32000D0430

Id-Deċiżjoni tal-Kummissjoni

tas-6 ta’ Lulju 2000

li temenda d-Deċiżjoni 1999/710/KE dwar listi proviżorji ta’ stabbilimenti ta’ terzi pajjiżi li minnhom l-Istati Membri jawtorizzaw l-importazzjoni ta’ laħam ikkapuljat u preparazzjonijiet tal-laħam

(notifikat bħala d-dokument numru C(2000) 1846)

(Test b’relevanza għaż-ŻEE)

(2000/430/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabilixxi l-Komunità Ekonomika Ewropea,

Wara li kkunsidrat id-Deċiżjoni tal-Kunsill 95/408/KE tat-22 ta’ Ġunju ta’ l-1995 dwar il-kondizzjonijiet sabiex tiġi stabbilita, għal perjodu ta’ transizzjoni, ta’ listi proviżorji ta’ stabbilimenti ta’ pajjiżi terzi minn liema l-Istati Membri huma awtoriżżati sabiex jimportaw ċerti prodotti ta’ oriġini ta’ l-annimali, prodotti tas-sajd jew molluski ħajjin b’żewġ valvi [1], kif emendata permezz tad-Deċiżjoni 98/603/KE [2], u b’mod partikolari l-Artikolu 2(1) u l-Artikolu 7 ta’ l-istess,

Billi:

(1) Lista proviżorja ta’ stabbilimenti li jipproduċu laħam ikkapuljat u preparazzjonijiet tal-laħam ġiet stabbilita permezz tad-Deċiżjoni tal-Kummissjoni 1997/710/KE [3].

(2) Ir-Rumanija bagħtet lista ta’ stabbilimenti li jipproduċu laħam ikkapuljat u preparazzjonijiet tal-laħam u rigward liema l-awtoritajiet responsabbli jiċċertifikaw li l-istabbilimenti huma inkonformità mar-regoli tal-Komunità.

(3) Listi proviżorji ta’ stabbilimenti li jipproduċu l-laħam ikkapuljat u preparazzjonijiet tal-laħam jistgħu għalhekk jiġu stabbilit għar-Rumanija in konformità mal-proċedura stipulata fid-Deċiżjoni tal-Kunsill 95/408/KEE fir-rigward ta’ ċerti pajjiżi.

(4) Il-miżuri previsti f’din id-Deċiżjoni huma inkonformità ma’ l-opinjoni tal-Kumitat Permanenti Veterinarju,

ADOTTAT DIN ID-DEĊIŻJONI:

Artikolu 1

It-test ta’ l-Anness ta’ din id-Deċiżjoni huwa miżjud ma’ l-Anness għad-Deċiżjoni 1999/710/KE.

Artikolu 2

Din id-Deċiżjoni hija indirizzata lill-Istati Membri.

Magħmula fi Brussel, fis-6 ta’ Lulju 2000.

Għall-Kummissjoni

David Byrne

Membru tal-Kummissjoni

[1] ĠU L 243, tal-11.10.1995, p. 17.

[2] ĠU L 289, tat-28.10.1998, p. 36.

[3] ĠU L 281, ta’ l-4.11.1999, p. 82.

--------------------------------------------------

ANEXOBILAGANHANGΠAPAPTHMAANNEXANNEXEALLEGATOBIJLAGEANEWLIITEBILAGA

Pais: RUMANIALand: RUMÆNIENLand: RUMÄNIENXwpa: POYMANIACountry: ROMANIAPays: ROUMANIEPaese: ROMANIALand: ROEMENIËPais: ROMÉNIAMaa: ROMANIALand: RUMÄNIEN

1 | 2 | 3 | 4 | 5 | 6 |

A 69 | Agricola International SA | Bacau | Bacau | MP | 7 |

--------------------------------------------------