31999R0729

Ir-Regolament tal-Kummissjoni (KE) Nru 729/1999

tas-7 ta’ April 1999

li jemenda r-Regolament (KE) Nru 659/97 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 2200/96 dwar l-arranġamenti għall-intervent fis-settur tal-frott u l-ħxejjex

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 2200/96 tat-28 ta’Ottubru 1996 dwar l-organizzazjoni komuni tas-swieq tal-frott u l-ħxejjex [1], fl-aħħar emendat bir-Regolament (KE) Nru 2520/97 [2], u b’mod partikolari l-Artikolu 48 tiegħu,

Billi r-Regolament tal-Kummissjoni (KE) Nru 659/97 [3], kif emendat bir-Regolament (KE) Nru 1490/98 [4], jistabbilixxi regoli dettaljati għall-applikazzjoni tar-Regolament (KE) Nru 2200/96 dwar l-arranġamenti għall-intervent fis-settur tal-frott u l-ħxejjex;

Billi t-tagħrif li jirrigwardja l-applikazzjoni ta’ l-arranġamenti għall-interventi, li l-Istati Membri għandhom jagħtu lill-Kummissjoni skond l-Artikolu 9(2) tar-Regolament (KE) Nru 659/97, għandu jħalli lill-Kummissjoni li tilħaq il-ħtiġiet ta’l-Artikolu 44(4) tar-Regolament (KE) Nru 2200/96; billi l-Anness IV tar-Regolament (KE) Nru 659/97 jista’ għalhekk ikun issimplifikat;

Billi, skond l-Artikolu 15(3)(b) tar-Regolament (KE) Nru 2200/96, il-fondi operazzjonali jistgħu jintużaw biex jissupplimentaw il-kumpens Komunitarju tat-tneħħija, iżda s-suppliment fiss, li jkun miżjud mal-kumpens Komunitarju tat-tneħħija, ma jistgħax jeċċedi l-livell massimu tal-prezzijiet tat-tneħħija applikabli fis-snin tas-suq l-1995/96 skond l-Artikolu 16(3a), l-Artikoli 16a u 16b u l-ewwel inċiż ta’ l-Artikolu 18(1)(a) tar-Regolament tal-Kunsill (KEE) Nru 1035/72 [5], kif emendat bir-Regolament tal-Kummissjoni (KE) Nru 1363/95 [6]; billi ma ġewx stabbiliti l-prezzijiet tat-tneħħija għall-bettieħ u għad-dolliegħ fis-snin tas-suq 1995/96 peress li l-ebda tneħħija ma seħħet ta’ dawk iż-żewġ prodotti permezz tar-Regolament (KEE) Nru 1035/72;

Billi, biex ikun hemm konsistenza fid-dispożizzjonijiet li japplikaw għad-diversi frott u ħxejjex, għandu jkun hemm dispożizzjonijiet għas-supplement għall-kumpens Komunitarju tat-tneħħija li hemm provvediment dwaru fl-Artikolu 15(3)(b) tar-Regolament (KE) Nru 2200/96 li għandu jkun suġġett għall-massimu, li ma jistax ikun misbuq mill-Istati Membri meta japplikaw dik id-dispożizzjoni għall-bettieħ u għad-dolliegħ; billi, għal dak il-għan is-suppliment massimu għall-bettieħ u għad-dolliegħ għandu jkun stabbilit b’tali mod li r-relattività bejn il-massimu u l-kumpens Komunitarju għat-tneħħija għall-bettieħ u għad-dolliegħ ikun fuq l-istes bażi bħal dak għal frott u ħxejjex l-oħra li jikkwalifikaw għall-arranġamenti ta’ l-intervent;

Billi l-miżuri li hemm provvediment dwarhom f’dan ir-Regolament huma bi qbil ma’ l-opinjoni tal-Kumitat ta’ Ġestjoni tal-Frott u l-Ħxejjex Friski,

ADOTTAT DAN IR-REGOLAMENT:

L- Artikolu 1

Ir-Regolament (KE) Nu 659/97 huwa emendat kif ġej:

1. L-Anness IV huwa mibdul bit-test ta’l-Anness I ta’ dan;

2. Iż-żewġ linji fl-Anness II jiżdiedu fl-aħħar tat-tabella ta’ l-Anness VIII.

L- Artikolu 2

Dan ir-Regolament għandu jidħol fis-seħħ fit-tielet jum ta’ wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Għandu jkun japplika mil-1 ta’ April 1998.

Dan ir-Regolament għandu jorbot fl-intier tiegħu u japplika direttament fl-Isati Membri kollha.

Magħmul fi Brussel, fis-7 ta’ April 1999.

Għall-Kummissjoni

Franz Fischler

Membru tal-Kummissjoni

[1] ĠU L 297, tal-21.11.1996, p. 1.

[2] ĠU L 346, tas-17.12.1997, p. 41.

[3] ĠU L 100, tas-17.4.1997, p. 22.

[4] ĠU L 196, ta’ l-14.7.1998, p. 7.

[5] ĠU L 118, ta’ l-20.5.1972, p. 1.

[6] ĠU L 132, tas-16.6.1995, p. 8.

--------------------------------------------------

L-ANNESS I

“L-ANNESS IV

RAPPORT DWAR L-ISTATUS TA’ L-INTERVENTI

Informazzjoni li għandha tiġi mgħoddija mill-Istati Membri lill-Kummissjoni fit-tmiem ta’ kull sena tas-suq permezz ta’ l-Artikolu 9(2) tar-Regolament (KE) Nru 659/97

1. Għal kull prodott elenkat fl-Anness II tar-Regolament (KE) Nru 2200/96 u għal kull wieħed mill-prodotti l-oħra kkonċernati:

(a) il-kwanità totali li ma tkunx tqiegħdet għall-bejgħ (f’tunnellati);

(b) l-ammonti mħallsa mill-Istati Membri (f’euro jew f’muniti nazzjonali), maqsuma f’kumpens Komunitarju għat-twarrib, f’supplimenti għal kumpens Komunitarju għat-twarrib, u f’kumpens għat-twarrib, għall-prodotti li ma humiex elenkati fl-Anness II.

2. Għal kull prodott elenkat fl-Anness II u, fuq it-talba tal-Kummissjoni, ċerti prodotti li ma humiex elenkati fl-Anness II imma mneħħija fi kwantitajiet sinifikanti matul is-sena tas-suq f’dak il-każ jew matul sena tas-suq preċedenti:

(a) it-tqassim ta’ kull xahar tal-kwanitajiet li ma jkunux tqiegħdu għall-bejgħ (f’tunnellati);

(b) it-tqassim tal-kwantitajiet li ma jkunux tqiegħdu għall-bejgħ (f’tunnellati) bl-utilizzazzjoni bi qbil ma’ l-Artikolu 30 tar-Regolament (KE) 659/97;

(ċ) it-tqassim tal-kwanitajiet li ma jkunux tqiegħdu għall-bejgħ (f’tunnellati) bil-varjetajiet u/jew it-tip kummerċjali.

3. Tabella sommarja tal-kwantitajiet innegozjati u li ma jkunux tqiegħdu għall-bejgħ (f’tunnellati), minn organizzazzjoni rikonoxxuta tal-produtturi u bil-prodott (prodotti elenkati fl-Anness II u, meta applikabbli, il-prodotti li ma humiex elenkati fl-Anness II).”

--------------------------------------------------

L-ANNESS II

"Bettieħ | Mhux | Mhux | Mhux | 4,20 | 4,20 | 4,20 | 4,20 |

Dulliegħ | Mhux | Mhux | Mhux | 2,70 | 2,70 | 2,70 | 2,70" |

--------------------------------------------------