EUR-Lex Access to European Union law
This document is an excerpt from the EUR-Lex website
Document 32006R0695
Council Regulation (EC) No 695/2006 of 5 May 2006 amending Regulation (EC) No 397/2004 imposing a definitive anti-dumping duty on imports of cotton-type bedlinen originating in Pakistan
Regolament tal-Kunsill (KE) Nru 695/2006 tal-s 5 ta' Mejju 2006 li jemenda r-Regolament (KE) Nru 397/2004 li jimponi dazju kontra d-dumping definittiv fuq importazzjonijiet ta' friex tas-sodda tal-qoton li joriġinaw mill-Pakistan
Regolament tal-Kunsill (KE) Nru 695/2006 tal-s 5 ta' Mejju 2006 li jemenda r-Regolament (KE) Nru 397/2004 li jimponi dazju kontra d-dumping definittiv fuq importazzjonijiet ta' friex tas-sodda tal-qoton li joriġinaw mill-Pakistan
ĠU L 121, 6.5.2006, p. 14–26
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO)
ĠU L 294M, 25.10.2006, p. 23–35
(MT)
No longer in force, Date of end of validity: 05/03/2009
25.10.2006 |
MT |
Il-Ġurnal Uffiċjali ta’ l-Unjoni Ewropea |
23 |
REGOLAMENT TAL-KUNSILL (KE) Nru 695/2006
tal-5 ta' Mejju 2006
li jemenda r-Regolament (KE) Nru 397/2004 li jimponi dazju kontra d-dumping definittiv fuq importazzjonijiet ta' friex tas-sodda tal-qoton li joriġinaw mill-Pakistan
IL-KUNSILL TA' L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea,
Wara li kkunsidra r-Regolament tal-Kunsill (KE) Nru 384/96 tat-22 ta' Diċembru 1995 (1) dwar il-protezzjoni kontra l-importazzjonijiet li huma l-oġġett ta' dumping minn pajjiżi mhux membri tal-Komunità Ewropea (“ir-Regolament bażiku”), u b' mod partikolari l-Artikolu 11(3) tiegħu,
Wara li kkunsidra l-proposta mressqa mill-Kummissjoni wara konsultazzjoni mal-Kumitat Konsultattiv,
Billi:
A. PROĊEDURA
1. Investigazzjoni preċedenti
(1) |
Bir-Regolament (KE) Nru 397/2004 (2) (“ir-Regolament definittiv”), il-Kunsill impona dazju definittiv kontra d-dumping ta' 13,1 % fuq l-importazzjonijet ta' friex tas-sodda tal-fibri tal-qoton, puri jew imħalltin ma' fibri magħmulin mill-bniedem jew mal-kittien (il-kittien ma jkunx il-fibra dominanti), ibbliċjati, miżbugħa jew stampati, li joriġinaw fil-Pakistan. |
(2) |
Din il-miżura kienet imposta fuq il-bażi tal-fatti disponibbli billi kien impossibbli li jiġu verifikati fuq il-post iċ-ċifri esaġeratament implawsibbli rappurtati fil-kwestjonarji tas-sitt kumpanniji fil-kampjun, minħabba ċ-ċirkostanzi li ġejjin. Matul il-verifika tat-tieni kumpannija, il-Kummissjoni kienet irċeviet ittra ta' theddida mortali indirizzata personalment lill-uffiċjali li wettqu l-verifiki. Fir-rigward tan-natura personali, speċifika ta' din l-ittra, il-Kummissjoni qieset li l-kundizzjonijiet meħtieġa għat-twettiq tal-verifiki ma ntlaħqux u li dawn iċ-ċirkostanzi xekklu l-investigazzjoni b'mod sinifikattiv. Għaldaqstant, iż-żjarat ta' verifika kellhom jitwaqqfu. |
(3) |
Matul il-perjodu ta' wara l-impożizzjoni tal-miżuri kontra d-dumping, il-Kummissjoni rċeviet biżżejjed informazzjoni li tindika li ċ-ċirkostanzi tas-sigurtà kienu nbidlu, jiġifieri li l-impediment għall-kondotta taż-żjarat ta' verifika kien tneħħa. Taħt dawn iċ-ċirkostanzi, il-Kummissjoni ddeċidiet li tniedi reviżjoni interim limitata għal aspetti ta' dumping sabiex tirrivedi s-sejbiet fuq il-bażi ta' data li ġiet verifikata kollha kemm hi u li tirrifletti aħjar il-qagħda ta' l-esportaturi Pakistani. |
2. Inizjazzjoni
(4) |
Fit-3 ta' Awwissu 2004, il-Kummissjoni ħabbret, wara li konsultat il-Kumitat Konsultattiv (3), l-inizjazzjoni, skond l-Artikolu 11(3) tar-Regolament bażiku, ta' reviżjoni interim parzjali ex-officio, limitata għad-dumping, tal-miżuri kontra d-dumping imposti mir-Regolament definittiv. |
(5) |
Il-Kummissjoni avżat uffiċjalment lill-produtturi esportaturi u importaturi magħrufa bħala konċernati kif ukoll lill-assoċjazzjonijiet magħrufa tagħhom, lill-awtoritajiet Pakistani u lill-assoċjazzjonijiet tal-produtturi tal-Komunità bl-inizjazzjoni ta' l-investigazzjoni. Il-partijiet interessati ngħataw l-opportunità li jressqu l-fehmiet tagħhom bil-miktub u li jitolbu smigħ fiż-żmien stipulat fl-avviż ta' inizjazzjoni. |
(6) |
Numru ta' produtturi esportaturi u l-Assoċjazzjoni Esportaturi tal-Friex tas-Sodda tal- Pakistan, waħda mill-ħafna assoċjazzjonijiet ta' produtturi ta' friex tas-sodda, kif ukoll l-assoċjazzjoni tal-produtturi tal-Komunità (EUROCOTON), li kienet il-kwerelant fl-investigazzjoni oriġinali, ressqu l-fehmiet tagħhom bil-miktub. Ġiet konċessa seduta ta' smigħ lil kull parti li talbet dan fiż-żmien stipulat u li wriet li kien hemm raġunijiet għalfejn għandha tinstema'. |
3. Kampjunament
(7) |
Fid-dawl tan-numru kbir ta' produtturi esportaturi u importaturi involuti f'din l-investigazzjoni, il-kampjunament kien previst fl-avviż ta' inizjazzjoni, skond l-Artikolu 17 tar-Regolament bażiku. |
(8) |
Sabiex il-Kummissjoni tkun tista' tiddeċiedi jekk il-kampjunament kienx meħtieġ, u jekk dan ikun il-każ, sabiex tagħżel kampjun, il-produtturi esportaturi, l-importaturi u r-rappreżentanti li jaġixxu f'isimhom intalbu li jippreżentaw lilhom infushom u li jipprovdu, kif speċifikat fl-avviż ta' inizjazzjoni, l-informazzjoni bażika dwar l-attivitajiet tagħhom relatati mal-prodott konċernat fi żmien 15-il jum mid-data ta' pubblikazzjoni ta' l-avviż ta' inizjazzjoni. L-awtoritajiet tal-Pakistan u l-assoċjazzjoni ta' produtturi/esportaturi, li ppreżentat lilha nnifisha, ġew ukoll konsultati mill- Kummissjoni dwar l-għażla tal-kampjun meħud għall-esportaturi. |
(9) |
Wara eżami ta' l-informazzjoni li tressqet, ġie deċiż li l-kampjunament kien meħtieġ biss fir-rigward ta' l-esportaturi. B'kollox, 110 kumpanniji wieġbu għall-kwestjonarju tal-kampjunament fiż-żmien stipulat u pprovdew l-informazzjoni mitluba. Madankollu, 11 minn dawn il-kumpanniji la pproduċew u lanqas esportaw il-prodott konċernat u għalhekk ma setgħux jitqiesu bħala partijiet interessati fl-investigazzjoni. Barra minn hekk, kumpannija waħda ikkoperat biss parzjalment billi ma pprovditx informazzjoni dwar il-volumi tal-produzzjoni. B'kollox, 98 kumpannija tqiesu li kkoperaw. |
(10) |
Il-kampjun ġie magħżul skond l-Artikolu 17(1) tar-Regolament bażiku, fuq il-bażi ta' l-akbar volum rappreżentattiv ta' esportazzjonijiet mill-Pakistan għall-Komunità li seta' jiġi investigat b'mod raġonevoli fiż-żmien disponibbli. |
(11) |
Il-Kummissjoni infurmat lill-awtoritajiet Pakistani u l-assoċjazzjonijiet tal- produtturi/esportaturi bl-intenzjoni tagħha sabiex tagħżel kampjun ta' tmien kumpanniji li rrappreżentaw il-31 % ta' l-esportazzjonijiet tal-Pakistan lejn il-Komunità. Madankollu, l-awtoritajiet Pakistani u assoċjazzjoni waħda ta' esportaturi kkuntestaw din il-proposta u talbu sabiex il-kampjun ikun limitat għal sitt kumpanniji, jiġifieri li jittieħed l-istess kampjun bħal fl-investigazzjoni ta' qabel. |
(12) |
Skond l-Artikolu 17(1) tar-Regolament bażiku, il-Kummissjoni eventwalment iddeċidiet wara din il-konsultazzjoni, li sabiex tintlaħaq l-ogħla rappreżentanza possibbli tal-kampjun, kien xieraq li jkunu inklużi tmien kumpanniji fil-kampjun billi (i) dan kien jippermetti li jkopri volum akbar ta' esportazzjonijiet, inklużi mill-kumpanniji li għandhom ukoll bejgħ lokali; u (ii) kien fattibbli li jiġu investigati dawn it-tmien kumpanniji fiż-żmien stipulat. |
4. Eżami individwali
(13) |
Tressqu talbiet għall-iffissar ta' marġini individwali tad-dumping minn 22 kumpannija li ma ntgħażlux fil-kampjun. Madankollu, fid-dawl tan-numru kbir ta' talbiet u l- volum ta' informazzjoni li kellha tiġi eżaminata (minħabba, inter alia, fin-numru kbir ta' tipi ta' prodotti meqjusa), ġie meqjus li tali eżamijiet individwali jistgħu jkunu ta' xkiel bla bżonn fis-sens ta' l-Artikolu 17(3) tar-Regolament bażiku u setgħu ifixklu t-tlestija ta' l-investigazzjoni fi żmien xieraq. Għalhekk, it-talbiet għall-iffissar ta' marġini individwali ma ntqisux. |
5. Investigazzjoni
(14) |
Il-Kummissjoni bagħtet kwestjonarji lill-kumpanniji magħżula fil-kampjun. Intlaqgħu risposti tal-kwestjonarji mit-tmien produtturi esportaturi kollha fil-kampjun. Il-Kummissjoni fittxet u vverifikat l-informazzjoni kollha li dehrilha li kienet meħtieġa għall-għan ta' l-investigazzjoni. Madankollu, minħabba restrizzjonijiet partikolari ta' sigurtà, ġie deċiż li ma jitwettqux żjarat ta' verifika fis-sede tal-kumpanniji. Minflok, il-verifika tad-data preżentata twettqet f'pajjiż terz, f'dan il-każ partikolari fl-Emirati Għarab Maqgħuda, (“UAE”) bl-użu ta' sistemi ta' komunikazzjoni mal-kwartieri ġenerali tal-kumpanniji li ġew investigati. Dan ippermetta li jiġi riċevut kull dokument mitlub, mingħajr dewmien fit-trażmissjoni. Id-data provduta mill-kumpanniji li ġejjin ġiet verifikata:
|
(15) |
L-industrija Komunitarja osservat li l-investigazzjoni kellha tintemm billi ma kienet saret l-ebda bidla fil-qagħda ta' sigurtà fil-Pakistan. Għalhekk, iż-żjara ta' verifika fl-UAE ma kellhiex għalfejn issir. F'dan ir-rigward, għandu jiġi nnotat li l-informazzjoni provduta matul dawn il-verifiki kienet biżżejjed sabiex jiġi stabbilit il-livell ta' dumping. Madankollu, il-kummenti magħmula mill-industrija Komunitarja tqiesu fl-istima ta' kemm damu ċ-ċirkostanzi mibdula, kif indikat fil-premessa (64). |
(16) |
Il-perjodu ta' investigazzjoni (“IP”) kopra l-perjodu bejn l-1 ta' April 2003 u l-31 ta' Marzu 2004. |
B. IL-PRODOTT KONĊERNAT U L-PRODOTT SIMILI
1. Il-prodott konċernat
(17) |
Il-prodott rivedut huwa l-istess bħal dak fl-investigazzjoni oriġinali, jiġifieri friex tas-sodda tal-fibri tal-qoton, puri jew imħalltin ma' fibri magħmulin mill-bniedem jew mal-kittien (il-kittien ma jkunx il-fibra dominanti), ibbliċjat, miżbugħ jew stampat, li joriġina fil-Pakistan, li bħalissa huwa klassifikabbli fi ħdan il-kodiċi NM ex 6302 21 00 (kodiċi Taric 6302210081, 6302210089), ex 6302 22 90 (kodiċi Taric 6302229019), 6302 31 00 (kodiċi Taric 6302310090), u ex 6302 32 90 (kodiċi Taric 6302329019) (’il-prodott konċernat’). Il-friex tas-sodda jinkludu lożor tas-sodda (li jitqabbdu mas-saqqu jew li jinfirxu), għata tad-duvet u investi, ppakkjati għall-bejgħ kemm separatament jew f'settijiet. |
(18) |
Id-drappijiet magħmula mill-fibri tal-qoton użati għall-produzzjoni tal-friex tas-sodda huma identifikati minn żewġ pari ta' numri. L-ewwel wieħed jindika n-numru (jew il- piż) ta' ħjut użat rispettivament għall-insiġ u għat-tgħama. It-tieni wieħed jindika n-numru ta' ħjut għal kull ċentimetru jew għal kull pulzier ta' l-insiġ u tat-tgħama rispettivament. |
(19) |
Id-drappijiet huma bbliċjati, miżbugħa jew stampati. Imbagħad jiġu maqtugħin u meħjutin lożor li jitqabbdu mas-saqqu jew li jinfirxu, għotjien ta' duvet, u investi ta' qisien differenti. Il-prodott finali jiġi ppakkjat għall-bejgħ separatament jew f'settijiet. |
(20) |
Minkejja t-tipi differenti possibbli ta' prodotti minħabba l-kostruzzjoni differenti tan- nisġa, il-finitura tad-drapp, il-preżentazzjoni u d-daqs, l-imballaġġ, eċċ., kollha kemm huma jikkostitwixxu prodott wieħed għall-finijiet ta' din l-investigazzjoni-reviżjoni billi għandhom l-istess karatteristiki fiżiċi u essenzjalment l-istess użu. |
(21) |
Din id-definizzjoni ġiet kontestata minn bosta esportaturi li kkoperaw, li, madankollu ma ssostanzjaw bl-ebda mod it-talbiet tagħhom, li għalhekk ġew rifjutati. |
2. Prodott simili
(22) |
L-istess bħal fl-investigazzjoni oriġinali, instab li l-prodott konċernat u l-friex tas-sodda prodotti u mibjugħa fuq is-suq lokali tal-Pakistan għandhom l-istess karatteristiki fiżiċi u tekniċi u l-istess użu. Għalhekk huma meqjusa bħala prodotti simili fis-sens ta' l-Artikolu 1(4) tar-Regolament bażiku. |
(23) |
Bosta esportaturi li kkoperaw stqarrew li l-prodott konċernat u l-friex tas-sodda mibjugħa fis-suq domestiku tal-Pakistan kienu prodotti differenti billi ma kellhomx l- istess użu, u l-istess karatteristiċi fiżiċi u tekniċi, bażiċi. Madankollu, ma tressqet l-ebda prova sabiex tappoġġa dawn it-talbiet, li għalhekk ġew rifjutati. |
C. DUMPING
1. Il-valur normali
(24) |
Il-valur normal ġie kkalkolat skond l-Artikolu 2 tar-Regolament bażiku. Għalhekk dan ġie stabbilit l-ewwel għal kull produttur esportatur fil-kampjun, anke jekk it-total tal-bejgħ domestiku tal-prodott simili kien rappreżentattiv meta mqabbel mat- totali ta' bejgħ ta' esportazzjoni tal-prodott konċernat lill-Komunità. Skond l-Artikolu 2(2), l-ewwel sentenza, tar-Regolament bażiku, il-bejgħ domestiku tal-prodott simili nstab li kien rappreżentattiv għal waħda mill-kumpanniji fil-kampjun billi l-volum ta' bejgħ domestiku ta' din il-kumpannija kien aktar minn 5 % tat-total tal-volum tal-bejgħ ta' esportazzjoni lill-Komunità. |
(25) |
Flimkien ma' l-esportatur ta' hawn fuq b'bejgħ lokali rappreżentattiv ta' aktar minn 5 % tal-volum ta' bejgħ ta' esportazzjoni lill-Komunità, tliet esportaturi oħra fil-kampjun kellhom xi bejgħ lokali tal-prodott konċernat, li, madankollu, kien jirrappreżenta biss 2,2 %, 0,5 % u 0,2 % rispettivament tal-volum ta' bejgħ tal-prodott konċernat esportat lill-Komunità. Wara li ġew debitament eżaminati l-karatteristiċi tas-suq lokali u dawk ta' l-organizzazzjoni ta' bejgħ tal-kumpanniji in kwistjoni, ġie finalment konkluż li dan il-bejgħ kien negliġibbli u ma setax jitqies bħala rappreżentattiv skond l-Artikolu 2(2) tar-Regolament bażiku. |
(26) |
Għall-produttur esportatur li kellu bejgħ lokali rappreżentattiv b'mod ġenerali, ġie eżaminat ukoll jekk it-tipi ta' friex tas-sodda mibjugħin fis-suq lokali kinux identiċi jew direttament komparabbli mat-tipi mibjugħin għall-esportazzjoni lill-Komunità. Il-bejgħ lokali ta' tip partikolari ta' prodott kien meqjus bħala suffiċjentement rappreżentattiv meta l-volum ta' dak it-tip ta' prodott mibjugħ fis-suq lokali lil klijenti indipendenti matul l-IP irrappreżenta 5 % jew iżjed mill-volum totali tat-tip ta' prodott identiku u direttament komparabbli mibjugħ għall-esportazzjoni lill-Komunità. |
(27) |
Ġie sussegwentement eżaminat jekk il-bejgħ lokali tal-kumpannija setax jitqies bħala li sar fl-andament normali tal-kummerċ. Għal dawk it-tipi ta' prodotti fejn il-prezz medju ppeżat ta' dak it-tip kien ugwali għal jew aktar mill-ispiża tal-produzzjoni, il- valur normali ġie stabbilit fuq il-bażi tal-prezz medju ppeżat imħallas fil-fatt għall- bejgħ lokali kollu ta' dak it-tip, irrispettivament minn jekk dan il-bejgħ kienx bi qligħ jew le. Għal dawk it-tipi ta' prodotti fejn il-prezz medju ppeżat ta' dak it-tip kien aktar baxx mill-ispiża tal-produzzjoni, tqies li l-valur normali kellu jinħadem skond l- Artikolu 2(3) tar-Regolament bażiku. |
(28) |
Il-kumpannija kienet ikkuntestat li l-bejgħ tagħha sar fl-andament normali tal-kummerċ, u stqarret li l-fdalijiet li nbiegħu fis-suq lokali ma kenux komparabbli mal-prodotti mibjugħa għall-esportazzjoni. Matul l-investigazzjoni, ġie stabbilit li l-fdalijiet kienu kwantitajiet żejda ta' friex tas-sodda prodotti għall-esportazzjoni, u b'konsegwenza ta' dan, il-prodotti mibugħa lokali u għall-esportazzjoni huma komparabbli. Qed jiġi għalhekk meqjus li l-bejgħ lokali tal-kumpannija huwa rappreżentattiv u jsir fl-andament normali tal-kummerċ. |
(29) |
Il-valur normali nħadem billi ġie miżjud, ma' l-ispejjeż tal-manifattura tat-tipi esportati, ammont raġonevoli għall-bejgħ, għall-ispejjeż ġenerali u amministrattivi (SG&A) u għall-qligħ, skond l-Artikolu 2(6) tar-Regolament bażiku. |
(30) |
F'dan ir-rigward, il-kumpannija stqarret li l-SG&A u l-qligħ għandhom jiġu stabbiliti fuq il-bażi tat-transazzjonijiet kollha, billi minħabba d-diversità kbira tal-prodott (il-kumpannija ressqet informazzjoni dwar aktar minn 500 tip differenti ta' prodotti) ma jistax jiġi stabbilit b'mod affidabbli jekk ċerta transazzjoni tħallix qligħ jew le. Huwa tabilħaqq veru li l-prodott konċernat huwa magħmul minn għazla kbira ta' tipi f'daqsijiet, disinji, kuluri u materjal eċċ differenti. Fl-istabbiliment ta' l-ispiża tal-manifattura għat-tipi differenti tal-prodott, il-metodi ġenerali ta' l-allokazzjoni ta' spejjeż użati mill-kumpannija kien fihom nuqqas ta' preċiżjoni li jmur biċ-ċar lil hinn mid-diffikultajiet normalment affaċċati f'każijiet bi prodotti kumplessi. Tqies għalhekk li l-SG&A u l-qligħ użati fil-formazzjoni tal-valur normali għandhom jiġu stabbiliti fuq il-bażi tat-transazzjonijiet kollha għall-bejgħ domestiku kollu tal-prodott konċernat. |
(31) |
L-industrija tal-Komunità sfidat l-approċċ adottat fir-rigward ta' din il-kumpannija, u stqarret li kellhom jintużaw biss tranżazzjonijiet li ħallew profitt sabiex jiddeterminaw il-persentaġġ ta' qligħ magħmul mill-kumpannija fl-andament normali tal-kummerċ. Din it-talba ma ntlaqgħetx, billi minħabba r-raġunijiet imniżżla fil-premessa (30), ma jista' jiġi stabbilit b'mod affidabbli jekk ċerta tranżazzjoni tħallix qligħ jew le. Barra minn hekk, ġie stabbilit li b'mod ġenerali t-tranżazzjonijiet saru fl-andament normali tal-kummerċ. |
(32) |
Għas-seba' produtturi esportaturi l-oħra fil-kampjun, kellhom jinħadmu valuri skond l-Artikolu 2(3) tar-Regolament bażiku billi l-ebda wieħed minnhom ma kellu bejgħ lokali rappreżentattiv. Għalhekk, għal dawn l-esportaturi kollha, il-valur normali nħadem billi żdied ammont raġonevoli għall-ispejjeż tal-SG&A u għall-qligħ ma' l-ispiża tal-manifattura ta' kull tip esportat lill-Komunità, u kkoreġut fejn xieraq kif spjegat aktar fi premessa (36). L-ispejjeż u l-qligħ ta' l-SG&A ma setgħux jiġu stabbiliti fuq il-bażi ta' l-Artikolu 2(6)(a) tar-Regolament bażiku billi kumpannija waħda biss kellha bejgħ lokali rappreżentattiv. Lanqas ma setgħu jiġu stabbiliti taħt l-Artikolu 2(6)(b) billi l-esportaturi konċernati ma kellhomx bejgħ rappreżentattiv, fl-andament normali tal-kummerċ, ta' l-istess kategorija ġenerali ta' prodotti. |
(33) |
L-ispejjeż u l-qligħ ta' l-SG&A ġew determinati kif xieraq skond l-Artikolu 2(6)(ċ) tar-Regolament bażiku, fuq il-bażi tal-medju ppeżat ta' l-ispejjeż imġarrba ta' l- SG&A u l-qligħ magħmul mill-unika kumpannija b'bejgħ lokali rappreżentattiv u taż-żewġ kumpanniji b'bejgħ lokali li jirrappreżenta 2,2 % u 0.2 % rispettivament. Fil-fatt, tqies li l-bejgħ lokali ta' dawn iż-żewġ kumpanniji ta' l-aħħar, għalkemm mhux rappreżentattiv għall-għan li jintużaw il-prezzijiet lokali fil-kalkolu tal-valur normali tagħhom stess, kien biżżejjed sabiex jiżgura li l-qligħ relatat ta' l-SG&A seta' jitqies bħala affidabbli għall-għan li jiġi applikat l-Artikolu 2(6)(ċ) tar-Regolament bażiku. L-SG&A u l-qligħ tat-tielet kumpannija li għandha bejgħ mhux rappreżentattiv fis-suq lokali, riferut fil-premessa (25), ma tqisux billi din il-kumpannija rapportat telf kbir fuq dak il-bejgħ. |
(34) |
Kumpannija waħda stqarret li l-Kummissjoni għandha tapplika l-Artikolu 2(6)(b) tar- Regolament bażiku fid-determinazzjoni ta' l-SG&A għal din il-kumpannija. Il- kumpannija stqarret li għandu jintuża l-SG&A għall-prodotti kollha mibjugħa fis-suq lokali mill-kumpannija billi dawk il-prodotti huma simili għall-prodott konċernat, li huwa ta' l-istess kategorija ġenerali ta' prodotti. Din it-talba ma ntlaqgħetx billi nstab li l-prodotti ddikjarati bħala ta' l-istess kategorija ġenerali ta' prodotti bħall-friex tas-sodda, kienu fil-fatt ġeneralment drapp griż, jiġifieri prodott intermedjarju mibjugħ lil utenti industrijali u mhux prodott għall-konsumatur bħall-friex tas-sodda. |
(35) |
Il-kumpannija argumentat ukoll li anke jekk l-Artikolu 2(6)(ċ) tar-Regolament bażiku ikun applikat, għandhom mill-inqas jintużaw l-SG&A u l-qligħ tal-kumpannija nnifisha. Hija żiedet li l-SG&A u l-qligħ użati fil-formazzjoni ta' valur normali huwa meħud fil-biċċa l-kbira minn kumpannija bi struttura differenti, li tista' raġonevolment titqabbel ma' department store. Iżda għandu jiġi nnotat li l-bejgħ tal-kumpannija ta' l- applikant jikkonsisti minn prodotti li lanqas biss jinsabu fl-istess kategorija ġenerali ta' prodotti u li huma pjuttost żgħar fil-volum. Għalhekk mhuwiex raġonevoli li jintużaw l-SG&A u l-qligħ stabbiliti fuq data inadegwata bħal din. |
(36) |
Numru ta' kumpanniji fil-kampjun kienu nkludew oġġetti differenti fl-SG&A tagħhom, li kellhom jiġu rapportati fl-ispiża tal-manifattura. Għalhekk, dawn l-oġġetti ġew allokati mill-ġdid lill-ispiża tal-manifattura. Barra minn hekk, skond l-Artikolu 2(5) tar-Regolament bażiku, l-ispejjeż għandhom jiġu kalkolati fuq il-bażi tar-records miżmuma mill-parti li qed tiġi investigata, sakemm records bħal dawn huma skond il- prinċipji ta' kontabbiltà ġeneralment aċċettati fil-pajjiż konċernat u sakemm jintwera li r-records jirriflettu b'mod raġonevoli l-ispejjeż assoċjati mal-produzzjoni u l-bejgħ tal-prodott li qed jiġi kkunsidrat. Barra minn hekk, għandha titqies ukoll il-prova mressqa dwar l-allokazzjoni xierqa ta' spejjeż, sakemm jintwera li allokazzjonijiet bħal dawn ġew storikament utilizzati. Għal ħamsa mill-kumpanniji fil-kampjun, l- allokazzjoni ta' l-ispiża fit-tweġibiet imressqa tal-kwestjonarju kienet saret ad hoc, għall-għan ta' l-investigazzjoni u ma setgħetx titqies bħala raġonevoli billi dawn ma kenux jaqblu mal-kontijiet verifikati tal-kumpanniji. Għalhekk saru aġġustamenti sabiex jiddeterminaw l-ispiża tal-manifattura b'mod iktar konsistenti mal-kontijiet verifikati tal-kumpanniji in kwistjoni. |
(37) |
Għal dawn il-ħames kumpanniji ġew identifikati l-partiti varji ta' l-ispiża inklużi fl- ispiża ta' manifattura. Ġie determinat il-persentaġġ rappreżentat mill-prodott konċernat mill-bejgħ totali tal-kumpannija. Skond l-informazzjoni disponibbli u verifikabbli, dan il-persentaġġ ġie applikat jew għall-valur ta' kull wieħed mill-partiti ta' l-ispiża jew għall-ispiża totali kif rappurtat fil-kontijiet verifikati għall-għan li tiġi stabbilita l- ispiża ta' manifattura tal-prodott konċernat. |
(38) |
Għal kumpannija waħda, l-aġġustament imsemmi fil-premessa (37) sar sabiex jitqies il-fatt li kien hemm differenza sinifikattiva bejn l-istruttura ta' l-spiza tal-friex tas-sodda u dik tal-prodott ewlieni l-ieħor mibjugħ mill-kumpannija, jiġifieri ħajt. Il- fatt li din il-kumpannija kienet rapportat fil-kwistjonarju, b'mod li seta' jiġi verifikat, data li ppermettiet attribuzzjoni aktar ċara ta' l-ispejjeż bejn dawn iż-żewġ kategoriji ta' prodotti għamlitha possibbli li tirfina l-allokazzjoni bbażata fuq il-bejgħ globali, sabiex tippermetti attribuzzjoni aktar adegwata ta ' l-ispejjeż tal-produzzjoni. |
(39) |
L-industrija Komunitarja sfidat l-approċċ adottat b'rispett ta' din il-kumpannija, u stqarret li l-kumpannija m'ghandhiex sistema ta' allokazzjoni ta' spejjeż użata storikament. Madankollu, din it-talba ma ntlaqgħetx, billi l-attribuzzjoni ta' l-ispejjeż imsemmija fil-premessa (38), ma kinetx ibbażata fuq l-allokazzjoni ta' spiża provduta mill-kumpannija, iżda fuq informazzjoni ta' kontabbiltà verifikata mħejjija mill-kumpannija fuq bażi regolari. |
(40) |
Għal kumpannija waħda, sar aġġustament ieħor. Din il-kumpannija għandha produzzjoni f'żewġ siti differenti, iżda l-friex tas-sodda kienu manifatturati biss f'sit wieħed minn dawn. Għalhekk, tqies li l-aktar strateġija xierqa kienet li wieħed iserraħ fuq id-data relatata ma' dan is-sit fejn il-friex tas-sodda jiġu manifatturati. |
(41) |
Bosta kumpanniji oħra talbu għal aġġustamenti addizzjonali fuq l-allokazzjoni ta' l- ispiża magħmula mill-istituzzjonijiet Komunitarji. Iżda l-metodu li jiġu allokati l- ispejjeż fuq il-bażi tad-dħul ma jippermettix l-applikazzjoni ta' metodoloġija speċifika u differenti limitata esklussivament għal ftit partiti ta' l-ispiża, sakemm ma jkunx jista' jintwera li tista' tiġi applikata metodoloġija speċifika differenti bħal din esklussivament lil dawk il-ftit partiti ta' spiża. Billi dan ma kienx il-każ u, kif indikat fil-premessa (32), l-informazzjoni u l-prova provduti minn dawn il-kumpanniji li jikkonċernaw l-ispiża tal-produzzjoni tagħhom ma tqisetx bħala affidabbli, l-oġġetti riferuti hawn fuq ġew rifjutati. |
(42) |
Għal kumpannija oħra, l-ispiża tal-manifattura nkisbet billi tnaqqsu l-qligħ u l-ispejjeż ta' l-SG&A mill-bejgħ totali, kif stabbilit waqt iż-żjara ta' verifika. |
(43) |
Għaż-żewġ kumpanniji li baqa, l-ispiża tal-manifattura nstabet li kienet affidabbli b'mod ġenerali, iżda kellhom isiru xi korrezzjonijiet ibbażati fuq l-informazzjoni miġbura matul iż-żjara ta' verifika. |
(44) |
Uħud mill-produtturi esportaturi fil-kampjun sostnew li l-ispiża tal-materja prima (prinċipalment drapp ġriż) li kienu rrappurtaw fl-ispiża tal-manifattura diġà kienet tinkludi ċerti spejjeż ta' l-SG&A. Billi l-kumpanniji ma kenux kumpanniji integrati b'mod sħiħ, billi uħud mill-istadji ta' l-ipproċessar kienu ġejjin minn barra, huma ddikjaraw li dawn l-ispejjeż ta' l-SG&A għandhom jitnaqqsu mill-ispejjeż ta' produzzjoni sabiex jevitaw li l-ispejjeż ta' l-SG&A jingħaddu darbtejn. Madankollu, ta' min jinnota li l-valur normali kellu jinħadem bl-użu ta' l-SG&A u l-qligħ tal-kumpannija unika b'bejgħ lokali rappreżentattiv u dawk taż-żewġ kumpanniji b'bejgħ lokali li jirrappreżenta 2,2 % u 0,2 % rispettivamenti u li dawn it-tlitt esportaturi kienu qed jixtru l-biċċa l-kbira ta' drapp ġriż huma stess. Ta' min jinnota wkoll li kull xirja ta' materja prima tinkludi xi spejjeż ta' l-SG&A fil-prezz imħallas, iżda li dawn huma spejjeż tal-fornitur, u mhux l-SG&A ta' l-esportatur konċernat. It-talba għalhekk ma ntlaqgħetx. |
2. Il-prezz ta' l-esportazzjoni
(45) |
Sebgħa mill-produtturi esportaturi fil-kampjun għamlu l-bejgħ totali ta' esportazzjoni tagħhom lejn il-Komunità direttament lil klijenti indipendenti. Skond l- Artikolu 2(8) tar-Regolament bażiku, il-prezzijiet ta' esportazzjoni tagħhom kienu għalhekk stabbiliti fuq il-bażi tal-prezzijiet imħallsa fil-fatt jew fuq dawk pagabbli minn dawn il-klijenti indipendenti fil-Komunità. |
(46) |
It-tmien produttur esportatur fil-kampjun kellu importatur relatat fil-Komunità. Il- prezzijiet ta' dawn l-esportazzjonijiet inħadmu fuq il-bażi tal-prezzijiet li bihom il- prodotti importati reġgħu nbiegħu fil-bidu lil xerrej indipendenti, kif stipulat fl- Artikolu 2(9) tar-Regolament bażiku. |
(47) |
Madankollu, kif mitlub minn numru ta' kumpanniji, il-bejgħ ta' esportazzjoni ta' stokk skadut u l-bejgħ imwassal bil-merkanzija bl-ajru (fuq bażi ta' CIF jew C&F) ġie eskluż mill-kalkoli tad-dumping, billi dan il-bejgħ ma sarx fl-andament normali tal- kummerċ. Dan il-bejgħ kien jirrappreżenta parti negliġibbli (inqas minn 2 %) mill- bejgħ ta' esportazzjoni kollu rapportat. |
(48) |
Din l-istrateġija rigward il-bejgħ kunsinnat bl-ajru u ħażniet skaduti ġiet sfidata mill-industrija Komunitarja, li stqarret li jekk bejgħ huwiex fl-andament normali tal-kummerċ jew le, ma jistax jiġi stabbilit permezz tal-metodu ta' l-ikkunsinnar tal-merkanzija u li dan il-bejgħ għandu jitqies jekk isir relattivament ta' spiss fis-settur in kwistjoni. Din it-talba ma ntlaqgħetx minħabba li, għalkemm xi kumpanniji kellhom xi bejgħ li ġie kkunsinnat bl-ajru u bejgħ ta' ħażniet li kienu skaduti, dan l-bejgħ ma kienx sar relattivament spiss fis-settur billi l-volumi kkunsinnati bl-ajru u l-volumi ta' ħażniet skaduti huma estremament limitati kif deskritt fil-premessa (47) hawn fuq. |
3. Konfront
(49) |
Għall-għan li jkun żgurat konfront xieraq bejn il-valuri normali u l-prezzijiet ta' esportazzjoni, ittieħed kont xieraq fis-sura ta' aġġustamenti għad-differenzi li jolqtu l-prezz u l-komparabbiltà tal-prezz skond l-Artikolu 2(10) tar-Regolament bażiku. Saru aġġustamenti xierqa relatati ma' spejjeż ta' importazzjoni u taxxi indiretti, skonti u ribassi, trasport, assigurazzjoni, spejjeż ta' skariġġar, tagħbija u oħrajn anċillari, kreditu, kommissjonijiet, rati ta' interessi u rati tal-kambju, meta dawn kienu raġonevoli, preċiżi u megħjuna minn prova verifikata. Sar ukoll aġġustament fil-livell ta' kummerċ sabiex jirrifletti l-fatt li l-bejgħ lokali sar direttament lil klijenti finali, filwaqt li l-esportazzjonijiet saru lin-negozjanti, lill-bejjiegħa bl-imnut, u lid-distributuri. |
(50) |
Esportatur wieħed ikkuntesta aġġustament għall-kummissjonijiet, billi argumenta li n- negozjant relatat li kien instab li kellu funzjonijiet simili ta' dawk ta' aġent li jaħdem fuq bażi ta' kummissjoni kien biss fil-verità estensjoni tad-dipartiment ta' l- esportazzjoni tiegħu stess u ma wettaqx negozju għalih waħdu. L-aġġustament ġie konfermat u t-talba ma ntlaqgħetx, billi nstab li n-negozjant relatat kien qiegħed tabilħaqq iwettaq l-attivitajiet ta' bejgħ tiegħu stess (eż. l-akkwist u l-ġestjoni ta' parti mir-reġim tal-kwoti) li ma setgħux jitwettqu mill-esportatur innifsu u li dan kien qed iġarrab spejjeż sostanzjali fit-twettiq ta' dan. Barra minn hekk, in-negozjant relatat irċieva “mark-up” sinifikattiv għall-attivitajiet tiegħu relatati mal-bejgħ tal-prodott konċernat lill-KE, mhux differenti minn kummissjoni. |
(51) |
Bosta esportaturi talbu għal aktar aġġustamenti għall-ispejjeż ta' banek u ta' kreditu. Huma stqarrew li l-utenti finali fis-suq lokali normalment kien jużaw il-credit cards bħala mod ta' pagament. Madankollu, għal dawk il-kumpanniji b'bejgħ domestiku l-investigazzjoni żvelat li l-bejgħ lill-utenti finali huwa fuq bażi ta' flus kontanti. Din it-talba għalhekk ma ntlaqgħetx. |
(52) |
Kumpannija waħda talbet aġġustament fil-prezz tal-qoton matul l-IP. Iżda ż-żieda fil- prezz tal-qoton kien dovut għal żieda fil-prezzijiet tas-suq dinji u għalhekk ma kienx fenomenu Pakistani iżolat. Iż-żieda fil-prezzijiet tal-qoton kellha effett fuq mill-inqas 3 xhur ta' l-IP, filwaqt li l-bejgħ tal-prodott konċernat sar tul l-IP kollu kemm hu. Barra minn hekk, iż-żieda fil-prezzijiet kienet biss ta' karattru temporanju fis-sens li l- prezzijiet tas-suq dinji jinbidlu malajr, fenomenu normali għal dan it-tip ta' materja prima. Bidliet bħal dawn fil-prezzijiet tal-materja prima għandhom jitqiesu bħala parti normali mill-operazzjonijiet tan-negozju. B'żieda ma' dan, l-informazzjoni mogħtija mill-kumpannija (il-prezzijiet ta' xiri tal-qoton mill-1997 sa l-2005 f'PKR) uriet li kien hemm xejra 'l isfel, bis-sena 1997 li rat l-ogħla prezzijiet. Jekk hemm varjazzjonijiet importanti ta' input, dawn ikunu jistgħu normalment jiġu indirizzati permezz ta' konfront ta' kull xahar jew ta' kull tliet xhur tal-valur normali u tal-prezzijiet ta' esportazzjoni. Iżda dan ma kienx mitlub hawnhekk. Din it-talba għalhekk ma ntlaqgħetx. |
(53) |
Il-kumpanniji kollha ddikjaraw l-aġġustamenti għall-irtirar ta' dazju, skond l-Artikolu 2(10)(b) tar-Regolament bażiku. It-talbiet għal aġġustamenti bħal dawn kienu aċċettati fl-investigazzjoni oriġinali sakemm l-ammonti ddikjarati kienu fil-fatt jaqgħu fuq il-prodott simili u fuq il-materjali inkorporati fihom fiżikament, meta dawn kienu maħsuba għall-konsum fil-pajjiż esportatur, u mogħtija lura fir-rigward tal-prodott esportat lejn il-Komunità. Sar magħruf li fl-investigazzjoni preżenti, l-ammonti mogħtija lura mill-gvern Pakistani kienu jaqbżu bil-kbir l-ammonti ta' spejjeż ta' importazzjoni jew taxxi indiretti mħallsa fil-fatt mill-kumpanniji fuq materjali inkorporati fil-prodott konċernat. |
(54) |
L-esportaturi fil-kampjun argumentaw li l-Gvern tal-Pakistan kien daħħal sistema ġdida għall-kalkolu ta' dawn ir-rifużjonijiet ta' dazji fuq l-importazzjoni mħallsa mill- produtturi esportaturi. Din is-sistema l-ġdida tuża ċerti standards fil-kalkolu ta' l- ammont li għandu jitħallas lura. |
(55) |
Ir-reġim il-ġdid ġie investigat sabiex jiġi ċċarat jekk tkunx tista' tiġi stabbilita rabta diretta bejn id-dazju mħallas mill-produtturi esportaturi u l-materjal inkorporat fiżikament fil- prodott simili maħsub għall-konsum fil-pajjiż li jesporta. Fejn l-esportaturi fil- kampjun setgħu juru li d-dazji fuq l-importazzjonijiet kienu tħallsu lura, l-istituzzjonijiet Komunitarji aċċettaw it-talba għal aġġustament għall-valur normali, fejn xieraq, sakemm l-ammonti ddikjarati kienu fil-fatt tħallsu għall-prodott simili u għall-materjali fiżikament inkorporati fih, meta maħsub għall-konsum fil-pajjiż esportatur, u tħallsu lura fil-kaz tal-prodott esportat lill-Komunità. |
4. Marġini ta' dumping
(56) |
Ġew stabbiliti marġini ta' dumping għall-produtturi esportaturi fil-kampjun, fuq il-bażi ta' konfront ta' valur normali medju ppeżat ma' prezz medju ppeżat ta' esportazzjoni, skond l-Artikolu 2(11) tar-Regolament bażiku. |
(57) |
Il-marġini ta' dumping, espressi bħala persentaġġ tal-prezz nett, frank fil-fruntiera tal-Komunità, qabel id-dazju, huma:
|
(58) |
Skond l-Artikolu 9(3) tar-Regolament bażiku, ġie konkluż li l-marġni ta' dumping għal Fairdeal Textiles (Pvt) Ltd huwa de minimis, billi l-marġni ta' dumping tagħha huwa inqas minn 2 %. |
(59) |
Għall-kumpanniji li kkoperaw li ma ntgħażlux fil-kampjun, il-marġini ta' dumping ġie stabbilit fuq il-bażi tal-marġini medju ppeżat ta' dumping ta' kumpanniji magħżulin fil-kampjun, skond l-Artikolu 9(6) tar-Regolament bażiku. Dan il-marġini medju ppeżat ta' dumping, espress bħala persentaġġ tal-prezz nett, frank fil-fruntiera tal-Komunità, qabel id-dazju, kien ta' 5,8 %. |
(60) |
Bosta esportaturi li kkoperaw u li ma kenux magħżula fil-kampjun stqarrew li kien diskriminatorju li wieħed ma jirċevix id-dazju l-aktar baxx minflok id-dazju medju ppeżat tal-kumpanniji fil-kampjun. Qed jiġi nnotat li f'dan il-każ, tmin esportaturi kienu magħżula fil-kampjun skond id-dispożizzjonijiet ta' l-Artikolu 17 tar- Regolament bażiku. Is-sejbiet li saru, ibbażati fuq id-data mogħtija minn dawn l- esportaturi, huma meqjusa bħala rappreżentattivi għall-industrija tal-friex tas-sodda fil-Pakistan. Fir-rigward tad-dazju li għandu jiġi applikat lill-esportaturi mhux fil-kampjun, imur kontra l-għan fil-kampjunament li jiġi applikat id-dazju l-aktar baxx għal wieħed mill-esportaturi fil-kampjun minflok id-dazju medju ppeżat li huwa b'mod ċar aktar rappreżentattiv ta' l-industrija kollha kemm hi. Fi kwalunkwe każ, l-Artikolu 9(6) tar-Regolament bażiku jeħtieġ li d-dazju kontra d-dumping applikabbli fuq l-importazzjonijiet mill-esportaturi li għamlu lilhom infushom magħrufa, iżda li mhumiex inklużi fil-kampjun, m'għandux jaqbeż il-marġni medju ppeżat ta' dumping stabbilit għall-partijiet fil-kampjun u li hija l-prattika konsistenti ta' l-istituzzjonijiet Komunitarji li japplikaw il-marġni medju ppeżat. Fid-dawl ta' dan ta' hawn fuq, it-talba ma ntlaqgħetx. |
(61) |
Sabiex jiġi stabbilit il-marġini residwu ta' dumping, kellu l-ewwel jinħoloq il-livell ta' koperazzjoni. Il-konfront bejn id-data tal-Eurostat li tikkonċerna importazzjonijiet li joriġinaw mill-Pakistan u tweġibiet fil-kampjun urew li l-livell ta' koperazzjoni kien għoli (aktar minn 80 %). Għalhekk, u billi ma kien hemm l-ebda indikazzjonijiet li l-kumpanniji li kien jifdal kienu qegħdin jiddampjaw f'livell aktar baxx, tqies xieraq li jinħoloq marġini ta' bejgħ taħt il-prezz għall-kumpanniji li kien jifdal, li ma kenux ikkoperaw fl-investigazzjoni, fil-livell ta' l-ogħla marġini ta' dumping li nstab għall-kumpanniji inklużi fil-kampjun. Dn l-approċċ huwa skond il-prattika konsistenti ta' l-istituzzjonijiet Komunitarji u tqieset meħtieġa sabiex ma toħloqx inċentiv għan-non-koperazzjoni. Għalhekk, il-marġini residwu ta' dumping ġie kkalkolat bir-rata ta' 8,5 %. |
(62) |
Numru ta' kumpanniji li kienu meqjusa bħala li ma koperawx stqarrew li huma kienu tabilħaqq bagħtu r-return tal-kampjunament fiż-żmien stabbilit, u dan permezz ta' l- assoċjazzjoni rispettiva tagħhom jew direttament lill-Kummissjoni. Dawn il-kumpanniji kienu mitluba li jipprovdu l-prova li r-risposti ġew tabilħaqq trasmessi fl-għeluq ta' żmien stipulat. L-ebda waħda minn dawn il-kumpanniji ma setgħet tressaq prova biżżejjed sabiex issostni tali talbiet li għalhekk ma ntlaqgħux. |
5. In-natura dejjiema taċ-ċirkustanzi mibdula
(63) |
Fl-investigazzjoni attwali, l-għan tar-reviżjoni kien li l-konklużjoni tkun ibbażata fuq sejbiet ta' data verifikata, li kienet fil-prinċipju saret possibbli wara l-bidla fiċ-ċirkustanzi fir-rigward tal-qagħda ta' sigurtà. Ma hemm l-ebda indikazzjoni li s-sejbiet il-ġodda verifikati ma jkunux ta' natura dejjiema. |
(64) |
Madankollu, għandu jkun imfakkar li minħabba xi tħassib relatat mas-sigurtà li kien għadu jeżisti, il-verifiki saru fl-UAE. Minkejja l-isforzi li saru mill- produtturi esportaturi li kkoperaw, verifika li ssir f'pajjiż terz ma' taqbilx mal-prattika normali billi l-investigaturi tal-Kummissjoni ma kellhomx aċċess dirett limitat għar- reġistri tal-kontijiet u għas-sistemi ta' kontijiet ta' l-esportaturi. Għalhekk, għalkemm is-sejbiet huma affidabbli biżżejjed sabiex jiġġustifikaw modifikazzjoni fil-livell tad- dazji kontra d-dumping, fuq inizjattiva tagħhom jew meta mitluba minn partijiet interessati, l-istituzzjojijiet Komunitarji jistgħu jwettqu reviżjoni tad-dazji anti-dumping modifikati jekk kemm-il darba xi sorsi ta' informazzjoni disponibbli jiġbdu l-attenzjoni lejn bidla jew lejn xi ineżattezza tas-sejbiet verifikati fil-pajjiż terz. |
6. Konklużjoni
(65) |
Fid-dawl ta' dan ta' hawn fuq, il-miżuri kontra d-dumping attwali fuq l-importazzjonijiet tal-prodott konċernat li joriġinaw mill-Pakistan għandhom ikunu emendati sabiex jirriflettu l-marġini ta' dumping li ġew misjuba. |
(66) |
Skond l-Artikolu 9(4) tar-Regolament bażiku, id-dazji m'għandhomx jaqbżu l-marġini stabbiliti ta' dumping, iżda għandhom ikunu inqas mill-marġini jekk dawn id-dazji inferjuri jkunu adegwati sabiex jeliminaw id-dannu lill-industrija Komunitarja. Minħabba l-fatt li r-reviżjoni interim attwali hija limitata għall-eżami ta' l-aspetti ta' dumping, il-livell ta' dazji impost m'għandux ikun ogħla mill-livelli ta' dannu misjuba fl-investigazzjoni oriġinali. |
(67) |
Kif imsemmi fil-premessa (134) tar-Regolament definittiv, il-marġini ta' dumping oriġinali kien aktar baxx mil-livell ta' eliminazzjoni ta' dannu determinat b'mod definittiv, u għalhekk id-dazju anti-dumping definittiv kien ibbażat fuq il-marġini ta' dumping aktar baxx, jiġifieri 13,1 %. Billi l-marġini ta' dumping li ġew misjuba fir-reviżjoni attwali interim huma xorta waħda aktar baxxi mill-marġini ta' dannu, id-dazji anti-dumping emendati għandhom ikunu ibbażati fuq dawn il-marġini ta' dumping aktar baxxi. |
(68) |
Għalhekk il-livell ta' dazji għandu jkun marbut mal-livelli tal-marġini ta' dumping misjuba, għajr għal kumpannija waħda, li għaliha nstab marġni ta' dumping de minimis kif spjegat fil-premessa (58):
|
(69) |
Il-partijiet kollha konċernati ġew mgħarrfa bil-fatti essenzjali li fuqhom kien hemm il-ħsieb li tiġi rakkomandata l-emenda tal-miżuri eżistenti u ngħataw l-opportunità sabiex jikkummentaw. Il-kummenti kollha ntlaqgħu u ttieħed kont tagħhom fejn xieraq. Il-partijiet kollha konċernati ngħataw ukoll perjodu sabiex iressqu rappreżentazzjonijiet wara din l-informazzjoni. |
(70) |
Sabiex ikun żgurat trattament indaqs bejn kull esportatur ġdid u l-kumpanniji li qed jikkoperaw u li ma ġewx inklużi fil-kampjun imsemmi fl-Anness ma' dan ir- Regolament, huwa meqjus li għandha ssir dispożizzjoni għad-dazju medju ppeżat fuq il-kumpanniji ta' l-aħħar li għandha tiġi applikata lil kull esportatur ġdid li diversament ikun intitolat għal reviżjoni skond l-Artikolu 11(4) tar-Regolament bażiku. |
(71) |
Produttur esportatur Pakistani ressaq offerta għal impenn dwar prezz. Iżda l-friex tas-sodda huma kkaratterizzati minn mijiet ta' tipi ta' prodotti differenti, b'xi karatteristiċi li mhux faċilment jintgħarfu ma' l-importazzjoni. Dan jagħmilha kważi impossibbli li jiġi stabbilit prezz ta' importazzjoni minimu sinifikattiv għal kull tip ta' prodott, li jista' jiġi ssorveljat sew mill-Kummissjoni u kontrollat mill-awtoriitajiet tad-dwana ta' l- Istati Membri. Taħt dawn iċ-ċirkostanzi, kien meqjus li l-impenn dwar prezz ma kienx prattiku u ma setax jiġi aċċettat. |
D. IT-TUL TA' ŻMIEN TAL-MIŻURI
(72) |
Ir-reviżjoni li saret ma tinċidix fuq id-data li fiha jiskadi r-Regolament definittiv skond l-Artikolu 11(2) tar-Regolament bażiku, |
ADOTTA DAN IR-REGOLAMENT:
Artikolu
Fir-Regolament (KE) Nru 397/2004 huwa b'dan emendat kif ġej:
1) |
L-Artikolu 1(2) għandu jiġi sostitwit b'dan li ġej: “2. Ir-rata ta' dazju kontra d-dumping definittiv applikabbli għall-prezz nett, frank fil-fruntiera tal-Komunità, qabel id-dazju, għall-prodotti manifatturati mill-kumpanniji li ġejjin għandha tkun:
|
2. |
It-test li jinsab fl-Anness ma' dan ir-Regolament għandu jidher bħala l-Anness mar-Regolament tal-Kunsill (KE) Nru 397/2004. |
3. |
Il-paragrafu 4 li ġej għandu jiġi miżjud ma' l-Artikolu 1: “4. Fejn kwalunkwe produttur esportatur ġdid jipprovdi prova suffiċjenti lill-Kummissjoni li:
il-Kunsill, waqt li jaġixxi b'maġġoranza sempliċi fuq proposta mressqa mill-Kummissjoni wara konsultazzjoni mal-Kumitat Konsultattiv, jista' jemenda l-paragrafu billi jżid il-produttur esportatur il-ġdid mal-kumpanniji suġġetti għar-rata ta' dazju medju ppeżat ta' 5,8 %.” |
Artikolu 2
Dan ir-Regolament għandu jidħol fis-seħħ fil-jum wara l-pubblikazzjoni tiegħu fil-Ġurnal Uffiċjali ta' l-Unjoni Ewropea.
Dan ir-Regolament għandu jorbot fl-intier tiegħu u jkun direttament applikabbli fl-Istati Membri kollha.
Magħmul fi Brussell, nhar il-5 ta' Mejju 2006.
Għall-Kunsill
Il-President
K.-H. GRASSER
(1) ĠU L 56, 6.3.1996, p. 1. Regolament kif l-aħħar emendat mir-Regolament tal-Kunsill (KE) Nru 2117/2005 (ĠU L 340, 23.12.2005, p. 17).
ANNESS
“ANNESS
Lista ta' manifatturi li kkoperaw imsemmija fl-Artikolu 1(2) taħt il-kodiċi addizzjonali TARIC A706:
Isem |
Indirizz |
||||
A.B. Exports (PVT) LTD. |
|
||||
A.S.T. (PVT) Limited |
|
||||
Abdur Rahman Corporation (Pvt) Ltd |
|
||||
Adil Waheed Garments |
|
||||
Afroze Textile Industries (Pvt) Ltd. |
|
||||
Al Musawar Textile (PVT) LTD |
|
||||
Al-Karam Textile Mills (PVT) LTD |
|
||||
Al-Latif |
|
||||
Al-Noor Processing & Textile Mills |
|
||||
Al-Raheem Textile |
|
||||
Ameer Enterprises |
|
||||
Amsons Textile Mills (PVT) LTD. |
|
||||
Amtex (Private) Limited |
|
||||
Anjum Textile Mills (PVT) LTD |
|
||||
Apex Corporation |
|
||||
Arshad Corporation |
|
||||
Arzoo Textile Mills Ltd. |
|
||||
Asia Textile Mills |
|
||||
Aziz Sons |
|
||||
B.I.L. Exporters |
|
||||
Baak Industries |
|
||||
Be Be Jan Pakistan Limited |
|
||||
Bela Textiles Ltd |
|
||||
Bismillah Fabrics (PVT) LTD. |
|
||||
Bismillah Textiles (PVT) LTD. |
|
||||
Classic Enterprises |
|
||||
Cotton Arts (PVT) Ltd |
|
||||
D.L. & Nash (Private) Ltd. |
|
||||
Dawood Exports PVT LTD. |
|
||||
Decent Textiles |
|
||||
En Em Fabrics (Pvt) Ltd. |
|
||||
En Em Industries Ltd. |
|
||||
Enn Eff Exports |
|
||||
Faisal Industries |
|
||||
Fashion Knit Industries |
|
||||
Fateh Textile Mills Limited |
|
||||
Gerpak Textile (PVT) LTD |
|
||||
Gohar Textile Mills |
|
||||
H.A. Industries (PVT) LTD |
|
||||
Haroon Fabrics (Private) Limited |
|
||||
Hay's (PVT) Limited |
|
||||
Homecare Textiles |
|
||||
Husein Industries Ltd. |
|
||||
Ideal International |
|
||||
Jaquard Weavers |
|
||||
Kam International |
|
||||
Kamal Spinning Mills |
|
||||
Kausar Processing Industries (PVT) Ltd. |
|
||||
Kausar Textile Industries (PVT) LTD. |
|
||||
Khizra Textiles International |
|
||||
Kohinoor Textile Mills Limited |
|
||||
Latif International (PVT) LTD |
|
||||
Liberty Mills Limited |
|
||||
M/s M.K. SONS Pvt Limited |
|
||||
M/S Al-Ghani International |
|
||||
M/S Home Furnishings Limited |
|
||||
MSC Textiles (PVT) Ltd |
|
||||
Mughanum (PVT) LTD. |
|
||||
Mustaqim Dyeing & Printing Industries (Pvt) Ltd. |
|
||||
Naseem Fabrics |
|
||||
Nawaz Associates |
|
||||
Nazir Industries |
|
||||
Niagara Mills (PVT) LTD |
|
||||
Nina Industries Limited |
|
||||
Nishitex Enterprises |
|
||||
Parsons Industries (PVT) LTD |
|
||||
Popular Fabrics (PVT) Limited |
|
||||
Rainbow Industries |
|
||||
Rehman International |
|
||||
Sadaqat Textile Mills Pvt Ltd |
|
||||
Sadiq Siddique Co. |
|
||||
Sakina Exports International |
|
||||
Samira Fabrics (PVT) Ltd |
|
||||
Sapphire Textile Mills Limited |
|
||||
Shahzad Siddique (PVT) LTD. |
|
||||
Shalimar Cotton Export (PVT) LTD |
|
||||
Sharif Textiles Industries (PVT) LTD |
|
||||
Shercotex |
|
||||
Sitara Textile Industries Limited |
|
||||
South Asian Textile Inds. |
|
||||
Sweety Textiles Pvt Ltd |
|
||||
Tex-Arts |
|
||||
The Crescent Textile Mills Ltd. |
|
||||
Towellers Limited |
|
||||
Union Exports (PVT) Limited |
|
||||
United Finishing Mills Ltd. |
|
||||
United Textile Printing Industries (Pvt) Ltd. |
|
||||
Wintex Exports PVT Ltd. |
|
||||
Zafar Fabrics (PVT) Limited |
|
||||
Zamzam Weaving and Processing Mills |
|