30.5.2006   

MT

Il-Ġurnal Uffiċjali ta’ l-Unjoni Ewropea

235

(1)

Mill-1 ta' Mejju 2004, għaxar Stati Membri ġodda ngħaqdu ma' l-Unjoni Ewropea. L-Artikolu 6(7) ta' l-Att ta' l-Adeżjoni ta' l-2003 jistabbilixxi li l-Istati Membri ġodda għandhom japplikaw il-politika komuni tal-kummerċ li għandha x'taqsam mat-tessili u li r-restrizzjonijiet kwantitattivi applikati mill-Komunità fuq l-importazzjoni ta' prodotti tessili u ħwejjeġ għandhom jiġu aġġustati biex jieħdu in kunsiderazzjoni l-adeżjoni ta' l-Istati Membri l-ġodda mal-Komunità.

(2)

B'effett mill-1 ta' Mejju 2004, ir-Regolament tal-Kunsill (KE) Nru 487/2004 tal-11 ta' Marzu 2004 (1) emenda l-aħħar ir-Regolament tal-Kunsill (KEE) Nru 3030/93 (2). Huwa aġġusta l-limiti kwantitattivi għall-importazzjoni ta' ċerti prodotti tessili minn pajjiżi terzi fil-Komunità mkabbra, filwaqt li ħa in kunsiderazzjoni l-importazzjoni tradizzjonali fl-għaxar Stati Membri ġodda u uża formula ta' l-importazzjoni medja għas-snin 2000 sa l-2002 aġġustata pro rata temporis. L-istess metodoloġija għandha issa tiġi applikata biex taġġusta l-limiti kwantitattivi għall-importazzjoni ta' ċerti prodotti tessili mir-Repubblika Soċjalista tal-Vjetnam.

(3)

Ir-Regolament (KEE) Nru 3030/93 għandu għalhekk jiġi emendat kif xieraq.

(4)

Huwa mixtieq li dan ir-Regolament jidħol fis-seħħ fil-jum ta' wara l-pubblikazzjoni tiegħu sabiex jippermetti lill-operaturi li jibbenefikaw minnu kemm jista' jkun malajr,