This document is an excerpt from the EUR-Lex website
Document 32004R0055
Council Regulation (EC) No 55/2004 of 17 December 2003 amending Regulation (EC) No 1453/2001 introducing specific measures for certain agricultural products for the Azores and Madeira and repealing Regulation (EEC) No 1600/92 (Poseima) with respect to the application of the supplementary levy in the milk and milk products sector in the Azores
Ir-Regolament tal-Kunsill (KE) Nru 55/2004 tas-17 ta’ Diċembru 2003 li jemenda ir-Regolament (KE) Nru 1453/2001 li daħħal miżuri speċifiċi għal ċerti prodotti tal-biedja għall-Azores u Madeira u ħassar ir-Regolament (KEE) Nru 1600/92 (Poseima) dwar l-applikazzjoni tat-taxxa supplementari fis-settur tal-ħalib u tal-prodotti tal-ħalib fl-Azores
Ir-Regolament tal-Kunsill (KE) Nru 55/2004 tas-17 ta’ Diċembru 2003 li jemenda ir-Regolament (KE) Nru 1453/2001 li daħħal miżuri speċifiċi għal ċerti prodotti tal-biedja għall-Azores u Madeira u ħassar ir-Regolament (KEE) Nru 1600/92 (Poseima) dwar l-applikazzjoni tat-taxxa supplementari fis-settur tal-ħalib u tal-prodotti tal-ħalib fl-Azores
ĠU L 8, 14.1.2004, p. 1–2
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO)
No longer in force, Date of end of validity: 14/02/2006; Impliċitament imħassar minn 32006R0247
Official Journal L 008 , 14/01/2004 P. 0001 - 0002
Ir-Regolament tal-Kunsill (KE) Nru 55/2004 tas-17 ta’ Diċembru 2003 li jemenda ir-Regolament (KE) Nru 1453/2001 li daħħal miżuri speċifiċi għal ċerti prodotti tal-biedja għall-Azores u Madeira u ħassar ir-Regolament (KEE) Nru 1600/92 (Poseima) dwar l-applikazzjoni tat-taxxa supplementari fis-settur tal-ħalib u tal-prodotti tal-ħalib fl-Azores IL-KUNSILL TA’ L-UNJONI EWROPEA, Wara li kkunsidra t-Trattat li jistabbilixxi l-Komunità Ewropea, u partikolarment l-Artikolu 299(2) tiegħu, Wara li kkunsidra l-proposta tal-Kummissjoni, Wara li kkunsidra l-opinjoni tal-Parlament Ewropew [1], billi: (1) l-Artikolu 23 tar-Regolament tal-Kunsill (KE) Nru 1453/2001 [2] għal perjodu ta’ erba’ snin ta’ marketing li beda fl-1999/2000 daħħal deroga minn ċerti dispożizzjonijiet tar-Regolament (KEE) Nru 3950/92 tat-28 ta’ Diċembru 1992 jistabbilixxi taxxa addizzjonali fis-settur tal-ħalib u tal-prodotti tal-ħalib [3] fejn jirrigwarda l-Azores. Ir-Regolament (KE) Nru 1782/2003 tad-29 ta’ Settembru 2003 jistabbilixxi regoli komuni għal skemi ta’ appoġġ dirett taħt il-politika agrikola komuni u jistabbilixxi ċerti skemi ta’ appoġġ għal bdiewa [4] emenda l-Artikolu 23 tar-Regolament (KE) Nru 1453/2001 sabiex jestendi l-perjodu imsemmi aktar il-fuq għal sitt snin ta’ marketing u stabilixxa l-ammonti għal dik l-estensjoni. (2) Madankollu, ir-ristrutturar tas-settur tal-ħalib fl-Azores għadu ma intlaħaqx. Sabiex jittieħed in konsiderazzjoni l-livell għoli ta’ dipendenza fuq il-produzzjoni tal-ħalib fl-Azores, flimkien ma żvantaġġi oħrajn marbutin mal-lokalità tagħhom mill-aktar imbiegħda u n-nuqqas ta’ prodotti alternattivi vijabbli, il-perjodu rilevanti għandu jiġi estiż u l-ammonti ta’ din l-estensjoni oħra fissati. (3) Din il-miżura hija ristretta għall-produzzjoni tal-ħalib fl-Azores. Matul il-perjodu li tkun fis-seħħ, din il-miżura għandha tgħin lis-settur fl-Azores ikompli jiġi ristrutturat mingħajr ma jiddisturba s-suq tal-ħalib u mingħajr ma jaffettwa b’ mod li jinħass il-ħidma f’waqtha ta’ l-iskema ta’ taxxa fil-livell Portugiż jew tal-Komunità. ADOTTA DAN IR-REGOLAMENT: Artikolu 1 L-Artikolu 23 tar-Regolament tal-Kunsill (KE) Nru 1453/2001 għandu jkun mibdul b’ dan li ġej: "L-Artikolu 23 1. Sa mill-bidu tas-sena ta’ marketing 1999/2000, għall-iskop li jitqassam il-piż tat-taxxa addizzjonali bejn il-produtturi li hemm referenza għalihom fit-tieni sentenza ta’ l-Artikolu 2(1) tar-Regolament (KEE) Nru 3950/92, il-produtturi biss kif mfissra fl-Artikolu 9(c) ta’ dak ir-Regolament, stabbiliti u jiiproduċu fl-Azores, li jqegħdu fis-suq kwantitajiet li jeċċedu l-kwantità tagħhom ta’ referenza miżjuda mal-persentaġġ li jirriferi għalih it-tielet paragrafu għandhom ikunu kkonsidrati li jkunu kkontribwew għall-produzzjoni żejda. It-taxxa addizzjonali għandha tkun dovuta fuq kwantitajiet li jeċċedu l-kwantità miżjuda ta’ referenza wara li jkunu allokati mill-ġdid il-kwantitajiet li ma jkunux intużawr fil-konfini tal-marġni li jirriżulta minn din iż-żieda fost il-produtturi li jirriferi għalihom l-ewwel paragrafu u skond il-kwantità ta’ referenza għad-dispożizzjoni ta’ kull produttur. Il-persentaġġ li jirreferi għalih l-ewwel paragrafu għandu jkun daqs il-proporzjon bejn il-kwantitajiet rispettivament ta’ 73000 tunnellata metrika għall-perjodu 1999/2000 sa l-2004/2005 u 23000 tunnellata metrika sa mill-bidu tas-sena ta’ marketing 2005/2006 u t-total tal-kwantitajiet ta’ referenza li jkunu għad-dispożizzjoni ta’ dik l-azjenda fil-31 ta’Marzu 2000. Għandu japplika għal kull produttur għal mhux aktar mill-kwantitajiet ta’ referenza li jkunu għad-dispożizzjoni ta’ dak il-produttur fil-31 Marzu 2000. 2. Il-kwantitajiet ta’ ħalib jew prodotti tal-ħalib mqiegħdha fis-suq li jeċċedu l-kwantitajiet ta’ referenza li madankollu jaqblu mal-persentaġġ li jirriferi għalih il-paragrafu 1 ta’ dan l-Artikolu, wara l-allokazzjoni mill-ġdid li hemm refernza għaliha f’dak l-istess paragrafu, ma għandhomx jittieħdu in konsiderazzjoni meta jkunu qegħdin jiġu stabbiliti xi produzzjonijiet żejda fil-Portugall kif ikkalkolati skond l-ewwel sentenza ta’ l-Artikolu 2(1) tar-Regolament (KEE) Nru 3950/92." Artikolu 2 Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu fil-Ġurnal Uffiċjali ta’ l-Unjoni Ewropea. Dan ir-Regolament għandu jkun applikabbli mill-1 ta’ April 2003. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, Is-17 ta’ Diċembru 2003. F’isem il-Kunsill Il-President G. Alemanno [1] Opinjoni mwassla fis-16 ta’Diċembru 2003 (s’issa m’hijiex ippubblikata fil-Ġurnal Uffiċjali). [2] ĠU L 198, 21.07.01, p. 26. Ir-Regolament kif l-aħħar emendat bir-Regolament (KE) Nru 1782/2003 (ĠU L 270, 21.10.03, p. 1). [3] ĠU L 405, tal-31.12.1992, p. 1. Regolament irrevokat bir-Regolament (KE) Nru 1788/2003 (ĠU L 270, tal-21.10.2003, p. 123). [4] ĠU L 270, 21.10.03, p. 1. --------------------------------------------------