This document is an excerpt from the EUR-Lex website
Document 32004E0533
Council Joint Action 2004/533/CFSP of 28 June 2004 extending the mandate of the Special Representative of the European Union for Afghanistan and amending Joint Action 2003/871/CFSP
Azzjoni Konġunta tal-Kunsill 2004/533/PESK tat- 28 ta' Ġunju 2004 li testendi l-mandat tar-Rappreżentant Speċjali ta' l-Unjoni Ewropea għall-Afganistan u li temenda l-Azzjoni Konġunta 2003/871/PESK
Azzjoni Konġunta tal-Kunsill 2004/533/PESK tat- 28 ta' Ġunju 2004 li testendi l-mandat tar-Rappreżentant Speċjali ta' l-Unjoni Ewropea għall-Afganistan u li temenda l-Azzjoni Konġunta 2003/871/PESK
ĠU L 234, 3.7.2004, p. 17–17
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 142M, 30.5.2006, p. 96–96
(MT)
No longer in force, Date of end of validity: 28/02/2005
|
30.5.2006 |
MT |
Il-Ġurnal Uffiċjali ta’ l-Unjoni Ewropea |
96 |
AZZJONI KONĠUNTA TAL-KUNSILL 2004/533/PESK
tat-28 ta' Ġunju 2004
li testendi l-mandat tar-Rappreżentant Speċjali ta' l-Unjoni Ewropea għall-Afganistan u li temenda l-Azzjoni Konġunta 2003/871/PESK
IL-KUNSILL TA' L-UNJONI EWROPEA,
Wara li kkunsidra t-Trattat dwar l-Unjoni Ewropea, u b'mod speċjali l-Artikoli 14, 18(5) u 23(2) tiegħu,
Billi:
|
(1) |
Fit-8 ta' Diċembru 2003 il-Kunsill adotta l-Azzjoni Konġunta 2003/871/PESK (1) li temenda u testendi sat-30 ta' Ġunju 2004 il-mandat tar-Rappreżentant Speċjali ta' l-Unjoni Ewropea għall-Afganistan. |
|
(2) |
Abbażi ta' reviżjoni ta' l-Azzjoni Konġunta 2003/871/PESK, il-mandat tar-Rappreżentant Speċjali għandu jiġi estiż. |
|
(3) |
Fis-17 ta' Novembru 2003 il-Kunsill adotta linji gwida dwar il-ħatra, il-mandat u l-finanzjament tar-Rappreżentanti Speċjali ta' l-Unjoni Ewropea. |
|
(4) |
Ir-Rappreżentant Speċjali ta' l-Unjoni Ewropea ser jimplimenta l-mandat tiegħu fil-kuntest ta' sitwazzjoni li tista' tiħżien u tista' tolqot ħażin l-għanijiet tal-PESK kif stabbiliti fl-Artikolu 11 tat-Trattat dwar l-Unjoni Ewropea, |
ADOTTA DIN L-AZZJONI KONĠUNTA:
Artikolu 1
Il-mandat tas-Sur Francesc VENDRELL bħala r-Rappreżentant Speċjali ta' l-Unjoni Ewropea (EUSR) għall-Afganistan, kif stabbilit fl-Azzjoni Konġunta 2003/871/PESK huwa b'dan estiż sat-28 ta' Frar 2005.
Artikolu 2
L-Azzjoni Konġunta 2003/871/PESK hija hawnhekk emendata kif ġej:
|
1. |
It-tieni inċiż fis-subparagrafu (e) ta' l-Artikolu 3 għandu jiġi mħassar. |
|
2. |
L-Artikolu 5 (1) għandu jinbidel b'dan li ġej: “1. L-ammont ta' riferenza finanzjarju maħsub sabiex ikopri l-ispiża konnessa mal-mandat ta' l-EUSR għandu jkun ta' EUR 794 000.” |
Artikolu 3
Din l-Azzjoni Konġunta għandha tidħol fis-seħħ fl-1 ta' Lulju 2004.
Artikolu 4
Din l-Azzjoni Konġunta għandha tiġi ppubblikata fil-Ġurnal Uffiċjali ta' l-Unjoni Ewropea.
Magħmula fil-Lussemburgu, nhar it-28 ta' Ġunju 2004.
Għall-Kunsill
Il-President
M. CULLEN
(1) ĠU L 326, tat-13.12.2003, p. 41.