1.   Wara d-deċiżjoni tal-Unjoni li tistieden lill-Iżvizzera tieħu sehem f’operazzjoni tal-UE għall-immaniġġar ta’ kriżijiet, l-Iżvizzera għandha, fl-implimentazzjoni ta’ dan il-Ftehim, tikkomunika d-deċiżjoni tal-awtorità kompetenti tagħha rigward il-parteċipazzjoni tagħha, inkluż il-kontribuzzjoni proposta tagħha, lill-Unjoni.

2.   L-Unjoni għandha tipprovdi lill-Iżvizzera b’indikazzjoni bikrija tal-kontribuzzjoni probabbli għall-kostijiet komuni tal-operazzjoni mill-aktar fis bil-ħsieb li tgħin lill-Iżvizzera fil-formulazzjoni tal-offerta tagħha.

3.   Il-valutazzjoni mill-Unjoni tal-kontribuzzjoni proposta mill-Iżvizzera għandha ssir b’konsultazzjoni mal-Iżvizzera.

4.   L-Unjoni għandha tikkomunika bil-miktub lill-Iżvizzera l-eżitu tal-valutazzjoni u tad-deċiżjoni tagħha dwar il-kontribuzzjoni proposta mill-Iżvizzera, bil-ħsieb li tiżgura l-parteċipazzjoni tal-Iżvizzera, f’konformità ma’ dan il-Ftehim.

5.   Il-kontribuzzjoni proposta mill-Iżvizzera skont il-paragrafu 1 ta’ dan l-Artikolu, u l-aċċettazzjoni tagħha mill-Unjoni skont il-paragrafu 4 ta’ dan l-Artikolu, għandhom jikkostitwixxu l-bażi għall-applikazzjoni ta’ dan il-Ftehim għal kull operazzjoni speċifika għall-immaniġġar ta’ kriżijiet.

6.   L-Iżvizzera tista’, fuq inizjattiva tagħha stess jew fuq talba tal-Unjoni, u wara konsultazzjonijiet bejn il-Partijiet, tirtira kompletament jew parzjalment, fi kwalunkwe ħin, mill-parteċipazzjoni f’operazzjoni tal-UE għall-immaniġġar ta’ kriżijiet.

7.   Wara deċiżjoni li tirtira skont il-paragrafu 6 ta’ dan l-Artikolu, l-Iżvizzera tista’ tneħħi l-kontribut kollu tagħha għall-operazzjoni rilevanti tal-UE għall-immaniġġar ta’ kriżijiet minn dik l-operazzjoni mingħajr dewmien. F’każ bħal dan, l-Iżvizzera għandha tiżgura rtirar strutturat, f’koordinazzjoni mal-Kap tal-Missjoni tal-UE jew il-Kmandant ta’ Operazzjoni tal-UE.

1.   L-Iżvizzera għandha tassoċja ruħha mad-Deċiżjoni rilevanti li biha l-Kunsill jiddeċiedi li l-Unjoni ser twettaq operazzjoni għall-immaniġġar ta’ kriżijiet, u ma’ kwalunkwe Deċiżjoni oħra li biha l-Kunsill jiddeċiedi li jestendi operazzjoni għall-immaniġġar ta’ kriżijiet, f’konformità ma’ dan il-Ftehim u kwalunkwe arranġament ta’ implimentazzjoni meħtieġ.

2.   Il-kontribut tal-Iżvizzera għal operazzjoni tal-UE għall-immaniġġar ta’ kriżijiet għandha tkun mingħajr preġudizzju għall-awtonomija tat-teħid ta’ deċiżjonijiet tal-Unjoni.

1.   L-istatus tal-persunal issekondat għal operazzjoni ċivili tal-UE għall-immaniġġar ta’ kriżijiet u l-istatus tal-persunal u tal-forzi kkontribwiti mill-Iżvizzera lil operazzjoni militari tal-UE għall-immaniġġar ta’ kriżijiet għandu jkun irregolat mill-ftehim rilevanti dwar l-istatus tal-forzi jew il-ftehim rilevanti dwar l-istatus tal-missjoni, jekk dan il-ftehim jiġi konkluż, jew minn kwalunkwe arranġament ieħor bejn l-Unjoni u l-Istat jew l-Istati li fih(om) titwettaq l-operazzjoni. L-Iżvizzera għandha tiġi infurmata b’dan.

2.   L-istatus tal-persunal ikkontribwit lill-kwartieri ġenerali jew lil elementi ta’ kmand barra l-Istat jew l-Istati li fih(om) titwettaq l-operazzjoni tal-UE għall-immaniġġar ta’ kriżijiet għandu jiġi rregolat minn arranġamenti bejn il-kwartieri ġenerali u l-elementi ta’ kmand ikkonċernati u l-awtoritajiet kompetenti tal-Iżvizzera.

3.   Mingħajr preġudizzju għall-ftehim dwar l-istatus tal-forzi jew il-ftehim dwar l-istatus tal-missjoni msemmi fil-paragrafu 1 ta’ dan l-Artikolu, l-Iżvizzera għandha teżerċita l-ġuriżdizzjoni fuq il-persunal tagħha li jipparteċipa fl-operazzjoni tal-UE għall-immaniġġar ta’ kriżijiet. Meta l-forzi tal-Iżvizzera joperaw abbord bastiment jew inġenju tal-ajru ta’ Stat Membru tal-Unjoni, il-ġuriżdizzjoni ta’ dak l-Istat Membru għandha tkun f’konformità ma’ ftehimiet eżistenti jew futuri, il-liġijiet u r-regolamenti tiegħu u d-dritt internazzjonali.

4.   L-Iżvizzera għandha tkun responsabbli biex tirrispondi għal kwalunkwe pretensjoni marbuta mal-parteċipazzjoni tagħha f’operazzjoni tal-UE għall-immaniġġar ta’ kriżijiet li tiġi minn jew li tikkonċerna xi membru tal-persunal tagħha u għandha tkun responsabbli biex tressaq kwalunkwe azzjoni, b’mod partikolari azzjoni legali jew dixxiplinarja, kontra kwalunkwe membru tal-persunal tagħha f’konformità mal-liġijiet u r-regolamenti tagħha.

5.   Il-Partijiet jaqblu li jirrinunzjaw il-pretensjonijiet kollha, ħlief dawk kuntrattwali, kontra xulxin għal dannu, telf ta’ jew distruzzjoni ta’ assi ta’ proprjetà ta’, jew operati minn, Parti jew oħra, jew għal korriment jew mewt ta’ persunal ta’ Parti jew oħra, li jirriżultaw mit-twettiq tad-doveri uffiċjali tagħhom konnessi mal-attivitajiet skont dan il-Ftehim, ħlief fil-każ ta’ negliġenza serja jew imġiba ħażina volontarja.

6.   L-Iżvizzera tintrabat li tagħmel dikjarazzjoni fir-rigward tar-rinunzja tal-pretensjonijiet kontra kwalunkwe Stat li jipparteċipa f’operazzjoni tal-UE għall-immaniġġar ta’ kriżijiet li fiha tipparteċipa l-Iżvizzera, u li tagħmel dan fil-mument tal-iffirmar ta’ dan il-Ftehim.

7.   L-Unjoni tintrabat li tiżgura li l-Istati Membri tagħha jagħmlu dikjarazzjoni fir-rigward tar-rinunzja ta’ kwalunkwe parteċipazzjoni futura tal-Iżvizzera f’operazzjoni tal-UE għall-immaniġġar ta’ kriżijiet, u jagħmlu fil-mument tal-iffirmar ta’ dan il-Ftehim.

1.   L-Iżvizzera għandha:

2.   Il-persunal issekondat mill-Iżvizzera għal operazzjoni ċivili tal-UE għall-immaniġġar ta’ kriżijiet għandu jagħmel eżami mediku, ikun imlaqqam (skont il-bżonn) u jkun iċċertifikat medikament b’saħħtu biex iwettaq dmirijietu mill-awtorità kompetenti tal-Iżvizzera, u jipproduċi kopja ta’ dik iċ-ċertifikazzjoni.

3.   Il-persunal issekondat mill-Iżvizzera għandu jwettaq dmirijietu u jġib ruħu bil-ħsieb biss tal-interessi tal-operazzjoni ċivili tal-UE għall-immaniġġar ta’ kriżijiet, filwaqt li josserva l-ogħla standards ta’ mġiba stipulati fil-politiki applikabbli għal operazzjonijiet ċivili tal-UE għall-immaniġġar ta’ kriżijiet.

1.   Il-persunal kollu parteċipanti f’operazzjoni ċivili tal-UE għall-immaniġġar ta’ kriżijiet għandu jibqa’ taħt il-kmand sħiħ tal-awtoritajiet nazzjonali tiegħu.

2.   L-awtoritajiet nazzjonali għandhom jittrasferixxu l-kontroll operazzjonali lill-Kmandant ta’ Operazzjoni Ċivili tal-UE.

3.   Il-Kmandant ta’ Operazzjoni Ċivili tal-UE għandu jerfa’ r-responsabbiltà u jeżerċita l-kmand u l-kontroll tal-operazzjoni ċivili tal-UE għall-immaniġġar ta’ kriżijiet fil-livell strateġiku.

4.   Il-Kap tal-Missjoni tal-UE għandu jerfa’ r-responsabbiltà u jeżerċita l-kmand u l-kontroll tal-operazzjoni ċivili tal-UE għall-immaniġġar ta’ kriżijiet fuq il-post u jassumi l-immaniġġar ta’ kuljum tagħha.

5.   L-Iżvizzera għandu jkollha l-istess drittijiet u obbligi f’termini tal-immaniġġar ta’ kuljum tal-operazzjoni bħall-Istati Membri tal-Unjoni li jkunu qed jieħdu sehem fl-operazzjoni, f’konformità mal-istrumenti legali msemmija fl-Artikolu 2(1).

6.   Il-Kap tal-Missjoni tal-UE għandu jkun responsabbli għall-kontroll dixxiplinarju tal-persunal tal-operazzjoni ċivili tal-UE għall-immaniġġar ta’ kriżijiet. Fejn meħtieġ, għandha tittieħed azzjoni dixxiplinarja mill-awtorità nazzjonali kkonċernata.

7.   Għandu jinħatar Punt ta’ Kuntatt tal-Kontinġent Nazzjonali (“PKN”) mill-Iżvizzera biex jirrappreżenta l-kontinġent nazzjonali tagħha fl-operazzjoni ċivili tal-UE għall-immaniġġar ta’ kriżijiet. Il-PKN għandu jirrapporta lill-Kap tal-Missjoni tal-UE dwar kwistjonijiet nazzjonali u għandu jkun responsabbli mid-dixxiplina ta’ kuljum tal-kontinġent tal-Iżvizzera.

8.   Id-deċiżjoni li tintemm l-operazzjoni ċivili tal-UE għall-immaniġġar ta’ kriżijiet għandha tittieħed mill-Unjoni, wara konsultazzjoni mal-Iżvizzera jekk f’dik id-data din tkun għadha qed tikkontribwixxi għal dik l-operazzjoni.

1.   Mingħajr preġudizzju għall-Artikolu 8, l-Iżvizzera għandha ġġarrab l-kostijiet kollha assoċjati mal-parteċipazzjoni tagħha f’operazzjoni ċivili tal-UE għall-immaniġġar ta’ kriżijiet minbarra l-kostijiet operazzjonali, kif stipulat fil-baġit operazzjonali tal-operazzjoni.

2.   F’każ ta’ mewt, korriment ta’, telf ta’ jew dannu lil persuni fiżiċi jew ġuridiċi mill-Istat jew Stati li fihom titwettaq l-operazzjoni ċivili tal-UE għall-immaniġġar ta’ kriżijiet, il-kwistjonijiet ta’ responsabbiltà u ta’ kumpens possibbli mill-Iżvizzera għandhom jiġu rregolati mill-kundizzjonijiet stabbiliti fil-ftehim applikabbli dwar l-istatus tal-missjoni msemmi fl-Artikolu 3(1) jew fi kwalunkwe dispożizzjoni alternattiva applikabbli.

1.   Soġġett għall-paragrafu 4 u minkejja l-Artikolu 1(5), l-Iżvizzera għandha tikkontribwixxi għall-finanzjament tal-baġit operazzjonali tal-operazzjoni ċivili tal-UE għall-immaniġġar ta’ kriżijiet ikkonċernata.

2.   Il-kontribuzzjoni msemmija fil-paragrafu 1 ta’ dan l-Artikolu għandha tiġi kkalkolata abbażi ta’ waħda miż-żewġ formuli li ġejjin, skont liema tipproduċi l-ammont aktar baxx:

3.   Minkejja l-paragrafi 1 u 2 ta’ dan l-Artikolu, l-Iżvizzera ma għandha tagħmel l-ebda kontribuzzjoni għall-finanzjament ta’ għotjiet per diem imħallsa lill-persunal tal-Istati Membri tal-Unjoni.

4.   Minkejja l-paragrafu 1 ta’ dan l-Artikolu, l-Unjoni għandha, fil-prinċipju, teżenta lill-Iżvizzera minn kontribuzzjonijiet finanzjarji għal operazzjoni ċivili partikolari tal-UE għall-immaniġġar ta’ kriżijiet fejn l-Unjoni tqis li l-Iżvizzera tipprovdi kontribuzzjoni sinifikanti li huwa essenzjali għal dik l-operazzjoni.

5.   Soġġett għall-paragrafu 1 ta’ dan l-Artikolu, kwalunkwe arranġament rigward il-pagament tal-kontribuzzjonijiet tal-Iżvizzera għall-baġit operazzjonali ta’ operazzjoni ċivili tal-UE għall-immaniġġar ta’ kriżijiet għandu jsir bejn l-awtoritajiet kompetenti tal-Partijiet u għandu, fost l-oħrajn, jinkludi dispożizzjonijiet dwar:

1.   L-Iżvizzera għandha:

2.   Il-persunal issekondat mill-Iżvizzera għandu jwettaq dmirijietu u jġib ruħu bil-ħsieb biss tal-interessi tal-operazzjoni militari tal-UE għall-immaniġġar ta’ kriżijiet, filwaqt li josserva l-ogħla standards ta’ mġiba stipulati fil-politiki applikabbli għal operazzjonijiet militari tal-UE għall-immaniġġar ta’ kriżijiet.

1.   Il-forzi u l-persunal kollha li jipparteċipaw f’operazzjoni militari tal-UE għall-immaniġġar ta’ kriżijiet għandhom jibqgħu taħt il-kmand sħiħ tal-awtoritajiet nazzjonali tagħhom.

2.   L-awtoritajiet nazzjonali għandhom jittrasferixxu l-kmand operazzjonali u tattiku u/jew il-kontroll tal-forzi u tal-persunal tagħhom lill-Kmandant ta’ Operazzjoni tal-UE, li huwa intitolat li jiddelega l-awtorità tiegħu.

3.   L-Iżvizzera għandu jkollha l-istess drittijiet u obbligi f’termini tal-immaniġġar ta’ kuljum tal-operazzjoni militari tal-UE għall-immaniġġar ta’ kriżijiet bħall-Istati Membri tal-Unjoni li jieħdu sehem fl-operazzjoni, f’konformità mal-istrumenti legali msemmija fl-Artikolu 2(1).

4.   Il-Kmandant ta’ Operazzjoni tal-UE jista’, wara konsultazzjonijiet mal-Iżvizzera, fi kwalunkwe ħin jitlob l-irtirar tal-kontribut mill-Iżvizzera.

5.   Għandu jinħatar Rappreżentant Militari Għoli (“SMR”) mill-Iżvizzera sabiex jirrappreżenta l-kontinġent nazzjonali tagħha fl-operazzjoni militari tal-UE ta’ għall-immaniġġar ta’ kriżijiet. L-SMR għandu jikkonsulta mal-Kmandant tal-Forzi tal-UE dwar il-kwistjonijiet kollha li jaffettwaw l-operazzjoni, u għandu jkun responsabbli għad-dixxiplina ta’ kuljum tal-kontinġent tal-Iżvizzera.

1.   Mingħajr preġudizzju għall-Artikolu 12 ta’ dan il-Ftehim, l-Iżvizzera għandha ġġarrab l-kostijiet kollha assoċjati mal-parteċipazzjoni tagħha fl-operazzjoni militari tal-UE għall-immaniġġar ta’ kriżijiet sakemm l-kostijiet ma jkunux soġġetti għal finanzjament komuni kif previst fl-istrumenti legali msemmija fl-Artikolu 2(1) ta’ dan il-Ftehim, kif ukoll fid-Deċiżjoni tal-Kunsill 2021/509 (2).

2.   F’każ ta’ mewt, korriment, telf jew dannu lil persuni fiżiċi jew ġuridiċi mill-Istat(i) li fih(om) titwettaq l-operazzjoni ċivili tal-UE għall-immaniġġar ta’ kriżijiet, il-kwistjonijiet ta’ responsabbiltà u kumpens possibbli mill-Iżvizzera għandhom jiġu rregolati mill-kundizzjonijiet stipulati fil-ftehim applikabbli dwar l-istatus tal-forzi msemmi fl-Artikolu 3(1) jew fi kwalunkwe dispożizzjoni alternattiva applikabbli.

1.   Soġġett għall-paragrafu 3 ta’ dan l-Artikolu u minkejja l-Artikolu 1(5), l-Iżvizzera għandha tikkontribwixxi għall-finanzjament tal-kostijiet komuni tal-operazzjoni ċivili tal-UE għall-immaniġġar ta’ kriżijiet ikkonċernata.

2.   Il-kontribuzzjoni msemmija fil-paragrafu 1 ta’ dan l-Artikolu għandha tiġi kkalkolata abbażi ta’ waħda miż-żewġ formuli li ġejjin, skont liema tipproduċi l-ammont aktar baxx:

Fejn tintuża l-formula taħt il-punt (b) ta’ dan il-paragrafu, u l-Iżvizzera tikkontribwixxi persunal għall-Kwartieri Ġenerali tal-Operazzjoni jew tal-Forza biss, il-proporzjon li jintuża għandu jkun dak tal-persunal tagħha mill-għadd totali tal-persunal tal-kwartieri ġenerali rispettivi. F’każijiet oħra, il-proporzjon għandu jkun dak tal-persunal kollu kkontribwit mill-Iżvizzera mit-total tal-persunal tal-operazzjoni.

3.   Minkejja l-paragrafu 1 ta’ dan l-Artikolu, l-Unjoni għandha, fil-prinċipju, teżenta lill-Iżvizzera minn kontribuzzjonijiet finanzjarji għal operazzjoni militari partikolari tal-UE għall-immaniġġar ta’ kriżijiet fejn l-Unjoni tqis li l-Iżvizzera tipprovdi kontribuzzjoni sinifikanti li hija essenzjali għal din l-operazzjoni.

4.   Soġġett għall-paragrafu 1 ta’ dan l-Artikolu, kwalunkwe arranġamenti għall-pagament tal-kontribuzzjonijiet tal-Iżvizzera għall-kostijiet komuni għandhom isiru bejn l-awtoritajiet kompetenti tal-Partijiet u għandhom, fost l-oħrajn, jinkludu dispożizzjonijiet dwar:

1.   Dan il-Ftehim għandu jidħol fis-seħħ fl-ewwel jum tax-xahar wara x-xahar li fih l-Partijiet ikunu nnotifikaw lil xulxin bit-tlestija tal-proċeduri legali interni meħtieġa għad-dħul fis-seħħ ta’ dan il-Ftehim.

2.   Dan il-Ftehim għandu jiġi rivedut fuq it-talba ta’ kwalunkwe Parti.

3.   Dan il-Ftehim jista’ jiġi emendat abbażi ta’ ftehim bil-miktub bejn il-Partijiet. L-emendi għandhom jidħlu fis-seħħ f’konformità mal-proċedura stipulata fil-paragrafu 1 ta’ dan l-Artikolu.

4.   Dan il-Ftehim jista’ jiġi terminat minn kwalunkwe Parti b’notifika bil-miktub ta’ terminazzjoni mogħtija lill-Parti l-oħra. Tali terminazzjoni għandha ssir effettiva sitt xhur wara li l-Parti l-oħra tirċievi n-notifika.