31996D0659

Id-Deċiżjoni tal-Kummissjoni

tat-22 ta’ Novembru 1996

dwar miżuri protettivi fejn għandu x’jaqsam id-deni emorraġiku tal-Kongo Krimean fl-Afrika ta’ Isfel

(Test b’rilevanza għaż-Żona EE)

(96/659/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 91/496/KEE tal-15 ta’ Lulju 1991 li tistabbilixxi l-prinċipji li jirregolaw l-organizzazzjoni tal-kontrolli veterinarji fuq l-annimali li jidħlu fil-Komunità minn pajjiżi terzi u li temenda d-Direttivi 89/662/KEE, 90/425/KEE u 90/675/KEE [1], kif l-aħħar emendati bid-Direttiva 96/43/KE [2], u b’mod partikolari l-Artikolu 18(1) tagħha,

Wara li kkunsidrat id-Direttiva tal-Kunsill 90/675/KEE tal-10 ta’ Diċembru 1990 li tistabbilixxi l-prinċipji li jirregolaw l-organizzazzjoni tal-kontrolli veterinarji fuq il-prodotti li jidħlu fil-Komunità minn pajjiżi terzi [3], kif l-aħħar emendata bid-Direttiva 96/43/KE u b’mod partikolari l-Artikolu 19(1) tagħha,

Billi l-preżenza tad-deni emorraġiku tal-Kongo Krimean ġiet ikkonfermata fl-Afrika ta’ Isfel;

Billi d-dehra tad-deni emorraġiku tal-Kongo Krimean fl-Afrika ta’ Isfel tikkostitwixxi tehdida serja għas-saħħa pubblika u ta’ l-annimali fl-Istati Membri;

Billi huwa għalhekk meħtieġ li tiġi pprojbita l-importazzjoni mill-Afrika ta’ Isfel ta’ għasafar ħajjin li ma jtirux u tal-laħam ta’ għasafar ħajjin li ma jtirux sakemm is-sitwazzjoni tiġi ċċarata;

Billi l-miżuri pprovvduti f’din id-Deċiżjoni huma skond l-opinjoni tal-Kumitat Veterinarju Permanenti,

ADOTTAT DIN ID-DEĊIŻJONI:

L- Artikolu 1

L-Istati Membri għandhom jipprojbixxu l-importazzjoni mill-Afrika ta’ Isfel ta’ għasafar ħajjin li ma jtirux u l-laħam tal-għasafar li ma jtirux.

L- Artikolu 2

L-Istati Membri għandhom jemendaw il-miżuri li huma japplikaw rigward l-Afrika ta’ Isfel sabiex iġibuhom f’linja ma’ din id-Deċiżjoni. Għandhom jgħarrfu lill-Kummissjoni b’dan.

L- Artikolu 3

Din id-Deċiżjoni għandha tiġi rriveduta qabel il-15 ta’ Frar 1997.

L- Artikolu 4

Din id-Deċiżjoni hija indirrizata lill-Istati Membri.

Magħmula fi Brussel, fit-22 ta’ Novembru 1996.

Għall-Kummissjoni

Franz Fischler

Membru tal-Kummissjoni

[1] ĠU L 268, ta’ l-24.9.1991, p. 56.

[2] ĠU L 162, ta’ l-1.7.1996, p. 1.

[3] ĠU L 373, tal-31.12.1990, p. 1.

--------------------------------------------------