31998D0008

Id-Deċiżjoni tal-Kummissjoni

tas-16 ta’ Diċembru 1997

dwar il-lista ta’ stabbilimenti fir-Repubblika Federali tal-Jugoslavja approvati bil-għan ta’ l-importazzjoni ta’ laħam frisk fil-Komunità

(Test bir-rilevanza għaż-ŻEE)

(98/8/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 72/462/KEE tat-12 ta’ Diċembru 1972 dwar problemi tas-saħħa u ta’ spezzjoni veterinarja fuq l-importazzjoni ta’ annimali bovini, ovini u kaprini u majjali u ta’ laħam frisk jew prodotti tal-laħam minn pajjiżi terzi [1], kif l-aħħar emendata bl-Att ta’ l-Adeżjoni ta’ l-Awstrija, l-Finlandja u l-Isvezja, u b’mod partikolari l-Artikoli 4 (1) u 18 (1) (a) u (b) tagħha,

Billi stabbilimenti f’pajjiżi terzi ma jistgħux ikunu awtorizzati jesportaw laħam frisk lejn il-Komunità jekk ma jissodisfawx il-kondizzjonijiet ġenerali u speċjali preskritti f’dik id-Direttiva;

Billi, skond l-Artikolu 4 (3) tad-Direttiva 72/462/KEE, ir-Repubblika Federali tal-Jugoslavja bagħtet lista ta’ stabbilimenti awtorizzati biex jesportaw lejn il-Komunità.

Billi, wara missjoni veterinarja tal-Komunità jidher li s-sitwazzjoni tas-saħħa ta’ annimali fir-Repubblika Federali tal-Jugoslavja titqabbel b’mod favorevoli ma’ dik ta’ pajjiżi oħra fil-Komunità partikolarment fir-rigward ta’ mard trasmissibbli permezz tal-laħam;

Billi spezzjonijiet fuq il-post mill-Komunità wrew li l-istandards ta’ iġjene ta’ dawn l-istabbilimenti huma biżżejjed u għalhekk jistgħu jidħlu fl-ewwel lista ta’ stabbilimenti, magħmula mħejjija skond l-Artikolu 4 (1) ta’ dik id-Direttiva, li minnhom importazzjonijiet ta’ laħam frisk huwa awtorizzat;

Billi l-importazzjonijiet ta’ laħam frisk mill-istabbilimenti fuq il-lista fl-Anness hawn mehmus ikomplu jkunu suġġetti għad-disposizzjonijiet diġà preskritti, id-disposizzjonijiet ġenerali tat-Trattat u b’mod partikolari għar-regolamenti veterinarji l-oħra tal-Komunità partikolarment fir-rigward tal-protezzjoni tas-saħħa;

Billi l-mizuri pprovduti f’din id-Deċiżjoni huma skond l-opinjoni tal-Kumitat Veterinarju Permanenti

ADOTTAT DIN ID-DEĊIŻJONI:

Artikolu 1

1. l. L-istabbilimenti fir-Repubblika Federali tal-Jugoslavja elenkati fl-Anness huma b’dan approvati għall-għanijiet ta’ l-esportazzjoni ta’ laħam frisk lejn il-Komunità.

2. L-importazzjonijiet minn dawn l-istabbilimenti għandhom jibqgħu suġġetti għad-disposizzjonijiet veterinarji tal-Komunità preskritti band’oħra, u b’mod partikolari dawk li jikkonċernaw il-protezzjoni tas-saħħa.

Artikolu 2

Din id-Deċiżjoni hija ndirizzata lill-Istati Membri

Magħmula fi Brussel, fis-16 ta’ Diċembru 1997.

Għall-Kummissjoni

Franz Fischler

Membru tal-Kummissjoni

[1] ĠU L 302, tal-31.12.1972, p. 28

--------------------------------------------------

ANNESS

LISTA TA’ STABBILIMENTI

Numru approvazzjoni | Stabbiliment/Indirizz | Kategorija | SR |

SL | CP | CS | B | S/G | P | SP |

11 | Srem, Sid | × | | | × | | | | T |

× | × | | | | × | |

63 | Mesokombinat, Leskovac | × | | | × | × | | | |

85 | MIP, Pozarevac | × | | | × | | | | T |

× | × | | | | × | |

--------------------------------------------------