32004D0102

Id-Deċiżjoni tal-Kummissjoni

tas-26 ta’ Jannar 2004

li tapprova pjani ta’ kontinġenza għall-kontroll tal-marda ta’ l-għasafar u l-marda Newcastle

(notifikata bid-dokument numru K(2004) 110)

(Test b’relevanza għaż-ŻEE)

(2004/102/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 92/40/KEE tad-19 ta’ Mejju 1992 li tintroduċi miżuri tal-Komunità għall-kontroll ta’ l-influwenza ta’ l-għasfar [1], kif l-aħħar emendata bir-Regolament (KE) Nru 806/2003 [2], u b’mod partikolari l-Artikolu 17(4) tagħha,

Wara li kkunsidrat id-Direttiva tal-Kunsill 92/66/KEE ta’ l-14 ta’ Lulju 1992 li tintroduċi miżuri tal-Komunità għall-kontroll tal-marda Newcastle [3], kif l-aħħar emendata bir-Regolament (KE) Nru 806/2003, u b’mod partikolari l-Artikolu 21(4) tagħha,

Billi:

(1) Id-Deċiżjoni tal-Kummissjoni 2000/680/KE tat-30 ta’ Ottubru 2000 tapprova pjani ta’ kontinġenza għall-kontroll ta’ l-influwenza ta’ l-għasafar u l-marda Newcastle [4] ġiet sostanzjalment emendata [5]. Fl-interessi taċ-ċarezza u r-razzjonalità l-imsemmija deċiżjoni għandha tiġi kodifikata.

(2) L-influwenza ta’ l-għasafar u l-marda Newcastle huma mard li t-tnejn jeffettwaw l-ispeċi ta’ l-għasafar.

(3) Il-kriterji li għandhom jiġu applikati waqt it-tħejjija ta’ pjan ta’ kontinġenza għall-kontroll ta’ l-influwenza ta’ l-għasafar u l-marda Newcastle huma stabbiliti fl-Anness VI li jinsab mad-Direttiva 92/40/KEE u fl-Anness VII li jinsab mad-Direttiva 92/66/KEE, rispettivament.

(4) Il-kriterji għall-pjani ta’ kontinġenza elenkati f’dawk iż-żewġ annessi huma identiċi.

(5) Il-miżuri ta’ kontroll tal-mard li għandhom jiġu applikati fil-każ ta’ tifqigħa ta’ influwenza ta’ l-għasafar jew tal-marda Newcastle isegwu l-istess prinċipji u jinvolvu l-istess produtturi tat-tjur, operaturi ta’ biċċeriji u impjanti ta’ rendering, veterinarji fil-qasam u laboratorji ta’ dijanjosi. Huwa għalhekk possibbli li jitħejja pjan ta’ kontinġenza li jkopri fl-istess waqt l-influwenza ta’ l-għasafar u l-marda Newcastle.

(6) L-Istati Membri bagħtu għall-approvazzjoni ċittadini pjani nazzjonali ta’ kontinġenza li jelenkaw u jispeċifikaw il-miżuri li għandhom jitwettqu fil-każ ta’ tifqigħa ta’ l-influwenza ta’ l-għasafar u l-marda Newcastle.

(7) Wara eżami dawn il-pjani jaderixxu mal-kriterji preskritti u jippermettu li jintlaħaq l-għan mixtieq suġġett għall-implimentazzjoni effettiva.

(8) L-Istati Membri għandhom iwettqu studji tax-xenarji u eżerċizzi simultanji sabiex jassiguraw l-effettività tal-pjani.

(9) L-Istati Membri għandhom l-obbligu li jaġġornaw il-pjani fuq bażi regolari.

(10) Il-miżuri li għalihom tipprovdi din id-Deċiżjoni huma skond l-opinjoni tal-Kumitat Permanenti dwar il-Katina ta’ l-Ikel u s-Saħħa ta’ l-Annimali,

ADOTTAT DIN ID-DEĊIŻJONI:

Artikolu 1

Il-pjani ta’ kontinġenza għall-kontroll ta’l-influwenza ta’ l-għasafar u l-marda Newcastle mibgħuta mill-Istati Membri elenkati fl-Anness I huma approvati.

Artikolu 2

Id-Deċiżjoni 2000/680/KE hija mħassra.

Kull referenzi għad-Deċiżjoni mħassra għandhom jiftiehmu bħala referenzi għal din id-deċiżjoni u għandhom jinqraw skond it-tabella ta’ korrelazzjoni fl-Anness III.

Artikolu 3

Din id-Deċiżjoni hija ndirizzata lill-Istati Membri.

Magħmul fi Brussel, fis-26 ta’ Jannar 2004.

Għall-Kummissjoni

David Byrne

Membru tal-Kummissjoni

[1] ĠU L 167, 22.06.92, p. 1.

[2] ĠU L 122, 16.05.03, p. 1.

[3] ĠU L 260, tal-5.9.1992, p. 1.

[4] ĠU L 281, 07.11.00, p. 21.

[5] Ara l-Anness II li jinsab ma’ din id-Deċiżjoni

--------------------------------------------------

L-ANNESS I

Il-Belġju

Id-Danimarka

Il-Ġermanja

Il-Greċja

Spanja

Franza

L-Irlanda

L-Italja

Il-Lussemburgu

L-Olanda

L-Awstrija

Il-Portugall

Il-Finlandja

L-Isvezja

Ir-Renju Unit

--------------------------------------------------

L-ANNESS II

Deċiżjoni mħassra bl-emenda tagħha

Deċiżjoni tal-Kummissjoni 2000/680/KE | (ĠU L 281, tas-7.11.2000, p. 21) |

Deċiżjoni tal-Kummissjoni 2001/525/KE | (ĠU L 190, tat-12.7.2001, p. 24) |

--------------------------------------------------

L-ANNESS III

Tabella ta’ korrelazzjoni

Deċiżjoni 2000/680/KE | Din id-Deċiżjoni |

Artikolu 1 | Artikolu 1 |

— | Artikolu 2 |

Artikolu 2 | Artikolu 3 |

L-Anness | L-Anness I |

— | L-Anness II |

— | L-Anness III |

--------------------------------------------------