This document is an excerpt from the EUR-Lex website
Document 32007D0627
2007/627/EC: Council Decision of 28 September 2007 denouncing on behalf of the Community Protocol 3 on ACP sugar appearing in the ACP-EEC Convention of Lomé and the corresponding declarations annexed to that Convention, contained in Protocol 3 attached to Annex V to the ACP-EC Partnership Agreement, with respect to Barbados, Belize, the Republic of Congo, the Republic of Côte d'Ivoire, the Republic of the Fiji Islands, the Republic of Guyana, Jamaica, the Republic of Kenya, the Republic of Madagascar, the Republic of Malawi, the Republic of Mauritius, the Republic of Mozambique, the Federation of Saint Kitts and Nevis, the Republic of Suriname, the Kingdom of Swaziland, the United Republic of Tanzania, the Republic of Trinidad and Tobago, the Republic of Uganda, the Republic of Zambia and the Republic of Zimbabwe
2007/627/KE: Deċiżjoni tal-Kunsill tat- 28 ta’ Settembru 2007 li tiddenunzja f’isem il-Komunità, il-Protokoll 3 taz-zokkor mill-istati ta’ l-Afrika, il-Karibew u l-Paċifiku (ACP) li jidher fil-Konvenzjoni ta’ Lomé bejn l-ACP u l-KEE ffirmata fit- 28 ta’ Frar 1975 u d-dikjarazzjonijiet korrispondenti annessi ma’ dik il-Konvenzjoni, li jinsab fil-Protokoll 3 mehmuż ma’ l-Anness V tal-Ftehim ta’ Sħubija bejn l-ACP u l-KE ffirmat f’Cotonou fit- 23 ta’ Ġunju 2000 , fir-rigward tal-Barbados, il-Beliże, ir-Repubblika tal-Kongo, ir-Repubblika ta’ Côte d'Ivoire, ir-Repubblika tal-Gżejjer tal-Fiġi, ir-Repubblika ta’ Gujana, il-Ġamajka, ir-Repubblika tal-Kenja, ir-Repubblika tal-Madagaskar, ir-Repubblika tal-Malawi, ir-Repubblika tal-Mawrizju, ir-Repubblika tal-Możambik, il-Federazzjoni ta’ Saint Kitts u Nevis, ir-Repubblika ta' Suriname, ir-Renju ta’ Sważilandja, ir-Repubblika Unita tat-Tanzanija, ir-Repubblika ta’ Trinidad u Tobago, ir-Repubblika ta’ l-Uganda, ir-Repubblika taż-Żambja u r-Repubblika taż-Żimbabwe
2007/627/KE: Deċiżjoni tal-Kunsill tat- 28 ta’ Settembru 2007 li tiddenunzja f’isem il-Komunità, il-Protokoll 3 taz-zokkor mill-istati ta’ l-Afrika, il-Karibew u l-Paċifiku (ACP) li jidher fil-Konvenzjoni ta’ Lomé bejn l-ACP u l-KEE ffirmata fit- 28 ta’ Frar 1975 u d-dikjarazzjonijiet korrispondenti annessi ma’ dik il-Konvenzjoni, li jinsab fil-Protokoll 3 mehmuż ma’ l-Anness V tal-Ftehim ta’ Sħubija bejn l-ACP u l-KE ffirmat f’Cotonou fit- 23 ta’ Ġunju 2000 , fir-rigward tal-Barbados, il-Beliże, ir-Repubblika tal-Kongo, ir-Repubblika ta’ Côte d'Ivoire, ir-Repubblika tal-Gżejjer tal-Fiġi, ir-Repubblika ta’ Gujana, il-Ġamajka, ir-Repubblika tal-Kenja, ir-Repubblika tal-Madagaskar, ir-Repubblika tal-Malawi, ir-Repubblika tal-Mawrizju, ir-Repubblika tal-Możambik, il-Federazzjoni ta’ Saint Kitts u Nevis, ir-Repubblika ta' Suriname, ir-Renju ta’ Sważilandja, ir-Repubblika Unita tat-Tanzanija, ir-Repubblika ta’ Trinidad u Tobago, ir-Repubblika ta’ l-Uganda, ir-Repubblika taż-Żambja u r-Repubblika taż-Żimbabwe
ĠU L 255, 29.9.2007, p. 38–39
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
ELI: http://data.europa.eu/eli/dec/2007/627/oj
29.9.2007 |
MT |
Il-Ġurnal Uffiċjali ta’ l-Unjoni Ewropea |
L 255/38 |
DEĊIŻJONI TAL-KUNSILL
tat-28 ta’ Settembru 2007
li tiddenunzja f’isem il-Komunità, il-Protokoll 3 taz-zokkor mill-istati ta’ l-Afrika, il-Karibew u l-Paċifiku (ACP) li jidher fil-Konvenzjoni ta’ Lomé bejn l-ACP u l-KEE ffirmata fit-28 ta’ Frar 1975 u d-dikjarazzjonijiet korrispondenti annessi ma’ dik il-Konvenzjoni, li jinsab fil-Protokoll 3 mehmuż ma’ l-Anness V tal-Ftehim ta’ Sħubija bejn l-ACP u l-KE ffirmat f’Cotonou fit-23 ta’ Ġunju 2000, fir-rigward tal-Barbados, il-Beliże, ir-Repubblika tal-Kongo, ir-Repubblika ta’ Côte d'Ivoire, ir-Repubblika tal-Gżejjer tal-Fiġi, ir-Repubblika ta’ Gujana, il-Ġamajka, ir-Repubblika tal-Kenja, ir-Repubblika tal-Madagaskar, ir-Repubblika tal-Malawi, ir-Repubblika tal-Mawrizju, ir-Repubblika tal-Możambik, il-Federazzjoni ta’ Saint Kitts u Nevis, ir-Repubblika ta' Suriname, ir-Renju ta’ Sważilandja, ir-Repubblika Unita tat-Tanzanija, ir-Repubblika ta’ Trinidad u Tobago, ir-Repubblika ta’ l-Uganda, ir-Repubblika taż-Żambja u r-Repubblika taż-Żimbabwe
(2007/627/KE)
IL-KUNSILL TA’ L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u partikolarment l-Artikolu 133, flimkien ma’ l-ewwel sentenza ta’ l-ewwel subparagrafu ta’ l-Artikolu 300(2) tiegħu,
Wara li kkunsidra l-proposta mill-Kummissjoni,
Billi:
(1) |
Skond il-Protokoll 3 taz-zokkor mill-ACP li jidher fil-Konvenzjoni ta’ Lomé bejn l-ACP u l-KE ffirmata fit-28 ta’ Frar 1975 u d-dikjarazzjonijiet korrispondenti annessi ma’ dik il-Konvenzjoni (minn hawn 'il quddiem “il-Protokoll dwar iz-Zokkor”), li jinsab fil-Protokoll 3 mehmuż ma’ l-Anness V tal-Ftehim ta’ Sħubija bejn il-membri tal-Grupp ta’ Stati ta’ l-Afrika, il-Karibew u l-Paċifiku min-naħa l-waħda, u l-Komunità Ewropea u l-Istati Membri tagħha min-naħa l-oħra, iffirmat f’Cotonou fit-23 ta’ Ġunju 2000 (minn hawn 'il quddiem “il-Ftehim ta’ Sħubija bejn l-ACP u l-KE”) (1), li fih il-Komunità Ewropea (KE) timpenja ruħha li tixtri u timporta, bi prezzijiet garantiti, kwantitajiet speċifiċi ta’ zokkor tal-kannamieli, mhux ipproċessat jew abjad, li joriġina fl-Istati firmatarji ta' l-ACP u li dawn l-Istati jimpenjaw ruħhom li jipprovdu lill-Komunità. Il-Protokoll taz-zokkor jipprovdi li l-Protokoll jista' jiġi denunzjat mill-Komunità fir-rigward ta’ kull Stat ACP u minn kull Stat ACP fir-rigward tal-Komunità, suġġett għal avviż ta’ sentejn minn qabel. |
(2) |
Id-dispożizzjonijiet kummerċjali attwali applikabbli għall-Istati ACP, stipulati fl-Anness V tal-Ftehim ta’ Cotonou, jiskadu fil-31 ta’ Diċembru 2007. Skond l-Artikolu 36 tal-Ftehim ta' Sħubija bejn l-ACP u l-KE, il-Ftehim Ekonomiċi ta' Sħubija (EPAs – Economic Partnership Agreements) se jipprovdu l-qafas ġuridiku l-ġdid għall-kummerċ ma' l-Istati ACP u se jieħdu post ir-reġim kummerċjali tal-Ftehim ta’ Sħubija bejn l-ACP u l-KE. L-Artikolu 36(4) tal-Ftehim ta’ Sħubija bejn l-ACP u l-KE jirrikjedi li l-partijiet jirrevedu l-Protokoll taz-zokkor fil-kuntest tan-negozjati ta’ l-EPA. Ir-rinunzja tal-Komunità mill-obbligi skond l-Artikolu I tal-GATT fir-rigward tal-preferenzi kummerċjali għall-Istati ACP skond il-Ftehim ta’ Cotonue, mogħtija mill-Konferenza Ministerjali ta’ l-Organizzazzjoni Dinjija tal-Kummerċ f’Doha fl-14 ta’ Novembru 2001, tiskadi wkoll fil-31 ta' Diċembru 2007. |
(3) |
Sabiex jiġi żgurat li r-reġim ta’ importazzjoni għaz-zokkor ikun inkluż fir-reġim ta’ importazzjoni previst mill-EPAs, jixraq li jittieħdu l-passi kollha meħtieġa biex tiġi żgurata t-terminazzjoni tal-Protokoll dwar iz-Zokkor, u kull impenn fihom, fi stadju kmieni biżżejjed fid-dawl tar-rekwiżit ta’ avviż sentejn minn qabel skond l-Artikolu 10 tal-Protokoll dwar iz-Zokkor. |
(4) |
L-arranġamenti tal-Protokoll taz-zokkor qdew kemm l-interessi ta' l-Istati ACP kif ukoll tal-Komunità billi taw garanzija għall-aċċess għal suq li jrendi lill-esportaturi ACP u billi assiguraw provvista regolari lir-raffinaturi taz-zokkor tal-kanna Komunitarji. Madanakollu, l-arranġamenti tal-Protokoll taz-zokkor ma jistgħux jibqgħu jinżammu. Fil-kuntest ta' suq taz-zokkor Komunitarju riformat, il-Komunità mhux ser tibqa' tiggarantixxi l-prezzijiet lill-produtturi taz-zokkor Ewropej minħabba li l-mekkaniżmu ta' intervent li kien hemm qabel qed jiġi gradwalment mitmum. |
(5) |
Fil-kuntest tat-tranżizzjoni lejn liberalizzazzjoni tal-kummerċ ACP-KE, il-kwantitajiet illimitati ma jistgħux jeżistu flimkien mal-garanziji tal-prezz u l-volum tal-Protokoll taz-zokkor. Fir-rigward tal-Pajjiżi l-anqas żviluppati, l-aċċess illlimitat għaz-zokkor jaqa' taħt l-inizjattiva Kollox Barra Armi (EBA) mill-1 ta' Lulju 2009. Ġaladarba l-bidu tat-tieni fażi tal-perijodu ta' tranżizzjoni hija prevista għall-1 ta' Ottubru 2009 ir-reġim taz-zokkor EBA għandu jiġi għaldaqstant aġġustat. |
(6) |
Id-denunzja ma tippreġudikax ftehim reċiproku sussegwenti bejn il-Komunità u l-Istati ACP dwar it-trattament taz-zokkor fil-kuntest ta’ l-EPAs komprensivi, |
(7) |
Jeħtieġ għalhekk li jiġi ddenunzjat il-Protokoll taz-zokkor skond l-Artikolu 10 tiegħu, u li kull Stat ACP firmatarju tal-Protokoll taz-zokkor jiġi nnotifikat b’din id-denunzja. |
IDDEĊIEDA KIF ĠEJ:
Artikolu 1
Il-Protokoll 3 taz-Zokkor ACP li jidher fil-Konvenzjoni ACP-KEE ta’ Lomé ffirmata fit-28 ta’ Frar 1975 u d-dikjarazzjonijiet korrispondenti annessi ma’ dik il-Konvenzjoni (minn hawn 'il quddiem “il-Protokoll taz-Zokkor”), li jinsab fil-Protokoll 3 mehmuż ma’ l-Anness V tal-Ftehim ta’ Sħubija bejn l-ACP u l-KE ffirmat f’Cotonou fit-23 ta’ Ġunju 2000, huwa b’dan iddenunzjat f'isem il-Komunità b’effett mill-1 ta’ Ottubru 2009 fir-rigward ta’ Barbados, Beliże, ir-Repubblika tal-Kongo, ir-Repubblika ta’ Côte d'Ivoire, ir-Repubblika tal-Gżejjer tal-Fiġi, ir-Repubblika ta’ Gujana, il-Ġamajka, ir-Repubblika tal-Kenja, ir-Repubblika tal-Madagaskar, ir-Repubblika tal-Malawi, ir-Repubblika tal-Mawrizju, ir-Repubblika tal-Możambik, il-Federazzjoni ta’ Saint Kitts u Nevis, ir-Repubblika ta' Suriname, ir-Renju ta’ Sważilandja, ir-Repubblika Unita tat-Tanzanija, ir-Repubblika ta’ Trinidad u Tobago, ir-Repubblika ta’ l-Uganda, ir-Repubblika taż-Żambja u r-Repubblika taż-Żimbabwe.
Artikolu 2
Il-President tal-Kunsill huwa b’dan awtorizzat li jaħtar il-persuna (persuni) bis-setgħa li jinnotifika(w) li’ ll-Gvernijiet ta’ Barbados, Beliże, ir-Repubblika tal-Kongo, ir-Repubblika tal-Côte d'Ivoire, ir-Repubblika tal-Gżejjer ta’ Fiġi, ir-Repubblika ta’ Gujana, il-Ġamajka, ir-Repubblika tal-Kenja, ir-Repubblika tal-Madagaskar, ir-Repubblika tal-Malawi, ir-Repubblika tal-Mawrizju, ir-Repubblika tal-Możambik, il-Federazzjoni ta’ Saint Kitts u Nevis, ir-Repubblika ta' Suriname, ir-Renju ta’ Sważilandja, ir-Repubblika Unita tat-Tanzanija, ir-Repubblika ta’ Trinidad u Tobago, ir-Repubblika ta’ l-Uganda, ir-Repubblika taż-Żambja u r-Repubblika taż-Żimbabwe bid-denunzja tal-Protokoll taz-zokkor skond l-Artikolu 1.
Artikolu 3
Din id-Deċiżjoni għandha tkun ippubblikata fil-Ġurnal Uffiċjali ta' l-Unjoni Ewropea.
Magħmul fi Brussell, 28 ta’ Settembru 2007.
Għall-Kunsill
Il-President
M. PINHO
(1) ĠU L 317, 15.12.2000, p. 3, rivedut fil-Lussemburgu fil-25 ta’ Ġunju 2005 (ĠU L 287, 28.10.2005, p. 4).