32000R2072

Ir-Regolament tal-Kummissjoni (KE) Nru 2072/2000

tad-29 ta’ Settembru 2000

li jemenda r-Regolament (KE) Nru 1898/97 li jistabbilixxi regoli għall-applikazzjoni fis-settur tal-laħam tal-majjal għall-arranġamenti koperti mir-Regolament tal-Kunsill (KE) Nru 3066/95 u jirrevoka r-Regolamenti (KEE) Nru 2698/93 u (KE) Nru 1590/94 u li jemenda r-Regolament (KE) Nru 1585/2000 li jistabbilixxi safejn jistgħu jiġu aċċettati applikazzjonijiet imressqa f’Lulju 2000 għal liċenzi ta’ l-importazzjoni għal ċerti prodotti tal-laħam tal-majjal taħt ir-reġim maħsub fil-Ftehim milħuq mill-Komunità mar-Repubblika tal-Polonja, ir-Repubblika ta’l-Ungerija, ir-Repubblika Ċeka, l-Islovakkja, il-Bulgarija u r-Rumanija

KUMMISSJONI TAL-KOMUNITAJIET EWROPEJ

Wara li kkunsidrat it-Trattat li jwaqqaf il-Komunità Ewropea,

Wara li kkunsidrat ir-Regolament tal-Kunsill (KE) Nru 1727/2000 tal-31 ta Lulju 2000 li jistabbilixxi ċerti konċessjonijiet fil-forma ta’ kwoti ta’ tariffi tal-Komunita għal ċerti prodotti agrikoli u li jipprovdi għall-aġġustament, bħala miżura awtonoma u tranżizzjonali, ta’ ċerti konċessjonijiet agrikoli previsti fil-Ftehim ta’l-Ewropa ma’ l-Ungerija [1], u partikolarment Artikolu 1(3) tiegħu,

Billi:

(1) Ir-Regolament tal-Kummissjoni (KE) Nru 1898/97 [2], kif emendat bir-Regolament (KE) Nru 618/98 [3] ĠU, jistabbilixxi regoli ta’l-applikazzjoni fis-settur tal-laħam tal-majjal għall-arranġamenti fil-Ftehim ta l-Ewropa. Dan għandu jiġi emendat skond id-dispożizzjonijiet dwar il-prodotti tal-laħam tal-majjal fir-Regolament (KE) Nru 1727/2000.

(2) Il-ħlas lura ta’ dazji ta’l-importazzjoni fuq prodotti elenkati fil-lista fil-Parti A ta’ Anness 1 tar-Regolament (KE) Nru 1898/97 kif kien qabel id-dħul fis-seħħ ta’ dan ir-Regolament u importati taħt liċenzi użati mill-1 ta Lulju 2000 jaqgħu fl-ambitu ta’ Artikoli 878 u 898 tar-Regolament tal-Kummissjoni (KEE) Nru 2454/93 tat-2 ta’ Lulju 1993 li jistabbilixxi dispożizzjonijiet għall-implimentazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali tal-Komunità [4], kif emendat l-aħħar bir-Regolament (KE) Nru 1602/2000 [5]

(3) Sabiex jiġi żgurat l-immaniġġjar approprjat tal-kwantitajiet, jeħtieġ li tiġi ffissata data finali għall-validità tal-liċenzi fl-aħħar ta’ kull sena ta’ kwota.

(4) Biex jiġi faċilitat in-negozju tal-laħam tal-majjal u biex jiġi armoniżżat il-livelli tal-garanziji għall-liċenzji ta’l-importazzjoni fis-setturi tal-laħam, jeħtieġ li jiġi rivedut il-livell tas-sigurtà fir-Regolament (KE) Nru 1898/97.

(5) L-applikazzjoni ta’ dan ir-Regolament mill-1 ta Lulju 2000 b’mod parallel mar- Regolament (KE) Nru 1727/2000 hija meħtieġa.

(6) Ir-Regolament tal-Kummissjoni (KE) Nru 1585/2000 [6] jistabbilixxi l-kwantitajiet, skond ir-Regolament (KE) Nru 1898/97, disponibbli għall-perjodu mill-1 ta’Ottubru sal-31 ta’ Diċembru 2000. Dan għandu jiġi emendat skond il-kwantitajiet annwali ġodda mogħtija f’Anness 1 ta’ dan ir-Regolament.

(7) Il-miżuri previsti f’dan ir-Regolament huma skond l-opinjoni tal-Kumitat tal-Ġestjoni tal-Laħam tal-Majjal.

ADDOTTAT DAN IR-REGOLAMENT:

Artikolu 1

Regolament (KE) Nru 1898/97 qiegħed jiġi emendat kif ġej:

1. It-titolu qiegħed jiġi sostitwit b’dan li ġej:

"il-formulazzjoni ta’ regoli għall-applikazzjoni fis-settur tal-laħam tal-majjal għall-arranġamenti koperti mir-Regolamenti tal-Kunsill (KE) Nru 1727/2000 u (KE) Nru 3066/95 u r-revoka tar-Regolamenti (KEE) Nru 2698/93 u (KE) Nru 1590/94."

2. L-ewwel subparagrafu ta’ Artikolu 1 jiġi qed jinbidel hekk kif ġej:

"Kull importazzjoni fil-Komunità taħt l-arranġamenti stabbiliti fir-Regolamenti (KE) Nru 1727/2000 u (KE) Nru 3066/95 ta’ prodotti koperti mill-grupp Numri 1, 2, 3, 4, H1, 5, 6, 7, 8, 9, 10/11, 12/13, 14, 15, 16 u 17 kif previst f’Anness 1 ta’ dan ir-Regolament huma soġġetti għal preżentazzjoni ta’ liċenza ta’l-importazzjoni."

3. Artikolu 5 qed jinbidel b’dan li ġej:

"Artikolu 5

Għall-finijiet ta’l-Artikolu 21(2) tar-Regolament (KEE) Nru 3719/88 il-liċenzi ta’l-importazzjoni għandhom ikunu validi għal 150 ġurnata mid-data proprja tal-ħruġ tagħhom.

Iżda, l-liċenzi ma jkunux validi wara t-30 ta Ġunju tas-sena tal-ħruġ.

Il-liċenzi ma jkunux trasferibbli."

4. Artikolu 6 qed jinbidel b’dan li ġej:

"Artikolu 6

Garanzija ta’ 20 EUR għal kull 100 kg għandha tiġi depożitata kontra l-applikazzjonijiet għal liċenzi ta’l-importazzjoni għal kull prodott indikat fl-Artikolu 1."

5. Il-parti A ta’l-Anness qed tinbidel b’Anness 1 ta’ dan ir-Regolament.

Artikolu 2

Anness II tr-Regolament (KE) Nru 1585/2000 qed jinbidel b’Anness II għal dan ir-Regolament.

Artikolu 3

Dan ir-Regolament għandu jidħol fis-seħħ fil-jum tal-publikazzjoni tieġħu fil-Ġurnal Uffiċjali tal-Komunitajiet Ewropej.

Dan għandu jgħodd b’effett mill-1 ta Lulju 2000.

Dan ir-Regolament għandu jorbot fl-intier tiegħu u japplika direttament fil-Pajjiżi Membri kollha.

Magħmul fi Brussel, fid-29 ta’ Settembru 2000.

Għall-Kummissjoni

Franz Fischler

Membru tal-Kummissjoni

[1] ĠU L 198, ta’ l-4.8.2000, p. 6.

[2] ĠU L 267, tat-30.9.1997, p. 58.

[3] ĠU L 82, tad-19.3.1998, p. 35.

[4] ĠU L 253, tal-11.10.1993, p. 1.

[5] ĠU L 188, tas-26.7.2000, p. 1.

[6] ĠU L 181, ta’ l-20.7.2000, p. 53.

--------------------------------------------------

ANNESS 1

"A. PRODOTTI LI JORIĠINAW MILL-UNGERIJA

In-numru ta'l-Ordni | In-numru tal-grupp | Il-kodiċI NM | Id-deskrizzjoni [1] | Id-dazju applikabbli | Il-kwantità annwali mill-1.7.2000 | L-awment annwali mill-1.7.2001 | Disposiz- |

09.4705 | 1 | 1601009116010099 | Iz-zalzett, niexef jew mod ieħor | Bla dazju | 8750 | 875 | [2] |

09.4706 | 2 | 1602411016024210160249111602491316024915160249191602493016024950 | Preparati oħra, laħam preservat ta' majjal domestiku | Bla dazju | 900 | 90 | [2] |

09.4704 | 3 | 02101111021012110210194002101951 | Laħam tal-majjal domestiku, immellaħ jew fis-salmura. | Bla dazju | 1000 | 100 | [2] |

09.4708 | 4 | ex0203 | Laħam tal-majjal domestiku, frisk, imkessaħ jew iffriżat | Bla dazju | 40000 | 4000 | [2] [3] |

09.4727 | H1 | 15010019 | Grass tal-majjal (inkluż ix-xaħam), oħrajn | 164 EUR/t | 2400 | 240 | |

[1] "Minkejja r-regoli għall-interprezzjoni tan-Nomenklatura Magħquda, il-kliem tad-deskrizzjoni tal-prodotti għandu jiġi kkunsidrat li m'għandu ebda siwi ħlief dak indikattiv, waqt li s-sistema preferenzjali tiġi stabbilita, fil-kuntest ta' dan l-Anness, mill-kopertura tal-Kodiċi NM u d-deskrizzjoni korrispondenti meħudin flimkien.

[2] "Din il-konċessjoni tapplika biss għall-prodotti li ma jibbenefikawx minn rifużjoni ta'l-esportazzjoni

[3] "Eskluż it-"tenderloin" ippreżentat għalih waħdu."

--------------------------------------------------

ANNESS II

(t) |

In-Nru tal-Grupp | Il-kwantità totali disponibbli sal-31 ta’ Diċembru 2000 |

1 | 3289,5 |

2 | 301,9 |

3 | 490,0 |

4 | 14668,7 |

H1 | 1200,0 |

5 | 1875,0 |

6 | 1297,0 |

7 | 5190,5 |

8 | 875,0 |

9 | 6375,0 |

10/11 | 3282,5 |

12/13 | 1437,5 |

14 | 187,5 |

15 | 562,5 |

16 | 1062,5 |

17 | 7812,5 |

--------------------------------------------------