12.10.2005   

MT

Il-Ġurnal Uffiċjali ta’ l-Unjoni Ewropea

163

(1)

F'Ottubru 2002, l-Italja rrappurtat lill-Kummissjoni li f'dan il-pajjiż kien hemm infezzjonijiet ikkawżati bil-virus ta' l-influwenza ta' l-għasafar b'patoġeniċità baxxa, u dan kien tas-sotto-tip H7N3. Dawn seħħew fir-reġjuni tal-Veneto u l-Lombardija u din il-marda kienet qed tinfirex malajr.

(2)

L-Italja ħadet azzjoni mill-ewwel, inkluż il-qerda ta' qatgħat ta' tjur infettati biex tkun ikkontrollata l-firxa ta' l-infezzjoni. Bħala miżura supplementari l-awtoritajiet Taljani talbu wkoll l-approvazzjoni għal programm ta' tilqim kontra l-influwenza ta' l-għasafar għal mill-inqas 18-il xahar biex din l-infezzjoni ma tkomplix tinfirex aktar.

(3)

Il-programm ta' tilqim kien ġie approvat bid-Deċiżjoni tal-Kummissjoni 2002/975/KE tat-12 ta' Diċembru 2002 li tintroduċi t-tilqim biex ikunu megħjuna l-miżuri ħalli jkunu kkontrollati l-infezzjonijiet ta' influwenza ta' l-għasafar b'patoġeniċità baxxa fl-Italja u fuq il-miżuri speċifiċi ta' kontroll tal-moviment (5), u li twaqqaf ir-regoli dwar it-tilqim kontra l-influwenza ta' l-għasafar f'żona ġeografika definita. Id-Deċiżjoni tinkludi miżuri speċfiċi ta' kontroll bħalma huma r-restrizzjonijiet fuq il-moviment ta' tjur ħajjin, bajd tat-tifqis u għall-ikel għall-kummerċ intra-Komunitarju.

(4)

Ir-riżultati tal-programm ta' tilqim li ġew irrappurtati f'diversi laqgħat tal-Kumitat Permanenti fuq il-Katina ta' l-Ikel u s-Saħħa ta' l-Annimali kienu ġeneralment tajbin dwar il-kontroll tal-marda fiż-żona tal-vaċċinazzjoni. Madankollu, l-infezzjoni nfirxet lejn ċerti nħawi ħdejn iż-żona tal-vaċċinazzjoni stabbilita. Għalhekk, id-Deċiżjoni 2002/975/KE, kif emendata bid-Deċiżjoni 2003/436/KE (6) wessgħet iż-żona ta' vaċċinazzjoni biex tkopri dawk l-inħawi tal-viċin.

(5)

Mill-aħħar ta' Settembru 2003, ma kien hemm l-ebda ċirkulazzjoni oħra tal-virus tas-sotto-tip H7N3 ta' l-influwenza ta' l-għasafar matul il-monitoraġġ estensiv li sar fiż-żona tal-vaċċinazzjoni. Għalhekk, l-Italja talbet biex iddaħħal ċertu tibdil fil-programm ta' tilqim u fir-restrizzjonijiet tal-kummerċ intra-Komunitarju. Għalhekk, id-Deċiżjoni 2002/975/KE, kif emendata bid-Deċiżjoni 2004/159/KE (7), approvat dawk il-bidliet u r-restrizzjonijiet.

(6)

Fi Frar 2004, mikrobu ta' l-influwenza ta' l-għasafar b'patoġeniċità baxxa tas-sotto-tip H5N3 kien ġie iżolat f'qatgħa waħda ta' papri fir-reġjun tal-Lombardija fiż-żona tal-vaċċinazzjoni. Għalkemm l-istħarriġ epidemjologiku ma wriex li l-infezzjoni nfirxet, ir-riskju li tiddaħħal l-influwenza ta' l-għasafar tas-sotto-tip H5 qiegħed hemm. Bħalissa, la t-tjur mlaqqma kontra s-sotto-tip H7 fil-qafas tal-kampanja ta' tilqim li hemm bħalissa u lanqas il-popolazzjoni tat-tjur li mhumiex imlaqqma m'huma protetti kontra mard li jista' jkun ikkawżat bl-influwenza ta' l-għasafar tas-sotto-tip H5. Għalhekk, l-Italja talbet biex temenda l-programm tat-tilqim li għandha bħalissa biex tawtorizza t-tilqim ta' tjur fiż-żona tal-vaċċinazzjoni stabbilita bl-użu ta' vaċċin bivalenti li joffri ħarsien kontra l-infezzjoni mill-mikrobu ta' l-influwenza ta' l-għasafar tas-sotto-tipi H7 u H5, u biex din twettaq dan it-tip ta' tilqim sa mill-inqas il-31 ta' Diċembru 2005.

(7)

Minħabba li d-Deċiżjoni 2002/975/KE kienet ġiet emendata darbtejn, għal raġunijiet ta' ċarezza fil-leġislazzjoni tal-Komunità, ikun xieraq li dik id-Deċiżjoni titħassar u tinbidel b'din id-Deċiżjoni.

(8)

Il-miżuri li hemm f'din id-Deċiżjoni jaqblu ma' l-opinijoni tal-Kumitat Permanenti fuq il-Katina ta' l-Ikel u s-Saħħa ta' l-Annimali.

a)

tjur imlaqqma kontra l-influwenza ta' l-għasafar.

b)

tjur minn qatgħat li jkunu sero-pożittivi għall-influwenza ta' l-għasafar u li jkunu maħsuba għall-qatla taħt kontroll uffiċjali skond il-programm tat-tilqim imsemmi fl-Artikolu 1.

ċ) tjur li jkunu ġejjin minn irziezet li jinsabu f'żona ta' restrizzjoni stabbilita skond id-dispożizzjonijiet imwaqqfa fil-programm tat-tilqim imsemmi fl-Artikolu 1.

i)

jkunu ġejjin minn qatgħat li jkunu ġew spezzjonati u ttestjati regolarment b'riżultati negattivi għall-influwenza ta' l-għasafar, kif stabbilit fil-programm approvat ta' tilqim, fejn għandha tingħata attenzjoni speċjali lejn għasafar sentinelli.

Għall-ittestjar ta':

ii)

jkunu ġejjin minn qatgħat li ġew spezzjonati klinikament minn veterinarju uffiċjali fi żmien 48 siegħa qabel it-tagħbija, fejn għandha tingħata attenzjoni speċjali lejn għasafar sentinelli;

iii)

jkunu ġejjin minn qatgħat li jkunu ġew ittestjati seroloġikament b'riżultati negattivi fil-Laboratorju Nazzjonali għall-infulwenza ta' l-għasafar, billi tintuża l-proċedura ta' teħid ta' kampjuni u ttestjar stabbilita fl-Anness III għal din id-Deċiżjoni;

iv)

għandhom jintbagħtu direttament lejn il-biċċerija magħżula mill-awtorità kompetenti u għandhom jinqatlu minnufih wara l-wasla. L-għasafar għandhom jinżammu separati minn qatgħat oħra li ma jkunux konformi mad-dispożizzjonijiet preżenti.

a)

materjal ta' ppakkjar li jintrema wara li jintuża jew materjal ta' ppakkjar li jkun jista' jinħasel u jiġi diżinfettat b'mod effettiv biss jista' jintuża għall-ġbir, il-ħażna u l-ġarr ta' bajd għall-ikel;

b)

il-mezzi kollha ta' ġarr li jintużaw għat-trasport ta' tjur ħajjin, bajd tat-tifqis, laħam frisk tat-tjur, bajd għall-ikel u prodotti ta' l-ikel li jiġu mit-tjur jitnaddfu u jkunu diżinfettati immedjatament qabel u wara kull ġarr, b'diżinfettanti u metodi ta' użu li jkunu approvati mill-awtorità kompetenti.