This document is an excerpt from the EUR-Lex website
Document 31994D0557
94/557/EC, Euratom: Council Decision of 17 June 1994 authorising the European Community and the European Atomic Energy Community to sign and conclude the Convention defining the Statute of the European Schools
Id-Deċiżjoni tal-Kunsill tas-17 ta' Ġunju 1994 li tawtorizza l-Komunità Ewropea u l-Komunità Ewropea dwar l-Enerġija Atomika biex jiffirmaw u jikkonkludu l-Konvenzjoni li tiddefinixxi l-Istatut tal-Iskejjel Ewropej
Id-Deċiżjoni tal-Kunsill tas-17 ta' Ġunju 1994 li tawtorizza l-Komunità Ewropea u l-Komunità Ewropea dwar l-Enerġija Atomika biex jiffirmaw u jikkonkludu l-Konvenzjoni li tiddefinixxi l-Istatut tal-Iskejjel Ewropej
ĠU L 212, 17.8.1994, p. 1–2
(ES, DA, DE, EL, EN, FR, IT, NL, PT) Dan id-dokument ġie ppubblikat f’edizzjoni(jiet) speċjali
(FI, SV, CS, ET, LV, LT, HU, MT, PL, SK, SL, BG, RO, HR)
In force
ELI: http://data.europa.eu/eli/dec/1994/557/oj
Official Journal L 212 , 17/08/1994 P. 0001 - 0002
Finnish special edition: Chapter 16 Volume 2 P. 0081
Swedish special edition: Chapter 16 Volume 2 P. 0081
Id-Deċiżjoni tal-Kunsill tas-17 ta' Ġunju 1994 li tawtorizza l-Komunità Ewropea u l-Komunità Ewropea dwar l-Enerġija Atomika biex jiffirmaw u jikkonkludu l-Konvenzjoni li tiddefinixxi l-Istatut tal-Iskejjel Ewropej (94/557/KE, Euratom) IL-KUNSILL TA' L-UNJONI EWROPEA, Wara li kkunsidra t-Trattat li jistabbilixxi l-Komunità Ewropea, u partikolarment Artikolu 235 tiegħu, Wara li kkunsidra t-Trattat li jistabbilixxi l-Komunità Ewropea dwar l-Enerġija Atomika, u partikolarment Artikolu 203 tiegħu, Wara li kkunsidra il-proposta tal-Kummissjoni, [1] Wara li kkunsidra l-opinjoni tal-Parlament Ewropew [2], Billi l-Komunitajiet Ewropej huma interessati li jipprovdu għall-edukazzjoni konġunta tat-tfal tal-persunal tagħhom fl-Iskejjel Ewropej bħala mezz li jiżgura t-tħaddim xieraq tal-istituzzjonijiet tal-Komunità u l-iffaċilitar tat-tlestija tal-impenji tagħhom; billi għal dak il-għan, fit-12 ta' April 1957 l-Istati Membri oriġinali ffirmaw il-Konvenzjoni li tiddefinixxi l-Istatut tal-Iskejjel Ewropej; Billi, fil-31 ta' Mejju 1990, il-Kunsill u l-Ministru ta' l-Edukazzjoni, fil-laqgħa tal-Kunsill, għamlu sejħa biex titfassal Konvenzjoni ġdida dwar l-Iskejjel Ewropej biex tagħti effiċjenza akbar għall-ħidma ta' l-Iskejjel u rikonoxximent akbar għar-rwol fihom mill-Komunità; Billi l-partiċipazzjoni tal-Komunitajiet fl-implimentazzjoni tal-Konvenzjoni msemmija hija meħtieġa biex tiżgura li jintlaħqu l-għanijiet tal-Komunità Ewropea u tal-Komunità Ewropea dwar l-Enerġija Atomika; Billi l-Komunità Ewropea u l-Komunità Ewropea dwar l-Enerġija Atomika ser jipparteċipaw fl-implimentazzjoni tal-Konvenzjoni billi jeżerċitaw is-setgħat li joħorġu mir-regoli provduti fil-Konvenzjoni u b'dawk l-atti futuri li jistgħu jadottaw skond it-termini tal-Konvenzjoni; Billi huwa għalhekk meħtieġ għall-Komunitajiet Ewropej li jikkonkludu l-Konvenzjoni msemmija; Billi l-uniċi setgħat ta' azzjoni disponibbli għall-adozzjoni ta' din id-Deċiżjoni huma dawk provduti f'Artikolu 235 tat-Trattat, li jistabbilixxi l-Komunità Ewropea u Artikolu 203 tat-Trattat li jistabbilixxi il-Komunità Ewropea dwar l-Enerġija Atomika, IDDEĊIDA KIF ĠEJ: Artikolu 1 Il-Konvenzjoni li tiddefinixxi l-Istatut tal-Iskejjel Ewropej huwa b'dan approvat f'isem il-Komunità u l-Komunità Ewropea dwar l-Enerġija Atomika. It-test tal-Konvenzjoni huwa mehmuż hawnhekk. Artikolu 2 Il-President tal-Kunsill huwa b'dan awtorizzat li jaħtar persuna jew persuni awtorizzati li jiffirmaw il-Konvenzjoni, bl-effett li jorbtu l-Komunità Ewropea u l-Komunità Ewropea dwar l-Enerġija Atomika, u li jinnominaw il-persuna awtorizzata li tiddepożita l-istrument ta' approvazzjoni skond Artikolu 33 tal-Konvenzjoni. Magħmula fil-Lussemburgu, fis-17 ta' Ġunju 1994. Għall-Kunsill Il-President Th. Mikroutsikos [1] ĠU Nru Ċ 93, tat- 2.4.1993, p. 1. [2] ĠU Nru Ċ 128, tad- 9.5.1994. --------------------------------------------------