This document is an excerpt from the EUR-Lex website
Document 32005D0805
Council Decision 2005/805/CFSP of 21 November 2005 implementing Joint Action 2005/556/CFSP appointing a Special Representative of the European Union for Sudan
Deċiżjoni tal-Kunsill 2005/805/PESK tal- 21 ta' Novembru 2005 li timplimenta l-Azzjoni Konġunta 2005/556/PESK li taħtar Rappreżentant Speċjali ta' l-Unjoni Ewropea għas-Sudan
Deċiżjoni tal-Kunsill 2005/805/PESK tal- 21 ta' Novembru 2005 li timplimenta l-Azzjoni Konġunta 2005/556/PESK li taħtar Rappreżentant Speċjali ta' l-Unjoni Ewropea għas-Sudan
ĠU L 303, 22.11.2005, p. 59–59
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 175M, 29.6.2006, p. 59–59
(MT)
29.6.2006 |
MT |
Il-Ġurnal Uffiċjali ta’ l-Unjoni Ewropea |
59 |
DEĊIŻJONI TAL-KUNSILL 2005/805/PESK
tal-21 ta' Novembru 2005
li timplimenta l-Azzjoni Konġunta 2005/556/PESK li taħtar Rappreżentant Speċjali ta' l-Unjoni Ewropea għas-Sudan
IL-KUNSILL TA' L-UNJONI EWROPEA,
Wara li kkunsidra l-Azzjoni Konġunta tal-Kunsill 2005/556/PESK tat-18 ta' Lulju 2005 li taħtar Rappreżentant Speċjali ta' l-Unjoni Ewropea għas-Sudan (1), u b'mod partikolari l-Artikolu 5(1) tiegħu, flimkien ma' l-Artikoli 14, 18(5) u 23(2) tat-Trattat dwar l-Unjoni Ewropea,
Billi
(1) |
fit-18 ta' Lulju 2005 l-Kunsill adotta l-Azzjoni Konġunta 2005/556/PESK li taħtar Rappreżentant Speċjali ta' l-Unjoni Ewropea (EUSR) għas-Sudan. |
(2) |
Fil-21 ta' Novembru 2005 il-Kunsill adotta d-Deċiżjoni 2005/557/PESK (2) li timplimenta l-Azzjoni Konġunta 2005/557/PESK dwar l-azzjoni ta' l-Unjoni Ewropea għal sostenn ċivili-militari għall-Missjoni ta' l-Unjoni Afrikana fir-reġjun tad-Darfur tas-Sudan, fejn ġie stabbilit ammont ta' referenza finanzjarju ġdid intiż li jkopri l-infiq fir-rigward ta' l-implimentazzjoni tas-sezzjoni II ta' l-Azzjoni Konġunta 2005/557/PESK (3) għal perijodu ieħor ta' 6 xhur. |
(3) |
Bħala konsegwenza, jeħtieġ li l-Kunsill jiddeċiedi dwar l-ammont ta' referenza finanzjarju għall-kontinwazzjoni ta' l-Azzjoni Konġunta 2005/556/PESK għal perijodu ieħor ta' 6 xhur. |
(4) |
L-EUSR se jimplimenta l-mandat tiegħu fil-kuntest ta' sitwazzjoni li tista' tiddeterjora u li tista' tkun ta' ħsara għall-għanijiet tal-PESK kif stabbiliti fl-Artikolu 11 tat-Trattat, |
ADOTTA DIN ID-DEĊIŻJONI:
Artikolu 1
L-ammont ta’ referenza finanzjarju intiż sabiex ikopri l-infiq relatat mal-kontinwazzjoni ta' l-Azzjoni Konġunta 2005/556/PESK mit-18 ta' Jannar sat-17 ta' Lulju 2006 għandu jkun ta’ EUR 600 000.
Artikolu 2
Din id-Deċiżjoni għandu jkollha effett fil-jum ta' l-adozzjoni tagħha.
L-infiq għandu jkun eliġibbli mit-18 ta' Jannar 2006.
Artikolu 3
Din id-Deċiżjoni għandha tiġi ppubblikata fil-Ġurnal Uffiċjali ta’ l-Unjoni Ewropea.
Magħmula fi Brussel, nhar il-21 ta' Novembru 2005.
Għall-Kunsill
Il-President
J. STRAW
(1) ĠU L 188, 20.7.2005, p. 43.
(2) Ara paġna 60 ta' dan il-Ġurnal Uffiċjali.
(3) ĠU L 188, 20.7.2005, p. 46.