EUR-Lex Access to European Union law
This document is an excerpt from the EUR-Lex website
Document 32006D0363
2006/363/EC: Council Decision of 15 May 2006 on the position of the European Community in relation to the draft Regulation of the United Nations Economic Commission for Europe on wheels for passenger cars and their trailers (Text with EEA relevance)
Deċiżjoni tal-Kunsill tal- 15 ta' Mejju 2006 dwar il-pożizzjoni tal-Komunità Ewropea fir-rigward ta' l-abbozz tar-Regolament tal-Kummissjoni Ekonomika għall-Ewropa tan-Nazzjonijiet Uniti dwar roti għal karozzi tal-passiġġieri u l-karrijiet tagħhom Test b'relevanza għaż-ŻEE.
Deċiżjoni tal-Kunsill tal- 15 ta' Mejju 2006 dwar il-pożizzjoni tal-Komunità Ewropea fir-rigward ta' l-abbozz tar-Regolament tal-Kummissjoni Ekonomika għall-Ewropa tan-Nazzjonijiet Uniti dwar roti għal karozzi tal-passiġġieri u l-karrijiet tagħhom Test b'relevanza għaż-ŻEE.
ĠU L 294M, 25.10.2006, p. 104–104
(MT) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 135, 23.5.2006, p. 11–11
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
In force
25.10.2006 |
MT |
Il-Ġurnal Uffiċjali ta’ l-Unjoni Ewropea |
104 |
DEĊIŻJONI TAL-KUNSILL
tal-15 ta' Mejju 2006
dwar il-pożizzjoni tal-Komunità Ewropea fir-rigward ta' l-abbozz tar-Regolament tal-Kummissjoni Ekonomika għall-Ewropa tan-Nazzjonijiet Uniti dwar roti għal karozzi tal-passiġġieri u l-karrijiet tagħhom
(Test b'relevanza għaż-ŻEE)
(2006/363/KE)
IL-KUNSILL TA' L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea,
Wara li kkunsidra d-Deċiżjoni tal-Kunsill 97/836/KE tas-27 ta' Novembru 1997 bil-għan ta' adeżjoni mill-Komunità Ewropea għall-Ftehim tal-Kummissjoni Ekonomika għall-Ewropa tan-Nazzjonijiet Uniti dwar l-adozzjoni ta' rekwiżiti tekniċi uniformi għal vetturi bir-roti, tagħmir u partijiet li jistgħu jitwaħħlu ma' u/jew jintużaw fuq vetturi bir-roti u l-kundizzjonijiet għar-rikonoxximent reċiproku ta' approvazzjonijiet mogħtija fuq il-bażi ta' dawn ir-rekwiżiti (“Ftehim ta' l-1958 Rivedut”) (1), u b'mod partikulari l-Artikolu 4(2), it-tieni inċiż tiegħu,
Wara li kkunsidra l-proposta tal-Kummissjoni,
Wara li kkunsidra l-kunsens tal-Parlament Ewropew (2),
Billi:
(1) |
L-abbozz tar-Regolament tal-Kummissjoni Ekonomika għall-Ewropa tan-Nazzjonijiet Uniti dwar ir-roti għal karozzi tal-passiġġieri u l-karrijiet tagħhom (minn hawn 'il quddiem imsejjaħ “l-abbozz tar-Regolament”) se jabolixxi x-xkiel tekniku għall-kummerċ fil-vetturi bil-magna bejn il-Partijiet Kontraenti f'dak li għandu x'jaqsam ma' dawn il-komponenti, filwaqt li jiżgura livell għoli ta' sikurezza u ta' protezzjoni ambjentali. |
(2) |
Huwa xieraq li tiġi ddefinita l-posizzjoni tal-Komunità f'dak li għandu x' jaqsam ma' l- abbozz tar-Regolament. |
(3) |
L-abbozz tar-Regolament m'għandux jiġi inkorporat fis-sistema tal-Komunità għall-approvazzjoni tat-tip ta' vetturi bil-magna, billi jikkonċerna ir-roti għall-bdil, |
IDDEĊIEDA KIF ĠEJ:
Artikolu 1
L-abbozz tar-Regolament kif jidher fid-dokument TRANS/WP.29/2005/46 huwa b'dan approvat.
Artikolu 2
Il-Komunità, rappreżentata mill-Kummissjoni, għandha tivvota favur l-abbozz tar-Regolament fil-vot li għandu jseħħ matul laqgħa tal-Kumitat Amministrattiv f'laqgħa li jmiss tal-Forum Dinji għall-Armonizzazzjoni tar-Regolamenti tal-Vetturi tal-Kummissjoni Ekonomika għall-Ewropa tan-Nazzjonijiet Uniti.
Artikolu 3
L-abbozz tar-Regolament ma għandux jiġi inkorporat fis-sistema Komunitarja ta' l-approvazzjoni tat-tip għall-vetturi bil-magna.
Magħmul fi Brussell, nhar il-15 ta' Mejju 2006.
Għall-Kunsill
Il-President
U. PLASSNIK
(1) ĠU L 346, 17.12.1997, p. 78.
(2) Għadu mhux ippublikat fuq il-Ġurnal Uffiċjali.