32002R0893

Ir-Regolament (KE) Nru 893/2002 tal-Parlament Ewropew u tal-Kunsill

tas-27 ta' Mejju 2002

li jemenda r-Regolament (KE) Nru 685/2001 sabiex jipprovdi għad-distribuzzjoni bejn l-Istati Membri ta' l-awtorizzazzjonijiet irċevuti wara l-Ftehim li jistabilixxi ċerti kondizzjonijiet għat-trasport ta' merkanzija bit-triq u l-promozzjoni ta' trasport ikkombinat bejn il-Komunità Ewropea u r-Rumanija

IL-PARLAMENT EWROPEW U L-KUNSILL TA' L-UNJONI EWROPEA,

Wara li kkonsidraw it-Trattat li jistabilixxi l-Komunitajiet Ewropej, u b'mod partikolari l-Artikolu 71 tiegħu,

Wara li kkonsidraw il-proposta mill-Kommissjoni [1],

Wara li kkonsidraw l-opinjoni tal-Kunsill Ekonomiku u Soċjali [2],

Wara li kkonsultaw il-Kumitat tar-Reġjuni,

Waqt li jaġixxu skond il-proċedura stabilita fl-Artikolu 251 tat-Trattat [3],

Billi:

(1) Bid-Deċiżjoni tal-Kunsill Nru 2002/409/KE [4], il-Komunitá Ewropea kkonkludiet Ftehim mar-Rumanija li jistabilixxi ċerti kondizzjonijiet dwar it-trasport ta' merkanzija bit-triq u l-promozzjoni tat-trasport ikkombinat.

(2) Dan il-Ftehim jipprovdi illi l-Komunità tirċievi awtorizzazzjonijiet għall-ġarr bit-triq mir-Rumanija, kif huwa l-każ dwar il-ftehimijiet kważi identiċi konklużi mal-Bulgaria u l-Ungerija.

(3) Ir-raġunijiet ta' konsistenza jitolbu li r-regoli li jirregolaw it-tqassim ta' dawn l-awtorizzazzjonijiet ikunu identiċi ma' dawk stabiliti għat-tqassim ta' l-awtorizzazzjonijiet irċevuti skond il-Ftehimijiet mal-Bulgaria u l-Ungerija.

(4) Ir-Regolament (KE) Nru 685/2001 [5] għandu jiġi emendat kif jixraq,

ADDOTTAW DAN IR-REGOLAMENT:

L-Artikolu 1

Ir-Regolament (KE) No 685/2001 huwa hawnhekk emdendat kif ġej:

1. It-titolu għandu jiġi mibdul b'dan li ġej:

"Ir-Regolamanet (KE) Nru 685/2001 tal-Parlament Ewropew u tal-Kunsill ta' l-4 ta' April 2001 dwar id-distribuzzjoni bejn l-Istati Membri ta' l-awtorizzazzjoniet irċevuti skond il-Ftehimijiet li jistabilixxu ċerti kondizzjonijiet għat-trasport ta' merkanzija bit-triq u l-promozzjoni tat-trasport ikkombinat bejn il-Komunità Ewropea u r-Repubblika ta' l-Ungerija u bejn il-Komunità Ewropea u r-Rumanija."

2. L-Artikolu 1 għandu jiġi mibdul b'dan li ġej:

"L-Artikolu 1

Dan ir-Regolament jistabilixxi r-regoli għat-tqassim bejn l-Istati Membri ta' l-awtorizzazzjonijiet li huma għad-dispożizzjoni tal-Komunità bis-saħħa ta' l-Artikolu 6 (2) tal-Ftehim konklużi bejn il-Komunità Ewropea u r-Repubblika ta' l-Ungerija u bejn il-Komunità Ewropea u r-Rumanija li jistabilixxu ċerti kondizzjonijiet għat-trasport ta' merkanzija bit-triq u l-promozzjoni tat-trasport ikkombinat (minn issa 'l quddiem imsejjaħ "il-Ftehim")."

3. L-Anness għandu jiġi mibdul b'dan li ġej:

"L-Istat Membru | L-awtorizzazzjonijiet għall-użu fi: |

il-Bulgarija | l-Ungerija | ir-Rumanija |

il-Belġju | 103 | 103 | 104 |

id-Danimarka | 110 | 110 | 111 |

il-Ġermanja | 134 | 133 | 137 |

il-Greċja | 11468 | 10974 | 12457 |

Spanja | 100 | 100 | 100 |

Franza | 102 | 102 | 102 |

l-Irlanda | 100 | 100 | 100 |

l-Italja | 102 | 102 | 102 |

il-Lussemburgu | 100 | 100 | 100 |

l-Olanda | 150 | 147 | 154 |

l-Awstrija | 119 | 118 | 120 |

Il-Portugall | 100 | 100 | 100 |

il-Finlandja | 102 | 102 | 102 |

l-Isvezja | 107 | 106 | 107 |

ir-Renju Unit | 103 | 103 | 104 |

It-Total | 13000 | 12500 | 14000" |

L-Artikolu 2

Dan ir-Regolament għandu jidħol fis-seħħ fil-jum ta' wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fis-27 ta' Mejju 2002.

Għall-Parlament Ewropew

Il-President

P. Cox

Għall-Kunsill

Il-President

M. Arias Cañete

[1] ĠU C 278 E, tal-25.9.2001, p. 102.

[2] ĠU C 36, tat-8.2.2002, p. 27.

[3] L-Opinjoni tal-Parlament Ewropew tal-5 ta' Settembru 2001 (ĠU C 72, tal-21.3.2002, p. 141) u d-Deċiżjoni tal-Kunsill Nru tat-22 ta' April 2002.

[4] Ara l-paġna 74 ta' dan il-Ġurnal Uffiċjali.

[5] ĠU L 108, tat-18.4.2001, p. 1.

--------------------------------------------------