EUR-Lex Access to European Union law
This document is an excerpt from the EUR-Lex website
Document 32004R0849
Regulation (EC) No 849/2004 of the European Parliament and of the Council of 29 April 2004 amending Regulation (EC) No 2320/2002 establishing common rules in the field of civil aviation security (Text with EEA relevance)
Ir-Regolament (KE) Nru 849/2004 tal-Parlament Ewropew u tal-Kunsill tad-29 ta' April 2004 li jemenda r-Regolament (KE) Nru 2320/2002 li jistabbilixxi regoli komuni fil-kamp tas-sigurtà ta' l-avjazzjoni ċiviliTest b'relevanza għaż-ŻEE.
Ir-Regolament (KE) Nru 849/2004 tal-Parlament Ewropew u tal-Kunsill tad-29 ta' April 2004 li jemenda r-Regolament (KE) Nru 2320/2002 li jistabbilixxi regoli komuni fil-kamp tas-sigurtà ta' l-avjazzjoni ċiviliTest b'relevanza għaż-ŻEE.
ĠU L 158, 30.4.2004, p. 1–6
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO)
No longer in force, Date of end of validity: 28/04/2008
Official Journal L 158 , 30/04/2004 P. 0001 - 0006
Ir-Regolament (KE) Nru 849/2004 tal-Parlament Ewropew u tal-Kunsill tad-29 ta' April 2004 li jemenda r-Regolament (KE) Nru 2320/2002 li jistabbilixxi regoli komuni fil-kamp tas-sigurtà ta' l-avjazzjoni ċivili (Test b'rilevanza għaż-ŻEE) IL-PARLAMENT EWROPEW U L-KUNSILL TA' L-UNJONI EWROPEA, Wara li kkunsidraw it-Trattat li jistabbilixxi l-Komunità Ewropea, u b'mod partikulari l-Artiklu 80(2), tiegħu, Wara li kkunsidraw il-proposta mill-Kummissjoni, Wara li kkunsidraw l-Opinjoni tal-Kumitat Ekonomiku u Soċjali Ewopew [1], Wara li kkonsultaw lill-Kumitat tar-Reġjuni, Huma u jaġixxu skond il-proċedura stabbilita fl-Artikolu 251 tat-Trattat [2], Billi: (1) Ir-Regolament (KE) Nru 2320/2002 jistabbilixxi regoli komuni armonizzati fil-kamp tas-sigurtà ta' l-avjazzjoni ċivili. (2) L-applikazzjoni tar-Regolament (KE) Nru 2320/2002 uriet illi teżisti l-ħtieġa ta' emendi tekniċi. Dawn l-emendi ma jfittxux li jibdlu l-iskop tar-Regolament, lanqas ma jippreġudikaw b'xi mod is-sigurtà tal-passiġġieri ta' l-avjazzjoni ċivili. (3) Ir-Regolament (KE) Nru 2320/2002 [3] jippermetti li jiġu ffissati livelli differenti imma adegwati ta' sigurtà fl-iżgħar ajruporti. Huwa konsistenti li jiġu permessi l-istess livelli adegwati ta' sigurtà fiż-żewġt itruf ta' titjira. (4) Ir-Regolament (KE) Nru 2320/98 għandu jiġi emendat kif jixraq, ADDOTTAW DAN IR-REGOLAMENT: Artikolu 1 Ir-Regolament (KE) Nru 2320/2002 huwa hawnhekk emendat kif ġej: 1) Għandha tiżdied id-definizzjoni li ġejja ma' l-Artikolu 2: "(4) "żona ddemarkata" għandha tfisser żona li tkun separata minn żoni ristretti oħra tas-sigurtà ta' ajruport permezz tal-kontroll ta' l-aċċess." 2) L-Artikolu 4 għandu jiġi emendat kif ġej: - il-paragrafu 3 għandu jiġi mibdul b'dan li ġej: "3. Fuq il-bażi ta' stima lokali tar-riskju u meta l-applikazzjoni tal-miżuri tas-sigurtà speċifikati fl-Anness jistgħu jkunu sproporzjonati, jew fejn ma jkunux jistgħu jiġu implimentati għal raġunijiet oġġettivi prattiċi, l-awtorità approprjata ta' Stat Membru tista' taddotta miżuri nazzjonali tas-sigurtà għalbiex tipprovdi livell adewgwat ta' protezzjoni fl-ajruporti: (a) f'medju ta' kull sena ta' mhux aktar minn żewġ titjiriet kummerċjali kuljum; jew (b) b'titjiriet ta' l-avjazzjoni ġenerali biss; jew (ċ) b'attività kummerċjali limitata għall-vetturi ta' l-ajru ta' inqas minn 10 tunnellati metriċi ta' Toqol Massimu mat-Tluq tat-Titjira (MTOW) jew ta' inqas minn 20 post bilqiegħda, filwaqt li jitqiesu l-partikularitajiet ta' dawn l-ajruporti żgħar. L-Istat Membru interessat għandu jgħarraf lill-Kummissjoni b'dawn il-miżuri."; - għandu jiddaħħal il-paragrafu li ġej: "3 (a) Il-paragrafu 3 jista' japplika wkoll għaż-żoni ddemarkati ta' l-ajruporti bi: (a) titjiriet ta' l-avjazzjoni ġenerali biss; jew (b) b'attività kummerċjali limitata għall-vetturi ta' l-ajru ta' inqas minn 10 tunnellati metriċi ta' Toqol Massimu mat-Tluq tat-Titjira (MTOW) jew ta' inqas minn 20 post bilqiegħda. Għandha tiġi indikata żona ddemarkata fil-programm tas-sigurtà ta' l-ajruport. Kull titjira li toriġina minn żona ddemarkata ta' ajruport għandha tindika dan il-fatt bil-quddiem lill-ajruport tad-destinazzjoni bil-wasla tat-titjira."; 3) Fl-Artikolu 2, il-kliem "ivverifikati", "verifiki", "awdituri" u "rapporti ta' verifika" għandu jiġi mibdul bil-kliem "immonitorjati", "attivitajiet tal-monitoraġġ tal-konformità", "persuni" u "rapporti dwar il-monitoraġġ tal-konformità" rispettivament.; 4) l-Anness għandu jiġi emendat kif ġej: - fil-punt 5.2 għandu jiżdied il-paragrafu li ġej: - "3. Exemptions Il-bagalji ta' l-idejn ta' dawk il-partijiet elenkati taħt il-punt 4.1 tal-paragrafu 3 jistgħu jkunu bla ħsara għal miżuri ta' fili speċjali jew eżentati mill-fili."; - fil-punt 7.3 tal-paragrafu 1(b), il-frażi finali għandha tiġi mibdula b'dan li ġej: "għalbiex jiġi żgurat li ma jkun fih l-ebda oġġett ipprojbit kif elenkat fil-punti (iv) u (v) taż-Żieda Mehmuża, għajr jekk ikun ġie ddikjarat u ssoġġettat sewwa għall-miżuri aplikabbli tas-sigurtà; u". Artikolu 2 Dan ir-Regolament għandu jidħol fi-seħħ fil-għoxrin jum wara dak tal-pubblikazzjoni tiegħu fil-Ġurnal Uffiċjali ta' l-Unjoni Ewropea. Dan ir-Regolament jorbot fl-intier tiegħu u japplika direttament fl-Istati Membri kollha. Magħmul fi Strasburgu, fid-29 ta' April 2004. Għall-Parlament Ewropew Il-President P. Cox Għall-Kunsill Il-President M. McDowell [1] Opinjoni mogħtija fit-28 ta' Jannar 2004 (għadha mhix ippubblikata fil-Ġurnal Uffiċjali). [2] Opinjoni tal-Parlament Ewropew tal-11 ta' Marzu 2004 (għadha mhix ippubblikata fil-Ġurnal Uffiċjali), u d-Deċiżjoni tal-Kunsill tad-29 ta' April 2004. [3] ĠU L 335, tat-30.12.2002, p. 1. --------------------------------------------------