31978R1883

Ir-Regolament tal-Kunsill (KEE) Nru 1883/78

tat-2 ta’ Awissu 1978

li jistabilixxi r-regoli ġenerali għall-finanzjament ta’ l-interventi mill-Fond Agrikolu Ewropew għall-Gwida u l-Garanzija

IL-KUNSILL TAL-KOMUNITAJIET EWROPEW,

Wara li kkonsidra t-Trattat li jistabbilixxi l-Komunità Ekonomika Ewropea,

Wara li kkonsidra r-Regolament tal-Kunsill(KEE) Nru 729/70 tal-21 ta’ April 1970 dwar il-finanzjament tal-politika komuni agrikola [1], kif l-aħħar emendat bir-Regolament (KEE) Nru 2788/72 [2], u b’mod partikolari l-Artikolu 3 (2) tiegħu,

Wara li kkonsidra l-proposta mill-Kommissjoni,

Wara li kkonsidra l-opinjoni tal-Parlament Ewropew [3],

Billi, skond l-Artikolu 3 (2) tar-Regolament (KEE) Nru 729/70, għandhom jiġu stabbiliti r-regoli ġenerali għall-finanzjament ta’ l-interventi mill-Komunità;

Billi, għal dan il-għan, għandha titfassal il-lista tal-miżuri li jikkonformaw mal-kunċett ta’ l-intervent maħsub għalbiex jistabbilizza s-swieq;

Billi huwa mixtieq li jiġi stabbilit illi n-nefqa li tirriżulta mill-miżuri ta’ l-intervent li għalihom hija stabbilita somma għal kull unità fi ħdan l-istruttura ta’ l-organizazzjoni komuni tas-swieq għandha tittieħed għal kollox mill-fondi tal-Komunità;

Billi fil-każ tal-miżuri ta’ l-intervent li dwarhom ma tkunx stabbilita somma għal kull unità fi ħdan l-istruttura ta’ l-organizazzjoni komuni tas-swieq, għandhom jiġu stabbiliti r-regoli basiċi dwar b’mod partikolari l-metodu sabiex jiġu stabbiliti l-ammonti li jridu jiġu iffinanzjati, il-finanzjament tan-nefqa li tirriżulta mill-investiment tal-fondi meħtieġa għax-xiri ta’ prodotti b’intervent, għall-valutazzjoni tal-ħażniet li jridu jitħallew minn sena finanzjarja għall-oħra u għall-finanzjament tan-nefqa li tirriżulta mill-ħażna u, fejn xieraq, il-ħidmiet tal-proċessar;

Billi l-oġġetti varji tan-nefqa u tad-dħul li jridu jkunu adottati minn kull settur fuq il-bażi ta’ dawn ir-regoli għandu jkun bla ħsara għal iżjed regolamenti ddettaljati; billi r-regolamenti tal-finanzjament għal kull settur għandhom, filwaqt, jinżammu fis-seħħ;

Billi r-regoli generali għall-finanzjament ta’ l-interventi għandhom jiddaħħlu f’Regolament wieħed; billi r-Regolament tal-Kunsill(KEE) Nru 2824/72 tat-28 ta’ Diċembru 1972 jistabbilixxi r-regoli ġenerali għall-finanzjament ta’ l-interventi mit-Taqsima tal-Garanziji tal-Fond Agrikolu Ewropew għall-Gwida u l-Garanzija [4] għandu jiġi mħassar,

ADOTTA DAN IR-REGOLAMENT:

L-Artikolu 1

Il-miżuri mniżżla fil-lista fl-Anness għandhom jikkonformaw mal-kunċett ta’ l-interventi maħsuba għalbiex jistabbilizzaw is-swieq ta’ l-agrikoltura fit-tifsira ta’ l-Artikolu 3 (1) tar-Regolament (KEE) Nru 729/70.

L-Artikolu 2

Fejn, ġewwa l-qafas ta’ organizazzjoni komuni tas-suq, tiġi stabbilita somma għal kull unità dwar miżura ta’ intervent, in-nefqa li tirriżulta għandha titħallas għal kollox mill-fondi tal-Komunità.

L-Artikolu 3

Fejn, ġewwa l-qafas ta’ organizzazzjoni komuni tas-suq, ma tkunx stabbilita somma għal kull unità dwar miżura ta’ intervent, il-miżura interessata għandha titħallas mit-Taqsima tal-Garanziji tal-FAEGG, skond id-disposizzjonijietli jinsabu fl-Artikoli 4 sa 8.

L-Artikolu 4

1. Fejn miżura ta’ intervent referita fl-Artikolu 3 tinvolvi x-xiri għall-ħażna u l-ħażna ta’ prodotti, l-ammont iffinanzjat għandu jiġi stabbilit mill-kontijiet annwali mfassla mis-servizzi jew l-aġenziji, li lilhom l-oġġetti varji tan-nefqa u d-dħul ikunu ġew iddebitati jew akkreditati rispettivament.

2. Il-finanzjament tal-miżuri l-oħra ta’ intervent referiti fl-Artikolu 3 għandhom ikunu daqs in-nefqa, wara t-tnaqqis ta’ kull dħul, li tirriżulta mill-miżura ta’ l-intervent.

3. Il-Kunsill, filwaqt li jaġixxi b’maġġoranza kkwalifikata fuq proposta mill-Kummissjoni, għandu rigward il-miżuri ta’ l-intervent referiti fil-paragrafu 1, jistabbilixxi r-regoli u l-kondizzjonijiet li jirregolaw il-kontijiet annwali u, fejn ikun hemm il-ħtieġa rigward il-miżuri ta’ l-intervent referiti fil-paragrafu 2, jistabbilixxi l-oġġetti li jridu jiġu meqjusa għall-iskopijiet tal-finanzjament fejn dawn ma jkunux ġew stabbiliti ġewwa l-qafas ta’ organizazzjoni komuni tas-suq.

Sakemm dawn il-materji jiġu stabbiliti, u għajr għal kull disposizzjoni kuntrarja ta’ dan ir-Regolament, ir-Regolamenti (KEE) Nru 786/69 [5], (KEE) Nru 787/69 [6], (KEE) Nru 788/69 [7], (KEE) Nru 2334/69 [8], (KEE) Nru 2305/70 [9], (KEE) Nru 2306/70 [10], (KEE) Nru 1697/71 [11], (KEE) Nru 272/72 [12] u (KEE) Nru 273/72 [13] li jittrattaw il-finanzjament ta’ l-intervent fuq in-nefqa fis-setturi varji għandhom jibqgħu fis-seħħ.

L-Artikolu 5

Fil-każ tal-fondi li joriġinaw fl-Istati Membri għax-xiri bl-intervent tal-prodotti, l-ammont tat-taxxi imposti fuq l-imgħax li jrid jiġi iffinanzjat mit-Taqsima tal-Garanziji tal-FAEGG għandu jiġi kkalkolat billi jintuża metodu u rata ta’ imgħax uniformi għall-partijiet kollha tal-Komunità, li se jiġu stabbiliti skond il-proċedura mniżżla skond l-Artikolu 13 tar-REGOLAMENT (KEE) Nru 729/70. Ir-rata ta’ l-imgħax għandha tkun rappreżentattiva tar-rati ta’ l-imgħax attwalment imħallsa.

L-Artikolu 6

Il-ħidmiet materjali li joħorġu mill-ħażna u, fejn ikun xieraq, mill-proċessar tal-prodotti ta’ l-intervent għandhom jiġu ffinanzjati mit-Taqsima tal-Garanziji tal-FAEGG, permezz ta’ ammonti standard uniformi ġewwa l-Komunità kollha, li jridu jiġu stabbiliti skond il-proċedura pprovduta fl-Artikolu 13 tar-REGOLAMENT (KEE) Nru 729/70 u, fejn ikun meħtieġ, wara eżami tal-materja mill-kumitat ta’ ġestjoni interessat.

L-Artikolu 7

Fejn il-prodotti fil-kwistjoni jkunu għaddew minn deprezzament bħala riżultat tal-ħażna, l-effett finanzjarju ta’ dan għandu jiġi rreġistrat u meqjus fil-ħin tad-dħul fl-intervent. Għal dan il-għan, il-koeffiċjenti tad-deprezzament u l-prezzijiet li japplikaw għalihom għandhom jiġu stabbiliti skond il-proċedura stabbilita fl-Artikolu 26 tar-Regolament tal-Kunsill (KEE) Nru 2727/75 tad-29 ta’ Ottubru 1975 dwar l-organizazzjoni komuni tas-suq fiċ-ċereali [14], kif l-aħħar emendat mir-Regolament (KEE) Nru 1254/78 [15], jew, skond kif ikun il-każi, fl-Artikolu korrispondenti fir-Regolamenti l-oħra dwar l-organizazzjoni komuni tas-swieq ta’ l-agrikoltura, u fejn ikun hemm il-ħtieġa, wara eżami mill-Kumitat tal-FAEGG.

L-Artikolu 8

Fil-kontijiet annwali referiti fl-Artikolu 4 (1), il-kwantitajiet tal-prodotti fil-ħażna li jridu jitħallew għas-sena finanzjarja ta’ wara għandhom, bħala regola, jiġu vvalutati skond il-prezz tax-xiri. Għal dan il-għan, fuq il-bażi tal-prezzijiet tax-xiri imħallsa mill-aġenziji ta’ l-intervent matul perjodu taż-żmien ta’ riferiment u meta jitqies id-deprezzament referit fl-Artikolu 7, il-prezz li għandu jiġi applikat għall-kwantitajiet li jkunu sejrin jitħallew għas-sena fianzjarju ta’ wara għandhom ikunu stabbiliti għall-prodotti varji skond il-proċedura stabbilita fl-Artikolu 13 tar-Regolament (KEE) Nru 729/70.

Madanakollu, jekk, għal prodott mogħti, il-prezz stmat wara li jħalli l-intervent ikun sostanzjalment inqas mill-valur tal-ħażniet li jitħallew għas-sena ta’ wara kif stabbilit skond l-ewwel subparagrafu, tista’ tittieħed deċiżjoni għalbiex jinbidlu l-prezzijiet tax-xiri mħallsa mill-aġenziji ta’ l-intervent bi prezz ieħor. Il-prezz ta’ l-aħħar għandu jiġi iffissat skond il-proċedura stabbilita fl-Artikolu 13 tar-Regolament (KEE) Nru 729/70, u jekk ikun hemm il-ħtieġa wara eżami mill-kumitat maniġerjali interessat. Ma jistax ikun taħt il-medja tal-prezzijiet tax-xiri u l-prezzijiet miksuba mir-rimi tal-ħażniet ta’ l-intervent.

L-Artikolu 9

Fejn meħtieġ, għandhom jiġu adottati regoli ddettaljati li jimplimentaw dan ir-Regolament skond il-proċedura stabbilita fl-Artikolu 13 tar-Regolament (KEE) Nru 729/70.

L-Artikolu 10

Ir-Regolament (KEE) Nru 2824/72 huwa hawnhekk imħassar.

L-Artikolu 11

Dan ir-Regolament għandu jidħol fis-seħħ fil-jum ta’ wara li jiġi ippublikat fil-Ġurnal Uffiċjali tal-Komunitajiet Ewropej.

Għandu japplika għan-nefqa miġrura mill-1 ta’ Jannar 1978. Madankollu, l-Artikolu 7 għandu jibda japplika mill-1 ta’ Jannar 1979.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fil-Brussel, fit-2 ta’ Awissu 1978.

Għall-Kunsill

Il-President

K. von Dohnanyi

[1] ĠU L 94, tat-28.4.1970, p. 13.

[2] ĠU L 295, tat-30.12.1972, p. 1.

[3] ĠU C 131, tal-5.6.1978, p. 70.

[4] ĠU L 298, tal-31.12.1972, p. 5.

[5] ĠU L 105, tat-2.5.1969, p. 1.

[6] ĠU L 105, tat-2.5.1969, p. 4.

[7] ĠU L 105, tat-2.5.1969, p. 7.

[8] ĠU L 298, tas-27.11.1969, p. 1.

[9] ĠU L 249, tas-17.11.1970, p. 1.

[10] ĠU L 249, tas-17.11.1970, p. 4.

[11] ĠU L 175, ta’ l-4.8.1971, p. 1.

[12] ĠU L 35, tad-9.2.1972, p. 1.

[13] ĠU L 35, tad-9.2.1972, p. 3.

[14] ĠU L 281, ta’ l-1.11.1975, p. 1.

[15] ĠU L 156, ta’ l-14.6.1978, p. 1.

--------------------------------------------------

IL-MIŻURI

FL-ANNESS REFERITI

I. FL-ARTIKOLU 1

1. IĊ-ĊEREALI

2. Ix-xiri għall-ħażna u t-tranżazzjonijiet konsegwenti magħmula minn aġenzija ta' l-intervent skond l-Artikolu 7 (1), (2) u (3) tar-Regolament (KEE) Nru 2727/75.

3. Il-miżuri partikolari u speċjali ta' l-intervent ipprovduti fl-Artikolu 8 (1) u (2) tar-Regolament (KEE) Nru 2727/75.

4. Il-ħlasijiet imħollija għas-sena ta' wara pprovduti fl-Artikolu 9 tar-Regolament (KEE) Nru 2727/75.

5. L-għajnuna għall-produzzjoni għall-qamħ duru pprovduta fl-Artikolu 10 tar-Regolament (KEE) Nru 2727/75.

6. Ir-rifondi fuq il-produzzjoni pprovduti fl-Artikolu 11 tar-Regolament (KEE) Nru 2727/75.

II. Is-sussidji pprovduti fl-Artikolu 23 tar-Regolament (KEE) Nru 2727/75.

1. IR-ROSS

2. Ix-xiri għall-ħażna u t-tranżazzjonijiet konsegwenti magħmula minn aġenzija ta' l-intervent skond l-Artikolu 5 (1) u (2) tar-Regolament (KEE) Nru 1418/76.

3. Il-miżuri speċjali ta' intervent ipprovduti fl-Artikolu 6 tar-Regolament (KEE) Nru 1418/76.

4. Il-ħlasjiet imħollija għas-sena ta' wara pprovduti fl-Artikolu 8 tar-Regolament K(KE) Nru 1418/76.

III. Ir-rifondi għall-produzzjoni pprovduti fl-Artikolu 9 tar-Regolament (KEE) Nru 1418/76.

1. IL-ĦALIB U L-PRODOTTI MILL-ĦALIB

2. Ix-xiri tal-butir għall-ħażna u t-tranżazzjonijiet konsegwenti magħmula minn aġenzija ta' l-intervent skond l-Artikolu 6 (1) u l-ewwel sentenza ta' l-ewwel jew it-tieni subparagrafi ta' l-Artikolu 6 (3) tar-Regolament (KEE) Nru 804/68.

3. L-għajnuna għall-ħażna privata tal-butir u l-krema pprovduti fl-Artikolu 6 (2) tar-Regolament (KEE) Nru 804/68.

4. Il-miżuri speċjali għar-rimi tal-butir ipprovduti fit-tieni sentenza tat-tieni subparagrafu ta' l-Artikolu 6 (3) tar-Regolament (KEE) Nru 804/68.

5. Ix-xiri tat-trab tal-ħalib xkumat għall-ħażna u t-tranżazzjonijiet konsegwenti magħmula minn aġenzija ta' l-intervent skond l-Artikolu 7 (1) u (2) tar-Regolament (KEE) Nru 804/68.

6. L-għajnuniet għall-ħażna privata tat-trab tal-ħalib xkumat ipprovduti fl-Artikolu 7 (3) tar-Regolament (KEE) Nru 804/68.

7. Ix-xiri għall-ħażna tal-ġobon Grana Padano u Parmigiano Reggiano u t-tranżazzjonijiet konsegwenti magħmula minn aġenzija ta' l-intervent skond l-Artikolu 8 (1) u (2) tar-Regolament (KEE) Nru 804/68.

8. L-għajnuna għall-ħażna privata tal-ġobon Grana Padano u Parmigiano Reggiano pprovduti fl-Artikolu 8 (3) tar-Regolament (KEE) Nru 804/68.

9. Il-miżuri ta' intervent għall-ġobon li jżomm fit-tul ipprovduti fl-Artikolu 9 tar-Regolament (KEE) Nru 804/68.

10. L-għajnuna għall-ħalib xkumat u għat-trab tal-ħalib xkumat ipprovduta fl-Artikolu 10 (3) tar-Regolament (KE) Nru 804/68.

11. L-għajnuna għall-ħalib xkumat ipproċessat f'kaseina pprovduta fl-Artikolu 11 (3) tar-Regolament (KEE) Nru 804/68.

12. Il-miżuri li għandhom x'jaqsmu mat-tnaqqis ta' dak li jifdal żejjed mill-prodotti tal-ħalib ipprovduti fl-Artikolu 12 tar-Regolament (KEE) Nru 804/68.

13. Il-kontribuzzjoni Komunitàrja riferita fit-tieni subparagrafu ta' l-Artikolu 26 tar-Regolament (KEE) Nru 804/68, għalbiex jiġi pprovdut il-ħalib fl-iskejjel.

14. Il-miżuri li jirrigwardaw ix-xiri bilfors, għall-użu fl-għalf, tat-trab tal-ħalib xkumat miżmum mill-aġenziji ta' l-intervent, stabbiliti fir-Regolament (KEE) Nru 563/76.

15. Il-primjumijiet għalbiex ma jiġux mibjugħa fis-suq il-ħalib u l-prodotti mill-ħalib u l-primjumijiet għall-qalba tal-merħliet tal-ħalib għall-produzzjoni tal-laħam ipprovduti fl-Artikolu 1 tar-Regolament (KEE) Nru 1078/77 [1].

IV. L-imposta fuq il-ko-responsabbiltà u l-miżuri għalbiex jespandu s-swieq tal-prodotti mill-ħalib skond l-Artikoli 1 u 4 tar-Regolament (KEE) Nru 1079/77.

A. IŻ-ŻJUT U X-XAĦMIJIET

1. Iż-Żejt taż-Żebbuġa

2. L-għajnuna għall-produzzjoni pprovduta fl-Artikolu 10 (1) tar-Regolament Nru 136/66/KEE.

3. Ix-xiri għall-ħażna u t-tranżazzjonijiet konsegwenti magħmula minn aġenzija ta' l-intervent skond l-Artikolu 11 (1) u (3) tar-Regolament Nru 136/66/KEE.

4. Il-kuntratti għall-ħażniet ipprovduti fl-Artikolu 11 (2) tar-Regolament Nru 136/66/KEE.

5. Il-miżuri pprovduti fl-Artikolu 12 tar-Regolament Nru 136/66/KEE.

B. Ir-rifondi għall-produzzjoni taż-żejt taż-żebbuġa użat fil-priżervattivi kif ipprovdut fl-Artikolu 19 tar-Regolament Nru 136/66/KEE.

1. Iż-Żrieragħ tal-Kolza, tal-Lift u tal-Ġirasol

2. Ix-xiri għall-ħażna u t-tranżazzjonijiet konsegwenti magħmula minn aġenzija ta' l-intervent skond l-Artikolu 26 (1) tar-Regolament Nru 136/66/KEE.

3. L-għajnuna dwar iż-żrieragħ taż-żjut miġbura u pproċessati pprovduti fl-Artikolu 27 (1) tar-Regolament Nru 136/66/KEE.

4. Il-miżuri pprovduti fl-Artikolu 27 (2) tar-Regolament Nru 136/66/KEE.

5. L-għajnuna addizzjonali għaż-żrieragħ tal-kolza u tal-lift ipproċessati fl-Italja u deċiż dwarhom skond l-Artikolu 36 tar-Regolament Nru 136/66/KEE.

C. L-ammonti ddifferenzjati mogħtija jew intaxxati b'imposta fil-ħin tal-proċessar taż-żrieragħ tal-kolza u tal-lift, skond ir-Regolament (KEE) Nru 1569/72.

1. Żrieragħ Oħra taż-Żjut 1. Is-sussidji għaż-żerriegħa tal-qoton ipprovduti fl-Artikolu 1 tar-Regolament (KEE) Nru 1516/71.

2. L-għajnuna għall-produzzjoni taż-żerriegħa tas-sojja pprovduta fl-Artikolu 2 tar-Regolament (KEE) Nru 1900/74.

3. L-għajnuna għaż-żerriegħa tal-kittien ipprovduta fl-Artikolu 2 tar-Regolament (KEE) Nru 569/76.

V. IZ-ZOKKOR

1. L-ispejjeż tal-ħażna pprovduti fl-Artikolu 8 (1) tar-Regolament (KEE) Nru 3330/74.

2. Ix-xiri għall-ħażna u t-tranżazzjonijiet konsegwenti magħmula minn aġenzija ta' l-intervent skond l-Artikolu 9 (1), (11) u (44) tar-Regolament (KEE) Nru 3330/74.

3. Il-primjumijiet għall-iżnaturazzjoni pprovduti fl-Artikolu 9 (2) tar-Regolament (FKEE) Nru 3330/74.

4. Il-miżuri meħuda dwar iz-zokkor mid-dipartimenti Franċiżi lilhemm mill-baħar skond l-Artikolu 9 (3) tar-Regolament (KEE) Nru 3330/74.

5. Ir-rifondi għall-produzzjoni pprovduti fl-Artikolu 9 (4) tar-Regolament (KEE) Nru 3330/74.

6. Il-miżuri speċjali ta' intervent li jgħinu għalbiex jiggarantixxu l-provvisti pprovduti fl-Artikolu 10 tar-Regolament (KEE) Nru 3330/74.

7. Is-sussidji fuq l-importazzjoni pprovduti fl-Artikolu 17 (2) tar-Regolament (KEE) Nru 3330/74.

8. L-ammonti referiti fl-Artikolu 6 tar-Regolament (KEE) Nru 1488/76 intaxxati b'imposta fuq iz-zokkor mill-ħażna minima mibjugħa fis-suq għajr skond ir-regoli stabbiliti.

VI. IL-LAĦAM TAĊ-ĊANGA U TAL-VITELLA

1. L-għajnuna għall-ħażna privata pprovduta fl-Artikolu 5 (1) tar-Regolament (KEE) Nru 805/68.

2. Ix-xiri għall-ħażna u t-tranżazzjonijiet konsegwenti magħmula minn aġenzija ta' l-intervent skond l-Artikoli, 6 u 7 tar-Regolament (KEE) Nru 805/68.

3. Il-premjumijiet għat-twelid ta' l-għoġla pprovduti fl-Artikolu 4 tar-Regolament (KEE) Nru 464/75 u fl-Artikolu 1 tar-Regolamenti (KEE) Nru 620/76 u (KEE) Nru 871/77.

4. Il-premjumijiet għall-qatla ta' ċerti annimali bovini adulti pprovduti fl-Artikolu 1 tar-Regolament (KEE) Nru 870/77.

VII. IL-LAĦAM TAL-MAJJAL

1. L-għajnuna għall-ħażna privata pprovduta fl-ewwel inċiż ta' l-ewwel subparagrafu ta' l-Artikolu 3 tar-Regolament (KEE) Nru 2759/75.

2. Ix-xiri għall-ħażna u t-tranżazzjonijiet konsegwenti magħmula minn aġenzija ta' l-intervent skond l-Artikoli 3, 4, 5 u 6 tar-Regolament (KEE) Nru 2759/75.

3. L-għajnuna għal ħażna privata skond l-Artikolu 20 tar-Regolament (KEE) Nru 2759/75.

VIII. IL-FROTT U L-ĦXEJJEX TA' L-IKEL

1. Il-kumpens finazjarju mogħti lill-organizazzjonijiet tal-produtturi pprovdut fl-Artikolu 18 tar-Regolament (KEE) Nru 1035/72.

2. Ix-xiri għall-ħażna pprovdut fl-Artikolu 19 tar-Regolament (KEE) Nru 1035/72 meta s-suq Komunitàrju jkun fi stat gravi.

3. Il-miżuri li għandhom x'jaqsmu mal-marketing tal-prodotti rtirati mis-suq ipprovduti fl-Artikolu 21 (1) u (3) tar-Regolament (KEE) Nru 1035/72.

4. Il-kumpens mogħti lill-bdiewa skond l-Artikolu 21 (2) tar-Regolament (KEE) Nru 1035/72.

5. Il-kumpens finanzjarju iddisinjat għalbiex jippromwovi l-marketing tal-frott taċ-ċitru tal-Komunità pprovdut fl-Artikolu 8 tar-Regolament (KEE) Nru 2511/69.

6. Il-kumpens finazjarju innominat sabiex jinkoraġġixxi l-proċessar ta' ċerti varjetajiet ta' larinġ ipprovdut fl-Artikolu 3 tar-Regolament (KEE) Nru 2601/69.

7. L-għanjuna għall-produzzjoni ta' l-ananas ippriżervat fil-laned ipprovdut fl-Artikolu 1 tar-Regolament (KEE) Nru 525/77.

8. L-ammonti kumpensatorji li japplikaw f'ċertu kummerċ intra-Komunitàrju fil-konċentrati tat-tadam u fit-tadam imqaxxar ipprovduti fl-Artikolu 1 tar-Regolament (KEE) Nru 522/77.

9. Il-kumpens fianzjarju ddisinjat għalbiex jinkoraġġixxi l-marketing tal-prodotti pproċessati mil-lumi pprovdut fir-Regolament (KEE) Nru 1035/77.

IX. L-INBID

1. L-għajnuna għall-ħażna privata ta' l-inbejjed tal-mejda u l-mostu tal-għeneb ipprovduta fl-Artikoli 5, 5a u 6 tar-Regolament (KEE) Nru 816/70.

2. L-għajnuna għall-ħażna mill-ġdid ta' l-inbejjed tal-mejda pprovduta fl-Artikolu 6a tar-Regolament (KEE) Nru 816/70.

3. L-għajnuna għall-ħażna privata addizzjonali pprovduta fl-ewwel inċiż tal-paragrafu 2 ta' l-Artikolu 6ċ tar-Regolament (KEE) Nru 816/70.

4. Id-distillazzjoni ta' l-inbejjed ipprovduta fl-Artikoli 6b, 6c, it-tieni inċiż tal-paragrafu 2, u 6d, u fl-Artikoli 7, 24a u 24b tar-Regolament (KEE) Nru 816/70.

5. Il-miżuri ta' intervent meħuda għal prodotti oħra għajr l-inbejjed tal-mejda pprovduti fl-Artikolu 33 tar-Regolament (KEE) Nru 816/70.

6. Id-distillazzjoni speċjali ta' l-inbejjed tal-mejda pprovduta fl-Artikolu 33a tar-Regolament (KEE) Nru 816/70.

7. Id-derogi rigward id-diżastri naturali pprovduti fl-Artikolu 38 tar-Regolament (KEE) Nru 816/70.

8. L-għajnuna għall-prodotti simili għall-prodott ta' l-inbid esportat bl-isem ta' "sherry ta' Ċipru" pprovduta fl-Artikolu 4 tar-Regolament (KEE) Nru 3576/73.

X. IT-TABAKK MHUX MAĦDUM

1. Il-primjumijiet ipprovduti fl-Artikoli 3 u 4 tar-Regolament (KEE) Nru 727/70.

2. Ix-xiri għall-ħażna u t-tranżazzjonijiet konsegwenti magħmula minn aġenzija ta' l-intervent skond l-Artikoli 5, 6 u 7 tar-Regolament (KEE) Nru 727/70.

3. L-għajnuna speċjali għal kull ettaru ta' tabakk tal-varjeta Beneventano, ipprovduta fl-Artikolu 4 tar-Regolament (KEE) Nru 339/77.

XI. IL-PRODOTTI MIS-SAJD

1. Il-kumpens finanzjarju lill-organizazzjonijiet tal-produtturi pprovdut fl-Artikolu 11 tar-Regolament (KEE) Nru 100/76.

2. Ix-xiri għall-ħażna tas-sardin u l-inċova pprovdut fl-Artikolu 12 tar-Regolament (KEE) Nru 100/76.

3. L-għajnuna għall-ħażna privata pprovduta fl-Artikolu 15 tar-Regolament (KEE) Nru 100/76.

4. Il-kumpens lill-organizazzjonijiet tal-produtturi tat-tonn ipprovdut fl-Artikolu 16 tar-Regolament (KEE) Nru 100/76.

5. It-tqassim bla ħlas ta' l-oġġetti irtirati mis-suq jew mixtrija skond l-Artikoli 11 u 12 rispettivament tar-Regolament (KEE) Nru 100/76.

XII. SETTURI U MIŻURI OĦRA

A. Il-Fibri tal-Kittien u tal-Qanneb

1. L-għajnuna pprovduta fl-Artikolu 4 tar-Regolament (KEE) Nru 1308/70.

2. L-għajnuna għall-ħażna privata pprovduta fl-Artikolu 5 tar-Regolament (KEE) Nru 1308/70.

B. Iż-Żrieragħ

L-għajnuna għall-produzzjoni pprovduta fl-Artikolu 3 tar-Regolament (KEE) Nru 2358/71.

C. Il-Ħopp (Hops)

L-għajnuna għall-produzzjoni pprovduta fl-Artikolu 12 tar-Regolament (KEE) Nru 1696/71.

D. Id-Dud tal-Ħarir

1. L-għajnuna għat-tkabbir tad-dudu tal-ħarir ipprovduta fl-Artikolu 2 tar-Regolament (KEE) Nru 845/72.

2. L-għajnuna supplementari pprovduta fl-Artikolu 1 tar-Regolament (KEE) Nru 867/77.

E. IL-Għalf Iddeidrat

L-għajnuna għall-produzzjoni tal-għalf iddeidrat ipprovduta fl-Artikolu 3 tar-Regolament (KEE) Nru 1067/74.

F. Il-Proteini

L-għajnuna għall-ħażna privata temporanja għall-ċerti prodotti tal-proteina pprovduta fl-Artikolu 1 tar-Regolament (KEE) Nru 1531/76.

XIII. DISPOŻIZZJONIJIET KOMUNI GĦAL SETTURI DIVERSI

1. L-ammonti tal-kumpens monetarju intaxxati b'imposta u konċessi fil-kummerċ bejn l-Istati Membri skond ir-Regolament (KEE) Nru 974/71.

2. L-ammonti ta' kumpens għall-adeżjoni konċessi fil-kummerċ bejn l-Istati Membri skond l-Artikoli 47 u 55 ta' l-Att dwar l-Adeżjoni.

[1] Finanzjament tal-FAEGG: 60 % mit-Taqsima tal-Garanziji u 40 % mit-Taqsima tal-Gwida.

--------------------------------------------------