ma jkunx ġie deċiż skond din il-proċedura. Dawn l-indikazzjonijiet, imsemmija fit-tieni paragrafu ta' l-Artikolu 76a(1) tar-Regoli tal-Proċedura, għandhom jiġu fformulati fit-talba bi preċiżjoni u bl-indikazzjoni tan-numri tal-paragrafi kkonċernati.

64.

Huwa wkoll irrakkomandat li t-talba li tittieħed deċiżjoni skond proċedura mħaffa li jkun fiha l-indikazzjonijiet imsemmija fil-paragrafu ta' qabel tiġi annessa magħha verżjoni mqassra tas-sottomissjonijiet ikkonċernati.

Meta tiġi annessa verżjoni mqassra, din għandha tkun konformi ma' l-istruzzjonijiet li ġejjin:

Sabiex tkun tista' tiġi ttrattata fl-inqas żmien possibbli, il-verżjoni mqassra għandha tkun konformi ma' l-istruzzjonijiet fuq imsemmija.

65.

Meta l-Qorti tal-Prim'Istanza titlob li tiġi ppreżentata verżjoni mqassra tas-sottomissjoni abbażi ta' l-Artikolu 76a(4) tar-Regoli tal-Proċedura, il-verżjoni mqassra għandha tiġi stabbilita, ħlief jekk indikat b'mod kuntrarju, skond l-istruzzjonijiet fuq imsemmija.

66.

Jekk ir-rikorrent ma jkunx indika fit-talba tiegħu l-motivi, l-argumenti jew partijiet mir-rikors tiegħu li għandhom jittieħdu in kunsiderazzjoni biss fil-każ fejn ma jiġix deċiż skond il-proċedura mħaffa, il-konvenut għandu jirrispondi, f'terminu ta' xahar, għar-rikors.

Jekk ir-rikorrent ikun indika fit-talba tiegħu l-motivi, l-argumenti jew partijiet mir-rikors tiegħu li għandhom jittieħdu in kunsiderazzjoni biss fil-każ fejn ma jiġix deċiż skond il-proċedura mħaffa, il-konvenut għandu jirrispondi, f'terminu ta' xahar, għall-motivi u l-argumenti żviluppati fir-rikors fid-dawl ta' l-indikazzjoni mogħtija fit-talba għall-proċedura mħaffa.

Jekk ir-rikorrent ikun hemeż verżjoni mqassra tar-rikors mat-talba tiegħu, il-konvenut għandu jirrispondi, f'terminu ta' xahar, għall-motivi u l-argumenti f'din il-verżjoni mqassra tar-rikors.

67.

Jekk il-Qorti tal-Prim'Istanza tiddeċiedi li tiċħad it-talba għal proċedura mħaffa qabel mal-konvenut ikun ippreżenta r-risposta tiegħu, it-terminu ta' xahar previst mill-ewwel subparagrafu ta' l-Artikolu 76a(2) tar-Regoli tal-Proċedura sabiex din is-sottomissjoni tiġi ppreżentata jiġi pprorogat b'xahar ieħor.

Jekk il-Qorti tal-Prim'Istanza tiddeċiedi li tiċħad it-talba għal proċedura mħaffa wara li l-konvenut ikun ippreżenta r-risposta tiegħu fit-terminu ta' xahar previst mill-ewwel subparagrafu ta' l-Artikolu 76a(2) tar-Regoli tal-Proċedura, terminu ġdid ta' xahar jingħata lil din il-parti sabiex tiġi kkompletata r-risposta tagħha.

68.

It-talba għandha tiġi ppreżentata permezz ta' att separat. Hija għandha tkun tinftiehem waħedha, mingħajr ma jkun hemm bżonn li jsir referenza għar-rikors fil-kawża prinċipali.

69.

It-talba għal sospensjoni ta' l-eżekuzzjoni jew għal miżuri provviżorji oħra għandha tindika, fil-qosor u b'mod konċiż ħafna, is-suġġett tal-kawża, ir-raġunijiet ta' fatt u ta' dritt li fuqhom huwa bbażat ir-rikors prinċipali u li juru prima facie l-mertu tiegħu (fumus boni juris) kif ukoll iċ-ċirkustanzi li jitolbu l-urġenza. Hija għandha tindika bi preċiżjoni l-miżura jew miżuri mitluba. Id-dispożizzjonijiet tal-kapitoli B, D u E iktar 'il fuq huma applikabbli.

70.

Peress li t-talba għal miżuri provviżorji twassal għal valutazzjoni tal-fumus boni juris fil-kuntest ta' proċedura sommarja, hija m'għandha fl-ebda ċirkustanza tirriproduċi integralment it-test tar-rikors fil-kawża prinċipali.

71.

Sabiex talba għal miżuri provviżorji tkun tista' tiġi ttrattata b'urġenza, in-numru massimu ta' paġni li m'għandux, bħala prinċipju, ikun iktar, huwa skond is-suġġett ikkonċernat u ċ-ċirkustanzi tal-kawża, minn 25 paġna.

72.

Bla ħsara għad-dispożizzjonijiet tat-tieni u t-tielet subparagrafi ta' l-Artikolu 67(3) tar-Regoli tal-Proċedura, il-Qorti tal-Prim'Istanza għandha biss tieħu in kunsiderazzjoni dawk id-dokumenti u atti li l-avukati u l-aġenti tal-partijiet ikunu setgħu jikkonsultaw u li fuqhom ikunu setgħu jesprimu ruħhom (l-ewwel subparagrafu ta' l-Artikolu 67(3) tar-Regoli tal-Proċedura).

73.

Madankollu, parti tista' titlob li ċerti partijiet jew ċerti elementi ta' l-inkartament ikunu ta' natura sigrieta jew kunfidenzjali:

74.

It-talba ta' parti sabiex, skond l-Artikolu 116(2) tar-Regoli tal-Proċedura, ċerti partijiet jew ċerti elementi tal-proċess jiġu esklużi mill-komunikazzjoni lill-parti intervenjenti minħabba n-natura sigrieta jew kunfidenzjali għandha tiġi ppreżentata permezz ta' att separat.

75.

Talba għal trattament kunfidenzjali għandha tkun limitata għal dak li huwa strettament neċessarju. Hija f'ebda każ ma tista' tkopri s-sottomissjoni kollha kemm hi u tista' f'ċirkustanzi eċċezzjonali biss tkopri anness sħiħ ta' sottomissjoni. Fil-fatt, il-komunikazzjoni ta' verżjoni mhux kunfidenzjali ta' dokument, li fih, ċerti siltiet, kliem jew ċifri jkunu ġew imħassra, hija normalment possibbli mingħajr ma jiġu kompromessi l-interessi in kwistjoni. Talba li ma tkunx preċiża biżżejjed ma tistax tittieħed in kunsiderazzjoni.

76.

Talba għal trattament kunfidenzjali għandha tindika b'mod preċiż l-elementi jew siltiet ikkonċernati u għandha tinkludi r-raġunijiet fil-qosor tan-natura sigrieta jew kunfidenzjali ta' kull waħda minn dawn l-elementi jew siltiet.

77.

Talba għal trattament kunfidenzjali għandha tinkludi anness li jkun fih verżjoni mhux kunfidenzjali tas-sottomissjoni jew tad-dokument in kwistjoni u li fihom ikunu mħassra l-elementi jew siltiet li dwarhom tkun saret it-talba.

78.

It-talba ta' parti f'kawża sabiex, skond l-Artikolu 20(2) tar-Regoli tal-Proċedura, certi partijiet jew ċerti elementi tal-proċess ma jkunux aċċessibbli għal parti fil-kawża magħquda minħabba n-natura sigrieta jew kunfidenzjali għandha tiġi ppreżentata permezz ta' att separat.

79.

Il-punti 75 sa 77 ta' dawn l-Istruzzjonijiet Prattiċi huma applikabbli mutatis mutandis għat-talba għal trattament kunfidenzjali ppreżentata fil-każ ta' kawżi magħquda.

80.

Fuq talba ppreżentata fit-terminu previst mill-Artikolu 143(1) tar-Regoli tal-Proċedura, il-President jista', skond din id-dispożizzjoni, jawtorizza l-preżentata ta' replika jekk dan ikun neċessarju sabiex jippermetti lir-rikorrent jiddefendi l-perspettiva tiegħu jew sabiex huwa jkun jista' jipprepara d-deċiżjoni dwar l-appell.

81.

Din it-talba m'għandhiex, ħlief f'ċirkustanzi partikolari, tkun itwal minn 2 sa 3 paġni u għandha biss tindika fil-qosor ir-raġunijiet speċifiċi li għalihom, skond l-opinjoni tar-rikorrent, replika hija neċessarja. It-talba għandha minnha nfisha tinftiehem mingħajr il-bżonn li tirreferi għar-rikors fl-appell jew għar-risposta.

82.

Il-Qorti tal-Prim'Istanza tista' tiddeċiedi li tagħti deċiżjoni dwar l-appell mingħajr ma tgħaddi għall-fażi orali tal-proċedura, ħlief jekk waħda mill-partijiet tippreżenta talba sabiex tippreżenta s-sottomissjonijiet orali tagħha fit-terminu previst fl-Artikolu 146 tar-Regoli tal-Proċedura.

83.

It-talba għandha tindika r-raġunijiet li għalihom hija tixtieq li tinstema'. Din il-motivazzjoni għandha tirriżulta minn evalwazzjoni konkreta li seduta tkun utli għall-parti in kwistjoni u għandha tindika l-elementi ta' l-inkartament jew ta' l-argument li din il-parti tqis neċessarja li tiżviluppa jew li tiċħadha iktar matul is-seduta. Motivazzjoni ta' natura ġenerali li tirreferi għall-importanza tal-kawża jew ta' kwistjonijiet li jridu jiġu kkjarifikati mhijiex biżżejjed.

84.

L-użu ta' formola huwa obbligatorju sabiex tiġi ppreżentata talba għal għajnuna legali. Il-formola hija aċċessibbli fis-sit internet tal-Qorti tal-Ġustizzja fl-indirizz li ġej www.curia.europa.eu.

Il-formola tista' wkoll tinkiseb billi tintalab mingħand ir-Reġistratur tal-Qorti tal-Prim'Istanza [numru tat-telefon: (352) 4303-3477], billi tintbagħat posta elettronika lill-indirizz li ġej CFI.Registry@curia.europa.eu, bl-indikazzjoni ta' l-isem u l-indirizz, jew billi tinkiteb ittra lill-indirizz li ġej:

85.

Talba għal għajnuna legali ppreżentata b'mezz ieħor li mhijiex il-formola ma tittiħiedx in kunsiderazzjoni; din twassal għar-risposta mir-Reġistratur li fiha jfakkar in-natura obbligatorja ta' l-użu tal-formola li jehmeż b'anness mar-risposta tiegħu.

86.

L-oriġinali tat-talba għal għajnuna legali għandha tiġi ffirmata minn min jagħmel it-talba jew mill-avukat tiegħu.

87.

Jekk it-talba għal għajnuna legali tiġi ppreżentata mill-avukat ta' min jagħmel it-talba qabel ma jiġi ppreżentat ir-rikors, flimkien ma' din it-talba jrid ikun hemm dokument li jiċċertifika li huwa awtorizzat jipprattika quddiem qorti ta' Stat Membru jew ta' Stat ieħor li huwa parti mill-Ftehim dwar iż-Żona Ekonomika Ewropea.

88.

Il-formola tippermetti lill-Qorti tal-Prim'Istanza jkollha, skond l-Artikolu 95(2) tar-Regoli tal-Proċedura, l-informazzjoni neċessarja sabiex effettivament tiddeċiedi fuq it-talba għal għajnuna legali. Dan jirrigwarda:

Min jagħmel it-talba għandu jippreżenta, mal-formola, id-dokument li jiġġustifikaw l-allegazzjonijiet tiegħu.

89.

Il-formola mimlija kollha u d-dokumenti ta' prova msemmija għandhom ikunu jinftehmu minnhom nfushom, mingħajr il-bżonn li jsir riferiment eventwali għal korrispondenza oħra ppreżentata lill-Qorti tal-Prim'Istanza minn min jagħmel it-talba.

90.

Bla ħsara tal-possibbiltà għall-Qorti tal-Prim'Istanza li titlob informazzjoni jew li tippreżenta dokumenti addizzjonali skond l-Artikolu 64 tar-Regoli tal-Proċedura, it-talba għal għajnuna legali ma tistax tiġi kkompletata billi jiġu ppreżentati addendum oħra wara; dawn l-addendum, jekk jiġu ppreżentati mingħajr mal-Qorti tal-Prim'Istanza tkun talbithom, jintbagħtu lura. F'każijiet eċċezzjonali, id-dokumenti ta' prova li jipprovaw in-nuqqas ta' mezzi ta' min jagħmel it-talba jistgħu madankollu jiġu aċċettati wara, billi tingħata spjegazzjoni xierqa għalfejn ġew ippreżentati tard.

91.

Bis-saħħa ta' l-Artikolu 96(4) tar-Regoli tal-Proċedura, il-preżentata ta' talba għal għajnuna legali tissospendi t-terminu previst għall-preżentata tar-rikors li għaliha tirreferi t-talba sad-data tan-notifika tad-digriet li jaqta' din it-talba jew, meta avukat ma jkunx ġie maħtur sabiex jirrappreżenta l-interessat f'dan id-digriet, sad-data tan-notifika tad-digriet li jaħtar l-avukat sabiex jassisti min jagħmel it-talba.

Is-sospensjoni tidħol fis-seħħ mid-data li fiha tiġi ppreżentata l-formola jew, meta t-talba għal għajnuna legali tiġi ppreżentata mingħajr użu tal-formola, mid-data tad-depożitu ta' din it-talba bil-kundizzjoni li l-formola tintbagħat fit-terminu mogħti mir-Reġistratur għal dan il-għan imsemmi fil-punt 85 iktar 'il fuq. Jekk il-formola ma tintbagħatx fit-terminu mogħti, is-sospensjoni tidħol fis-seħħ mid-data li fiha tiġi ppreżentata l-formola.

92.

Fil-każ li l-formola tiġi ppreżentata b'faks jew bil-posta elettronika, l-oriġinali ffirmat għandu jasal fir-reġistru tal-Qorti tal-Prim'Istanza mhux iktar tard minn għaxart ijiem wara din il-preżentata sabiex id-data tad-depożitu tal-faks jew tal-posta elettronika tittieħed in kunsiderazzjoni għas-sospensjoni tat-terminu tar-rikors. Fin-nuqqas ta' preżentata ta' l-oriġinal f'dan it-terminu ta' għaxart ijiem, is-sospensjoni tat-terminu tar-rikors jidħol fis-seħħ fid-data tal-preżentata ta' l-oriġinali. Fil-każ ta' differenzi bejn l-oriġinali ffirmat u l-kopja ppreżentata qabel, huwa biss l-oriġinali ffirmat li jittieħed in kunsiderazzjoni u d-data meqjusa għas-sospensjoni tat-terminu tar-rikors tkun dik tal-preżentata ta' dan l-oriġinali.

93.

Il-proċedura orali tikkonsisti fi:

94.

Kull konsulent għandu jevalwa, fid-dawl ta' l-għan tal-proċedura orali hekk kif tkun ġiet iddefinita fil-punt ta' qabel, jekk trattazzjoni tkunx fil-fatt utli jew jekk sempliċi riferiment għall-osservazzjonijiet jew sottomissjonijiet bil-miktub ikunx biżżejjed. Il-proċedura orali tista għalhekk tikkonċentra fuq ir-risposti għall-mistoqsijiet tal-Qorti tal-Prim'Istanza. Jekk il-konsulent iqis neċessarju l-bżonn li jitkellem, ikun dejjem aħjar li jillimita ruħu li jesponi ċertu punti u li jirreferi għas-sottomissjonijiet għal oħrajn.

95.

Jekk parti tastjeni milli tagħmel trattazzjoni, is-silenzju tagħha qatt ma jista' jiġi interpretat bħala kunsens għat-trattazzjoni żviluppata mill-parti l-oħra jekk l-argument in kwistjoni ġa jkun ġie miċħud fil-proċedura bil-miktub. Dan is-silenzju ma jżommx lil din il-parti milli tirreplika għat-trattazzjoni tal-parti l-oħra.

96.

F'ċerti ipoteżi, il-Qorti tal-Prim'Istanza tista' tqis li huwa preferibbli li jingħata bidu għal proċedura orali permezz ta' mistoqsijiet magħmula mill-membri tagħha lill-konsulenti tal-partijiet. F'dan il-każ, dawn ta' l-aħħar huma mitluba li jieħdu in kunsiderazzjoni jekk wara jkunux iridu jagħtu trattazzjoni qasira.

97.

Bil-ħsieb ta' ċarezza u sabiex tippermetti li t-trattazzjonijiet jinftehmu b'mod aħjar mill-membri tal-Qorti tal-Prim'Istanza, ġeneralment huwa preferibbli li wieħed jitkellem liberament abbażi ta' noti milli billi jinqara test. Huwa wkoll mitlub lill-konsulenti tal-partijiet li jissemplifikaw, sa fejn huwa possibbli, il-preżentazzjoni tagħhom tal-kawża. Serje ta' frażijiet qosra hija dejjem preferibbli għal sentenza twila u kkumplikata. Barra minn dan, il-konsulenti jgħinu lill-Qorti tal-Prim'Istanza billi jistrutturaw it-trattazzjonijiet tagħhom u billi jippreċiżaw qabel kull żvilupp il-pjan li bi ħsiebhom jadottaw.

Jekk, madankollu, it-trattazzjoni hija ppreparata bil-miktub, għall-elaborazzjoni tat-test, jingħata l-parir li jittieħed in kunsiderazzjoni l-fatt li dan għandu jiġi ppreżentat b'mod orali u għalhekk għandu jkun l-iktar possibbli qrib ta' preżentazzjoni orali. Sabiex tiġi ffaċilitata l-interpretazzjoni, l-aġenti u l-avukati huma mistiedna jibagħtu minn qabel bil-faks it-test eventwali jew b'mezz ieħor bil-mitkub tat-trattazzjonijiet tagħhom lid-diviżjoni ta' l-interpretazzjoni [numru tal-faks (352) 4303-3697].

Il-kunfidenzjalità tan-noti tat-trattazzjonijiet mibgħuta hija assigurata. Sabiex jiġi evitat kull ekwivoku, l-isem tal-parti għandha tiġi indikata. In-noti tat-trattazzjonijiet ma jiġux inklużi fl-inkartament tal-kawża.

98.

Qed jiġi mfakkar lill-konsulenti li, skond il-każ, ċerti membri biss tal-Qorti tal-Prim'Istanza jsegwu t-trattazzjoni fil-lingwa tal-kawża u li l-oħrajn jisimgħu l-interpretazzjoni simultanja. Qed jiġi rrakkomandat ħafna lill-konsulenti, fl-interess ta' żvolġiment aħjar tal-proċeduri u sabiex jinżamm il-livell tal-kwalità ta' l-interpretazzjoni simultanja, li jitkellmu bil-mod u fil-mikrofonu.

Meta l-konsulenti jkollhom l-intenzjoni li jiċċitaw litteralment partijiet minn ċerti testi jew dokumenti, b'mod partikolari partijiet mhux imsemmija fl-inkartament, ikun utli li jindikawhom lill-interpreti qabel is-seduta. Bl-istess mod, jista' jkun utli li jindikaw kliem li eventwalment ikunu diffiċli li jiġu tradotti.

99.

Peress li l-awli tal-Qorti tal-Prim'Istanza huma mgħammra b'sistema awtomatika ta'mikrofoni, il-konsulenti huma mitluba jagħfsu l-buttuna tal-mikrofonu sabiex jixegħluh u jistennew li jixgħel id-dawl qabel ma jibdew jitkellmu. Għandu jiġi evitat li tingħafas il-buttuna fil-waqt li mħallef jew persuna oħra tkun qed titkellem, sabiex ma jintfilux il-mikrofonu.

100

It-tul tat-trattazzjonijiet jista' jvarja skond kemm il-kawża tkun waħda komplessa u l-eżistenza jew in-nuqqas ta' elementi ġodda ta' fatt. L-avukati u l-aġenti tal-partijiet prinċipali huma mitluba jillimitaw it-tul tat-trattazzjonijiet għal madwar 15-il minuta għal kull parti u dawk ta' l-intervenjent għal 10 minuti, sa kemm ir-Reġistratur ma jkunx tahom indikazzjonijiet oħra f'dan ir-rigward. Dan il-limitu jikkonċerna biss it-trattazzjoni nfisha u ma jinkludix iż-żmien użat sabiex tingħata risposta għall-mistoqsijiet magħmula fis-seduta.

Jekk iċ-ċirkustanzi jitolbu hekk, talba għal deroga minn dan it-tul ta' ħin normali, motivata debitament u li tippreċiża t-tul tal-ħin meqjus li huwa neċessarju, tista' tiġi indirizzata lir-Reġistratur, mhux iktar tard minn ħmistax-il ġurnata (jew fi stadju iktar tard f'każ ta' ċirkustanzi eċċezzjonali, debitament immotivati) qabel id-data tas-seduta. Il-konsulenti jiġu informati bit-tul tat-trattazzjonijiet li jiddisponu minnhom wara li tkun saret talba bħal din.

101.

Meta parti tkun irrappreżentata minn iktar minn konsulent wieħed, bħala regola mhux iktar minn tnejn biss fosthom ikunu jistgħtu jittrattaw u t-total ta' l-interventi orali tagħhom m'għandux jaqbeż it-tul tal-ħin ippreċiżat iktar 'il fuq. Ir-risposti għall-mistoqsijiet ta' l-imħallfin u r-repliki lill-konsulenti l-oħra jistgħu madankollu jingħataw minn konsulenti oħra differenti minn dawk li ttrattaw.

Meta numru ta' partijiet jiddefendu l-istess teżi quddiem il-Qorti tal-Prim'Istanza (ipoteżi b'mod partikolari ta' interventi jew ta' kawżi magħquda), il-konsulenti tagħhom huma mistiedna jaħdmu flimkien qabel is-seduta, sabiex tiġi evitata kull ripetizzjoni fit-trattazzjoni.

102.

Ir-rapport tas-seduta, ifformulat mill-imħallef relatur, jikkostitwixxi sinteżi oġġettiva tal-kawża li ma tinkludix il-partijiet kollha ta' l-argumenti tal-partijiet u hija intiża, minn naħa, li tippermetti lill-partijiet jivverifikaw li l-motivi u l-argumenti tagħhom jinftehmu korrettament u, min-naħa l-oħra, li jiffaċilitaw l-istudju ta' l-inkartament mill-imħallfin l-oħra tal-kulleġġ ġudikanti.

Il-Qorti tal-Prim'Istanza tagħmel mill-aħjar sabiex tagħti r-rapport għas-seduta lill-konsulenti tal-partijiet tliet ġimgħat qabel is-seduta. Ir-rapport għas-seduta jservi biss sabiex titħejja l-proċedura orali qabel is-seduta.

103.

Jekk ir-rapport għas-seduta fih xi żbalji ta' fatt, il-konsulenti huma mitluba jinformaw lir-Reġistratur bil-miktub qabel is-seduta. Bl-istess mod, meta r-rapport tas-seduta ma jittraduċix korrettament l-argumenti essenzjali ta' parti, il-konsulenti jistgħu jissuġġerixxu l-emendi li jidhrilhom li huma xierqa.

Jekk il-konsulenti jippreżentaw is-sottomissjonijiet orali fis-seduta fuq ir-rapport tas-seduta, dawn jitniżżlu mir-Reġistratur jew minn min qed jaġixxi bħala Reġistratur.

104.

Il-konsulenti huma mitluba, meta jiċċitaw minn sentenza tal-Qorti tal-Ġustizzja, tal-Qorti tal-Prim'Istanza jew tat-Tribunal għas-Servizz Pubbliku, li jindikaw ir-referenzi kollha, inklużi l-isem tal-partijiet u jippreċiżaw, skond il-każ, in-numru tal-paġna tal-Ġabra fejn tinsab il-parti in kwistjoni.

105.

Il-Qorti tal-Prim'Istanza ma taċċettax dokumenti ppreżentati fis-seduta ħlief f'ċirkustanzi eċċezzjonali u biss wara tkun li semgħet il-partijiet f'dan ir-rigward.

106.

Talba għall-użu ta' ċerti mezzi tekniċi għal preżentata għandha titressaq fiż-żmien stipulat. Il-metodi għall-użu ta' mezzi bħal dawn hawn jiġu ddeterminati mir-Reġistratur, u dan sabiex jittieħed in kunsiderazzjoni ta' l-ostakli eventwali ta' natura teknika u prattika.

107.

Il-preżenti Istruzzjonijiet prattiċi jħassru u jissostitwixxu l-Istruzzjonijiet prattiċi lill-partijiet ta' l-14 ta' Marzu 2002 (ĠU 2002 L 87, 4.4.2002, p. 48), kif ukoll in-“Noti intiżi biex iservu ta' gwida għall-konsulenti legali tal-partiiet matul is-sottomissjonijiet orali”.

108.

Il-preżenti Istruzzjonijiet prattiċi għandhom jiġu ppubblikati fil-Ġurnal Uffiċjali ta' l-Unjoni Ewropea. Huma jidħlu fis-seħħ fil-jum wara l-pubblikazzjoni tagħhom.