32003D0541

Id-Deċiżjoni tal-Kummissjoni

tas-17 ta’ Lulju 2003

li temenda d-Deċiżjonijiet 92/260/KEE, 93/197/KEE u 97/10/KE dwar id-dħul temporanju u l-importazzjoni ta’ żwiemel reġistrati fl-Unjoni Ewropea mill-Afrika t’Isfel

(notifikata bid-dokument numru K(2003) 1212)

(Test b’relevanza għaż-ŻEE)

(2003/541/KE)

IL-KUMMISSJONI TAL-KOMUNITAJIET EWROPEJ

Wara li kunsidrat it-Trattat li jistabbilixxi l-Komunitajiet Ewropej,

Wara li kunsidrat d-Direttiva tal-Kunsill 90/426/KEE tas-26 ta’ Ġunju 1990 dwar il-kUndizzjonijiet dwar is-saħħa ta’ l-annimali li jirregolaw il-moviment u l-importazzjoni ta’ żwiemel minn pajjiżi terzi [1], kif l-aħħar emendata bid-Deċiżjoni tal-Kummissjoni 2002/160/KE [2], u b’mod partikolari l-Artikolu 12(2), l-Artikolu 13(2), l-Artikoli 14, 15 u 16 u l-Artikolu 19(i) tagħha,

Billi:

(1) Id-Deċiżjoni tal-Kummissjoni 92/260/KEE [3], kif l-aħħar emendata bid-Deċiżjoni 2002/635/KE [4], tistabbilixxi l-kundizzjonijiet dwar is-saħħa ta’ l-annimali u ċ-ċertifikazzjoni veterinarja għad-dħul temporanju ta’ żwiemel reġistrati.

(2) Id-Deċiżjoni tal-Kummissjoni 93/197/KEE [5] kif l-aħħar emendata bid-Deċiżjoni 2002/84/KE [6], tistabbilixxi l-kundizzjonijiet dwar is-saħħa ta’ l-annimali u ċ-ċertifikazzjoni veterinarja għall-importazzjoni ta’ żwiemel reġistrati u ta’ żwiemel għat-tagħmir u r-riproduzzjoni.

(3) L-Anness I tad-Deċiżjoni tal-Kummissjoni 97/10/KE tat-12 ta’ Diċembru 1996 li temenda d-Deċiżjoni tal-Kunsill 79/542/KEE u d-Deċiżjonijiet tal-Kummissjoni 92/160/KEE, 92/260/KEE u 93/197/KEE dwar id-dħul temporanju u l-importazzjoni fil-Komunità ta’ żwiemel reġistrati mill-Afrika t’Isfel [7], kif l-aħħar emendat bid-Deċiżjoni 2001/622/KE [8], jipprovdi għal garanziji addizzjonali li japplikaw għar-reġjunalizzazzjoni ta’ l-Afrika t’Isfel fir-rigward ta’ l-importazzjoni ta’ żwiemel reġistrati fl-Unjoni Ewropea.

(4) Dawn il-garanziji addizzjonali jeħtieġu li żwiemel reġistrati jkunu residenti għal perjodu speċifiku f’żoni Afrikani speċjali dikjarati bħala li huma ħielsa mill-mard u jistabbilixxu kundizzjonijiet dwar kif żwiemel reġistrati li jkunu destinati biex jiġu trasportati bl-ajru lejn l-Unjoni Ewropea jkunu trasportati lejn l-ajruport f’żona ta’ sorveljanza taħt kundizzjonijiet li jipproteġuhom minn vettori.

(5) Meta jitqies il-bżonn ta’ iżolazzjoni fi stazzjon ta’ kwarantina approvat u protett minn vettori, jidher li jkun ġust jekk żwiemel reġistrati li ħa jiddaħħlu temporanjament jew li ħa jkunu impurtati fl-Unjoni Ewropea jintalbu li jkunu residenti f’żona Afrikana dikjarata bħala li hija ħielsa mill-mard għall-istess perjodu minimu.

(6) Minħabba l-bidliet fl-iskedi tal-linji ta’ l-ajru, it-trasport ta’ żwiemel reġistrati f’ajruplani standard li jġorru l-merkanzija jidher li huwa impossibbli. Għalhekk l-unika alternattiva realistika għat-trasport ta’ żwiemel reġistrati hija t-trasport bil-baħar.

(7) Huwa meħtieġ li jkunu stabbiliti l-kundizzjonijiet sabiex żwiemel reġistrati jistgħu jkunu trasportati mingħajr ma jkun kompromess l-istatus tas-saħħa ta’ dawn l-annimali matul il-vjaġġ fuq il-baħar mill-port ta’ Cape Town, li jinsab fiż-żona ħielsa, sa’ port fl-Unjoni Ewropea approvat bħala post ta’ spezzjoni fuq il-fruntiera skond id-Direttiva tal-Kunsill 91/496/KEE tal-15 ta’ Lulju 1991 li tistabbilixxi l-prinċipji li jirregolaw l-organizzazzjoni ta’ kontrolli veterinarji fuq annimali li jiddaħħlu fil-Komunità minn pajjiżi terzi u li temenda d-Direttivi 89/662/KEE, 90/425/KEE u 90/675/KEE [9], kif l-aħħar emendata bid-Direttiva 96/43/KE [10].

(8) Għaldaqstant, id-Deċiżjonijiet 92/260/KEE, 93/197/KEE u 97/10/KE għandhom ikunu emendati.

(9) Il-miżuri stabbiliti f’din id-Deċiżjoni huma skond l-opinjoni tal-Kumitat Permanenti dwar il-Food Chain u s-Saħħa ta’ l-Annimali

ADOTTAT DIN ID-DEĊIŻJONI:

Artikolu 1

Fl-Anness II tad-Deċiżjoni 92/260/KEE iċ-ċertifikat F dwar is-saħħa ta’ l-annimali huwa mibdul bit-test fl-Anness I ta’ din id-Deċiżjoni.

Artikolu 2

Fl-Anness II tad-Deċiżjoni 93/197/KEE iċ-ċertifikat F dwar is-saħħa ta’ l-annimali huwa mibdul bit-test fl-Anness II ta’ din id-Deċiżjoni.

Artikolu 3

Id-Deċiżjoni 97/10/KE hija emendata kif ġej:

1. L-Anness I huwa emendat skond l-Anness III ta’ din id-Deċiżjoni.

2. Ma’ l-Anness IV huwa miżjud it-test fl-Anness IV ta’ din id-Deċiżjoni.

Artikolu 4

Din id-Deċiżjoni hija indirizzata lill-Istati Membri.

Magħmula fi Brussel, fis-17 ta’ Lulju 2003.

Ghall-Kummissjoni

David Byrne

Membru tal-Kummissjoni

[1] ĠU L 224, tat-18.8.90, p. 42.

[2] ĠU L 53, tat-23.2.2, p. 37.

[3] ĠU L 130, tal-15.5.92, p. 67.

[4] ĠU L 206, tat-3.8.2, p. 20.

[5] ĠU L 86, tas-6.4.93, p. 16.

[6] ĠU L 287, tal-25.10.2, p. 42.

[7] ĠU L 3, tas-7.1.97, p. 9.

[8] ĠU L 216, ta' l-10.8.1, p. 26.

[9] ĠU L 268, ta' l-24.9.91, p. 56.

[10] ĠU L 162, ta' l-1.7.96, p. 1.

--------------------------------------------------

L-ANNESS I

"

+++++ TIFF +++++

+++++ TIFF +++++

+++++ TIFF +++++

+++++ TIFF +++++

+++++ TIFF +++++

"

--------------------------------------------------

L-ANNESS II

"

+++++ TIFF +++++

+++++ TIFF +++++

+++++ TIFF +++++

+++++ TIFF +++++

+++++ TIFF +++++

"

--------------------------------------------------

L-ANNESS III

L-Anness I tad-Deċiżjoni 97/10/KE huwa emendat kif ġej:

1. Il-Punt 7.1 huwa mibdul b’dan li ġej:

"7.1. Żwiemel reġistrati li ħa jkunu impurtati b’mod permanenti fl-Unjoni Ewropea jridu jkunu residenti fil-pajjiż minfejn intbagħtu għal mill-anqas 90 jum, jew mit-twelid f’każ li jkollhom anqas minn 90 jum, jew minn meta jkunu iddaħħlu fil-każ li jkunu impurtati direttament mill-Unjoni Ewropea matul id-90 jum qabel iċ-ċertifikazzjoni għall-esportazzjoni għall-Unjoni Ewropea u jridu jkunu baqgħu fiż-żona ħielsa għal mill-anqas 60 jum jew mit-twelid f’każ li għandhom anqas minn 60 jum, jew minn meta jkunu iddaħħlu fil-każ li jkunu impurtati direttament fiż-żona ħielsa mill-Unjoni Ewropea matul is-60 jum qabel iċ-ċertifikazzjoni għall-esportazzjoni għall-Unjoni Ewropea."

2. Il-Punt 11 huwa mibdul b’dan li ġej:

"11. Jekk żwiemel reġistrati jkunu trasportati bl-ajru, it-trasport taż-żwiemel mill-istazzjoni ta’ kwarantina sa’ l-ajruplan isir taħt kundizzjonijiet li jipproteġuhom minn vettori. Dawn il-kundizzjonijiet jinżammu matul il-vjaġġ kollu."

3. Il-punt li ġej huwa miżjud bħala punt 12:

"12. Jekk żwiemel reġistrati jkunu trasportati bil-baħar, għandhom japplikaw il-kundizzjonijiet li ġejjin:

Vapuri li jittrasportaw żwiemel reġistrati mill-port ta’ Cape Town lejn port fl-Unjoni Ewropea approvat skond id-Direttiva tal-Kunsill 91/496/KEE bħala post ta’ spezzjoni fuq il-fruntiera għal kontrolli veterinarji fuq żwiemel reġistrati, ma jistgħux, fl-ebda punt bejn it-tluq u l-wasla tagħhom fid-destinazzjoni tagħhom, jieqfu f’port fit-territorju jew f’parti mit-territorju ta’ pajjiż terz li ma huwiex approvat għall-importazzjoni ta’ żwiemel fl-Unjoni Ewropea. Il-kaptan tal-vapur għandu jagħti prova li dawn il-kundizzjoni kienu rispettati billi jimla d-dikjarazzjoni fl-Anness IV."

--------------------------------------------------

L-ANNESS IV

“L-ANNESS IV

+++++ TIFF +++++

--------------------------------------------------