32003D0129

Id-Deċiżjoni tal-Kummisjoni

tal-25 ta' Frar 2003

li temenda d-Deċiżjoni 98/83/KE li tirrikonoxxi ċerti terzi pajjiżi u ċerti żoni ta' terzi pajjiżi bħala ħielsa mix- Xanthomonas campestris (patoġeniċi għaċ-ċitru), Cercospora angolensis Carv. Et Mendes u guinardia citricarpa Kiely (patoġeniċi għaċ-ċitru)

(notifikata taħt id-dokument numru C(2003) 600)

(2003/129/KE)

IL-KUMMISJONI TAL-KOMUNITAJIET EWROPEJ,

Wara li qraw it-Trattat li jwaqqaf il-Komunità Ewropea,

Wara d-Direttiva tal-Kunsill 2000/29/KE tat-8 ta' Mejju 2000 fuq il-protezzjoni kontra l-introduzzjoni fil-Komunità ta' organiżmi li jagħmlu ħsara lill-pjanti kontra l-firxa fil-Komunità emendata bid-Direttiva 2002/89/KE (2), partikolarment punt 16.2 ta' Parti A ta' l-Anness IV,

Billi:

(1) Punt 16.2 ta' Parti A ta' l-Anness IV tad-Direttiva 2000/29/KE fiha proviżjonijiet speċifiċi dwar l-importazzjoni ta' frott taċ-ċitru L, Fortunella, Swingle, Poncirus Raf., u pjanti oħra li ġejjin minn pajjiżi terzi fejn Xanthomonas campestris (patoġeniċi għaċ-ċitru) (hawnhekk Xanthomonas campestris), nafu li sseħħ.

(2) Id-Deċiżjoni tal-Kummisjoni 98/83/KE tat-8 ta' Jannar 1998 li tagħraf ċerti pajjiżi terzi bħala liberi Xanthomonas campestris (patoġeniċi għaċ-ċitru), Cercospora angolensis Carv. Et Mendes u guinardia citricarpa Kiely (patoġeniċi għaċ-ċitru) (3), kif l-aħħar emendata bid-deċiżjoni 2001/440/KE (4), li tipprovdi għal ċertiżoni ta' pajjiżi terzi biex jiġu rikonoxxuti bħala ħielsa mix- Xanthomonas campestris

(3) Id-Deċiżjoni 98/83/KE tirrikonoxxi ċerti stati fl-Arġentina bħala ħielsa mill- Xanthomonas campestris, Pero, abbażi ta' l-informazzjoni sottomessa mill-arġentina, numru min dawk l-Istati ma jistgħux jiġu iżjed rikonoxxuti bħala ħielsa mill-organiżu.

(4) Abbażi ta' l-informazzjoni sottomessa mill-Istati Uniti ta' l-Amerka, jidher li infestazzjonijiet ġodda tal- Xanthomonas campestris ġew identifikati f'żoni differenti ta' Florida. Għalhekk Florida ma tistax tibqa' titqies bħala ħielsa mil-organiżmu.

(5) Arranġamenti speċifiċi iridu jidħlu fis-seħħ għal-liema l-istqarrija uffiċċjali ta' punt 16.2 ta' Taqsima I ta' Parti A ta' l-Anness IV tad-Direttiva 2000/29/KE ġiet maħruġa qabel id-data tat-tagħrif ta' din id-Deċiżjoni lill-awtoritajiet kompetenti fl-Arġentina u l-Istati Uniti ta' l-Amerka.

(6) Id-Deċiżjoni 98/83/KE trid għalhekk tiġi emendata kif ġej.

(7) Il-miżuri ta' din id-Direttiva huma fi qbil ma' l-opinjoni tal-Kumitat fuq is-Saħħa tal-Pjanti,

ADOTTAW DIN ID-DEĊIŻJONI

Artikolu 1

Fid-Deċiżjoni 98/83/KE, Artikolu 2 irid jiġi emendata hekk:

(a) l-ewwel inċiż huwa mħassar

(b) ir-raba' inċiż huwa mibdul b'dan:

"— gl-Istati Uniti ta' l-Amerka: Arizzona, Kalifornja, Guam, il-Ħawaj, Luwiżjana, il-Gżejjer Mariana ta' Fuq, Puerto Riko, American Samoe, Teksas, u l-Gżejjer Verġni".

Artikolu 2

Din id-Deċiżjoni ma għandiex tapplika gfħaċ-ċitru li għali stqarrija uffiċċjali tinsab f'punt 16.2 ta' Taqsima I ta' Parti A ta' l-Anness IV tad-Direttiva 2000/29/KE ġiet maħruġa u li ġew esportati qabel id-data tat-tagħrif ta' din id-Deċiżjoni lill-awtoritajiet kompetenti fl-Arġentina u l-Istati Uniti ta' l-Amerka. Il-Kummisjoni għandha tinforma lill-Istati Membri bid-data li fiha jiġu mgħarrfa l-awtoritajiet kompetenti fil-pajjiżi msemmija.

Artikolu 3

Din id-Deċiżjoni hija indirizzatta lill-Istati membri.

Magħmula fi Brussell, nhar il-25 ta' Frar 2003

Għall-Kummisjoni

David Byrne

Membru tal-Kummisjoni

--------------------------------------------------