31998R1917

Ir-Regolament tal-Kunsill (KEE) Nru. 1917/98

tad- 9 ta’ Settembru 1998

li jemenda l-Annessi I u III mar-Regolament tal-Kunsill (KEE) Nru. 2377/90 li jistabilixxi proċedura tal-Komunità għat-twaqqif ta’ limiti massimi ta’ residwi ta’ prodotti mediċinali veterinarji f’affarijiet ta’ l-ikel u ta’ oriġini mill-annimali.

(Test b’rilevanza għaż-ŻEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat Regolament tal-Kunsill (KEE) Nru. 2377/90 tas-26 ta’ Ġunju 1990 li jistabbilixxi proċedura tal-Komunità għat-twaqqif tal-limiti ta’ residwi massimi ta’ prodotti mediċinali veterinarji f’affarijiet ta’ l-ikel [1], kif l-aħħar emendat minn Regolament tal-Kummissjoni (KE) Nru. 1570/98 [2] u b’ mod partikolari l-Artikoli 6, 6 u 8 ta’ dan,

Billi, bi qbil mar-Regolament (KEE) Nru. 2377/90, limiti ta’ residwi massimi jridu jkunu stabbiliti progressivament għal kull sustanza farmakoloġikament attiva li hi wżata fil-Komunità fi prodotti mediċinali veterinarji intiżi għall-amministrazzjoni lill-annimali li jipproduċu l-ikel;

Billi limiti ta’ residwi massimi suppost ikunu stabbiliti biss wara eżami fil-Komunità għall-Prodotti Mediċinali Veterinarji ta’ l-informazzjoni rilevanti kollha li tikkonċerna s-sigurta ta’ residwi tas sustanza kkunċernata għall-konsumatur jew affarijiet ta’ l-ikel ta’ oriġini mill-annimali u l-impatt ta’ residwi fuq l-ipproċessar industrijali ta’ l-affarijiet ta’ l-ikel.

Billi, fit-twaqqif tal-limiti ta’ residwi massimi għal residwi ta’ prodotti mediċinali veterinarji fl-affarijiet ta’ l-ikel ta’ oriġini mill-annimali, huwa neċessarju li tkun speċifikata l-ispeċi ta’ l-annimali f’liema residwi jistgħu ikunu preżenti, l-livelli jistgħu ikunu preżenti f’kull wieħed mit-tessuti tal-laħam rilevanti ottenuti mill-annimal ittrattat (tessut speċifiku) u n-natura tar-residwu li hi rilevanti għall-kontroll ta’ residwi (limitu tar-residwu);

Billi, għall-kontroll ta’ residwi, kif previst f’leġiżlazzjoni xierqa tal-Komunità, il-limiti ta’ residwi massimi suppost is-soltu jkunu stabbiliti għat-tessuti speċifiċi tal-fwied jew kliewi; billi, iżda, l-fwied u l-kliewi huma ta’ spiss imneħħija mill-karkassi li jiċċaqalqu fil-kummerċ internazzjonali, u limiti ta’ residwi massimi suppost għalhekk dejjem ikunu stabbiliti għal tessuti ta’ muskolu u xaħam;

Billi, fil-każ ta’ prodotti mediċinali veterinarji intiżi għall-użu f’għasafar li jbidu, annimali li jagħmlu l-ħalib jew żunżan li jagħmlu l-għasel, il-limiti ta’ residwi massimi jridu jkunu stabbiliti għall-bajd, ħalib jew għasel;

Billi t-tilimikosina suppost ikun imdaħħal f’L-Anness I lill-Regolament (KEE) Nru. 2377/90;

Billi vitamina D, idrokortisone u alfakalċidol suppost ikunu imdaħħla f’L-Anness II lir-Regolament (KEE) Nru. 2377/90;

Billi perjodu ta’ 60 ġurnata suppost ikun permess qabel id-dħul fis-seħħ ta’ dan ir-Regolament sabiex jippermetti lill-Istati Membri biex jagħmlu kwalunkwe bidla li tista’ tkun neċessarja għall-awtorizzazzjonijiet biex tqiegħed l-prodotti mediċinali veterinarji kkonċernati fuq is-suq li ġew mogħtija bi qbil ma Direttiva tal-Kunsill 81/851/KEE [3], kif l-aħħar emendata minn Direttiva 93/40/KEE [4] biex jittieħed kont tad-dispożizzjonijiet ta’ dan ir-Regolament;

Billi l-miżuri previsti f’dan ir-Regolament huma skond l-opinjonijiet tal-Kumitat Permanenti fuq prodotti Mediċinali Veterinarji,

ADOTTAT DAN IR-REGOLAMENT:

Artikolu 1

L-Annessi I u II għal Regolament (KEE) Nru. 2377/90 huma minn hawn emendati kif imfassal fl-Anness hawnhekk.

Artikolu 2

Dan ir-Regolament ser jidħol fis-seħħ fis-sittin ġurnata wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fid-9 ta’ Settembru 1998.

Għall-Kummissjoni

Martin Bangemann

Membru tal-Kummissjoni

[1] ĠU L 224, tat-18.8.1990, p. 1.

[2] ĠU L 205, tat-22.7.1998, p. 10.

[3] ĠU L 317, tas-6.11.1981, p. 1.

[4] ĠU L 214, ta’ l-24.8.1993, p. 31.

--------------------------------------------------

L-ANNESS

A. L-Anness I għal Regolament (KEE) Nru 2377/90 hu emendat kif ġej:

1. Aġenti anti-infettivi

1.2. Antibijotiċi

1.2.4. Makrolidi

"Sustanza/I farmakoloġikament attivi | Limitu tar-residwu | Speċi t’annimali | LRMijiet | Tessut Speċifiku | Dispożizzjonijiet Oħra |

ċTilmikosin | Tilmikosin | Tiġieġ | 75 lg/kg75 lg/kg1 000 lg/kg250 lg/kg | Muskolu Ġilda + Xaħam Fwied Kliewi | Mhux għall-użu f’dawk l-annimali li jbidu bajd għall-konsum uman" |

B. L-Anness II għal Regolament (KEE) Nru 2377/90 hu emendat kif ġej:

2. Komposti Organiċi

"Sustanza/I farmakoloġikament attivi | Speċi t’annimali | Dispożizzjonijiet Oħra |

ċAlfakalkidol | Bovini | Għall-baqar li qed tiled |

Idrokortisone | L-ispeċi kollha li jipproduċu l-ikel | Għal użu speċifiku biss |

Vitamina D | L-ispeċi kollha li jipproduċu l-ikel" | |

--------------------------------------------------