EUR-Lex Access to European Union law
This document is an excerpt from the EUR-Lex website
Document 32002R1756
Council Regulation (EC) No 1756/2002 of 23 September 2002 amending Directive 70/524/EEC concerning additives in feedingstuffs as regards withdrawal of the authorisation of an additive and amending Commission Regulation (EC) No 2430/1999 (Text with EEA relevance)
Ir-Regolament tal-Kunsill (KE) Nru 1756/2002 tat-23 ta’ Settembru 2002 li jemenda d-Direttiva 70/524/KEE li tikkonċerna addittivi fl-ikel ta’ l-annimali, fir-rigward ta’ l-irtirar ta’ l-awtorizzazzjoni ta’ addittiv u li temenda r-Regolament tal-Kummissjoni (KE) Nru 2430/1999Test ta’ rilevanza għaż-ŻEE
Ir-Regolament tal-Kunsill (KE) Nru 1756/2002 tat-23 ta’ Settembru 2002 li jemenda d-Direttiva 70/524/KEE li tikkonċerna addittivi fl-ikel ta’ l-annimali, fir-rigward ta’ l-irtirar ta’ l-awtorizzazzjoni ta’ addittiv u li temenda r-Regolament tal-Kummissjoni (KE) Nru 2430/1999Test ta’ rilevanza għaż-ŻEE
ĠU L 265, 3.10.2002, p. 1–2
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Ir-Regolament tal-Kunsill (KE) Nru 1756/2002 tat-23 ta’ Settembru 2002 li jemenda d-Direttiva 70/524/KEE li tikkonċerna addittivi fl-ikel ta’ l-annimali, fir-rigward ta’ l-irtirar ta’ l-awtorizzazzjoni ta’ addittiv u li temenda r-Regolament tal-Kummissjoni (KE) Nru 2430/1999Test ta’ rilevanza għaż-ŻEE
Official Journal L 265 , 03/10/2002 P. 0001 - 0002
CS.ES Chapter 3 Volume 37 P. 78 - 79
ET.ES Chapter 3 Volume 37 P. 78 - 79
HU.ES Chapter 3 Volume 37 P. 78 - 79
LT.ES Chapter 3 Volume 37 P. 78 - 79
LV.ES Chapter 3 Volume 37 P. 78 - 79
MT.ES Chapter 3 Volume 37 P. 78 - 79
PL.ES Chapter 3 Volume 37 P. 78 - 79
SK.ES Chapter 3 Volume 37 P. 78 - 79
SL.ES Chapter 3 Volume 37 P. 78 - 79
Ir-Regolament tal-Kunsill (KE) Nru 1756/2002 tat-23 ta’ Settembru 2002 li jemenda d-Direttiva 70/524/KEE li tikkonċerna addittivi fl-ikel ta’ l-annimali, fir-rigward ta’ l-irtirar ta’ l-awtorizzazzjoni ta’ addittiv u li temenda r-Regolament tal-Kummissjoni (KE) Nru 2430/1999 (Test ta’ rilevanza għaż-ŻEE) IL-KUNSILL TA’ L-UNJONI EWROPEA, Wara li kkunsidra t-Trattat li jwaqqaf il-Komunità Ewropea, Wara li kkunsidra d-Direttiva tal-Kunsill 70/524/KEE tat-23 ta’ Novembru 1970 li tikkonċerna l-addittivi fl-ikel ta’ l-annimali [1], b’mod partikolari l-Artikolu 9m ta’ l-istess Direttiva, Wara li kkunsidra l-proposta tal-Kummissjoni, Billi: (1) Il-coccidiostat Nifursol, li huwa nitrofuran, kien awtorizzat għall-ewwel darba għall-użu bħala addittiv fl-ikel ta’ l-annimali permezz tad-Direttiva tal-Kummissjoni 82/822/KEE [2]. Din l-awtorizzazzjoni kienet marbuta ma’ persuna responsabbli biex tiċċirkolaha għal perjodu ta’ għaxar snin, permezz tar-Regolament tal-Kummissjoni (KE) Nru 2430/1999 [3], mingħajr evalwazzjoni mill-ġdid. (2) L-Artikolu 9m jipprovdi għat-tneħħija ta’ l-awtorizzazzjoni ta’ addittiv jekk ma tiġix sodisfatta iktar xi waħda mill-kondizzjonijiet għal din l-awtorizzazzjoni msemmija fl-Artikolu 3a tad-Direttiva 70/524/KEE. (3) Matul il-perjodu bejn l-1990 u l-1995, kemm il-Kumitat ta’ Esperti dwar l-Addittivi fl-Ikel, liema Kumitat huwa konġunt bejn il-FAO u l-WHO, kif ukoll il-Kumitat għall-Prodotti Verterinarji Mediċi (CVMP) taw opinjonijiet dwar l-użu ta’ prodotti verterinarji mediċi fl-annimali li jipproduċu l-ikel, mill-grupp ta’ sustanzi magħrufa bħala nitrofurans. Huma kkonkludew li minħabba l-genotoxicity u l-carcinogenicity tas-sustanza, ma kienx possibbli li wieħed jidentifika użu aċċettabbli minn din il-kimika għal kull ġurnata (jiġifieri ammont speċifiku ta’ kemm il-ġisem tal-bniedem jista’ jilqa’ minn din is-sustanza, mingħajr ma ssir ebda ħsara). B’dan il-mod, ma kienx possibbli li wieħed jispeċifika livell massimu ta’ kemm tista’ tintuża din is-sustanza. In-nitrofurans għalhekk iddaħħlu fl-Anness IV mar-Regolament tal-Kunsill (KEE) Nru 2377/90 [4], biex b’hekk, fil-Komunità ġiet projbita l-amministrazzjoni ta’ dawn is-sustanzi, bħala prodotti mediċi veterinarji, għall-annimali li jipproduċu l-ikel. (4) Il-Kummissjoni għalhekk talbet lill-Kumitat Xjentifiku għan-Nutrizzjoni ta’ l-Annimali (SCAN) biex jagħmel studju xjentifiku ġdid dwar ir-riskju li tista’ ġġib magħha l-kimika Nifursol, li tagħmel parti mill-grupp ta’ nitrofurans. (5) L-iSCAN adotta opinjoni dwar in-Nifursol fil-11 ta’ Ottubru 2001, u kkonkluda li skond l-istudji dwar il-mutagenecity, il-genotoxicity u l-carcinogenicity provduti mill-persuna responsabbli li tiċċirkola n-Nifursol, u minħabba n-nuqqas ta’ informazzjoni dwar l-iżvilupp tossikologiku, ma kienx possibbli li wieħed joħrog b’ammont speċifiku ta’ kemm il-ġisem tal-bniedem jista’ jilqa’ minn din il-kimika, bħala konsumatur. L-iSCAN ikkonferma din l-opinjoni fit-18 ta’ April 2002 wara li eżamina l-informazzjoni komplementari. (6) Għalhekk, ma jistax jiġi garantit li n-Nifursol mhuwiex ta’ riskju għal saħħet il-bniedem. (7) L-Artikolu 3a(b) tad-Direttiva 70/524/KEE jiddikjara li awtorizzazzjoni mill-Komunita ta’ addittiv tingħata biss jekk, wara li jiġu kkunsidrati l-kondizzjonijiet ta’ l-użu, ma jkunx ta’ riskju għas-saħħa tal-bniedem jew ta’ l-annimali jew għall-ambjent, u lanqas ma jagħmel ħsara lill-konsumatur billi jagħmel ħsara lill-karatteristiċi tal-prodotti ta’ l-annimali. (8) Konsegwentement, ladarba l-kondizzjoni stipulata fl-Artikolu 3a ta’ dik id-Direttiva għall-użu ta’ coccidiostat Nifursol ma tkunx aktar sodisfatta, l-użu ta’ din is-sustanza bħala addittiv ma’ l-ikel ta’ l-annimali m’għandiex tibqa’ tiġi permessa. Ir-Regolament (KE) Nru 2430/1999 u l-inklużjoni ta’ dan il-coccidiostat fil-Kapitlu II ta’ l-Anness B għad-Direttiva 70/524/KEE għandu jiġi emendat skond hekk. (9) Fl-assenza ta’ opinjoni favorevoli mill-Kumitat Permanenti dwar il-Katina ta’ l-Ikel u s-Saħħa ta’ l-Annimali, il-Kummissjoni ma setgħetx tadotta d-dispożizzjonijiet li fasslet skond il-proċedura stipulata fl-Artikolu 23 ta’ Direttiva 70/524/KEE, ADOTTA DAN IR-REGOLAMENT: L-Artikolu 1 1. Fl-Anness I tar-Regolament tal-Kummissjoni (KE) Nru 2430/1999 il-parti li titkellem dwar l-addittiv E 769, Nifursol, trid tiġi mħassra. 2. Fil-Kapitlu II ta’ l-Anness B għad-Direttiva 70/524/KEE, il-parti relatata man- Nifursol, sustanza li tagħmel parti mill-grupp ta’ coccidiostats u sustanzi mediċinali oħra, trid titħassar. L-Artikolu 2 Dan ir-Regolament jidħol fis-seħħ fis-seba’ jum wara li jiġi ppubblikat fil-Ġurnal Uffiċjali tal-Komunitajiet Ewropej. Japplika mill-31 ta’ Marzu 2003. Dan ir-Regolament jorbot fl-intier tiegħu u japplika direttament fl-Istati Membri kollha. Magħmul fi Brussel, fit-23 ta’ Settembru 2002. F’isem il-Kunsill Il-President M. Fischer Boel [1] ĠU L 270, ta’ l-14.12.1970, p. 1. Direttiva kif emendata l-aħħar mir-Regolament tal-Kummissjoni (KE) Nru 2205/2001 (ĠU L 297, tal-15.11.2001, p. 3). [2] Il-wieħed u erbgħin Direttiva tal-Kummissjoni 82/822/KEE tad-19 ta’ Novembru 1982 li temenda l-Annessi mad-Direttiva tal-Kunsill 70/524/KEE dwar l-addittivi fl-ikel ta’ l-annimali (ĠU L 347, tas-7.12.1982, p. 16). [3] ĠU L 296, tas-17.11.1999, p. 3. [4] Ir-Regolament tal-Kunsill (KEE) Nru 2377/90 tas-26 ta’ Ġunju 1990 li jitkellem dwar il-proċedura tal-Komunità li tistabbilixxi l-livell massimu ta’ prodotti veterinarji mediċi f’ikel li joriġina mill-annimali (ĠU L 224, tat-18.8.1990, p. 1). Ir-Regolament kif emendat l-aħħar mir-Regolament tal-Kummissjoni (KE) Nru 1530/2002 (ĠU L 230, tat-28.8.2002, p. 3). --------------------------------------------------