31997R2623

Ir-Regolament tal-Kunsill (KE) Nru 2623/97

tad-19 ta' Diċembru 1997

li japplika l-Artikolu 6 tar-Regolamenti (KE) Nru 3281/94 u (KE) Nru 1256/96 dwar skemi ta' preferenza ta' tariffi multiannwali ġeneralizzati rigward ċerti prodotti industrijali u agrikoli li joriġinaw f'pajjiżi li qed jiżviluppaw

IL-KUNSILL TA' L-UNJONI EWROPEA,

Wara li kkonsidra t-Trattat li jistabbilixxi il-Komunità Ewropea, u partikolarment l-Artikolu 113,

Wara li kkonsidra l-proposta tal-Kummissjoni,

Wara li kkonsidra l-opinjoni tal-Parlament Ewropew [1],

Wara li kkonsidra l-opinjoni tal-Kumitat Ekonomiku u Soċjali [2],

Billi fl-Artikolu 6 tar-Regolamenti (KE) Nru 3281/94 [3] u (KE) Nru 1256/96 [4] hemm imniżżel li l-pajjiżi benefiċjarji l-aktar avvanzati għandhom ikunu esklużi mill-jedd taħt dawk ir-Regolamenti mill-1 ta' Jannar 1998 a bażi ta' kriterji objettivi u definiti b'mod ċar;

Billi l-limitu ta' riferenza għall-esklużjoni ta' l-iktar pajjiżi avvanzati għandu jkun id-dħul per capita ugwali għall-inqas fi Stat Membru ta' l-UE, aġġustat b'riferenza ma' l-indiċi ta' żvilupp elenkat fit-Tieni Parti ta' l-Anness II tar-Regolamenti (KE) Nru 3281/94 u (KE) Nru 1256/96 sabiex jippermetti li xi pajjiżi għandhom bżonn jiżviluppaw l-esportazzjoni tal-manifattura tagħhom;

Billi dan il-metodu huwa oġġettiv u ċar minħabba li jinkludi l-indikatur li huwa l-inqas kontroversjali u l-iktar rappreżentattiv tal-ġrajjiet kurrenti fil-pajjiżi benfiċjarji, fil-waqt li fl-istess ħin jagħmilha possibbli sabiex jinżamm wieħed mill-għanijiet tal-GSP, fosthom id-diversifikazzjoni ta' l-esportazzjoni tal-pajjiżi benfiċjarji;

Billi l-esklużjoni ta' xi pajjiżi milli jibbenfikaw mit-tariffi ġeneralizzati ppreferiti ma jistax ikollha l-effet li ċċaħħad membri tal-gruppi reġjonali, li tagħhom il-pajjiżi esklużi huma membri, mill-vantaġġi li kisbu minn qabel billi użawhom fil-manifattura tagħhom, fil-kuntest ta' ġabra reġjonali, prodotti li oriġinaw fil-pajjiżi esklużi msemmija; billi it-tmiem ta' din il-fakultà jmur kontra l-għanijiet ta' l-Artikolu 6 tar-Regolamenti msemmija, li għandu jirredistribwixxi l-benefiċċji tas-sistema għal pajjiżi anqas żviluppati,

ADOTTA DAN IR-REGOLAMENT:

Artikolu 1

Il-kriterji msemmija fl-Artikolu 6 tar-Regolamenti (KE) Nru 3281/94 u (KE) Nru 1256/96 huma kif ġej:

- il-prodott gross nazzjonali per capita ma jaqbiżx US $ 8210 fl-1995 skond il-figuri l-aktar riċenti tal-Bank Dinji,

- indiċi ta' żvilupp, ikkalkulat skond il-formula u a bażi tal-figuri mogħtija fit-Tieni Parti ta' l-Anness II għar-Regolament (KE) Nru 3281/94 u (KE) Nru 1256/96, ikbar minn –1.

Dawn il-kriterji huma applikabbli kumulattivament.

Artikolu 2

L-irtirar ta' pajjiż wieħed jew territorju mil-lista ta' pajjiżi u territorji li jibbenefikaw minn preferenzi ġġeneralizzati bis-saħħa tal-kriterji msemmija fl-Artikolu 1 ma għandux jaffettwa l-possibbilkità li jintużaw prodotti li joriġinaw f'dak il-pajjiż taħt mekkaniżmu ta' akkumulazzjoni reġjonali applikabbli għal gruppi reġjonali msemmija fl-Artikolu 72(3) tar-Regolament tal-Kummissjoni (KE) Nru 2454/93 tat-2 ta' Lulju 1993 li jagħmel disposizzjonijiet għall-implimentazzjoni tar-Regolament tal-Kunsill (KEE) Nru 2913/92 li jwaqqaf il-Kodiċi tad-Dwana tal-Komunità [5], basta dak il-pajjiż kien ilu membru ta' grupp reġjonali minn meta s-sistema multiannwali ta' preferenzi applikabbli għall-prodott ikkonċernat daħal fis-seħħ u mhuwiex ikkonsidrat li huwa l-pajjiż ta' l-oriġini tal-prodott finali fis-sens ta' l-Artikolu 72a tar-Regolament (KE) Nru 2454/93.

Artikolu 3

Taħt il-kriterji elenkati fl-Artikolu 1, il-pajjiżi u t-territorji segwenti għandhom ikunu mneħħija mil-lista ta' pajjiżi u territorju li jibbenefikaw mill-preferenzi ġġeneralizzati mniżżla fl-Anness III tar-Regolament (KE) Nru 3281/94 u (KE) Nru 1256/96:

- Hong Kong,

- Singapor,

- il-Korea ta' Isfel.

Artikolu 4

Dan ir-Regolament għandu jidħol fis-seħħ fl-1 ta' Mejju 1998.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, id-19 ta Diċembru 1997.

Għall-Kunsill

Il-President

F. Boden

[1] Opinjoni mogħtija fis-16 ta Diċembru 1997 (għad mhux ippubblikata fil-Ġurnal Uffiċjali).

[2] Opinjoni mogħtija fl-10 ta Diċembru 1997 (għad mhux ippubblikata fil-Ġurnal Uffiċjali).

[3] ĠU L 348, tal-31.12.1994, p. 1. Regolament kif emendat l-aħħar permezz tar-Regolament (KE) Nru 998/97 (ĠU L 144, ta' l-4.6.1997, p. 13).

[4] ĠU L 160, tad-29.12.1996, p. 1. Regolament kif emendat l-aħħar permezz tar-Regolament (KE) Nru 2448/96 (ĠU L 333, tal-21.6.1996, p. 12).

[5] ĠU L 253, tal-11.1.1993, p. 1. Regolament kif emendat l-aħħar permezz tar-Regolament (KE) Nru 89/97 (ĠU L 17, tal-21.10.1997, p. 28).

--------------------------------------------------