(a)

Iċ-ċittadini tal-Istati li ġejjin mhumiex ser jiġu kkonsenjati minn dak l-Istat:

il-Ġermanja, il-Greċja, Franza, il-Kroazja, il-Latvja, is-Slovenja, is-Slovakkja il-Finlandja, l-Iżvezja.

Barra minn hekk, Franza mhijiex ser tikkonsenja persuna li kienet ċittadin Franċiż meta twettaq l-att.

(b)

L-Istati li ġejjin jissubordinaw il-konsenja taċ-ċittadini tagħhom għal ċerti kundizzjonijiet:

Ir-Repubblika Ċeka u l-Awstrija mhumiex ser jikkonsenjaw ċittadin tagħhom sakemm il-persuna rikjesta ma tagħtix il-kunsens għall-konsenja.

L-Estonja: L-Estonja tikkonsenja liċ-ċittadini tagħha biss taħt ċerti kundizzjonijiet. L-Estonja mhux ser tikkonsenja ċittadini Estonjani għall-eżekuzzjoni ta’ priġunerija jekk il-persuna applikat għall-infurzar tal-piena fl-Estonja. L-Estonja ser tikkonsenja ċ-ċittadini tagħha li jirrisjedu b’mod permanenti fl-Estonja għat-tul tal-proċedimenti kriminali biss bil-kundizzjoni li l-piena imposta fuq persuna fir-Renju Unit tiġi infurzata fl-Estonja.

Ċipru: Il-konsenja ta’ ċittadini tar-Repubblika ta’ Ċipru ser tkun awtorizzata biss abbażi ta’ reċiproċità.

Il-Lussemburgu: Il-konsenja taċ-ċittadini tiegħu ser jiġi awtorizzata:

In-Netherlands  (1): Il-konsenja b’segwitu għal mandat ta’ arrest għall-fini ta’ prosekuzzjoni mhijiex awtorizzata fil-każ ta’ talba għall-konsenja ta’ ċittadin Netherlandiż. Iċ-ċittadini tan-Netherlands jistgħu jiġu kkonsenjati għall-fini ta’ twettiq ta’ prosekuzzjoni kriminali dment li l-Istat rikjedenti joħroġ garanzija li l-persuna mfittxija, f’konformità mal-Konvenzjoni dwar it-Trasferiment ta’ Persuni Kkundannati, konkluża fil-21 ta’ Marzu 1983 fi Strażburgu, tiġi ttrasferita lura lin-Netherlands sabiex tiskonta s-sentenza tagħha hemmhekk wara li tiġi segwita l-proċedura msemmija fl-Artikolu 11 tal-Konvenzjoni, jekk piena ta’ kustodja jew ordni ta’ detenzjoni mhux sospiża tingħata fil-konfront tagħha wara l-konsenja.

Il-Polonja: Mit-3 ta’ Awwissu 2023, ċittadin Pollakk jista’ jiġi kkonsenjat lir-Renju Unit tal-Gran Brittanja u l-Irlanda ta’ Fuq abbażi ta’ mandat ta’ arrest imsemmi fil-Ftehim dwar il-Kummerċ u l-Kooperazzjoni, dment li l-att imsemmi fil-mandat ta’ arrest ikun twettaq barra mit-territorju tar-Repubblika tal-Polonja u mhux fuq vapur jew inġenju tal-ajru Pollakk u dan l-att jikkostitwixxi reat skont il-liġi fis-seħħ fir-Repubblika tal-Polonja jew kien jikkostitwixxi reat skont il-liġi fis-seħħ fir-Repubblika tal-Polonja li kieku twettaq fit-territorju tar-Repubblika tal-Polonja, it-tnejn li huma fil-mument meta twettaq u fil-mument meta jimtela’ l-mandat ta’ arrest. Il-konsenja ta’ ċittadin Pollakk mhux ser tkun awtorizzata jekk il-mandat ta’ arrest ikun inħareġ kontra persuna li tkun suspettata li wettqet reat għal raġunijiet politiċi iżda mingħajr l-użu tal-forza jew jekk l-eżekuzzjoni tal-mandat ta’ arrest tikser id-drittijiet u l-libertajiet tal-persuni u taċ-ċittadini.

(c)

L-Unjoni Ewropea tinnotifika li l-Istati Membri li ġejjin indikaw li mhumiex biħsiebhom jagħmlu notifika skont l-ewwel sentenza tal-Artikolu 603(2) TCA (2).

Il-Belġju, id-Danimarka, l-Irlanda, l-Italja, Malta

(d)

L-Istati li ġejjin immodifikaw in-notifiki tagħhom jew żiedu waħda ġdida:

Il-Bulgarija ma għandhiex l-intenzjoni li ġġedded in-notifika tagħha skont l-Artikolu 603(2) TCA.

L-Ungerija: L-Ungerija ġġedded in-notifika eżistenti tagħha li skont l-Artikolu 603(2) TCA, meta persuna li tkun is-suġġett ta’ mandat ta’ arrest għall-finijiet ta’ prosekuzzjoni tkun ċittadin u resident tal-Ungerija, il-persuna rikjesta għandha tiġi kkonsenjata biss jekk l-awtorità ġudizzjarja emittenti tagħti garanzija adegwata li jekk tiġi imposta piena ta’ kustodja jew ordni ta’ detenzjoni finali, il-persuna rikjesta, fuq talba tagħha, tiġi rritornata lill-Ungerija biex tiskonta l-piena ta’ kustodja jew l-ordni ta’ detenzjoni mogħtija fil-konfront tagħha fl-Istat emittenti. L-Ungerija żżid man-notifika mġedda tagħha li meta persuna li tkun is-suġġett ta’ mandat ta’ arrest għall-finijiet tal-eżekuzzjoni ta’ piena ta’ priġunerija tkun ċittadina u residenti fl-Ungerija, il-persuna rikjesta għandha tiġi kkonsenjata biss jekk hija tagħti l-kunsens tagħha għall-konsenja.

Il-Litwanja: Il-konsenja ta’ ċittadini tar-Repubblika tal-Litwanja ser tkun awtorizzata abbażi ta’ reċiproċità. Jekk mandat ta’ arrest jinħareġ għall-finijiet ta’ prosekuzzjoni kriminali, ċittadin tar-Repubblika tal-Litwanja għandu jiġi kkonsenjat bil-kundizzjoni li wara li l-qorti tagħti sentenza fil-pajjiż li joħroġ il-mandat ta’ arrest, il-persuna tiġi ttrasferita lir-Repubblika tal-Litwanja biex tiskonta l-piena ta’ kustodja, jekk il-persuna kkonċernata titlob dan.

Il-Portugall: Il-Portugall jikkonsenja ċ-ċittadini tiegħu biss abbażi ta’ reċiproċità u għall-finijiet tat-twettiq ta’ prosekuzzjoni kriminali, u dment li r-Renju Unit jagħti assigurazzjonijiet li, wara li tkun instemgħet il-persuna rikjesta, huwa ser jirritornaha lill-Portugall biex tiskonta hemmhekk is-sentenza ta’ kustodja jew l-ordni ta’ detenzjoni mogħtija kontriha fir-Renju Unit.

Ir-Rumanija: Il-konsenja ta’ ċittadini għall-fini ta’ investigazzjoni/prosekuzzjoni għandha titwettaq bil-kundizzjoni li, jekk tingħata piena ta’ kustodja, il-persuna konsenjata għandha tiġi ttrasferita lura lir-Rumanija. Meta l-mandat ta’ arrest ikun inħareġ għall-fini ta’ infurzar ta’ piena ta’ kustodja jew miżura li tinvolvi ċaħda tal-libertà, il-konsenja ser tiġi rrifjutata jekk il-persuna rikjesta tkun ċittadin Rumen u tiddikjara li tirrifjuta li teżegwixxi l-piena fl-Istat emittenti. F’dan il-każ, is-sentenza tista’ tiġi rikonoxxuta fir-Rumanija.

Spanja: Il-konsenja taċ-ċittadini ser tkun awtorizzata biss abbażi ta’ reċiproċità.